Leonlado Dafreege's Profile

多年前經常幫襯，以前質素都唔錯，估唔到隔咗幾年，完全變質，當日2000入場叫咗419果隻 松日本和牛放題，啲牛非常難食，十分榎身，本身以為比錯左，點知真係咁難食。個餐除左牛，仲有牛舌，豚，羊牛舌係正常，羊應該係最正常，豬同牛都係極榎。除此之外，海鮮蝦同魚都係落左幾次order 都冇，最後要搵店員問先話整緊。相信唔問係唔會有。落 order 就冇咁快話食到2200，2130出面就趕住收工咁，食到2145就過黎收走我個爐。🤡唔會再幫襯。…Read More

之前一向都有幫襯過幾次，食物質素唔錯，由其泰燒唔係周圍都有，今日1930到舖2人總共叫左1個泰式燒烤3支啤酒1杯特飲，食物15分鐘 就上齊， 食左十分鐘都冇，個泰國女仕過黎話冇得換鐵板，快啲燒，咁唯有配合啦，用餐到尾聲，剛好食晒全部燒肉，當時係2115左右，剩返一盤蔬菜，同一位泰國女仕用不禮貌嘅態度同我講依度食飯有限時，然後打算將我啲蔬菜收咗佢，當時我並唔知道有咁嘅限制，而且舖頭亦都冇寫我即刻問佢其實有限幾耐呢？ 佢又冇直接答就走開左。旁邊嘅店員就表示唔使理佢而且同我道歉。再隔多2分鐘，佢再嚟收多一次，當時我嘅蔬菜根本就未食過，而且一直都有叫嘢飲打算繼續order,不過佢態度十分惡劣，話限時90分鐘。然後將我盤蔬菜收走咗。眼見我隔籬枱嗰班泰國人喺我未入座之前已經坐咗喺度食緊，而且仲繼續用餐。而當時舖頭亦有幾張吉枱，外面冇人等位。繼續詢問佢又支吾以對，成餐飯嘅氣氛已經俾佢破壞咗，就結帳走人。唔想做香港人生意，其實早啲講。難得有質素好嘅食物，咁嘅店員令到氣氛直接破壞。無謂貼錢買難受。 …Read More

食到淨番半個鐘既時候已經好似要趕我走咁，最後10分鐘仲有個阿叔衝埋黎話要清枱，一路鬧一路趕，兇神惡煞咁既款，一野掉左啲點餸紙同垃圾落個煲度，彈曬啲湯出黎，差啲彈到我朋友，十分危險我地仲食緊都比佢搶曬啲餐具見到佢咁冇禮貌咁暴力真係完全唔會再幫襯…Read More