為食肥寶的個人專頁

上一次去銅鑼灣，大概五點幾已經售罄，買唔到，今次路過尖沙咀見到有條人龍，即刻去櫥窗度裝下有冇人氣之選嘅千層焦糖蛋撻($18)(都略貴)🫣見到有即刻排隊！大概等咗10分鐘左右就買到！問咗店員，一般只限買六個，但店員都好好人，話如果真係多一兩個都冇乜問題因為佢keep住新鮮出爐，拎到上手都仲係熱辣辣，最緊要佢個造型超級靚，花花邊，好吸引🤩即刻同朋友分享，佢話好好味，因為千層嘅關係食落有口感，相當唔錯！ 而我就選擇咗拎返屋企先食，但亦可能真係因為千層關係，食落口陣皮會比較un，唔容易咬開，無想像中咁出色「註：好多朋友話凍咗都好食🧐」！相對地，我就覺得一般比較平凡，但一試無妨！…查看更多

每次去台灣都要食的胖老爹，終於香港都有分店！ 趁試業期間，即去試試 大概黃昏5:30左右去到，人流不多，所以即刻可以點餐！點咗兩塊無骨雞腿排加一份甜不辣！價錢方便唔會話真係超級貴，雞扒$38，喺台灣食都大概要為返港紙$25，真心OK！炸完出嚟拎上手，未食已經聞到浸香氣，台灣嘅口味！超級超級香！但我冇即食，拎咗返屋企45分鐘後先食，keep到微暖！重點係外層依然好脆口，勁Juicy! 而且炸得乾身，唔會又油淋淋！ 超級好食! 希望一直可以keep到呢個水準啦！…查看更多

之前見到網上介紹呢間點心放題. 相約幾個工友一齊黎試下. 相信酒店旗下. 應該都唔會太差吧!地理位置就真係唔算太市中心. 如果由沙田站過來. 都要行20分鐘左右. 如果由港鐵站沙田圍過來. 就10分鐘多少少. 如果遇上有巴士. 其實都好方便. 幾乎直達! 準時1430 來到. 食2.5小時. 其實時間好充裕(通常都係一開始1小時食食食.之後都停晒手) . 6個人.  安排坐圓檯. 可惜沒靠窗. 如果有會更好. 因為 可以望住城門河. 都唔錯丫!    但內裡其實人煙稀少. 唔過10檯人. 似乎生意真係好難做!  6丁友. 幾乎樣樣都想叫. 但明知眼闊肚窄. 哈哈哈.  點心紙得一張. 大概有30款食物左右! 不過都已經足夠. 基本的點心都會有! 等左大概20分鐘就陸續上菜., 用震撼黎形容! 因為太多了LOL . 仲要加埋送既鮑魚燒賣 & 灌湯餃. 簡直未食都飽一半!鮑魚燒賣-- 每人一件, 正常燒賣口味. 上面加隻鮑魚. 算係誠意之算花膠灌湯餃-- 超大隻. 平時出去食一盅都要HKD40-50 .  呢度仲要配上一塊花膠. 好有HEART蝦餃/粉果/素粉果-- 皮唔算太厚. 適中. 可接受腸粉-- 唔建議叫. 因為厚到不得了. 而且唔夠熱.蛋散-- 未至於好鬆化. 但至少唔係奇奇怪. 正常口味咸蛋魚皮-- 呢個ENCORE . 好食 夠咸香. 魚皮又脆. 唔係硬身脆. 推薦!春卷/咸水角-- 正常水準仲叫左牛肉飯/粥/菜/紅豆沙等等. 都係正常水準...唔太差計返人頭約HKD220 . 雖然好多人話佢一般. 但如果自問係鍾意點心. 又食得比較多. 其實都係一個好選擇. 話晒都係酒店旗下酒樓. 點都有返D水準…查看更多

同朋友食餞行飯~ 所以揀左間中菜餐廳黎試下. 但佢可以食多D5個人準時7PM去到. 地鋪. 唔駛上樓. 呢樣我最BUY (因為在MK要上樓的店... 真係等LIFT都等到頸長... )加1分! 入到去安排坐圓檯. 但因為佢係餐廳格局. 真係有D迫. 檯與檯之間好近! 如果想好CHILL OR 想傾下計. 呢種餐廳就未必適合喇!點左幾個小菜. 當然有最出名既冰鎮咕嚕肉, 炸大腸, 椒鹽鮮魷,薑蔥桶蠔, 炒菜... 仲有幾個蒸包等等冰鎮咕嚕肉-- 呢個又真係幾好食, 咕嚕肉熱辣辣酸酸甜, 但又配上冰鎮. 入口依然脆口. 幾好炸大腸-- 無蘇味, 炸得香口. 又唔會過火. 菠蘿墊底. 唔酸. 仲好甜添椒鹽鮮魷-- 不過不失. 未見太出色. 如果可以改為椒鹽魷魚鬚會更好薑蔥桶蠔-- 上檯時熱辣辣. 勁香. 大概有5-6隻. 大大隻. 不過價錢偏貴造型蒸包-- 睇佢好似平平凡凡. 估唔到有驚喜! 芋蓉餡好食. 唔會太甜!呢度小菜唔算太優惠, 仲有少少中上價位. 不過都值得一試! 可推薦!…查看更多

大時大節唔想煮飯 最好就係叫盆菜！但市面好多都係麻麻地，特別係大集團連鎖式，多數都好伏！今次丈夫強烈推介呢一間，佢講到實牙實齒好好食好好食！話係好友介紹，話一定冇介紹錯！既然係咁就叫一個六人盆菜試試佢！價錢收費$1388 包埋送貨到樓下，年廿九當晚中午已經送到，仲送咗一底蘿蔔糕，抵！ 夜晚一打開個錫紙，真係好足料啊！瑤柱/鮑魚仔/大蝦/鴨掌/燒鴨/冬菇/螺片/個底仲有好多魚蛋/芋頭/豬皮等等，我都好憂慮六個人會好細份，估唔到出嚟效果咁好有個小山丘本身仲買定咗少少配料諗住之後打邊爐用，結果超飽！ 不過最緊要佢味道超夠，唔會太咸，又唔係重味精！呢下抵讚！而我最喜愛就係掌，炆得夠淋又入味！佢裏面仲有一啲好似麵筋嘅東西，索晒啲汁超好食！ 完全重拾返信心去買出面盆菜！下次大時大節一定會再幫襯！…查看更多

丈夫牛一 想食片皮鴨 ！ 上網研究咗好幾間，最後決定都係揀沙田18！應該酒店嘅質量都唔會太差因為知道好難book位同埋會好full ！早響一個月前online 已經訂位，好快趣就有同事打嚟confirm, 仲即時可以訂埋片皮鴨同埋甜品慶祝生日!準時12:30去到 都差不多滿座! 被編排去靠窗卡位！ 非常闊落！ 服務員嘅態度亦都非常之好、好殷勤友善！除咗點左一隻片皮鴨一食之外，叫咗點心、出名嘅叉燒、一個焗蓮蓉西米布甸同一份腐乳芝士蛋糕！兩個人來講都相當之豐富叉燒比我想像中爭少少 之前睇過好多食評話係比較軟淋，而我呢份就比較Un, 遜色咗少少！ 而個鮮蝦龍躉肉水晶餃就非常唔錯，出邊比較少有，真係啖啖魚肉，又唔腥，值得一試！重頭戲片皮鴨出場，師傅會喺面前原隻片皮！超級香，呢度建議鴨皮係點白砂糖食，冇吹水，真係入口即溶！超好味！ 而鴨肉就真係相對地乾少少，要去到鴨脾位嗰度先至好食啲！ 但整體都非常好食，暫時係我嘅no.1最後上埋個甜品，焗蓮蓉西米布甸真係大推！唔會太甜熱辣辣非常好食！ 腐乳芝士蛋糕反而腐乳香不夠，但特色食品，都不妨一試！整體來講有90分！ 服務好，夠衛生，而且價錢不算相當之貴，五星酒店質素，加埋一再有白金信用卡優惠，都係$1100多少少 非常優惠！下次一定會再來！…查看更多

之前一直都想黎試下呢一間餐廳 , 但無奈次次都勁多人, 超多人排隊! 今次醒喇! 唔好等堂食, 試下買外賣, 果然又真係快D!11:30去到. 剛剛好可以叫午餐. 叫左3個飯, 大概等左10分鐘就有得拎. 太好了. 唔駛等到沒完沒了! 嘿嘿! 叫左1客豬軟骨飯, 1客豬排拼咸魚煎肉餅飯, 仲有1客煎蓮藕餅飯, 客飯仲跟埋一碗例湯. 都係HKD50 一客, 真係唔算貴啊! 豬軟骨炆得夠淋身, 而且有成4-5舊, 相當抵食! 不過我最歡喜既都係 ~ 蓮藕餅, 有2大塊, 一咬開, 有啖啖蓮藕絲, 煎得夠香口, 好好食! 而咸魚肉餅真係相當有風味, 夠咸香, 啖啖肉, 不過豬排就略為薄身左一D, 可能因為經過人手DUP鬆醃製. 如果可以厚D就更好!希望遲下有機會試下堂食啦!…查看更多

上次初初開張果時. 來食過一次. 覺得不過不失! 今次有朋友專登入來TKO . 就帶佢地來試一下. 睇下有冇進步!1:30PM左右. 都不用等位. 可以直入. 我地3個人. 安排左卡位. 相當闊落. 坐得舒服! 叫左1籠小籠包, 1份牛肉餡餅, 1份蘿蔔絲酥餅, 同半隻北京填鴨! 牛肉餡餅真係幾OK. 爆汁系列. 而且上檯時仲好熱. 好食! 而蘿蔔絲酥餅都OK. 唔會炸得太燶. 合格! 而小籠包保持水準. 皮夠薄, 夠肉汁! 但北京填鴨有D失望. 嘴刁的朋友一試就知. 唔似係烤焗出黎. 完全係油炸鴨. 皮係脆. 但少左陣香氣. 而且滿口油. 唔係太理想! 而塊皮. 仲係一秒變凍. 一打開一拎. 就凍左. 冇辦法可以熱辣辣享用. 大為失望!短期內都應該唔會再去試了!…查看更多

之前突然見到APP有得BOOK返位. 拿拿臨睇下有冇得BOOK日平日自己去食下. 又真係好好彩BOOK到. 嘿嘿. 享受ME TIME !可能因為我BOOK好早. 11:15 . 未夠11:00已經去到. 平日直情唔駛等. 比我即時WALK IN入去. 太好了! 有時好多人都好怕一個人食野. 我就唔怕喇. 因為一個人鍾意點食都得. 可以好好享受! 一埋位. 即刻點左我最愛既中同大TORO食先. 真係好肥美. 好YUMMY ! 仲有鰻魚. 好厚切. 好滿足! 如果鍾意食蟹膏既朋友. 真係唔好錯過軍艦. 因為真係好好食. 好香! 另外剛好呢期做緊芝士口味的蛋糕. 即刻ORDER一件試下, 芝士味不算濃. 但都有. 可接受! 一個人食左差不多10碟. 結帳: HKD190. 不算貴. 相當滿足啊! (食完出去就超多人等位了)…查看更多

話說今日響附近開工. 難得過黎紅磡呢邊. 真係人未返到. 已經睇定附近有咩食千挑萬選下就揀左喜喜麵館! 今次醒喇我. 響OPENRICE 外賣自取果度買定先. 行到過去就即刻有得拎 . 非常好!** 因為巧遇1PM 午餐時間. 真係超多人超多人!我叫左個大雜糟麵. 唔駛諗要揀食咩. 適合我呢種有選擇困難症既人一大開. 咩料. 超大碗啊. 真係滿瀉咁滯. 有牛腩, 大腸, 魚旦, 牛肚, 生菜, 雞翼, 六種配料~ 除左雞翼之外. 樣樣都起碼有4-5件. 相當豐富啊! 配埋幼麵, 小小辣汁, 覺得好出色! 大腸洗得好乾淨,  牛腩炆得夠淋, 易入口, 魚旦先正, 大大粒, 絕無欺場啊! 最估唔到佢會有埋牛肚. 一D都唔少. 份量好足! 一碗都唔駛HKD50 . 平時都食唔到! 希望下次可以再黎食啦! …查看更多

我呢種炸雞迷, 真係每個星期都要食返次炸雞先開心. 但食得多快餐店炸雞, 都會食到有D失落. 今次把心一橫. 用左外賣平台叫繼光香香雞 嘿嘿. 一嚐新口味! 平台落單. 唔算等好耐, 大概半個鐘都已經送到!叫左2份大的香香雞. 一份中辣. 一份微辣. 再加一份甜不辣! 香港既繼光香香雞同台灣有D唔同. 響台灣食過好幾次. 台灣D雞粒多數都有骨位. 而香港就原粒啖啖肉 ! 雖然等左半個鐘, 但來到都仲熱. 正呀! 微辣其實一D都唔辣. 哈哈  . 中辣就好似微辣咁. 不過都一樣好味啊! 而甜不辣不過不失. 愛吃魚餅的人一定會歡喜啊!希望可以再添加一個增量版啦!…查看更多

依家都市人. 成日都話要健康, 減肥, 唔好食太多肥野, 雖然我都成日咁諗XDD . 但成日行過泰昌都忍唔住望下佢D沙翁, 圓碌碌一個個. 好似好正咁. 終於忍唔到手要買返個懷舊一下!一個$8 , 今時今日物價黎價唔算貴!  我入左間鋪到幾分鐘. 基本上入黎既都係買沙翁. 似乎應該都出色表層鋪滿白砂糖. 次次一咬. 塊面都痴晒砂糖好樣衰. 哈哈. 咬落去都好鬆軟. 有蛋香. 真係唔錯呢! 呢種味道真係好耐都冇食過. 好懷念! 普通冬甩都比唔上! 希望多D鋪頭都做返沙翁啦. 正正!…查看更多

名代宇奈備長炭燒鰻魚飯專門店  - 由日本食到返香港. 以前去開東京果時已經成日食. 比我喻為最平民好食版既鰻魚飯! 響香港開左咁耐. 初初要排好耐好耐. 直到依家. 可能熱潮完完全全冇晒. 紅假下午2點去到. 得一兩檯客. OMG. 唔通真係一般?同丈夫點左2個鰻魚飯. 一份雙層鰻魚丼, 一份特上, 加多個鰻平燒, 2罐汽水. 共HKD340 免加一. 可接受的價格!鰻魚相當厚肉. 不過竟然堂食都唔夠熱. 有D失望! 好彩味道都搭夠. 而且仲有免費添飯. 唔駛驚唔飽lol . 而鰻平燒就好一般了. 蛋不香. 裡面夾了芽菜, 一條鰻魚肉, 用蛋皮包好. 加上沙律醬... 一般的味道... 這個不推薦!希望可以保持日本的質素. 不要來到香港就變質了!…查看更多

Happy Friday 相約左舊工友一齊見個面食下飯. 佢地話搵到一間隱世小店要試下. 我一睇個location. 都心知大鑊xdd,  真係水記呢! 因為以前成日都會行過呢頭. 行過覺得好香. 但望過入面印象中係相當迫. 不過朋友既然一心想試. 就一於奉陪!7:30pm左右去到. 剛好滿座. 如我所講. 勁迫. 如果係呢個疫情下. 其實我都好驚呢d餐廳. 因為真係太迫. 好似好高風險而且好嘈. 想傾計既朋友就唔好考慮呢度!4個人叫左6個餸. 正常size , 唔會話好細碟. 最推薦一定係蠔餅啊. 佢唔係傳統一塊塊形式. 佢係一粒粒咁炸. 熱辣辣好脆口. 蠔唔會有臭味. 堅好食! 我地專叫熱氣野. 仲叫左碟椒鹽鮮魷. 呢個都一樣超香口. 不過上面炸蒜就淋左d. 扣左分! 當然唔少得炒通菜. 呢個都讚. 好有鑊氣! 朋友們鍾意食辣. 叫左個水煮牛. 不過不失. 因為冇薯粉墊底. 爭少少! 另外再叫左個泰式蝦沙律同燒魷魚(土魷系) . 都唔錯!其實食物唔差. 平又抵.不過環境真係好一般 . 坐得唔舒服. 希望下次平日黎會好dd~~…查看更多

最近壓力有點大，收左工決定同朋友去銅鑼灣揾間有feel嘅餐廳chill下，就揾左呢間主打食pizza同pasta嘅餐廳~~一入到去，環境偏暗，但有d燈飾陪襯，比人一種放鬆嘅感覺。食物價錢都唔算貴，今次點左2杯果汁，1個大pizza，1個意粉，人均$200，都相當OK!2杯果汁($50 × 2)就正正常常，不過不失，可能飲酒會好d煙燻三文魚熱帶pizza($150)，一上枱比佢嚇親，仲大過塊面，真係CHI 鬼線XDD... 味道上三文魚搭配菠蘿+茄汁+水牛芝士，酸酸甜甜，夏天食特別開胃。又唔會好漏. 要讚!西班牙辣蒜香雜錦海鮮汁寛條麵($128)，有帶子、蝦、青口、魷魚, 平時食呢D好驚. 驚入口霉到喊... 呢度有驚喜~ 竟然全部都新鮮爽口，d鮮味滲曬入意粉度，好出色，正~~如果想chillllll下既朋友 . 真係不妨一試. 推薦!…查看更多