rubbishtrash's Profile

已經好耐冇食韓燒，沒有去笑一笑。上網search見到Running燒，呢度除咗燒肉之外仲有海鮮提供，都幾吸引！仲係放題形式添，可以任飲任食！呢度係用qr code落單嘅，非常方便，啲嘢食都好快到，有冇漏單！食物種類好多，有唔同嘅肉類，蔬菜小食仲有唔同嘅主食。出面仲有半自助吧，有唔同嘅小食，蔬菜，熟食同甜品，飲品就喺雪櫃拎。因為唔想浪費，但又想試多啲唔同嘅口味，於是每一樣肉都叫咗少少！薄切西冷牛扒夠薄身，基本上放上去燒一燒，就可以食啦！一嚟到一定要叫！厚切豬腩肉就好厚身，肥瘦相隔，燒緊嘅時候會出遊，識落好有咬口又好香豬油味，加埋辣醬同生菜夾住食就超正！孜然羊扒食落唔酥，好香孜然味！最後我哋出去個雪櫃度要咗唔同味嘅雪條，雪櫃入面有好多選擇，小朋友一定好鍾意！…Read More

好耐冇出過嚟食fine done,之前揸車經過見到呢間餐廳好似好靚，就決定今日嚟試吓！一入到去，啲Staff態度好好，會對我地介紹有咩食！食物質素都非常高，我地叫咗一個前菜，一個煮食同埋一個甜品！1. 海膽多士兩件海膽真係唔敢亂叫，唔新鮮唔單止會好難食，仲會肚屙添！呢個海膽一上到黎，已經比佢個顏色驚艷咗，望落去就知好新鮮！加埋個最多士口感好豐富，海膽味好濃郁，海膽嘅油香係多士上面，一食落口海膽味就覆蓋左成個口，仲有回香！2.黑松露意大利飯配舞茸菇去意大利餐廳，最鍾意叫黑松露飯或者意粉，今次揀咗risotto,黑松露同埋舞茸菇雙重夾擊味蕾，想成個飯又香又creamy! 3. 意大利咖啡雪糕及焦糖榛子以為雪糕只係普通雪糕，點知上到嚟個presentation超級靚，個盤上面每一樣野都係可以食嘅，盆栽仔係朱古力整，榛子就好似一個麥芽糖棒咁，咬落超級有驚喜！最好食係意大利雪糕，放喺咖啡杯上面，裝飾到好似一杯cappuccino…Read More

同媽咪慶祝生日，搵咗間好靚嘅西餐廳同佢兩個人撐枱腳，慰勞下媽咪咁辛苦🥰我哋叫咗兩個湯、一個沙律、一個錢財同埋兩個主菜，好豐富！1. 牛肝菌湯 紫薯湯分別叫咗兩個唔同嘅湯試吓，牛肝菌湯好香菌類嘅味道，同Creamy嘅湯好夾，每一啖食落去個菌味都會喺個口中迴盪！紫薯湯就清少少，但係好有驚喜，好少西餐廳會用紫薯去做湯，特別！2. 法式香煎鵝肝半黑醋汁配焦糖菠蘿及紅酒蘋果蓉唔好以為佢得個名長，佢嘅食材的確好豐富，主角鵝肝做得非常之好，好亂畫！而其他配菜亦唔遜色，菠蘿同蘋果中和左鵝肝嘅油膩3. 美國燒春雞有成半隻燒春雞，雞髀位好滑，配埋個汁非常之好味，隻雞燒到啱啱好，完全唔會過咗火位！4. 墨魚汁鮮帶子海鮮扁意粉成日好怕食墨魚汁意粉會食到成個口都係黑色，但見佢有帶子同海蝦，好似好吸引！呢個絕對係我食過最好食嘅墨魚汁意粉，超級creamy，所有味道都啱啱好，加埋有帶子同海蝦嘅鮮甜味，令到成個意粉嘅味道升華咗！海蝦同帶子都好新鮮同清甜，絕對值得一試！…Read More

熱辣辣都要打邊爐，幾個人打邊爐就係最好嘅活動，可以熱熱鬧鬧咁樣圍住過路慢慢食！聽朋友推介，烏蠅館嘅食材新鮮，所以就去試吓！打邊爐最緊要梗係個湯底啦，我哋揀咗個滋補菌湯火鍋湯底，感覺好養生🤣🤣一上到嚟真係比佢個滋補程度嚇親，超級多蟲草花同另外一啲菌類，感覺上好健康，飲落個湯底好重菇味，值得一試！肉類方面，我哋叫咗半隻花雕雞同埋海蝦，雞係有酒浸住嘅，所以食起上嚟好重酒味，有少少醉雞嘅感覺，好好食。而海蝦就好新鮮，淥熟之後搣殼嘅時候唔會有癡殼嘅情況，食落新鮮清甜！之後我哋仲叫咗個生菜同埋四川番薯粉，呢兩樣都會朔晒個湯底嘅味，好好食！尤其推介番薯粉，質素好好，唔會好易爛，食落又好滑！ 飲品方面，叫咗個高山銀絲綠茶，好香茶味，飲落好清新，解咗打邊爐食咁多嘅膩…Read More

放工想同朋友去chill下，就揀咗呢間位於港威商場嘅泰國餐廳Nara。呢度餐廳環境好有氣氛，而且我哋坐近海邊嘅座位，可以一度睇住個海景一度食飯，一坐低店員就會先serve我地一碟蝦片。泰式生蝦我覺得泰式生蝦係泰國餐廳一個必點嘅菜式，呢度嘅泰式生蝦好新鮮，肉質好滑，完全唔會有腥味。黃咖喱魚柳泰國菜點少得咖喱，因為我哋兩個都唔鍾意食辣嘅咖喱，所以就叫咗呢款黃咖喱魚柳，黃咖喱比其他咖喱有更加多嘅甜味，而且有少少椰子嘅香味，再加上炸好嘅魚柳係perfect match薄餅薄餅上枱嘅時候仲係熱辣辣，用嚟配咖喱汁食就啱啱好芒果糯米飯呢度嘅芒果糯米飯好高質，勸大家記住留肚叫一碟試下！芒果好鮮甜，而且糯米飯有好香嘅椰汁味！龍眼冰嚟得泰國餐廳，當然唔少得泰國特色飲品，今次我就叫咗一杯龍眼冰，飲品質素唔錯，而且入邊亦都有新鮮龍眼肉。今次我同朋友都食得好滿足，下次可以再嚟encore呢間餐廳。…Read More

知道淘大商場都開咗生煎包，終於揾到時間去試下😋我哋幾個人好貪心，要咗午餐、生煎包、小籠包仲有一啲小食！黃魚濃湯拉麵🍜上菜嗰陣，已經見到好靚，係一條完整嘅黃花魚起咗兩條魚柳嘅肉出嚟，加埋啲配菜，五顏六色好靚。一試更加不得了，無骨啖啖肉之餘，啲魚肉仲好滑，配埋啲汁真係好好食！個魚湯仲好鮮甜，真係冇講錯係濃湯！灌湯小籠包嚟到上海菜館，點可以唔試吓小籠包呢，小籠包鄙薄餡靚，啲肉又好新鮮肉汁清甜，值得一試👍🏻堅信號生煎包嚟到呢度，梗係要試吓佢嘅招牌生煎包，睇到枱面有個生煎包教學，真係好搞笑，但係多得呢個教學先唔會辣親個口！因為生煎包真係爆曬汁，入面啲汁超級熱辣辣，一唔小心真係會辣親🤣🤣我哋細細啖咬開已經爆曬汁流晒出嚟，加埋個除博博嘅包皮，真係一試難忘！堅信號秘製豬扒菜飯個豬扒甜甜地，肉質鬆軟，食落有少少似叉燒嘅感覺。上海菜一直都非常之濃味，但係呢個豬扒啱啱好，個人覺得好符合香港人口味！雞絲粉皮份量都幾多，雞絲配買青瓜仲有粉皮簡直係最佳配搭！用咗日式麻醬，食落好香！…Read More

今日嚟到呢一間好舒服嘅Cafe坐坐，見價錢都唔係好貴，我哋叫咗一個lunch set，同埋幾款小食，另外加錢要咗兩杯嘢飲。主食方面，我哋要咗西班牙鴨胸燴飯，焗飯唔會好乾，鴨胸嘅份量都唔少，配埋三色椒，個味好特別。小食方面，我哋就好貪心，想試幾款唔同嘅小食，分別叫咗蜜糖燒雞翼， BBQ單骨雞翼同埋西班牙香草肉丸。不得不讚，呢度嘅小食真係好出色，份量又唔少，兩碟雞翼都有六隻。蜜糖雞翼係我嘅私心推薦，燒到脆卜卜熱辣辣，一咬落去仲好多肉汁，起級juicy！BBQ雞翼第一次試，單骨好方便食，啱晒啲唔鍾意倫骨嘅朋友，最出色嘅係BBQ醬，雞翼燒到好香脆，點埋個醬就一流！而肉丸就有少少辣辣地，唔會因為太多肉而好濟！飲品方面，我哋叫咗一杯榛子咖啡同埋花茶。咖啡好滑好香，榛子味又唔會搶咗咖啡嘅味道！花茶飲落好舒服有唔同嘅花香味，配返個西餐啱啱好！…Read More

最近天氣涼返，最想就係去食燒肉，上網睇過推介，見到呢間良心食店，梗係要支持同懲罰下啦😼😼呢度食物種類繁多，除咗燒肉之外，仲有剌身、壽司、炸物同熟食！刺身中最有驚喜的是甜蝦，又大又鮮甜 ，鮮鮑魚也不錯，也鮮甜嫩口，三文魚刺身也新鮮，但不夠甜，都是那句話，200多元的放題是物冇所值！作為炙燒愛好者，第一時間就試咗炙燒三文魚壽司，入口即融，忍唔住再encore! 🤣🤣燒肉方面，除左牛肉之外，期間仲試咗蝦，雞肉，豬肉，元貝等，每一樣都唔錯，味道和口感都保持到，肉有肉味！👍🏻👍🏻食完最念念不忘的反而是餐廳自家炒的豬腩肉，爆炒通菜，好夠鑊氣，又嫩又夠味，配飯一流。仲有個蕃茄濃湯烏冬，一小鍋上，湯非常滾，烏冬好彈牙，三人分吃一碗，剛剛好。仲有嚟到一定要叫嘅煲仔通菜，呢個真係首推！🖖🏻🖖🏻性價比不錯的放題，仲要是黃店，值得支持。💪🏻💪🏻…Read More

一直都好想食酸菜魚，見到廣告有呢一間非常之唔錯，評價好好，就book位試試！見到有咁多間分店，諗住尖沙咀可以食完行海旁就揀咗尖沙咀。一上到去見到個環境都幾靚，仲見到海添！睇咗個餐牌一陣，見啲菜名都好得意。🤣🤣當然我哋就揀咗最出名嘅酸菜魚啦。侍應建議我哋揀小辣，因為佢哋嘅辣都做得幾出色。👍🏻我哋仲揀咗唔少配菜：木薯粉、木耳、蓮藕片等等。😌一上菜我哋就覺得好驚喜，酸菜魚嘅份量好多。魚又非常之滑同鮮味，加埋個湯真係好正！我哋三個人，食到好飽！真係好抵食！👍🏻👍🏻仲叫咗一個小食，蔥油撈豬肚。因為唔係好算食得辣，我哋揀番個清淡啲嘅小菜平衡返。蔥油味好香！飲品方面，我哋叫咗酸梅湯，食到咁飽，好彩揀咗開胃嘅酸梅湯，又清熱！😆…Read More

聽朋友介紹，佐敦有間唔錯嘅Cafe。一去到果然冇令我失望。我哋要咗個二人套餐，非常之豐富，三個人食啱啱好！個二人套餐包左一款前菜同餐渴，兩款主菜，仲有一個甜品！前菜方面，揀咗個蒜片白酒煮大蜆。個蜆好新鮮，好有鮮味。如果分量可以再大啲就正啦！個湯係羅宋湯，配左麵包條！主菜方面，要左一個德國脆皮鹹豬手同埋露絲瑪莉香草燒羊架。個德國鹹豬手燒到好香好脆，仲好貼心咁已經切好上碟，我哋可以好輕鬆咁樣食。值得一讚！而個羊架嘅熟度啱啱好，又無酥味，好香好易入口。份量又大，加埋個薄荷醬，又令個羊架更加昇華！最後，甜品方面加咗$38升級做朱古力心太軟配雪糕，心太軟個賣相好靚，一切落去就有流心嘅效果。配埋雪糕又唔會太膩，恰到好處！…Read More

其實一直都好期待有一間雞煲係啱我口味嘅， 喺openrice度搵到呢一間位於北角嘅金樂軒。見網上評語唔差， 所以嚟食下。🤣🤣問老細邊一隻雞煲最好食最受歡迎，佢就推薦咗我呢個招牌奇味雞煲。打開個蓋就聞到好惹味嘅雞煲，口水都流曬啦！仲爭啲辣親個嘴㖭！真係色、香、味俱全！👍🏻👍🏻我地嗌嗰個係bb辣， 原來唔算好辣，下次試更加辣既雞煲， 會更加好食。 我個朋友唔係幾食得太辣，所以嗌咗一揸竹蔗茅根。 清清熱氣👍🏻另外推介大家食呢個手工包嘅餃， 老闆娘話係自己有份包嫁， 夠曬有心機。啖啖都係老闆血嘅心血！呢間 金樂軒仲有好多小炒巧菜， 望落隔離枱嘅時候成枱都係餸。開party嘅時候喺呢一間度嗌到會， 都係唔錯嘅選擇。 期待下次再嚟食。…Read More

有朋友生日，但唔想年年都係食嗰幾個大牌子嘅蛋糕，特別啲就試下網上見到嘅一間好出名嘅tarte! 要咗四種唔同口味試下！1. Coffee Crème Brûlée tarte 一見到呢個味就已經好興奮，有哂我兩個最愛：咖啡同creme brûlée! 呢兩樣野夾埋一齊又幾特別！互相都唔會搶咗對方嘅味，配合得好好，咖啡味好香！2. Passionfruit Hazelnut tarte 熱情果酸酸地，hazelnut就甜嘅，酸酸甜甜夾得好好！平時最驚食太甜嘅甜品！呢個熱情果配落去中和咗個甜味，好正呀！3. Fresh Lychee tarte 呢個荔枝口味嘅tarte好fresh! 比起檸檬口味更清新，最啱我呢啲淡口味嘅人4. Mojito tarte 估唔到會有Mojito呢個味呀真係，咁啱生日嘅朋友好鐘意飲mojito, 佢都話個樣都做到好似，食落個味好特別，有淡淡嘅薄荷同埋檸檬味！呢間都做得幾出色，又獨立包裝，好方便！除左做生日蛋糕之外，都係一個唔錯嘅散水餅選擇！…Read More

It is overall a decent and elegantly decorated Japanese restaurant that whets everybody's appetite! For the location, it is Very close to the MTR station. We just need to walk for about five minutes after getting out from the station. Serving with the high quality of food, services and environment, I believed that it is a fair price. The place is big and decorated nicely. The cozy environment provides a wonderful atmosphere for enjoying the dinner. The sushi is yummy, we are served in a fast and accurate manner. The sushi is small in size which provides chance for us to try different kinds of food! Dessert is another surprise for me. Being a dessert lover, it is like going to the world of dessert. There is a variety of desert being served including both Chinese and western style. There is a lot to choose from such as the macaron, tiramisu, mango favor cake and hokkaido pudding, The most unforgettable one is the Hokkaido milk pudding. It is soft and creamy! It is a little bit sugary for me but my little brother loves it so much. I am sure that kids love it very much! The hot dish is also excellent! The chicken wings are very delicious and tasty. It is hot and crispy. The sauce of them is a perfect match. The fired chicken wings I eat here is the same I ate in Japan. I have been looking the same taste for a long time. It is glad that I can try it again here.Last but not least, the staff are all very nice. When even we need helps, they respond to us very quickly. They are all very polite and nice! They serve everyone with smile which help to provide a joyful experience of having dinner here! …Read More

聽朋友講，長沙灣開咗間新餐館。咁啱今日媽咪想休息下做「無飯主婦」，於是就一家人去試下呢間新嘅中菜館，最啱一家大細嚟食！諗嚟諗去，我地叫咗個套餐，有三個小菜。分別叫咗個頭抽雞、涼瓜排骨同埋一個上湯油菜，價錢都只係大約300蚊！個頭抽雞好出色，同食開嘅黃燜雞有啲似，甜甜地好特別！但呢個雞好滑，火候控制得啱啱好，完全唔會有over cooked嘅情況。個醬汁好好味，攞嚟送飯真係一流！涼瓜排骨啲排骨好新鮮，最驚係出面食排骨會有雪藏味，但係呢度食到好新鮮嘅肉味，好有驚喜！排骨同涼瓜一直都係絕配，排骨嘅鮮味中和左涼瓜嘅苦味，變成甘味！除咗套餐之外，我哋額我要咗個椒鹽鮮魷。鮮魷炸到脆卜卜，熱辣辣。一咬落去嗰陣爭啲辣親個咀，可想而知有幾新鮮熱辣！炸粉又一啲都唔厚，非常可口！…Read More

今日專登嚟到龍門冰室， 聽朋友講呢一間餐廳，鐵板晚餐非常足料好好食㗎。個鐵板未黎之前，好快嘢飲已經黎到。我同兩位朋友一樣都係帶咗奶茶紅豆冰，呢間餐廳佢哋用外賣杯，同時會有千支匙羹俾我哋方便食紅豆同埋飲奶茶。非常貼心對於我哋嚟講，非常有驚喜。❤️❤️❤️估唔到奶茶配紅豆冰係咁夾嘅，真係好想買多杯，拎走返屋企飲🤣🤣🤣我再望望周圍環境都坐滿晒客人，不過職員做嘢真係非常快手，服務周到，一揮手好快就會有反應！等左10分鐘左右，我最期待嘅鐵板餐黎到啦，呢個鐵板餐包括左三塊羊架同埋德國腸同。打橫一睇就知道有幾有厚幾重。再配上黑椒汁，真係超好食，極力推薦大家嚟食呢個鐵板餐，食咗返唔到轉頭，性價比超高。最後，我地仲叫咗個黑松露薯條，薯條好脆，同埋係呢種闊薯條，好正！加埋個黑松露醬，真係無得頂！…Read More