想食極都唔肥的豬's Profile

天氣咁凍最好就係打邊爐，朋友竟然未食過麻辣雞煲，當然要同佢試一試。呢間米走雞相對坐得舒服，卡位設計，地方都幾乾淨。上次食過芝士雞煲香濃creamy ，今次叫了一個小的麻辣雞煲。小的大概有半隻雞份量，兩三個人食就剛剛好。配料有大量洋蔥，芫茜辣椒。店員會喺你面前點火，好有視覺效果！等到滾起就食得喇，叫左小辣，所以只係淡淡的辣，雞肉都算嫩滑而且入味，洋蔥索左甜甜的醬汁一齊食好惹味。食完啲雞件當然要加湯打邊爐。點了幾款火鍋生料。朋友想食牛，點了個小份，手切新鮮牛頸脊，但份量都算多，而且肉味不俗，又有牛油香味。手帶鮮墨丸一碟有八大粒，入口彈牙爽口，有粒米墨魚肉。鮮炸響鈴質地更薄更酥脆，沾湯食一流！帶子片解凍得沒有雪味又唔腥，份量適中。食完之後朋友都對雞煲改觀，話下次想再戰芝士雞煲呢！…Read More

慶祝朋友升職來一餐晚餐，在朋友工作的附近餐廳找到呢間食西班牙菜的餐廳。餐廳裝橫是帶點優雅的歐陸風格, 餐具和枱面供應的濕紙巾都是花過心思的。店員帶到我們坐梳化位，好寬敞舒適。聽聞呢度的芝士焗蟹餅($168)好多人叫，我們便叫了一個作頭盤。因為即叫即製，上枱時候鐵盆滋滋作響, 店員好細心叫我們小心熱。蛋餅上有六隻蟹鉗同大量烤過的芝士，蟹餅上鋪有舞動的木魚絲，和雞蛋的味道很配合。蛋餅外脆內軟，仲有鮮菇同蟹肉的配襯下，味道濃郁口感豐富。主菜則點了一個西班牙豬手($388)!上菜的時候原來餐廳已經幫我們把豬手切開一件件, 用叉叉住食就得，非常方便。炸得香脆的豬手上面淋了特制的dressing .dressing 有沙律菜、彩椒、洋蔥混合酸酸甜甜的口味,有別於德國式豬手的油膩感覺。碟邊還有一小杯蜜糖, 點少少一齊食味道會突出好多，又少左滯膩感，豬手肉仲好嫩一啲都唔鞋口，朋友都大讚呢個豬手好出色。另外點了二杯特色飲品分別係lychee mojito($68) 同青檸蜜桃沙冰($68)，兩杯入口都好清新又大大杯。其實已經幾飽，但都俾麻糬waffle($138)吸引左，之前打電話訂位時麻煩餐廳幫忙在甜品上加上慶祝語，出到嚟個效果見到好靚，waffle 上面有好多雜果，仲有好清甜嘅無花果，帶有少少脆口的waffle 內藏麻糬軟心，多左一種煙煙韌韌的口感，好特別吖,朋友好開心有個咁驚喜的甜品，笑下食下就捧住個肚走了.…Read More

去廣華醫院復完診，肚仔餓食個中午餐，跌跌撞撞就入咗嚟依家食吓越南野。鋪頭細細，貼左好多IG上面關於呢間餐廳嘅介紹，都幾得意。我哋兩個人，叫左越式海南雞飯$78 同越式火車頭湯河share . 海南雞飯好大碟，雞肉份量很多，肉質很嫩又不過肥，皮爽肉滑，配上備有醬汁同醃蘿蔔，酸酸地又帶少少辣辣地很醒胃。黃薑飯 有很重香茅同黃薑味道，顏色係自然的黃色 看來好有食慾。另外越式火車頭河粉$63，材料豐富，有爽口彈牙的牛肉丸、稔滑的牛筋、灼得剛好的牛肉和牛柏葉。喝一口湯，夠熱又重牛骨味，伴上辣椒, 又香又辣！原來惠顧午市主菜，可以用優惠價享用小食，所以我們都點了幾個小吃是一事。法式芝心蝦多士 $58呢個法式芝心蝦多士有四件 蝦多士外層鋪滿白芝麻，炸得好香脆, 彈牙嘅蝦膠滲出半溶嘅芝士，香口得好滋味，必食的小吃！ 海膽炸春卷 $38（優惠價）呢個算係新派嘅菜式，竟然越南春卷可以配海膽？原來又真係幾夾咖喎！春卷入面有大量粉絲同木耳, 上面有一大片新鮮海膽，一冷一熱衝擊你味蕾，多了一份鮮甜味。蒜香牛油雞翼$15（優惠價）每次食越南菜都必點的，好鬆脆，雞翼大大隻，但蒜香味略嫌有一點不夠重，但$15有兩隻都是很抵食的！ 食咗咁多煎炸野，當然叫返兩杯特飲解下渴，呢度都有好多特色野飲，薄荷青檸梳打個樣仲好靚添。…Read More

新開的高鐵站有台灣的過江龍茶飲店，閒日的下午未下班時間已有人流要排隊，一場來到，當然要試一下，雖然要等十到十五分鐘，店員的服務很好亦很有禮貌，有台灣對客人有禮服務的作風。點了一杯珍珠綠茶，叫了少甜，結果還是很甜，茶中混了碎冰，挺透心涼的。珍珠是小顆的，沒特別，沒有好q，因為細粒，感覺一飲就滑進喉嚨裡，少了點咀嚼的樂趣，可是茶卻有一股怪苦，不是甘的感覺，加上重甜，對於這台灣名茶店實在是有點失望呢呢。。可以鎮店之寶是奶茶我卻沒點吧。…Read More

多選擇的車仔麵餐廳，省時方便。枱面有惹味的辣菜莆隨意添加，鹹鹹香香拌面一流。叫了四個菜跟粗麵試試。餐廳說湯底是用大量豬骨黃頭肴製作，喝不去不太感覺重味精，清清甜甜的。粗麵煮得沒過火，量都適中。蘿蔔有三大舊，稔甜沒渣，好入味，十月未到食到咁好嘅蘿蔔，都幾滿意了。鮮豬潤白灼的，有點鞋口。招牌的五花肉有南乳香，肥肉部份有點多。釀青椒有兩塊，中規中距，浸在湯中少了點香口。順帶一提，車仔麵來說，座位坐得算舒服了。…Read More

偷得浮生半日閒，即刻約人飲返個茶。呢個場之前朋友結婚我都嚟過，環境好闊落樓底高，睇落都好grand好有氣派 . 座位無擺到好逼，傾計都方便啲。坐底後店員即介紹可以用手機點菜，環保啲都好吖，而且操作都好方便。餐牌都有介紹香港旅發局舉辦的美食之最大賞嘅得獎點心，我地都點左幾個試下。漁港天鵝鮑魚酥（得獎點心）外形真係好似一對天鵝，都幾精緻。咬落外皮都幾酥脆，皮入面釀住啲雜菌同鮑魚仔，幾香口濃味。真功夫潮州蒸粉果（得獎點心）一籠三隻， 隱約都見到皮內的餡料顏色，證明皮唔算厚，入口煙un ，裡面有好多餡料，沙葛花生好爽口，蝦米同韭菜又夠香，口感好豐富，真正做到皮薄餡靚呀！蟹籽燒賣飲茶必點食物。豬口新鮮彈牙，無用好肥嘅豬肉，感覺健康好多，如果多少少蝦肉就更完美了。瑤柱灌湯餃呢個點心真係好有童年回憶，因為爸媽唔捨得食，成個俾曬我食，所以永遠給我一個好珍貴嘅感覺。湯頭好清甜，好重蟲菌花味，連埋大大隻湯餃，好滿足。椒鹽白飯魚去親飲茶總會叫一兩點炸物小食物感覺完滿，驚訝碟頭幾大，白飯魚新鮮都多肉，炸得香口。叉燒腸粉粉皮晶瑩，入口都好滑有米香，係近年喺酒樓食到比較出色嘅腸粉。而且已分為一口一件，好方便夾嚟食，照顧周到。其實呢度仲有好多新式點心，奈何肚仔空間有限，唯有下次再試。呢度點心靚服務又好，絕對可以再回頭吖！…Read More

朋友由台灣回來，當然要聚餐吧。呢間西餐喺觀塘食過一次，感覺幾好。原來旺角分店都同樣幾闊落，唔太嘈，幾個女仔食下飯傾下計都係一個好選擇。set dinner 都係二百左右～當然都有散叫的，見到人地啲份量都多㗎。由於唔想煩，我地一人一個set dinner 喇。呢度餐廳嘅餐前薄脆好女食，伴沙律醬沾，朋友食到停唔到口。餐湯係南瓜濃湯同雜菜湯，前者朋友話好creamy ，後都我就認為清清地，酸味適中，暖下身都幾好。沙律菜同樣都好新鮮，用上新鮮菠蘿同乳酪dressing ，香甜醒胃！朋友點的香烤波士頓活龍蝦配牛肋排，分量很大，龍蝦新鮮，食到海鮮味，牛肋排略嫌有些少乾身。另外牛肉眼扒拼豬肋條則充滿肉汁，剛剛是朋友要求的7成熟，牛扒肉味很濃兼大大塊，值回票價！而我的碳烤西班牙黑毛豬肉烤得焦香，肉質亦十分爽口，和伴碟的燒汁很配合。三個set 的配菜用上香甜的烤蕃茄和羽衣甘藍，另配少見的蕃薯蓉，你們異口同聲都說配菜很好味呢。飯後甜品是芒果慕絲凍餅，為主菜吃下大量肉類解解膩就暴好不過。…Read More

自從食過一次麻辣鍋，佢嘅麻辣細胞就好似會寄存喺你身體內，耐唔耐就提下你要食麻辣火鍋。今晚，又召喚我了。經朋友介紹到了這間火鍋店，位子很闊落，牆壁上的畫和掛飾幾有味道。枱面竟然提供一次性的圍巾，的確是很細心的服務。調味櫃供應著各種不同的醬油配料，毫不馬虎，枱面很清㓗，調醬時更添一份安心。湯底由刺激的重慶麻辣到溫和的菇菌養生清湯都一應俱全。我的今晚就選擇了個雙拼（$138），一剛一柔，吃個痛快。麻辣湯佈滿麻子和辣椒，一滾起香氣撲鼻，又香又麻。另一面的養生菇湯有很多雜菌，濃濃菇香清而不膩，餐前喝了一碗暖暖胃，不錯。火鍋前來個八小碟涼拌小菜有青瓜，海帶，豬耳等等，其中涼拌蓮藕爽脆無比，帶點酸甜很開胃，我很喜歡。來個本地手切肥牛頸脊（小）$268，師傅切得厚薄剛好，雪花分佈適中，入口牛味很濃又有質感。炸魚皮（$42）是火鍋的好朋友，沾一沾湯酥脆無比。黑柏葉（$88）用冰鎮盛住，清洗十分乾淨沒有異味，配麻辣湯食十分入味，一流。叫了一份芫茜豬肉丸（$68），爽口彈牙，豬肉混有馬蹄粒更有層次感，喜歡芫茜的朋友真係強烈推薦，因為真係好好好強的芫茜香。因為我不可以食太多牛，就點個西班牙黑豚肉（$108）滿足一下吃肉的慾望。一吃以下，肉味令我驚喜，肉質又滑，完全不比牛肉差啊。朋友總要些澱粉質撐撐胃，便點了個響鈴（$48）和四川紹粉（$28）。紹粉比平常吃的紅薯粉更粗，索湯吃很入味。最後便說說這裡的洛神花茶（$48）不錯喝，酸酸甜甜又冰凍，解辣解膩一流呢！…Read More

接好朋友收工，朋友帶我到wave 大廈開餐，觀塘真係越來越多新餐廳～坐得幾闊落，現場有live band唱歌，唔太嘈又幾relax.有set dinner 都係百幾蚊有交易～我地一人一個set dinner , 再加個蟹糕帶子二重奏做前菜。呢度餐廳好特別，通常西餐都係上餐包，呢度係想薄脆，伴沙律醬食幾香口。餐湯係忌廉湯，夠熱不過味道嚟講我感覺有啲濃。沙律菜好新鮮，用上新鮮菠蘿，香甜酸胃！蟹糕帶子二重奏就好似一個迷你壽司丼，上面係火炙過嘅帶子配上鮮甜的蟹糕，下層即係暖暖的飯，三樣味道很夾。朋友點的香烤波士頓活龍蝦配黑毛豬肋條，分量很大，龍蝦新鮮又不會少得過乾，豬肋條則肉質爽口。配上色彩艷麗的紫薯蓉，十分滿足。而碳烤西班牙黑毛豬肉真係烤得焦香，肉質亦十分軟淋，我十分欣賞這裏的配菜用上羽衣甘藍，感覺較健康。飯後甜品是朱古力慕絲凍餅，口感細滑，喂大餐完美作結。總括來說，＄200左右便吃到新鮮的龍蝦和黑毛豬，性價比和質素都十分ok la! …Read More

大坑小店臨立，難得偷得浮生半日閒，一於和伴侶來一個悠閒的brunch .因過了午市繁忙時段，店內人不多。午餐有all day breakfast 和pasta 等6,7 個選擇。我點了個Egg Benedict 和full Brekky 兩口子一起分享。想測試咖啡的質素，我通常從最基本的latte / flat white 來嘗嘗。咖啡味香，混和著口感綿密的奶泡，令我勾起在澳洲天天喝flat white 的美好回憶，這杯flat white 絕對比得上。伴侶則點了Mocha , 他說朱古力味和咖啡味都十分平衡，質地幼滑，不錯。Egg Benedict 的主角- 水波蛋做得剛剛好，一切開甜美的半熟蛋汁湧出來，沾著柔滑帶微微酸的荷蘭汁和鹹香的煙三文魚放進嘴巴，層次十分豐富。底下的麵包亦有別於一般常見的英式鬆餅，多了一份牛油香和口感酥脆，很有特色。伴碟的沙律菜亦十分新鮮。All Day Breakfast有煙肉，香腸，薯餅，烤蕃茄和半份egg Benedict , 十分豐富，食肉獸一定十分滿意，肉類都煎得十分香，伴碟的炒蘑菇更令整份大餐生色不少。店員亦親切有善，有機會要嘗嘗晚市的烤乳豬呢。…Read More

晚上7點晚飯時間，看完中醫途經此處，看見門面的報章介紹和店內都坐滿人頭，就簡簡單單食碗酸辣米線醒醒胃。點了一碗豬肚米線，辣度是小小辣。三五分鐘店員便端上一碗熱騰騰的米線，唯一下筷，發現米線淋得可憐，不用怎嘴嚼也化開了。湯底得兩個字：太酸！肉碎亦不夠惹味唯一可幸的豬肚都算多，有十多片，大細都適中，但味道都是像白烚沒有什麼味道。服務不題也罷，小店一間都不怎麼要求了。四十元一碗，吃個雲呑麵可能還好一點點。看見別人都在點豬扒，可以是我點錯食品吧。…Read More

和好姊妹在尖沙咀掃貨，拎住一袋二袋都唔想四圍揀，見到這柔和顏色做主調的小店好似坐得幾舒服，就決定嚟個晚餐兼傾下計。 打開menu , 除左正餐，仲有好多整得好美的甜品和飲料，仲有生蠔供應，價錢都幾合理，不過朋友不好生蠔就沒試。我倆見個二人餐咩都有啲，好豐富就點個嚟試試。泰式生蝦 一碟有六隻，配上兩款醬汁，一款較辣，兩款都甜酸醒胃，一道開胃前菜。黑魚籽香煎帶子配檸檬薄荷汁鮮甜的帶子做到剛剛熟，保持嫩滑口感。黑魚籽的鹹香配合得不錯。兩個餐湯分別是忌廉蘑菇濃湯和龍蝦湯。兩個都很濃郁。美國特級肉眼排叫了7成熟，入口肉味頗濃，黑醋汁配上牛排很有特色。伴上很多炒雜菜和薯蓉，一黑都不吝惜。明太子海膽意大利麵。明太子忌廉汁很柔和，海膽亦很新鮮，吃到鮮甜帶甘。伴上脆脆的海苔吃，口感大大提升。以二人餐的份量是剛剛好。淘氣蜜糖吐司一大個烤得香噴噴的麵包磚配上香甜的蜜糖和兩大球的香草口味雪糕，哪有不好吃的道理。麵包內部上碟時切開一口一口的，吃時很方便。值得一讚是店員會依照容人的用餐進度一道道菜上，保持到食物的溫度。…Read More

約左朋友喺銅鑼灣shopping , 在行人天橋睇到空間好似幾闊落又新穎，決定來這間美式餐廳食個晚飯。整間餐廳的上至裝潢，下至配件餐具都充滿運動場感覺，埸內有飛標機，桌球機和足球機免費俾食客玩，又有電視播足球比賽。除此之外，餐枱上面嘅擺設如棒球型水杯，連杯墊都係用藍球皮做，俾到人一個好細心好一致嘅感覺。餐廳有set dinner ，都有散叫的。我們兩人叫了一個烤美國特級肉眼扒set（$238） ，散叫左一個，意式野菌手搓粉（$138）同一杯嘢飲。首先嚟個跟set嘅餐湯，服務員上菜時好細心提醒小心熱。是日餐湯係蕃茄魚湯，濃郁嘅茄湯和魚茸混合，入口鮮甜帶微酸，正好開開胃。烤肉眼扒很大塊，配上脆口嘅薯角和燒雜菜伴碟，賣相十分誘人! 牛扒的網紋燒得好美，一切開剛好我要求的5成熟，肉質嫰得充滿肉汁，伴隨少少焦香，朋友和和我都頓成食肉獸，一件一件不停食。燒過的紅椒和茄子伴燒汁都很不錯。手搓粉都份量不少，在美式餐廳較少見到這款粉狀，很有特色。細細的粉條每粒都包著濃香惹味的truffle 汁，口感彈牙，還配有大量雜菇香新鮮的火箭菜，多吃幾口都不會感到油膩。飲品叫了杯Midnight in Stadium（$68），是用蝶豆花和熱情果製成, 漸變的顏色大大吸睛，又是謀殺少女們的菲林時機了！入口酸酸甜甜，清新可口。 這兩個main dish 都令我和朋友都捧著肚子走，想叫甜品都吃不下了。這𥚃的食物，飲品都是有一定水準，價錢都很符合份量啊！場內空間感十足，是適合大夥人聚會的好地方。 …Read More

一想起打邊爐，就自然聯想到熱氣、肥膩等等想法，朋友今晚帶我到這間以『養生』做主題之台式火鍋店晚膳，令我好好奇究竟是什麼特色呢。 餐廳裝橫及格調有點古式風味，座位和座位間有隔板，私隱感覺不錯。火鍋用具十分齊全，好值得一讚。 打開菜單，除了必有的台式麻辣鍋外，這餐廳以藥材火鍋湯底為重點推介; 餐廳一些食物都是標明是空運的飛機貨，保持食物的新鮮質素，切合養生健康主題。 麻辣鍋拼寧神養心鍋 ($168)養心鍋有半隻烏雞、魚頭、川芎、白芷、天麻、當歸等材料，湯底更是以20斤鮮魚熬4小時而成，一滾起即刻飲幾口湯，好濃好足味，這個湯有川芎白芷，以前我有頭痛時媽媽都是用呢個藥材料給我喝，很不錯呢！餐廳亦選用成本較高的烏雞，肉質鮮嫩，脂肪又少，十分適合女士們呢！ 另外，麻辣鍋內含了多種香料和藥材。吃起來香料味道十分豐富有層次，食得過癮！湯底還會有凍豆腐和鴨血 -鴨血吃起來嫩滑入味，凍豆腐又吸湯，嗜辣者必選項目。鴨血還可以追加一次，鴨血不要錯過嚕。 雜錦蔬菜盤($68)有菇類和菜類幾款，新鮮，二人份量剛剛好！ 寬粉條（$38）薯粉煙煙韌韌，好好味! 無論放邊個湯底都一樣咁好味，爽滑入味。酒香白肉（$58）是用薄薄的豬腩肉用酒醃制，酒味超濃帶甜，脂香味重，好有新意！ 霜降肉眼肥牛 ($178)肥瘦適中，有牛味，份量如多些更完美。 芝士牛肉丸拼自家制麻辣牛肉餃 ($48/ $42)牛肉丸彈牙，一咬開芝士湧出，小心燙口啊。 總括來說，這次火鍋的湯底的味道真的和坊間的火鍋湯底相對有特色，味道亦出色，下次要再試試其他養生湯底呢！…Read More

對於一個壽司狂迷的我，在鬧市中找到一間裝潢這麼日本風的壽司店，當然要進去試試。店內空間大, 由於只有我一人，編派到吧台邊坐，椅子坐得好舒適, 椅子下有籃子可以趟出來收入手袋，好貼心的設計。 坐低後，店員細心解釋如何利用ipad點菜，當晚要了個超特選壽司拼盤$288（連茶碗蒸蛋及味噌湯）: 不久，蒸蛋和味噌湯來到來我的面前開開胃。入口滑滑，有香香的木魚湯味，蛋中有魚蛋、蟹柳及冬菇等，材料豐富。嚐過蒸蛋後，重點出來了！壽司包括：中拖羅、赤身、鱆紅魚、粒貝、海膽、三文魚子、松葉蟹腳、牡丹蝦、甜蛋、海鰻、香蔥吞拿魚卷，超級豐盛！赤身：魚味很重，很新鮮！海鰻: 肉質肥軟且帶燻燒香氣。中拖羅：魚油豐盛，入口即溶松葉蟹棒及牡丹蝦：兩者均鮮甜無比，份量亦很足呢！海膽：鮮甜，入口滿滿creamy的感覺，一點腥味也沒有！ 一個小女子把整盤壽司完全吞下，飽撐了但實在是大滿足，這個價錢能食到猶如在日本壽司店的水準，實在難得。 …Read More