efood2150的個人專頁

今日慶祝生日，簡左間近近地屋企既餐廳打邊勞，原因係因為之前都食過一次，真心正而且又唔會中伏，所以必須要再N CALL！！！！！推介 推介 推介 推介 推介1. 半隻花膠雞湯底（湯底超濃郁，但不膩，前後飲左三碗2. 牛肉拼盤(細) （夠晒新鮮，如果多幾塊會更好）3. 墨魚鵝肝打丸 （黑蚊蚊咁，但又幾彈牙,內有鵝肝）4. 伊比利亞橡果豬 （食落有D似牛既感覺，推介）5. 大滾友雜菜拼盤 （好大盤，真心食唔晒，好抵）6 帶子片 （新鮮爽口）7. 竹蔗茅根一渣 （食完咁補既雞湯，降降火一流）8. 火焰焦糖豆腐花 （即場點火燒，打卡一流）…查看更多

今日心血來潮想午飯食小菜，諗起博康村個邊有冬菇亭，就專程搭左2個站既馬鐵去啦！今次黎左D間叫做金沙角美食小廚！平時夜晚黎冇點心的，今日中午黎到原來有點心的，又多一個選擇👏👏講返正題先，今次我地兩個人叫左四個小菜，叫既都係D大路野黎！金銀蛋煮時蔬（白菜仔黎）椒鹽鮮魷 芥末牛柳粒椒鹽海中蝦首先四碟餸既份量真係好足，絕對夠食有突。但真心要讚一讚個椒鹽海中蝦，真係超惹味，D蝦脆脆脆，可以連殼都食埋！！個牛柳粒有D合桃係度，又係好香口的，配埋個芥末真心正！椒鹽魷魚都好夠味，金銀蛋煮時蔬正常發揮。其實仲有好多餸想叫，但兩個人真係食唔晒，多人黎食就一流！！值得推介既大排檔！！！！！！！！！！！！！！！！！…查看更多

繼之前幫襯過大埔間大滾友之後，今次入開元朗就試下元朗分店間大滾友先，今次湯底我叫左1.特色卜卜蜆鍋 （勁多蜆）帶點胡椒味2. 牛肉拼盤3. 牛丸4. 伊比利亞橡果豬（極力推薦）食落似牛的5. 大滾友雜菜拼盤6 醉雞（都幾靠味）7. 竹蔗茅根8. 火焰焦糖豆腐花個卜卜蜆原來真係起泡泡的，所以叫卜卜蜆，D間大滾友每次黎都一定有驚喜的，真係會再幫襯，而且質素一樣咁高，順帶一題，早上開鋪個樓面姐姐服務態度一流，讚一讚先！！…查看更多

今日雨天，涼涼地，諗住食下打邊爐，就上網SREACH下附近有咩好推介啦，最後選左D間叫大滾友既打邊撈，好彩係非凡忙時間，唔駛等位，一入到門口就立即有驚喜，門口有張真係皇帝坐既龍椅，真係要打下卡先，同埋裝修好正，感覺返左清朝既酒樓一樣。我地兩個人食，叫左以下食物湯底叫左 半隻花膠雞牛肉拼盤手打丸伊比利亞橡果豬雜菜拼盤竹蔗茅根最後仲有甜品👍👍 火焰焦糖豆腐花👍👍湯底一洗，夠晒濃，牛肉新鮮，連其他食材都新鮮，難得難得！最好真係要讚讚個甜品，冇得頂，豆腐花滑得黎有豆味，仲有焦焦既糖，配搭很好，很出色👍👍👍🫰🫰🫰🫰整體以D個價錢，D個水準D個裝修，我會經常黎食🎊🎊🎊餐廳： 大滾友（大埔）地點：大埔舊墟直街美新大廈地下B2鋪…查看更多

心血來潮想食牛腩，搵到近朗豪坊附近有一間清湯腩，步行大約6分鐘左右，咁近就去試下啦，口面是一間普通的牛腩麵店，內裡裝修都算光猛，地方亦都整潔，一入到鋪頭已經嗅到兩種味，一陣係蚊牛腩既味，一種係係枱上面傳出黎既味，係辣辣油黎，真係好香，而我咁鐘意食辣黎講真係岩晒。叫左一碗牛肚河，一碗牛腩膽膽麵，腐乳通菜，兩杯凍飲。先講講牛肚，淋得黎又夠爽，牛味都好厚，河粉夠滑！一流水準牛腩膽膽麵就幾特別，個人第一次咁樣食，都有驚喜，非常夾，牛腩都正，半肥瘦，又夠淋。下次經開都會再食…查看更多

今日工作行經附近，見到巷仔有間食串燒既小店，咁咁岩又心血來潮想食，就入去食啦，lunch食DD真係幾過隱，入到去鋪頭細細，座位有限，老闆招呼都好欣勤，冷氣都算可以接受，鋪內亦唔會太大油煙味，先睇睇餐牌，都算幾多選擇，連田雞串都有，非常少有，不過可惜冇貨，否則必試，我今日叫左牛舌，茄子，王老吉，價錢都算合理，燒既火喉都岩岩好，唔好太焦，要讚讚個牛舌，非常之爽，大牛味足，值得一試，茄子亦好味，大家經開這裡都可以試下，極力推薦！！！！！！！！！…查看更多

今日午餐食啲間椰林閣，叫咗個卡邦尼吉列魚柳配飯，仲有嗌咗一個白湯，仲有個餐包加牛油，冰凍檸茶一杯，所有嘢食都很美味，個人覺得個湯係最好味嘅，個汁略嫌少咗啲，下次會再來…查看更多

當天客人量唔多，因為係星期六晚上，工廠區始終人唔太多，可能因為這樣，我地叫既每一個餸都吾錯！感覺有心機去煮，味道方面都ok服務方面係好嘅！職員服務態度好，照顧客人，非常細心，這是比我的感覺，希望下次來食飯都KEEP到一樣的質素同服務…查看更多

D間餐廳基本上我會一至兩個月左右就會黎一次，今次真係寫下食評先，D度主打係茶記野食，加埋麵類，而我每次都會點一D包同蛋撻，因為真係好正，尤其是係蛋撻，個人認為係必點的，同埋野飲方面，咖啡奶茶都非常高水準，真心唔錯的，價錢位置中上，大約食一人口午餐接近70元左右，但質素係比到大家的，值得一食…查看更多

今晚求其食，簡在最就近既餐廳，食左個蔥油雞扒飯，都幾咸下，蔥油唔知點解唔係平時食開果D，生生的，唔係太好食，雞扒份量都可以，但就乾身了少少，最後成碟飯食左一半左右！…查看更多

今日食左鳳鳴居個醉雞湯打邊爐，個湯底非常好食，好夠味，又夠甜，追住黎食，D間暫時係我食過最好食既藥膳湯底，同埋配個豉油好正，應該係自家制的，但D度冇咩服務的，班後生仔侍應當左返工係遊樂場咁玩，比客人還要嘈…查看更多

話說上星期都黎過食，質素麻麻地，但因為早餐關係，我都唔會太過講究，有D野食左落肚唔好差到太離譜我都接受到的，今次再黎食，賣相同上次都有所不同了，唔錯唔錯，野食都好左，但今次我就冇叫奶茶，因為上次有D淡，今次唔敢叫😂😂😂😂😂😂😂😂😂😂😂😂😂😂😂😂😂😂，因為茶D樣野基本上唔會上相太遠，除非個茶飲到係老左咁下次都有機會改進到，但如果係淡既話，基本上你叫幾多次都係差唔多味的…查看更多

間餐廳非常放便泊車，而且價錢都非常經濟，三送麵加凍飲都係三十令蚊，但D度始終係大排擋，有點熱，如果唔介意的話都可以黎試試，食下懷舊既味道，杯茶淡左D，唔夠茶味，下次經過再試多次先…查看更多

叫左個手撕雞撈都加杯珍珠奶茶，講請個手撕雞先，都幾靠味，份量都多的，配上青瓜絲和蟹柳撈麵一起食，都有唔同既層次，胡麻醬如果再比多一D就完美，野飲方面珍珠做得唔錯，奶茶味略嫌淡左一D…查看更多

呀仔話想食芝士撈，咁岩記得附近有間專係食芝士既我就帶呀仔去啦，叫左個雞亦芝士撈烏冬同埋芝士三蛋雞扒飯，整體黎講都ok的，但感覺芝士配烏冬有點糊，冇咩咬口，如果配公仔麵應該會好好多，個飯都算OK，敗筆係太少豉油，唔係好送到飯…查看更多