Unapsl的個人專頁

突如其來想食燒肉，又非常之肚餓喎就揀咗旺角都幾出名嘅running燒，任食韓燒餐廳，喺彌敦道位置都幾方便去到服務員上一首先攞咗啲韓式前菜比我呢度最緊要方便總共有六種，當然唔少得一般嘅韓式大醬呢度嘅食物種類非常之多，牛豬雞大概都各有10款以上仲有好多唔同種類嘅海鮮，大大隻嘅芝士生蠔，扇貝，鮮蝦魷魚等等都有呢度嘅芝士生蠔超級足料，大大隻嘅生蠔配正常芝士😋有嘅話特別推薦牛肋肉，肉質口感非常好味西冷牛扒同埋雪花牛仔肉都okay豬嘅話厚切五花籃都幾好食幾Juicy另外我仲點左個韓式粉絲，同一般韓式粉絲差唔多,裏面嘅配料都好足夠另外仲試咗佢嘅炸物，先炸魷魚鬚同埋韓式炸雞都係即叫即炸，而且雞肉都好鮮嫩整體來講，依到係性價比幾高嘅韓式放題地點方便而且價錢都唔貴，仲有啤酒免費任飲…查看更多

今日經過開太子做嘢見到有間小餐廳7:00都有人排緊隊咁就抱住一試嘅心態，試吓依到Cafe paradise首先去店內嘅座位唔係好多，但係冷氣等等都幾足幾舒服入到去服務員嘅態度非常之好，安排好我同朋友所有嘢，雖然地方少少，有足所有西餐廳嘅feeling，每一個菜都會安排晒所有上餐嘅時間，非常細心首先我點咗個石燒安格斯亦板牛扒，配搭黑松露薯條，士多啤梨沙冰呢度嘅薯條配上好多嘅黑松露同埋蛋黃醬都幾好味等咗一陣，終於試到佢嘅石燒牛扒，石燒牛扒非常好食，肉質Juicy,口感非常好，隨處去過石燒慢慢咁加熱，3成，5成熟，七成熟都幾好食，牛扒連切割紋路都幾靚，好似去咗食高級西餐禁士多啤梨沙冰杯嘢飲都幾靚，拿黎打卡真係一流最後我試咗少少我朋友點嘅意大利飯，非常好食😋整體來講，呢間少少西餐廳，真係有驚喜，下次為咗唔使排隊我一定會預約再食😋…查看更多

今日特登預約咗食日本料理，見大山日本料理好評幾多，過嚟試一試位置大概喺西洋菜南街，兆萬中心對面，本來去旺角嘅日本料理都係抱住一試嘅心態，點知有驚喜入邊裝修都幾靚嘅，好溫馨嘅居酒屋嘅感覺🫣首先點左三文魚刺身，$48四件大大件，幾新鮮之後就點咗牛油果軟殼蟹卷，軟殼蟹牛油果手卷非常好食一層層嘅沙律醬，配搭爽脆青瓜三文魚子，加上新鮮啱啱炸嘅軟殼蟹，非常好食，同平時食開嘅卷物口感完全唔同，值得推介之後我仲試左鹽燒三文魚頭，係超級有驚喜，三文魚頭都算幾大份，燒嘅火候係啱啱好，成個三文魚頭真係好香好脆，而佢嘅油脂分布又唔錯，非常好味最後最值得推介嘅係佢嘅石版燒牛，本來一般都比較鍾意食韓式燒牛，估唔到喺呢度嘅牛幾好食，外邊通常都係一般都係佈置好嘅石板上比你，呢度會連埋點火禁上石板比你，頭先我試咗大概三成熟嘅牛，無論切割嘅厚度，口感都非常唔錯，之後就自己燒七成熟嘅，配搭簡單嘅玫瑰鹽，好好味😋佢嘅服務員嘅服務態度都非常有禮貌，友善，介紹食物亦都介紹得好詳細🥂…查看更多

今日晚餐去咗一休到撐枱腳，幾點非常方便，喺旺角雅蘭中心隔離一去到，即刻點左個特價嘅大優惠一牛肉壽喜燒，小食揀咗雞軟骨依度嘅香炸雞軟骨，超級正😍超級大碟，配上蛋黃醬真係一流牛肉壽喜鍋都唔錯，只係$68嘅價錢，想食牛肉火鍋，去湯底係類類似一般嘅壽喜鍋之後另外仲試咗，極上和牛刺身因為睇落真係太吸引啦，上到嚟味道都唔錯，配上特製醬汁酸酸地，係另外一番風味點咗佢嘅三文魚腩刺身，味道真係好新鮮，厚度都OK，作為頭盤一流之後點左火焰三色卷有帶子三文魚，火焰燒得啱啱好最後揀咗燒茄子茄子配搭咗好多蒜，味道就比較普通，但係$38燒茄子真係好抵食…查看更多

放復活節假梗係去食好嘢啦💗因為爹哋去咗旅行，所以我就同媽咪去撐抬腳我地特登留定個肚就可以食多d🙈甫燒鰻魚必每枱必點既，鰻魚上面加埋d汁，好香而且冇任何腥味，一口細細件，中意食既可以叫多幾件😎醬燒雞翼用既燒汁都唔錯，燒到雞翼金黃色，咬落去有豐富肉汁，好juicy 🙂唔會太乾呢度既海鮮都好吸引😍豉椒炒蜆🤤蜆冇沙洗得幾乾淨，好夠味 旁邊配菜都好惹味😋蜆肉都唔會過細食羊既朋友仔一定要試下燒羊架，肉質好嫩一d都唔難咬，最中意就係加入咗適量既香草真係好正焗蝦面頭有蒜蓉同芝士，蝦好有鮮味，而且調味啱啱好，唔會過鹹，而且隻蝦覺得啱啱好唔會太老呢到既芝麻雞翼係一個唔錯嘅選擇，雖然佢係炸但唔會過份油膩，個皮都係脆既，好香口甜品有雪米糍，有三種唔同嘅口味，綠茶紅豆、士多啤梨雲呢拿同埋朱古力， 咁我就試咗其中兩款，味道唔會太甜，而且個皮都好有咬口，仲有其他雪糕雪條既款式可以選擇💕💕呢間放題假期都真係好多人，聽人講連平日都要訂定位先可以準時入座食到😎佢味道同服務都唔錯，值得再黎👏🏻…查看更多

餐牌裡很多食物看起來很美味，而友人覺得頭盤白酒忌廉汁藍青口挺吸引😋，本來想下單，可惜服務員說當天暫停，唯有選擇其他食物。😩我地叫咗個小食，炸雜錦三式有炸薯角、香茅雞翼同炸吉列蝦雞翼有很香的香茅味，並已預先拆了一條骨吉列蝦粉漿唔會好厚😋外脆內軟，蝦亦好有鮮味炸物總括是不會很油膩👍🏻👍🏻之後食焗長腳蟹意大利飯，芝士跟跟長腳蟹肉混埋一齊，依然食到有蟹肉的鮮味😗仲有淡淡的茄汁，有消滯的效用木魚花鮮蝦Pizza亦係好值得一試，Pizza時放上枱時，已經傳來得陣陣的木魚味，令人想立刻試味😍每件pizza都有隻大蝦😝簿批亦係我至愛，成個皮都好脆，我吃了三塊也覺得不夠喉，想繼續食😋到女生最愛既甜品💕今次試咗巴伐洛娃蛋白餅呢個甜品的外觀好精緻，白色的忌廉上放滿色彩繽紛的生果，未開始吃已開始流口水🤤蛋白餅加上旁邊既熱情果汁，甜加酸好正，唔會太甜，加埋色彩繽紛既生果，完全可以話係一個完美既結尾👻…查看更多

今日放工同同事一齊去食飯，咁大家想食嘅嘢都唔同，我就想食意粉，佢就好想食甜品，咁上網一搵，呢間都滿足都我地既心意❤我地上到去就被安排坐outdoor 既位置，佈置都幾有氣氛，情侶/一班朋友黎傾計食野都唔錯🤗我地叫咗2個小食椒鹽魷魚同鹽酥雞，一個卡邦尼意粉、水果茶同埋重點既芒果雪糕窩夫‼️💯椒鹽魷魚係一個好值得一試既炸物，炸粉唔會好厚，而且好夠味，因為有啲餐廳椒鹽會落得太重手好鹹，呢度就啱啱好鹽酥雞炸到外脆內軟，肉質一d都唔乾身，佢有幾款唔同嘅口味，我地就揀咗木魚而且帶點辣既味道，幾惹味💗卡邦尼意粉真係好值得食❣個汁唔會好膩而且一d都唔稀，可以做到將醬汁掛係每一條意粉👍🏻太美味啦重點甜品芒果窩夫，個窩夫製作需大概28分鐘，所以要提早叫，個餅可以做到外脆內軟，上面舖滿生果同cream ，加埋雪糕一齊食，好正😋呢個份量都幾大，所以建議大家可以share食👯成餐飯加埋杯水果茶，可以一減油膩感，感覺好清新❤…查看更多

今日同男朋友黎試一間私房菜 平時食開日本韓國或者啲西餐 想食返啲中菜同埋有特色嘅廣東菜就嚟咗呢一間。網上Facebook 專頁有客人專誠整自家餐牌，圖文並茂👍🏻推薦比其他客人。唔寫佢嘅價錢夠貴所以可以吸引到好多訊息中等價錢嘅客人嚟到試食。雖然話九龍城係遠咗啲但係如果想食好嘢嘅都會知道九龍城係一個覓食嘅好地方😂✌🏻到步之後侍應好熱心咁招呼我哋有茶水提供。繼而我哋睇下周圍嘅環境都貼有好多推介嘅食物，有好多仲要係好吸引好特別出面好少有。再睇返好多粵菜都係心思菜，好考功夫。但係我地得兩個人所以就叫咗三樣菜。我哋叫咗黑醬油叉燒，九轉大腸同埋半隻雞煲。男店員好細心問我地雞煲辣既程度，而我地兩個就唔太食得辣，所以就叫左小辣。第一對相嘅就係叉燒佢個賣相好精緻，份量都好足夠！仲要係肥瘦均勻嘅叉燒👏🏻醬汁唔會太甜太鹹啱啱好👍🏻最啱用嚟送飯！雖然女朋友只係食咗一兩舊，其他都係由我食晒但係都唔會食到流。而且佢嘅肥係好似玻璃肉咁好滋味 ！另外一度就係九轉大腸你都係店員推介嘅，賣相好鮮艷，份量都啱啱好！大腸唔會有臭味，仲要係好容易入口，因為佢切得比較細！另外佢冇咩肥膏，所以又係一樣送白飯既好菜！男士送酒就一流👍🏻到到壓軸半隻雞煲，佢嘅辣到啱啱好仲要好大份，熱辣辣一大煲咁上枱！雖然我哋兩個人食但係因為佢嘅味道唔會太鹹又辣得刺激所以就不停食不停食。另外我哋仲叫咗啤酒！最後佢有糖水送，但我地真係太飽冇食到！好可惜 下一次要帶埋成班朋友黎，試佢既一圍菜，價錢合理，款式又多，服務又好！絕對值得推薦俾親朋戚友！…查看更多

對於一個大胃王黎講, 放題一定係自己首選, 長假期前一定要放縱下, 所以就走去大喜屋食放題。同好多飲食網介紹一樣, 無論咩時段去食, 都一定Full booking。當晚8點半到達, 排咗大約5分鐘就可以搭lift上去, 一到步後當然左手拎筆, 右手拎紙開始點餐, 點餐紙有兩本, 款式好多, 好彩自己無選擇困難, 如果唔係都唔知食咩先。 店內一系列家具裝潢設計非常吸引眼球, 而且環境舒適乾淨企理, 感覺好似去咗日本。第一輪當然刺身先, 厚切！厚切！係我食完既感覺, 我唸無邊間放題可以咁厚, 而且夠鮮甜同肥美, 個人黎講最愛帶子同三文魚，啖啖入口即溶。帶子口感十分幼嫩, 點上些少豉油，吊起鮮味。可以用食唔停口黎形容。 之後少不了點壽司, 分別點了燒三文魚腩壽司和三文魚親子軍艦, 兩者都入口即溶, 但實在太易飽肚, 所以只點了兩件, 個人覺得三文魚親子軍艦味道不太夾, 絕對有進步空間。 個人十分推介燒雞翼,肉味香濃, 加上檸檬汁少少酸味, 入口不膩飲品方面, 大多數都係來自韓國, 好多市面上都比較少見, 自己比較中意水蜜桃汽水酒, 只有3%酒精濃度而且味道清新, 好適合女仔飲。 每次放題最後都一定會叫一個牛肉鍋, 好多時街外牛肉鍋牛肉都全熟, 而且份量少, 淡而無味, 但偏偏大喜屋就相反, 牛肉半熟配上甜湯, 如果唔係因為已經九成飽, 應該會再食多個。 尖椒皮蛋，紅紅一層辣椒油，川菜口味，濃濃皮蛋香燒菠蘿，酸酸甜甜，食得太濟可以清一清喉…查看更多

人總係犯上同樣嘅錯誤每一次見到麥當勞有新出嘅包就好有衝動想試一試，睇吓佢味道如何，但每一次現實都係比預期嘅差咁先買咗新出嘅清新田園烤雞套餐，圖片睇落咁多好似真係好清新所以就諗都無諗決定買佢完全比廣告上邊嘅圖片欺騙了👇🏻感覺好豐盛套餐配鮮榨橙汁是必須的打開個包裝見到。。無言說好的6層呢？淨係見到所有材料都被壓到變成一舊但咪道的確幾清新因為所有蔬菜都係新鮮的但雞扒有啲“鞋身"，吾算難食，但可以加多少少汁，因為太乾了！面包皮係好厚實嘅bagel小麥包，所以成個包食完會好口乾，而且飽肚感好感，簡單講姐係濟食完發學細杯橙汁根本吾夠頂，要再買水潤下喉…查看更多

星期五晚當然要出去食下好野, 於是上網睇下, 要環境好質素有保證, 好多人都推介深宵食堂, 同時今日行開尖沙咀所以就二話不說係度開餐, 始終對我黎講, 除咗環境質素, 地點車程都好重要。當晚好彩7點前已經到達, 否則7點半過後, 店外已經大排長龍, 除非你一早BOOK 咗位, 如果唔係一位難求。店內一系列既木製家具裝潢設計, 乾淨企理環境舒適, 感覺好似去咗日本。 密燒八爪魚(雞肉腸), 賣相唔錯, 刀工細緻而且份量都唔少, 好合適同一大班人吹下水食下野, 因為腸類加上蜜糖係好易會燒得唔好, 但呢碟火喉非常好, 係大廚細心之作。 一口安格斯係食堂推介食品, 價格有d貴但口感唔錯, 肉質不會過硬之餘, 牛肉肉水鎖緊肉中, 保留肉既鮮味, 相對以前食過既安格斯牛, 呢次係最好。如果去深宵食堂無食過一口安格斯, 都好難話去過。 吉列廣島蠔, 賣相炸得過火少少, 口感還可但醬汁唔夾, 相信用沙律醬會好d, 期望之後有待改善。因為我覺得蠔係食日式食品一定叫。 凍豆腐, 對於我黎講豆腐一定要夠滑同厚切, 呢個就絕對夠, 雖然好難夾起食, 但碟内有兩隻匙, 方便我地進食之餘也可以避免與其他食物味道混合, 激讚這種細心做法。 …查看更多

行過見到Delifrance熱買紫薯咖啡特飲對紫薯控嚟講簡直係眼發光反正收咗工都搵緊嘢食，所以毫不猶豫地入咗餐廳坐低然後叫嘢食晚市有好多唔同種類套餐包括焗薯、意粉、三文治、漢堡包等。我同朋友不約而同都選擇咗意粉套餐，套餐包括餐湯、餐包、主菜同埋可選擇一杯凍或者熱嘅飲品，價格圍繞係＄100以內，絕對抵食煮食方面我哋選擇左卡邦尼炒扁意粉同埋烤雞野菌手炒意粉卡邦尼意粉材料足，分量大，因為係炒意粉嘅關係所以唔會太多汁，正正因為唔係太多汁嘅關係，所以我哋食完都唔會覺得太膩，岩晒怕肥嘅靚女們味道吾係吾好食，但只可以話係一般烤雞意粉方面，比較多蔬菜但烤雞份量少，成碟意粉得幾舊肉，若果係食肉獸嘅朋友可以衡量一下。烤雞意粉味道都冇特別，偷雞味道比較淡，份量亦都唔算多所以我覺得不是太抵食飲品方面我就選擇左熱賣嘅紫薯Latte...成餐飯只係比較期待這杯特飲，因為呢個係熱賣，所以一定要試試佢紫薯味唔算濃而且Latte亦較為淡，絕對失色，今次真係高估左佢…查看更多

行完街經過見到兒時最愛嘅麵包舖最出名忌廉泡芙即刻停低，買咗過原味試吓呢間九龍灣分店我相信應該較少人知道，因為佢嘅位置10分隱蔽，所以未必會留意到行埋去一睇，發覺價錢上漲左唔少，原本＄8個忌廉泡芙變成＄18 1個。價錢貴得有點可怕但因為太耐無食嘅關係 所以最後決定買一個試吓！唔需要2分鐘嘅時間就買到啦因為真係好少人亦都唔需要排隊如果好似沙田分鋪或者其他尖沙咀分鋪我諗應該需要排隊買買咗一個忌廉泡芙後立刻試咗一啖，發覺佢味道已經同我舊時嘅記憶係有所不同忌廉唔夠凍我覺得係最需要檢討嘅一個地方，因為忌廉包最大嘅特色就係有冰涼嘅忌廉係泡芙入面泡芙面雖然好脆，但因為忌廉唔夠凍嘅關係令到成個泡芙變得失色亦都係令我同我家姐最失望嘅地方，價錢上漲但味道竟然變得一般…查看更多

行完megabox,返到去德福，經過見到呢間麵包舖俾佢嘅香味吸引，就諗住入去買個包咬下。見到芝士餅覺得好吸引，理性嘅我決定停低腳步，夾佢員工嘅手腳好快，雖然人多但三兩下手勢就已經比完錢芝士餅嘅質感同我想像嘅大有不同因為餅底比較濕，唔知係放得太耐定係太多牛油，但芝士味及忌廉味好重，雖然份量細細地但食多兩啖會覺得好膩而且呢個芝士餅唔太特別所以我都不推介大家買另外見到店內不烏蠅，大家買麵包嘅時候記得留意清楚究竟有冇烏蠅係麵包上面…查看更多

夜晚游車河突然去到大角咀一條新嘅食物街發現有一間好的骰嘅燒烤店就打算試下。燒烤店嘅鋪面比較細，如果星期六日去嘅話就可能要等位。好彩當日我去係閒日所以就比較鬆動等一陣就可以入座。餐廳menu 有小食，主菜，火鍋，定食，仲有二人套餐。大多數嘅客人都會選擇食火鍋，火鍋嘅配料都比較多又新鮮，見佢地一人一鍋都好足料又吸引。今次因為消夜之行，所以就撇除火鍋呢個選擇，所以食啲輕便小小嘅。串燒嘅款式都比較多，選擇困難症嘅我，就唯有請店員幫忙介紹店內值得一試嘅美食。我叫左燒菠蘿燒秋葵，當然唔少得肉類！牛肉係一定要試嘅，另外佢好特別嘅係有燒白鱔魚，另外在大多一份鮮蝦天婦羅。燒白鱔好肥美嗰醬料又甜甜地，味道好特別值得一試！天婦羅係用鮮蝦製造，層粉漿唔會厚，食落口個層次啱啱好價錢亦都好公道。牛舌同牛肉粒真係冇得頂！肉汁好甜，燒得啱啱好，價錢就相對比較貴，但都值得一試。相對其他嘅串燒店，牛肉都會偏向大塊當然燒秋葵就會有四至五條。另外燒菠蘿落得太多鹽，鹹咗少少。但係燒秋葵好無敵太好味。雞翼燒到外脆內多汁，雞皮上嘅油同調味粉完全無覆蓋雞翼鮮甜嘅肉汁，而且上枱仲係熱辣辣最後燒烤當然要配啤酒啦，咁今次就試咗佢嘅時令啤酒蘋果味嘅frozen！女仔就一定鍾意男仔就可圈可點可能太甜啦又冇乜酒精所以我個人就覺得當汽水飲。今次嘅消夜之旅好滿意，希望下次經過可以試埋其他嘅嘢食啦！…查看更多