eathardandplayhard's Profile

🥢砂窩雲吞雞刀削麵+ 溏心醉蛋呢度除咗米線外，仲可以米粉、粉絲、刀削麵、白飯、銀針粉、賴粉同大光麵，選擇都幾多！用砂窩裝住米線，一路食都保持到溫度唔會好快凍。湯底用咗金華火腿熬製，飲落有鹹鮮味。雲吞皮薄但就細粒咗啲，雞肉夠大件，刀削麵食落幾煙韌。🥢砂窩醉藥雞米線呢個係餐廳招牌，湯底非常深色，材料有淮山、杞子、紅棗、薑，飲落幾夠酒味同紅棗甜味，而且食得出淮山同薑都煲到好腍同入味，飲完都無口渴。🥃小醉三鮮有蝦、花螺、鮑魚，肉質仲保持到彈牙，花螺仲食到海鮮味，試咗一啖酒，飲得出有落到桂花，幾清甜，呢個加$10就食到，好抵食！！🥃醉乳鴿我哋叫咗一隻，上枱時成隻乳鴿擺得幾靚，而且大多都起哂骨，食落啖啖肉方便進食。乳鴿肉吸收咗酒味，食落幾香。📍 醉藥雞 (啟志樓) (荃灣)荃灣路德圍8號啟志樓地舖…Read More

今次收工同朋友去咗尖沙咀食泰國菜，特登揀呢間係因為見到啲cocktail 款式好特別，再加上又望到維港景，同朋友傾計啱哂😆今次安排坐係bar枱位，調酒師好貼心問我哋想飲乜嘢口味嘅cocktail之後再推薦俾我哋👍🏻👍🏻Every Day Feels Like A Monday 呢杯藍色嘅cocktail顏色好靚，飲落帶點甜又好fresh I Need To Keep Fit呢杯飲落就比較creamy ，雖然個名叫需要keep fit 但會係杯上附上馬卡龍😆😆Kaboom Sharing Platter 呢個拼盤有5款小食，包括有豬肉串、單骨炸雞翼、泰式魚餅、炸春卷、炸蝦丸，附有三款醬汁，整體份量十分多，好啱一班朋友share。Thai Green Mango and Green Papaya Beef Salad芒果同木瓜切成一絲絲，配上番茄仔同泰式醬汁，醬汁應該配合返香港人口味，所以唔會好似泰國嗰啲咁辣到食唔到，反而食落酸may may好開胃，配埋大大塊嘅牛肉一齊食，正👍🏻Grilled Gai Yang Chicken燒雞好大隻，用咗泰式醬汁腌製，食到陣陣香草味。燒過嘅雞肉外脆內嫩，同時亦配上兩塊薄餅配埋一齊食。Massaman Curry Risotto with Sea Urchin and Hokkaido Scallop呢個飯用咗馬沙文咖哩煮，食落好香咖喱味又creamy，每啖飯都包滿濃濃嘅咖喱，而且用咗海膽同帶子，令到成個飯又有海鮮味，味道層次更豐富，帶子煎得剛好唔乾！…Read More

做完運動出咗汗，想飲返杯冰凍嘅飲品，就係Nood Food 叫咗杯smoothie ，今次揀咗Girl’s Best Friend, 見呢杯嘅功效係排毒，啱哂減肥中嘅我，而且整體卡路里同糖份都唔高，非常之健康，飲落又真係唔甜，雖然成杯係綠色，但唔會飲到草青味，好清新又無負擔啊！！除咗飲品外，仲見到有沙律可以揀，下次可以再嚟試下。…Read More

灣仔橫街其實好多小店餐廳，今次同朋友趁放假前夕去咗呢間餐廳食飯傾吓計，因為上網見到個omelette 好吸引🤩 入到店俾佢嘅黑膠唱片擺設吸引，店內又會播住好chill嘅音樂，成個環境真係好放鬆同舒服。 Seared Tuna Salad沙律份量十分之大又豐富，沙律菜上鋪滿咗吞拿魚，煎過嘅吞拿魚表面焦香，入面就保留刺身口感。除此之外，仲有滿滿嘅煙三文魚、牛油果、番茄仔、麵包粒。微酸的沙律汁再配上新鮮爽脆的沙律菜，食落十分清新及酸爽。 Crab Meat Omelette奄列比想像中大好多，上菜時聞到陣陣的蛋香，雖然巨大但煎得恰到好處，唔會老身，食落鬆軟又嫩滑，大量的蟹肉令到奄列食落有鮮甜味，再配合埋菠菜一齊煎，營養滿分之餘又有口感，層次更豐富。 Red Wine Braised Short Ribs Risotto紅酒經過燉煮後，雖然酒精已揮發得七七八八，但依然食到淡淡的酒香。牛肉夠哂腍滑又啖啖肉，配合埋奶油口感嘅飯，每一啖食落都夠哂濃郁。而且Risotto加咗翠玉瓜粒粒，多咗口感亦增加返成個飯嘅層次。 Rose Latte & Old fashioned Cocktail餐廳朝早可以飲啡，夜晚又可以飲酒，同朋友各自揀左啡同酒，可以一次試兩樣唔同飲品。Rose Latte灑上玫瑰乾花，拉花亦好有心思拉咗朵玫瑰，飲落除咗咖啡香之外仲有陣陣的玫瑰香。由威士忌加糖+Bitters而成的Old fashioned Cocktail，加上橙皮做裝飾，飲落有麥香之餘仲帶點點苦。📍Mansons Lot (汕頭街) (灣仔)灣仔汕頭街1-3號地舖 #灣仔 #wanchai #cafebar #hkcafe #hkcoffeeshop #omelette #salad #hk #hkfood #香港 #香港美食 #hktravel …Read More

長沙灣難得有一間放題打邊爐+燒肉餐廳，而且又一個人都食得，所以搵咗日無飯開嘅日子去試吓。餐廳面積都幾大，燒肉同打邊爐分開咗兩邊，上到去店員會問你想打邊爐定燒肉再安排入座。我就揀咗90分鐘放題任飲任食打邊爐。放題有四個套餐可以揀，我就揀咗個中價位$198 牛胸腹肉日本豚肉，入面包咗三款肉，分別係嚴選牛肉、美國牛胸腹肉、北海道夢之大地豚肉。火鍋係一人一個小窩，所以可以揀自己鍾意嘅湯底唔使同人夾😆湯底都有六款選擇，我就揀咗山椒味噌鍋，呢個比較少食，所以想試吓，食落就辣辣地，同埋比較重口味。湯底入邊有油揚豆皮，索哂湯底精華非常入味好食。牛肉要用QR code落單，落完之後已經好快送到上黎，唔洗等好耐。美國牛胸腹肉，油花比較重，食落就夠香口。嚴選牛肉脂肪較少，肉味較濃。北海道豚肉肥瘦均勻。自助區有熟食關東煮、天婦羅，火鍋配料選擇都幾多，有丸、腸仔、小雲吞、蟹柳、豆皮福袋、八爪魚、韓國生蠔、烏冬。另一邊蔬菜櫃，有唔同蔬菜、菇菌、芋絲等等。飲品有汽水、紙包茶飲品多達17種選擇。甜品方面，雪條都有5款選擇，另外亦有泡芙、黑糖蕨餅。📍 東京の味 (長沙灣)長沙灣東京街31號恆邦商業大廈地下3號舖及1樓…Read More

姫松茸竹笙花膠雞米線雞湯底好濃郁，亦唔覺有味精，飲落幾舒服仲帶點菇菌香氣。除左雞件之外，仲有姫松茸、竹笙、花膠、雲耳、蟲草花，都幾豐富。而且竹笙索哂湯底精華，夠哂入味。 除左米線之外，仲可以改上海麵、米粉，薯粉或加錢轉烏冬。羊肚菌花膠雞米線羊肚菌食落爽口，亦會好似竹笙咁，索哂湯底精華。雞肉份量頗多，每嚿食落都啖啖肉又嫩滑。 米線同湯底會分開上，湯底會有個爐熱住，令到湯底可以keep住熱辣辣。我初頭會將啲湯𢳂落碗米線到食，但食到一半決定將成個米線放入湯底一齊煮住食，咁樣米線同湯都keep到溫度，米線又會索到湯底更加入味😋五香牛展呢個小食係冷盤，牛展切得夠薄，食落有淡淡滷水香。 📍 癡膠雞 (荔枝角道) (太子)太子荔枝角道78-84號勝興樓地下D號舖…Read More

吉列牛定食定食包咗前菜胡麻豆腐、胡麻蕃茄、麵豉湯餐廳會有個爐提供，自己可以決定牛要唔要再燒下，等啲肉再熟啲，我覺得燒10幾秒已經足夠。另外亦有幾個醬汁配吉列牛，分別係黑松露配牛油、芥末沙律醬、醬油。我就鍾意喺燒之前加黑松露牛油，咁樣就會更加香😆吉列牛份量都幾多，配埋碗味素飯已經好夠！醬燒黑豚肉釜飯釜飯上菜時會跟埋個爐，咁就可以保持到個飯熱辣辣黑豚肉帶點肥肉，食落唔會鞋。釜飯入面仲有大量嘅雞蛋絲同紫菜，再配埋甜甜的醬汁同黑豚肉一齊撈埋嚟食，食落層次會再豐富啲。Kobekatsu蛋卷蛋卷入面有滿滿的芝士，而且蛋卷煎得剛好，食落夠滑又有芝士香。📍 吉列牛忌廉烏冬專門店 (彌敦道) (旺角)旺角彌敦道726號17樓…Read More

好耐無去旺中行街，原來依家多左好多小食店，亦都有立食區可以擺低慢慢食。我行到一半已經肚餓，所以直接係旺中食埋晚餐，今次依然食我的最愛泰國菜😆 泰式香葉肉碎(煎蛋)飯肉碎飯係即叫即煮，夠哂熱辣辣，望落好似好細份，但我一個人食完之後覺得好夠飽，因為肉碎好重手，夠撈飯有突。肉碎用左半肥瘦豬肉，食落有油香，加埋九層塔同辣椒的香味，非常惹味，再配埋半熟煎蛋，送飯一流。套餐會包一杯飲品 (細杯龍眼茶/泰式奶茶)，煎蛋就要加錢。 泰式鳳爪我另外再叫咗個小食，鳳爪已經去骨，唔洗lur骨夠哂方便，食落爽口，醬汁酸甜辣味都有，夠哂開胃。除左鳳爪外，其他配菜例如紅蘿蔔絲/芫茜/洋葱都索哂汁，正。…Read More

之前去泰國旅行有食過呢間，質素都唔錯，一坐低已經有份餐前小食蝦片，我地就邊睇餐牌邊食😆 黃薑雞肉沙嗲串燒一碟有6串，串燒燒得夠香，食落帶有甜味，雞肉唔鞋又唔會乾爭爭。 泰式炒金邊粉隨碟有齊辣椒粉、花生碎、白砂糖、青檸，撈埋一齊食，味道層次更加豐富。金邊粉濕潤度適中，配料有大蝦芽菜豆乾，如果唔食辣嘅都可以係落單時揀走辣同少辣。 煙燻和牛封門柳 配泰式酸子汁呢度嘅燒牛肉用咗和牛封門柳，食落軟嫩又有牛味，就算係厚切都唔會覺得韌，而且牛肉嘅數量都幾多，再配埋個泰式酸子汁，酸酸甜甜，食落開胃之餘又解膩。 餐廳環境比想像中大，枱同枱之間唔會好逼，坐得比較舒服, 如果坐窗邊位可以望到海景，餐廳入面有千秋可以同朋友打卡影相📸…Read More

難得放假同媽媽出街飲茶，就試下新地方，見佢中午時間都幾多人嚟飲茶同食晏晝。 招牌蝦餃皇蝦餃都幾大粒而且食落爽口，每隻蝦餃都用咗蓮藕片/紅蘿蔔片墊底，幾有心思。 鮮百合帶子腸粉平時食蝦腸、叉燒腸就食得多，見到有特別款式就一定要試下。酒樓用上細粒帶子，雖然細粒但食落有鮮味又唔會過熟太韌，帶子再配上軟綿微甜的鮮百合，估唔到都幾夾。 露荀竹笙餃呢個又係見到特別又叫嚟試下，食到露荀同竹笙嘅脆嫩爽口，調味又剛好！ 西米焗布甸呢個係媽媽想食，佢話好耐都無食而我就係第一次食😆見到表面一層有薄薄嘅蓮蓉，入面就有西米、吉士、蓮蓉餡，食落唔算甜。 乾炒牛河牛河炒得色澤均勻，牛肉唔會用粉”那”得好勁，仲保留到牛肉口感，整體都唔錯。 紅燒雞絲翅知道呢度出名食翅，見到隔離枱都專登叫碗翅食，所以揀咗個雞絲翅平平地試下😆雞絲翅好足料，啖啖都係翅，湯底聞落香氣十足之餘食落仲好濃郁又膠質滿滿。 差唔多食完時，侍應會問你食唔食糖水，原來糖水係送嘅。當日有陳皮紅豆沙同南瓜雪耳露。兩個糖水唔會好甜，紅豆沙陳皮味好香，南瓜露夠清爽。 📍 新竹園軒 (尖沙咀)尖沙咀漆咸道南79號中國五礦大廈3樓…Read More

路經銅鑼灣見到有間韓國野幾抵食，決定外賣返屋企慢慢嘆。 本身諗住散叫幾樣野食，點知俾我見到有幾個套餐仲抵食。呢個套餐可以揀4款食物再加2罐飲品，包括1款紫菜包飯、1款湯飯、1款炸雞同1款泡菜。最後揀左牛肉紫菜包飯、人蔘雞湯，甜辣炸雞同新鮮泡菜，因為再想食粉絲，所以再額外叫多個雜菜炒粉絲。 我最鍾意就係牛肉紫菜包飯，因為飯同配料夾得好好，配料超多，有牛肉、紅蘿蔔絲、青瓜絲、雞蛋、醃蘿蔔、牛蒡，又唔會太多飯，我好鍾意呢個比例。 人蔘雞湯隻雞份量都唔細，而且煮得好夠腍，雞骨都差不多溶化，糯米亦煲到軟爛，隨湯亦會跟一個白飯，但太多食物所以都無食到，留返之後屋企炒飯用🙈🙈雞湯飲落比較清淡，餐廳都跟左胡椒鹽俾自己調味。 餐廳係炸雞外賣蓋上剪左個口，盡量減少倒汗水唔會令炸雞變沐，夠哂細心。炸雞食落甜甜地，辣味唔係好勁。 雜菜炒粉絲份量都好多，雜菜有菠菜、雲耳、冬菇，再用麻油撈，食落非常之香。📍元朗店地址:元朗教育路2-6號捷榮樓地下C號舖📍灣仔店地址:灣仔堅拿道西15號永德大廈地下G13號舖#生生市場 #元朗 #灣仔 #銅鑼灣 #hk #hkfood #foodie #hkfoodie #foodstagram #instafood #foodlover #hkrestaurant #travel #hktravel #hklife #香港 #香港美食 #香港餐廳 #韓國菜 …Read More

大角咀高質西餐廳 今次同朋友去咗大角咀搵嘢食，見到呢間西餐廳主題吸引，價錢又唔貴，所以決定食呢間。 夜晚佢有3款Set Menu，分別係 Wellington Set For Two, Dinner Set For Two同埋Value Dinner Set. Value dinner set就啱晒一個人嚟食。我哋就嗌咗一個Dinner Set For Two，呢個套餐都好多嘢可以揀，包兩個湯、一個小食、一個意粉/飯、一個主菜、兩個甜品，另外加$20就可以有埋嘢飲。 當日餐湯係甘荀湯，飲落非常濃稠同帶點甜味，而每啖尾都會飲到陣陣甘荀味。 小食有3款選擇，我哋就揀咗脆脆牛肉薯餅，一碟會有兩件薯餅，同時伴隨沙律菜及沙律醬。牛肉薯餅即叫即炸，食落熱辣辣同非常脆口，入面嘅薯蓉壓得夠細同綿密，做到外脆內軟糯。薯餅除咗牛肉外，仲食到有洋蔥，所以食落都夠哂香口。 南瓜意大利飯平時較少食，所以就選擇咗呢個。意大利飯質地creamy，帶有南瓜香同甜味，上面鋪有兩件切件南瓜，而且見到飯入面有番茄仔，味道層次再豐富啲。 主菜有4/5款選擇，豬牛雞魚都有齊，最後揀咗至愛嘅牛肉 – 香煎紐西蘭肉眼扒 10 oz，配菜有薯條、甘荀仔同青豆。Medium rare牛扒煎得剛好，鮮嫩又保留到肉汁。另外牛扒亦配有燒汁同岩鹽，燒汁味道比較重，同埋牛扒已經夠味，我覺得唔洗配汁都好食。 甜品 – 福岡縣芝士蛋糕，蛋糕擺盤好靚，有士多啤梨同藍莓做裝飾，蛋糕芝士味濃又香軟。兩個人食一個餐係非常足夠，食得滿足又夠飽，服務亦唔錯，下次都可以再嚟！📍 Starry Night (大角咀)大角咀博文街8號地舖…Read More

今日同朋友去咗觀塘工廠食台灣嘢，雖然係假日但餐廳都好多人，好彩餐廳空間大位置多，所以好快有位同坐得舒服。 牛三寶麵牛三寶有牛展、牛肋條、牛筋，肉嘅份量都算多又大大嚿，牛肉同牛筋炆得夠腍，配料仲有白蘿蔔，夠哂入味，湯底仲有淡淡藥材味👍🏻 牛肉蔥油拌麵拌麵嘅牛肉用咗牛肋條，食落啖啖肉，除咗牛肉外，仲有半隻滷水蛋同白菜仔，麵條夠煙韌，配上蔥油同乾蒜片一齊撈，食落更加有香味。 蚵仔煎加入咗蛋、菜絲同蚵仔一齊煎，煎得夠香脆，蚵仔大粒飽滿，配上酸甜醬汁，食落軟糯，同台灣有得比。 鹽酥雞鹽酥雞炸得夠香口，唔會好厚粉，如果想重口味，餐廳亦配有鹽酥粉同梅子粉，可以自行再加。 仙草奶茶 & 鳳梨綠茶兩杯飲品唔會過甜，仙草份量夠哂多，鳳梨綠茶茶味夠濃，非常清新。📍日月堂 (觀塘)觀塘興業街14號永興工業大廈4樓C2室…Read More

今次去到上環橫街小巷搵嘢食，呢間餐廳非常受歡迎，未行到去已經見到排緊隊，店舖更加座無虛席，咁多人去食一定有返咁上下質素😍炸雞髀配泰式冬陰功米粉雞髀嚟到時候，忍唔住嘩咗一聲，因為真係好大隻呀！隻炸髀係即叫即炸，所以上到枱嘅時候仲係熱辣辣。成隻炸髀炸得好透好香脆，雞髀食落軟嫩多汁，平時唔食雞皮嘅我都忍唔住食晒🙈炸髀配酸辣開胃嘅泰式冬陰功非常之夾，冬陰功酸辣剛好又有點椰香，唔會好刺激，味精感唔重，食完成餐飯都無口渴嘅感覺。配料有粟米荀、菇、豆卜、魚片、芽菜，米粉又煮得剛好，吸晒湯嘅精華，非常惹味！越式香茅蔥油豬扒煎蛋飯豬扒煎得好香，肉質鬆化唔乾唔鞋，而且豬扒已經切好方便食用，食落有陣陣香茅味。蔥油加豉油撈飯本身已經夠正，加埋半熟煎蛋嘅蛋汁一齊撈，非常之邪惡又好食，忍唔住食多咗好多飯😆泰式炭燒豬肉串豬肉串食落甜甜地，豬肉半肥瘦，因為有啲肥肉再配埋有花生香嘅沙嗲醬，食落就夠哂滋味香口！泰式奶茶 & 青檸梳打平時飲泰式奶茶好怕超甜，呢度嘅奶茶屬於少甜，啱哂我，而且少甜更唔會遮蓋左茶香同奶香。青檸梳打就夠晒清新，解膩一流。📍 味道 (上環)上環畢街15號地舖…Read More

今次行開太子見肚餓就搵咗一間粉麵店醫下肚，食咗個晚餐，估唔到會有驚喜！崩沙牛腩河粉湯底好香，飲落唔覺有味精，仲有一大匙羹香蔥，如果唔食蔥嘅大家，記得落單時同侍應講聲啦！一碗麵有八嚿崩沙腩，數量出乎意料地多，河粉份量又多，成碗麵都非常足料。河粉煮到剛好，仲係條條分明，唔會過腍煮到過哂火。崩沙腩食落有好濃嘅牛香味，肉質軟嫩，油香味又十足，食到筋膜位時又會爽口，再配埋清湯白蘿蔔，食落清甜冇渣。加錢再配多個腐乳通菜同凍檸茶，通菜夠嫩身唔會有渣，成餐飯食完十分飽肚！我見到魚蛋同炸魚皮都出名，奈何一餐食唔到咁多嘢，所以下次會再試埋！！！崩沙腩數量有限，每日限量供應，想食嘅話就要早啲嚟啦！📍 田記魚蛋牛腩專門店 (塘尾道) (太子)太子塘尾道201號華安樓地舖…Read More