annayung's Profile

經旅遊平台買到快閃買1送1周末早午自助餐，性價比超高，自助餐由11:30到3點，可以慢慢坐慢慢食。早午餐有多款凍海鮮，包括龍蝦、麵包蟹、蝦、青口、小龍蝦，相當豐富。沙律菜新鮮，亦有多款不同口味冷盤及沙律選擇。熱盤以印度及泰國口味為主，亦有燒牛肉及燒排骨，食物不錯。甜品亦有多款選擇，最特別係餐車供應雪條，奈何只會出一次，可能進食中途就要先食雪條，唔可以由客人選擇幾時食。環境舒適，服務周到，枱與枱中間亦有充足間距，唔會覺得迫。值得推薦。…Read More

一直聽聞高流灣海鮮火鍋店食物高質，但價錢唔平，所以一直未試過。今晚公司同事請食飯，好開心食到一次高質火鍋，好味推薦。湯底選擇海鮮鍋 (超多海鮮，有蝦、蟹、蠔、九肚魚)。湯底好甜，湯都飲咗幾碗😆象拔蚌刺身，新鮮好味，灼5下左右最正，超甜限量頂級本地新鮮牛肉x2 + 頂級金錢牛展 。同事係熟客，所以預先預留靚牛2碟。頂級牛肉真係好有肉味，而且一碟有唔同嘅部位，贊👍🏼牛展厚度適中，有咬口，都好味。珊瑚蚌（圖上）桂花蚌（圖下），2樣都爽爽脆脆，同海鮮鍋超夾，好味。嘩鬼蝦條（圖上）水上飄飄（圖下）。嘩鬼蝦條係蝦膠壤油炸鬼，再加蟹子。將蟹子嗰面向下淥1分鐘就食得，好鬼好味，好食到叫多1碟😋水上飄飄係墨魚膠壤魚肚，食材矝貴啲，所以價錢都貴1倍😆放湯淥5分鐘就食得，墨魚膠填滿魚肚，好彈牙好味。但性價比嚟講，我會推薦嘩鬼蝦條。仲點咗以下食物(手打墨魚丸、牛筋丸、水餃、冰豆腐、豆苗、茼蒿、響鈴、炸魚皮、出前一丁同烏冬）。水餃超好味，我食咗2粒，大推。其他就正常火鍋料。唔推薦點炸魚皮，太碎濕濕。最後，7個人埋單食咗$4xxx。係貴但超飽超滿足。多謝同事款待。…Read More

平日中午有2人及4人套餐，2人套餐包鴛鴦湯底，2款肉，蔬菜盤同主食，價錢$298加一，相對晚市真係超抵食。之前試過加$38升級花膠雞鍋，啲湯好飲，又有花膠、鮑魚仔同雞粒，今次唔加錢，試返免費嗰2款鍋，都好正喎，個菌菇鍋好香，最愛臺式麻辣鍋嘅鴨血豆腐，唔太辣，用嚟灼牛肉超正，最好服務係店員會主動走埋嚟添加鴨血同豆腐，超好。自助吧嘅魯肉飯同涼拌魚皮都好好味，每次都必食。自助吧仲有2款生果任食，真係非常之好。超滿足。…Read More

之前經過見到放題價錢唔平，一直都冇試過呢間燒肉，但有次星期日行街經過，見到午市有燒肉定食，價錢只係$100左右，仲包埋沙律吧放題。所以假期就去咗試午市燒肉定食，限時60分鐘。沙律吧都好多嘢食，有沙律外，仲有熱食、咖哩牛肉飯、甜品、生果同雪糕。仲包飲品放題。幾款沙律菜都好新鮮，仲有車厘茄，蟹柳同牛旁絲，沙律汁都有3款，好味😋熱食有炒雜菇，炸雞，炸薯條。全部都唔錯，熱辣辣。好味😋定食揀咗牛肋肉(燒汁)，比想像中份量多，好似都有7-8塊，配埋Kimchi同白飯一齊食，好味😋正👍🏼但個燒肉醬汁就有點偏咸，如果個肉本身醃咗就唔好點啦。自助吧另外仲有幾款蔬菜可以一齊燒。非常好。本身想攞少少咖喱牛肉試吓，但原來第一round食晒就唔會加，所以試唔到。第一Round嘅窩夫甜品同樣冇哂，所以都試唔到😅但最後食埋雪糕生果都好滿足😋下次再去試其他燒肉同咖哩飯😊…Read More

約朋友星期五晚飯，咁啱大家都喺港島東區返工，左揀右揀，咁不如就揀公司附近晚餐啦，可以早啲食又可以傾耐啲。最後揀咗湘蜀人家，第一次食呢間餐廳，嘢食好味喎，又唔太辣。環境又舒適，裝修好有特色，好適合慢慢食慢慢傾。2個女生叫咗晚市2人套餐，超豐富，食唔晒，仲要打包走，唔好浪費😊前菜：木耳 （好味）、夫妻肺片（少辣、好味）主菜：酸菜魚 （魚片好爽口，湯好飲，粉條好彈牙）、黑醋排骨（大推，好好味）、豬軟骨（正常）、燉湯（好足料，好飲）…Read More