missHKfoodie's Profile

今日約咗屋企人一齊去食大排檔，揀咗位於黃大仙中心南館地下大排檔2號嘅醉和里，係一間充滿地道風味嘅餐廳。好耐冇嚟食，好掛住呢度嘅豉椒斑腩，以前嚟過食，印象深刻！呢度嘅大廚以精湛手藝炮製各色港式料理，大排檔環境都好有feel，服務又熱情周到，係約食飯嘅不二之選！呢個豉椒斑腩河相當正，斑腩肉質細嫩滑溜，裹著濃郁嘅豉椒醬汁，辣中帶香，鮮美十足！而且河粉都好彈牙，吸哂面頭嘅豉汁，相當惹味！而旁邊嘅凍檸茶，冰爽清甜，食完豉汁，再飲啖檸檬，微酸中和了口腔中嘅辛辣。港式檸檬茶嘅茶香十足，令人回味無窮！呢度嘅價錢相宜，絕對唔貴，下次都要再嚟食！…Read More

每個月都會同屋企人去黃大仙鳳凰新村探親戚，以前間中都有幫襯越一，今日去到見佢做緊85折，有特價又去食下。 叫左個午市lunch，越一生牛肉湯河$52，加個小食西貢扎肉蒸粉包$18 ，再加$8要杯特飲椰汁三色冰，85折完都係60幾蚊，真係幾抵食！越一生牛肉湯河仍然保持水準，個湯熬成10個鐘，仲要無味精，飲落幾濃郁。生牛肉份量都唔少，牛肉幾滑幾嫩，幾好味！西貢扎肉蒸粉包都幾大件，呢個份量係半份，有兩件，札肉大大片，蒸粉包入面好多料，唔錯唔錯！椰汁三色冰 賣相幾靚 椰香味十足，唔會過甜，飲得幾舒服。下次會再嚟食！…Read More

炎炎憂日 2個朋友話要入長洲玩30幾度真係捨命陪君子呀幾個吃貨長洲一日遊緊係要搵定食咩喺Openrice都揀左幾間必食嘅小店魚蛋果啲唔洗講 一落船就衝去食仲去左呢間串燒店 見佢有手工啤飲我地二話不說一人一支$48支 價錢同平時啲餐廳差唔多門神啤 香港品牌 有保證嘅呢個天氣飲啤酒真係爽到極點我地叫左幾樣野食 味道都唔錯 估唔到長洲嘅店仔都咁高質日本牛肉可樂餅好香脆 入面幾滑 軟綿綿咁 和牛味都幾濃台灣直送雞腿卷燒完仲好多汁 一咬開爆汁 啲肉好滑 外層又好香燒到炸雙皮奶第一次食 幾得意 奶香味十足食過翻尋味架「黎姿」原來係荔枝豚肉幾鍾意呢個口味 酸酸甜甜配豚肉真係幾夾雞皮餃子呢個又係勁正 勁脆雞皮包住餃子餡邪惡得來又幾好食仲有鐵漢少女心豚肉卷住士多啤梨 好少女嘅姐合 女士見到都心心眼士多啤梨仲balance 到豚肉嘅油膩感好味 要encore Overall 都幾值得試 下次朋友又有藉口話嚟長洲 哈哈…Read More

Weekend中午左右嚟到食lunch放題 第一次嚟就試吓$699個set先啦首先主角就係A5和牛拼盤啦😍 Staff同我哋介紹呢度啲食全部都係日本直送 非常新鮮油脂分布平均 就算亂燒都好好食😂基本上完全唔需要加調味料 個人最鍾意五花腩同牛肋肉🥰廣島蠔隻隻都肥美 有埋牛油香真係勁正除咗以上之外 仲有比較特別係好多平時少見嘅部位或內臟都係 例如雞冠 牛心等等 最推介牛腸同雞冠 好爽好新鮮😜蟹味噌甲羅燒就一定要試啦 同鵪鶉蛋撈埋之後蟹味超濃 個米餅竟然都好香口 好唔節制咁食咗四個...🥸粟米真係好鮮甜 夾住喺燒肉中間食可以解吓膩添😋 另外係蛋黃醬燒帆立貝 味道都唔錯 芝士年糕又係最愛 encore 咗幾round 入面啲芝士好流心 年糕又夠軟 yummy yummy 甜品就不過不失啦 雪糕冇乜特別 反而牛乳奶凍就有驚喜 好濃奶味😇Overall環境都幾好 坐得舒服又有大玻璃可以睇晒成個維園景 但當日嚟食咁啱係橫風橫雨嘅一日 天氣差到乜都睇唔到😅 另外 Staff姐姐都好有心機介紹啲嘢食 同埋見我哋燒到揦手唔成勢又出手幫我哋燒😂 可以再戰😌…Read More

星期六入咗荃灣陪朋友行街，因為較少入呢區所以都專登搵左間Cafe去下，體驗下荃灣區嘅慢活生活。鍾意去Cafe影相嘅我，揀咗呢間AL Coffee見佢係新餐廳 應該人流比較少， 可以方便打卡影相！去到估唔到個環境又幾舒適，咁岩窗口邊張梳化有位，勁開心，因為見呢個位影相最靚。陽光+落地玻璃，透出自然日光，真係好靚！食物方面我地叫左Pancake同埋Waffles 飲品就叫咗Espresso Tonic 同Latte。Pancake 賣相非常精美，附上一杯健康乳酪，我地揀咗楓糖醬。Pancake蛋香十足，面頭仲鋪上好多生果，有齊士多啤梨、藍莓、香蕉，加埋楓糖漿，好豐富，見到都開心！仲有Waffle我地揀左朱古力醬，同樣有多款生果鋪面，配埋旁邊嘅忌廉食，邪惡得嚟又令人好滿足！食埋佢嘅乳酪，balance 返個甜度，真心唔錯架。飲品方面我嘅Latte奶味幾香，又飲到咖啡嘅濃郁，坐喺梳化望住玻璃，再飲啖咖啡，好休閒的感覺。朋友嘅Expresso Tonic都唔錯，夏天飲好正，啖啖咖啡香，一試難忘！…Read More

疫情下多咗好多外賣店，最近買過呢間，味道唔錯架，推介比大家！間嘢雖然喺街市入面，但係店面都幾乾淨，衛生情況幾好，食得安心。今次買咗3個小食同埋飲品，當係下午茶！蝦滷墨魚$58墨魚切成薄片，份量都幾多。食落幾有鮮味，咬落仲好彈牙添！咸香骨腩蔥油拌麵 $58拌麵用上蔥油同豉油去撈嘅，撈勻每條麵都吸盡個汁，個汁好香好好味！寬麵個麵質唔錯，幾爽口。最正係果舊豬骨腩肉，肥瘦適中，而且好入味，咸香味十足。蝦皮炸魷魚鬚$38外層炸到香脆，個炸粉有加左紫菜同蝦粉，食落勁香！入面魷魚都好爽口彈牙！凍奶茶$18估唔到個奶茶又幾出色天氣咁熱飲返杯真係好爽。唔會太甜茶香又濃，下次經過都要買返杯！…Read More

我個朋友好鍾意食潮州菜，佢話食過咁多間，最鍾意都係陳儀興尚潮摟，所以今次帶我嚟試吓. 我哋去到坐餐廳2樓，餐廳裝修別緻雅典風格, 同我平時去食啲潮州餐廳感覺爭好遠，呢間感覺好高級，仲有佢哋會播啲好好聽嘅古典音樂，令人食個lunch都覺得好愉快. 首先我們點了必食滷水「鵝三寶」: 有鵝肉，鵝腸和鵝肝，三樣都係我勁鍾意食嘅. 鵝肉非常入味,肉味濃,肥瘦適中. 鵝腸乾淨爽口. 我估計呢碟係鎮店之寶! 另外我哋點了「魚露浸花甲」，未食之前個醬汁以為係普通魚露味，原來唔止，個醬汁好特別，有少少香濃嘅酒味, 味道非常好，而且非常適合花甲! 花甲很大隻，好多肉食, 又爽口同個醬汁又夾! 我下次返嚟都一定會再叫呢一碟! 我朋友好鍾意食生醃海鮮，所以佢今次都點了「生醃膏蟹」. 香港真係好少餐廳會做呢一碟菜式. 餐廳一定要用上好靚好新鮮嘅蟹, 而且仲要多膏，醃料又好味，真係唔容易！ 我食咗一啖之後，真係對佢讚不絕口，朋友冇介紹錯！生蟹肉鮮甜， 真係超級多膏，好好味，大家食到舔舔脷！ 另外點了一個「金不換燉海螺湯」, 不過師傅話今日改咗做橄欖燉海螺，我覺得仲好，橄欖好多營養! 個湯真係好鮮甜，食得出完全冇味精. 而且用少少橄欖可以突出個湯嘅鮮味！甜品方面我哋點了一個「福果甜芋泥」來share . 甜品賣相一般，但係食落去原來好好味，芋頭其實好有營養，佢整咗成為芋泥又甜甜的，好食！如果唔食甜品，我都會另外推介佢哋特製嘅潮汕飲品「老藥桔」. 就咁睇個名以為係中藥苦茶飲品，但係飲落原來係甜的，中藥味一d都唔重，我而且覺得好特別，真係好值得一試! …Read More

最近壓力好大，朋友話帶我去食一間新餐廳，食完之後好放鬆. 本心諗住原來佢帶我去一間普普通通嘅靚餐廳，點知原來佢帶我去一間非常特別嘅CBD 餐廳！CBD 喺香港仲係比較新，我見過淨係有飲品，但係食物真係第一次! CBD 係由大麻類植物天然產生的其中一種化學物，但他不是大麻，亦不會使人上癮，香港係可以合法使用. 佢可以令人放鬆情緒減低焦慮. 一入到餐廳我已經好興奮，好期待，朋友真對我好！ 其實餐廳好體貼，每碟餸菜你都可以選擇加唔加CBD. 我見到隔離枱帶住一個幾歲嘅小朋友，我相信佢就唔會加CBD 了. 首先starter 我哋叫咗「白酒煮藍青口配蒜蓉包」我通常去西餐廳都會叫呢碟dish ..而呢間真係完全高水準，真係超好味! 酒味好濃郁，好香，蒜蓉味亦都非常出. 佢個味道嘅層次多幾多. 我相信佢係個湯汁度用咗好多心機去做. 仲有個蒜蓉包係勁好食. 開頭我都覺得有少少貴($208),但係食完之後我覺得佢係超級值得，下次都會再order ! 跟住落嚟就係煮菜，點咗一個烤羊架，個menu 寫係楓香乳酪醬伴蘋果肉桂泥麥黎麥沙律..個名都有啲吸引，所以都叫咗嚟食.賣相係超靚，味道都好好，係比較上有少少生. 如果煮多2分鐘會再好啲. 我係怕生的😂而佢嘅醬汁同埋沙律都配合得好好，仲有石榴喺上面，每一啖都覺得幾配合. 另外order 左「香煎虎蝦鮮茄龍蝦汁闊條麵」呢個虎蝦好大隻，d麵都好煙韌，個醬汁有少少辣，但係辣得好”野”味. 幾好幾好！另外點了一杯cappuccino (with CBD). 呢間餐廳好食，下次一定會再嚟! …Read More

之前已經去過灣仔嗰間Ninety’s , 平日都好多人排隊，今次嚟到新開銅鑼灣店，聽聞啲嘢食都好特別! 餐廳裝修簡約但好靚，仲有個小樹可以俾你坐喺嗰度同朋友傾吓計，周圍都裝修得舒舒服服! 佢哋仲預備左備長炭飲用水！ 經店員介紹，我哋點左一個Siu Wan Rice 店員問我有冇聽過暗然銷魂飯，即係叉燒飯！ 開頭都以為冇乜特別，但係識落真係非常唔同，用黑毛豬叉燒真係肉質彈牙嫩滑，而且個醬汁比平時出邊食嘅叉燒飯特別好多！個飯底用珍珠米，撈咗少少其他甜甜地的sauce , 成個飯又靚又好食! 跟住我哋點左Beef Cheek ...又係店員介紹，呢個牛面頰肉真係超超超好味，鍾意食牛嘅朋友一定會覺得好特別！ 最正係用黑松露薯蓉做底，以為普普通通，但係食落又有一種唔同嘅sauce ...總之三個字，勁推介!店員果然冇介紹錯，下次我嚟會試吓其他嘢!…Read More

每個月都會有幾日想清啲，去食素食就最啱啦！今日同同事喺荃灣見客，附新見到呢間素食嘅裝修好靚，吸引左我地入去！望下餐廳，價錢又唔貴，一於試下！午餐平平地揀個台式玉子素滷肉飯，$58咋！個滷肉飯味道同口感同平時食開嘅完全無分別！個醬汁陪哂惹味，而且好香，好有台灣嘅風味！雖然入面無肉，但完全無影響到成個味道，呢個飯真心做得好味呀！另外加左$10要埋前菜同湯。個印度椰子花生雪耳湯幾好味，清清地飲完個人都好舒服！最後我加左個甜品：榛子咖啡乳酪蛋糕，榛子味好香，咖啡味都幾濃！識落軟滑，味道唔錯。…Read More

如心酒店嘅自助餐成日做優惠，搞到我哋心郁郁想食！前排疫情關係轉左套餐，果排仲未敢出街，估唔到過左陣疫情又好轉，餐廳都改返正常自助餐，我同屋企人即刻book位食餐勁嘅！最愛自助餐嘅冷凍海鮮，長腳蟹都幾多肉，隻隻鮮甜美味，我地食左好多，encore左好多次！另外普通蟹都唔錯，開頭以為自助餐應該質素麻麻，點知食落好多膏，啲肉仲好甜，正呀！第二個目標就係刺身，呢到嘅刺身種類都幾多，不過我個人就最愛三文魚，食左好多轉三文魚好滿足，有時師傳仲會切腩位比我，滿足！魚生整體都好新鮮，而且放刺身同師傳處理刺身嘅位置都好乾淨，食得好放心！仲有呢到有提供鮑魚，仲要size都唔細架！每次可以拎兩隻，我食左6隻，好好味好彈牙！另外仲有冷盆熱食都好多元化，我地樣樣食啲都好飽！食到一半，個主菜嚟埋，係澳洲M4和牛扒，同埋日本宮崎A4和牛扒。澳洲M4和牛扒肉香夠哂濃，日本宮崎A4和牛扒就油香充足，入口即溶，我地share食，可以兩樣都試少少，好滿足！最後再食埋甜品就完滿啦！…Read More

我老豆非常鍾意食上海菜，但次次食親都係集團式經營嗰幾間上海餐廳，真係食到人都厭！好難得搵到呢間特色上海餐廳，環境特別，有霓虹燈，夠晒Trendy! 嚟到上海餐廳，一定要點招牌小籠包，如果個小籠包唔好食，咁間餐廳就真係唔掂了! 好彩，呢間餐廳完全冇令我哋失望，小籠包個皮非常薄，入邊啲肉好味道, 完全可以用皮薄餡靚多汁嚟形容！點左個辣子霸王雞丁，價錢完全一啲都唔貴，而且勁大碟，啲雞肉都幾大舊，冇骨，食得好開心，好惹味，麻辣味超重！ 我哋要小辣，不過都好辣，所以如果大家唔係太食得辣，可能要叫waiter 要少少少少辣! 另外點左個黑松露炒蝦球，黑松味好重，蝦球勁大嚿，夠鮮味，都值得推介！ 另外點了老上海炒飯，大家應該知上海炒飯比平時廣東炒飯味道比較濃味，我哋都幾鍾意食呢個炒飯！酸梅湯好飲，凍冰冰，配埋個辣子霸王雞丁一齊食好正！呢間餐廳我哋一定會返嚟🥰…Read More

疫情下的排長龍餐廳！冇諗過六點幾去到都勁多人排隊，咁我梗係要唔執輸都試吓啦！就咁睇呢間餐廳個名，我以為係咖啡店，原來唔係！見到勁多人叫泡菜蛋漿熔岩炒飯，原來係餐廳推介，所以我哋都點左一碟試吓。韓國Oppa 送上熱辣辣嘅熔岩炒飯，跟住佢會係你面前加入芝士同蛋漿，然之後用火燒，仲要燒成分鐘好似表演俾你睇咁, 正呀😍 講返個味道先，燒完啲芝士同炒飯真係同平時出邊食嘅炒飯唔同. 呢種炒飯有煙燻嘅味道，真係好正! 而且泡菜唔會好辣，加埋啲芝士溶咗嘅味道，係有唔同嘅味道層次！嚟到食韓國嘢，梗係要食炸雞啦，我哋今次要醬油炸雞無骨嘅，雞炸得唔係好脆，但係味道一流，配埋啤酒就最正啦! 然後，我老公點左啲好少人點嘅韓式醬炒豬血腸！佢話嚟到食韓國嘢，梗係要食啲韓國人鍾意食嘅嘢啦，所以咪點嚟試吓囉！就咁睇個賣相一般，但係識落原來真係幾好味！ 微微辣味令成碟菜更加有風味，喜歡嘗試新野嘅真係可以試吓！ …Read More

去到尖沙咀，梗係去韓國街食韓國菜啦！疫情已經好少出街，但係一出街食飯竟然見到呢間餐廳大排長龍！見仲有啲時間，咁可以排下隊試吓！餐廳裝修好trendy, 有個豬豬嘅霓虹燈公仔，好可愛！一坐低，店員就俾咗兩包韓國維他命C粉我哋. 佢話疫情下希望大家健健康康，好貼心！餐廳主打食韓國石鍋拌飯，韓國湯同埋餃子！ 咁我哋每樣叫一樣啦！ 啲湯其實真係好多選擇，有10幾款湯選擇，其他韓國餐廳好少見到，通常都係得兩三款！我老公話想食出邊好少見嘅薯仔豬排骨湯，餐牌話韓國人視呢個湯為能夠解酒後宿醉嘅醒酒湯😍心心眼左，因為尋晚係屋企飲咗啲酒，飲番啲解酒湯係好事！個湯俾我哋想像中好飲，而且個辣味啱啱好，真係好醒胃！同平時出邊啲韓國餐廳飲泡菜湯完全唔同，仲有啲大大嚿嘅豬骨豬肉食下，幾好味！我哋另外點了炒牛肉石鍋芝士拌飯，重點係加咗芝士，個石拌飯真係非常非常非常好味！香港好少食到呢款特別嘅石鍋飯，首先佢唔係用白米，佢係用左少少紫米嚟煮嘅，加埋芝士，係成鍋都有芝士，連埋個鍋有少少飯焦味，勁似韓版煲仔飯！ 個飯真係好香，勁入味，店員另外俾少少韓式醬我哋，我哋都唔係好洗點加，因為覺得個飯已經非常入味！另外我哋亦都鍾意食入邊的所有配菜，連埋牛肉都非常好味！一定會再返嚟呢間食呢個石鍋飯！非常值得推介！另外我哋點左兩個泡菜餃子，以為細細個，原來都幾大個，好似一個女人手掌咁大！入邊啲泡菜都好足料！…Read More

開始凍喇，打邊爐嘅季節又黎喇，同幾個朋友趁住閒日無咁多人就聚一聚啦👭👭🏻「湯底是川芎白芷魚頭鍋」聽個名，就覺得好鮮味，果然黎到係好香嘅魚味，唔怕腥，清清地都好健康架。「豬牛羊拼盤」有三款肉，岩哂想食唔同肉嘅朋友喇👍🏻仲要每款都係新鮮切出，脂肪同肉嘅比例分佈得好平均，咬感一流。「本地手切牛頸脊」呢個係無得輸架，平時好少地方可以食到牛頸脊，肉質鮮味，呢個絕對要試🤤「珊瑚蚌」食開嘅，都知道係幾爽脆，打邊爐唔小得嘅其中一款餸。「羊肚菌豚肉餃」第一次食，感覺幾特別，仲唔到呢個配搭又Match得幾好啵。「脆骨腩」厚切得黎勁爽脆，配埋魚湯底，係鮮中帶鮮，更突顯出魚味嘅精髓。「油麥菜」菜係好新鮮，而且一份有勁多，食太多肉好濟嘅，就食下菜fresh下啦。「楊枝甘露水滴」和「川貝陳皮雪耳燉津梨」食完一餐肉肉火鍋🍲，最適合食返酸酸甜甜嘅甜品消消濟，為一餐豐富嘅晚餐畫上完美句號。👏🏻…Read More