kellylamws's Profile

今日去咗中環一間叫「好易食 Holy Eats」嘅餐廳食晚餐，餐廳嘅裝修好有酒吧特色，酒吧上方有個霓虹燈牌，牆身用咗大量嘅特色畫去裝飾，令到成間餐廳嘅裝修風格好有特色🍊 Angus Tartare on Roasted Bone Marrow一定要嗌呢一個主菜，上層係安格斯牛絞肉他他，肉質細膩鮮嫩，混合青蔥、洋蔥粒、特製嘅他他醬一齊食好惹味，最特別係牛骨髓嘅口感好似奶油咁順滑，食落口好似脂肪咁滑，味道非常濃郁惹味，配上脆法包有豐富嘅層次🍊 Scallops Carpaccio薄切生帶子嘅口感入口即溶，單食嘅時候味道清甜，配上旁邊酸酸甜甜嘅蕃茄醬汁、橄欖油、檸檬汁、香草等調味料，味道輕盈而且開胃，而且擺盤非常精緻，好適合做前菜🍊 Crab Cake蟹餅嘅外層金黃酥脆，內裡充滿鮮甜嘅蟹肉，啖啖蟹肉簡直係鮮味爆棚，伴碟有洋蔥粒、紅椒粒、青蔥同他他醬，食落去唔會太乾或太油膩，簡單又精緻🍊 Meat Fries有別於一般嘅炸薯條，餐廳將免治豬肉嘅肉碎、芝士、香草、紅椒粒、洋蔥粒等材料混合一齊，配上口感順滑嘅沙律醬汁令炸薯條口感有變化，香脆得來亦都好惹味🍊 Bacon Mac Zaddy & Cheese升級版嘅Mac and Cheese有大量半溶嘅芝士同奶油，口感好creamy好濃稠，內裏拉絲而表面烤得香脆，中間混合咗好多煎得香口嘅煙肉碎，煙肉嘅油脂同芝士嘅奶香令到通心粉好好味📍中環蘇豪伊利近街23號地舖位置就腳：🍊🍊🍊🍊餐廳環境：🍊🍊🍊🍊🍊食物味道：🍊🍊🍊🍊🍊整體CP值：🍊🍊🍊🍊🍊…Read More

今日去咗沙田一間叫「Butlery」嘅餐廳食晚餐，餐廳嘅裝修簡約整潔，座位寬敞，令人感覺好舒服。而且喺新城市廣場呢個咁多餐廳嘅地方，平日夜晚都座無虛席，建議先預約訂位以免等位。🍊 White Wine Mussels前菜我哋嗌咗白酒煮青口，份量可以嗌細份或500g，藍青口嘅口感肥美，醬汁配上白酒、小茴香同忌廉，口感順滑而味道充滿奶香，酸種麵包質感煙靭，用嚟配白汁幾夾🍊 Iron Grilled Flank Steak & Chips牛扒五成熟煎得啱啱好，仍然保持到肉汁而唔會煎得太乾身，醬料有香蒜青醬同黑椒汁，兩種醬汁同牛扒都好夾，牛扒嘅牛味濃郁，旁邊嘅配菜有炸薯條、煎翠玉瓜、煎蕃茄仔同煎粟米仔，蔬菜同肉嘅比例平均🍊 Sea Urchin & Scallop Tagliatelle呢個闊條麵鮮味濃郁，頂層有香濃嘅海膽同軟熟嘅帶子，中間有鮮甜嘅蟹肉，口感煙靭嘅闊條麵條配上香滑濃稠嘅海膽醬汁同海苔絲，成個配搭好好，推介大家一試📍沙田沙田正街18-19號新城市廣場一期4樓479A號舖位置就腳：🍊🍊🍊🍊🍊餐廳環境：🍊🍊🍊🍊🍊食物味道：🍊🍊🍊🍊整體CP值：🍊🍊🍊🍊🍊…Read More

今日去咗北角一間叫「太元樓」嘅上海菜餐廳食晚餐，餐廳位於北角同鰂魚涌中間，餐廳環境光猛，座位寬敞舒適。而且餐廳最近做緊推廣優惠，只要堂食惠顧滿$200 ，就可以用$1優惠價去追加小菜一款，星期一至日都有唔同款式，真係好抵食！🍊 炒齡乳鴿乳鴿肉嘅肉質嫩滑，外皮烤到好香脆，咬落去仍然保持到肉質同油分，唔會太乾身🍊 水晶肴肉肴肉賣相晶瑩剔透，入口好似啫喱咁，肉質肥瘦適中，食到酒香同肉香，冰涼嘅口感作為前菜好開胃🍊 太元手撕雞半隻手撕雞半隻嘅份量都好多，雞肉非常嫩滑，特製醬油混合蔥、蒜、辣椒，味道濃郁而惹味，整體嚟講唔算太鹹🍊 糖醋魚塊魚塊嘅魚肉鮮嫩，外層裹上薄薄嘅脆漿後炸到香脆，配上酸酸甜甜嘅醬汁同菠蘿片，非常開胃🍊 排骨擔擔麵擔擔面嘅湯底花生醬味道唔算太濃郁，芝麻嘅香味同辣椒嘅麻辣好平衡，唔太食得辣嘅朋友都啱食，排骨炸到好鬆脆，上海麵嘅麵條彈牙，輕鬆掛住擔擔麵濃稠嘅湯汁🍊 小籠包、窩貼小籠包可以選擇一籠四隻或六隻，即叫即蒸，小籠包嘅外皮透薄，一咬落入面有好多鮮甜嘅湯汁；鍋貼嘅外皮煎得黃金香脆，做到底脆內軟，咬落去入面爆出湯汁，兩者用嘅餡料都係一樣有菜有肉，調味適中，份量充足📍北角炮台山電氣道233號城市花園1, 2及3座部分平台地下24-49號A及C號舖位置就腳：🍊🍊🍊🍊餐廳環境：🍊🍊🍊🍊🍊食物味道：🍊🍊🍊🍊整體CP值：🍊🍊🍊🍊🍊…Read More

今日去咗大角咀利奧坊一間叫「Restoran SAYA」嘅餐廳食晚餐，呢間餐廳連續三年獲得香港米芝蓮推介，餐廳嘅環境舒適，有大量嘅卡位同圓枱，無論少人或多人聚會都適合，而且職員嘅態度親切，會主動介紹餐廳嘅招牌菜俾客人🍊 泰式芒果柚子沙律呢間餐廳嘅柚子沙律味道偏向濃味，大量嘅芒果同柚子肉令到沙律好開胃，底下嘅沙律菜都好新鮮，適合做餐前小食🍊 炭燒豬頸肉豬頸肉嘅份量好多，食落去有濃郁嘅炭燒香氣，加上泰式酸甜醬好開胃，豬頸肉燒得啱啱好，肉質唔會太乾身，仍然保持到豬肉嘅肉汁同脂肪嘅油分🍊 辣椒膏炒花甲花甲嘅份量充足，而且每隻花甲都吸收大量嘅辣椒膏同泰式香料，食落好惹味，非常適合鍾意食辣嘅朋友🍊 泰北咖喱金麵配燒雞泰北金麵好有特色，一邊係炸到香脆嘅麵條，另一邊係軟腍腍嘅麵條，口感好唔同，咖喱汁香濃惹味，帶有濃郁嘅椰奶味同泰式香料嘅辣味，燒雞嘅雞肉用咗雞髀，肉質非常嫩滑🍊 芒果糯米飯咁啱有朋友生日嘅話可以嗌生日版嘅芒果糯米飯，擺盤超級精緻，將芒果片切成一朵大嘅玫瑰花，中間放滿香濃順滑嘅椰漿，底層鋪滿暖暖嘅斑斕汁糯米飯，預先同餐廳講定仲會有生日牌同生日蠟燭，儀式感滿滿📍大角咀嘉善街18號利奧坊地下G701號舖位置就腳：🍊🍊🍊🍊餐廳環境：🍊🍊🍊🍊🍊食物味道：🍊🍊🍊🍊整體CP值：🍊🍊🍊🍊🍊…Read More

今個週末同朋友去咗將軍澳Crowne Plaza Hotel入面間尚廚食下午茶自助餐，用餐時間兩個鐘，食物種類豐富，而今次嘅重點係有鮑魚同燕窩，食材尚算新鮮，而且refill嘅速度都算快，性價比極高！🍊 鮑魚有幾款用咗鮑魚做食材嘅熟食，鮑魚蟹肉慕斯泡芙上面嘅鮑魚爽口彈牙，中間夾住蟹肉絲拼沙律，底層有酥脆嘅撻皮；鮑魚雲吞雞燉湯入面都好足料，每一碗都有一隻鮑魚同一大粒鮮蝦雲吞，雲吞嘅蝦肉非常彈牙，燉湯亦都好重雞味同花雕酒嘅味，我一個人飲咗三碗；鮑魚汁花菇炆鴨掌嘅鴨掌炆到好腍身，而且吸收曬鮑魚汁嘅味道🍊 燕窩燕窩做食材嘅大部份都係甜品，例如法式燕窩啤梨撻、燕窩亞麻籽鮮果凍、燕窩草莓蛋糕、燕窩白桃乳酪蛋糕、燕窩香印提子芒果酥條、燕窩蜜瓜慕絲蛋糕、燕窩黑芝麻豆腐布甸等等，甜品嘅賣相全部都好靚，而且味道唔算太甜，值得一試；另外仲有一款燕窩雞蛋沙律多士係前菜，味道清新🍊 Haagen-Dazs雪糕另外值得一提嘅係餐廳有八款Haagen-Dazs雪糕可以選擇，職員會幫忙整雪糕球，當中最吸引嘅係開心果果仁同Tiramisu味，平時喺自助餐比較少食到📍將軍澳唐德街3號香港九龍東皇冠假日酒店1樓位置就腳：🍊🍊🍊🍊餐廳環境：🍊🍊🍊🍊🍊食物味道：🍊🍊🍊🍊🍊整體CP值：🍊🍊🍊🍊🍊…Read More

今日同朋友去咗圓方Civic Sqaure入面一間叫「Luigi’s」嘅西餐廳食午餐，餐廳有室外同戶外嘅座位，週末深受一家大細同外國人嘅喜愛，餐廳做緊針對八歲以下小朋友嘅特別推廣，一星期七日只要一位成人惠顧一份主食，一位小朋友就可以免費享用一份餐牌上嘅兒童餐。🍊 Luigi’s Beef Sliders Slide dish我哋揀咗mini cheese and beef burgers，兩個迷你漢堡頂頭印有餐廳名Luigi’s，漢堡嘅麵包非常軟熟，中間夾住充滿肉汁嘅牛肉漢堡扒，配上炒香左嘅清甜洋蔥絲、車打芝士同新鮮蕃茄，食落去口感層次豐富，充滿肉汁同半溶嘅芝士🍊 Crab Linguine Linguine嘅口感好煙靭，唔會煮得太腍身，而且用咗大量鮮甜嘅蟹肉，攪勻之後每一條意粉都會沾上蟹肉，醬汁用咗爆香嘅蒜頭、橄欖油、洋蔥、紅辣椒、青蔥，調製得非常香口惹味，味道帶有微辣，蒜油令到意粉好滑身，成個意粉嘅配搭都好好，推介大家一試🍊 Tiramisu呢間Tiramisu質素唔錯，咖啡味同酒味非常平衡，餅底嘅酒味唔會太重，亦都唔會太濕，整體口感非常順滑creamy，味道嘅甜度啱啱好🍊 Drink 我哋揀咗Luigi’s Fresh Lemonade同Peroni，兩款飲品都好適合夏天飲，lemonade有種清新嘅感覺，味道酸酸甜甜好開胃；Peroni嘅麥味好重，飲完感覺舒暢📍尖沙咀柯士甸道西1號ELEMENTS圓方金區演薈廣場頂樓R001號位置就腳：🍊🍊🍊🍊🍊餐廳環境：🍊🍊🍊🍊🍊食物味道：🍊🍊🍊🍊🍊整體CP值：🍊🍊🍊🍊🍊…Read More

茶大椰灣仔分店最近新開張啦，開張期間有多個打卡購物嘅嘅限定優惠，餐廳環境闊落，出面有一幅好大嘅壁畫，畫咗一隻榴槤貓貓同一隻椰子貓貓，兩隻貓貓嘅造型非常可愛，展示咗餐廳最出名嘅榴槤同椰子兩款產品，壁畫啱晒大家打卡！🍊 椰皇貓山王以馬來西亞頂級貓山王榴槤與椰皇嘅搭配為亮點，原個椰皇印有茶大椰嘅標示，頂層鋪香氣濃郁嘅榴槤肉，份量多到鋪滿晒成個頂層，每食一啖都散發住強烈嘅香味，啱晒鍾意榴槤嘅朋友； 椰皇入面有晶瑩剔透嘅椰果肉同椰果果凍，味道清甜淡雅，口感清爽，配合厚重嘅榴槤肉就啱啱好🍊 焙茶鮮椰乳將日式焙茶結合新鮮椰奶，視覺上帶有淡棕色茶香同乳白椰奶的漸層美感，味道上有焙茶嘅穀物焦香同椰奶嘅甜潤，椰奶嘅濃度比例啱啱好，唔會蓋過咗焙茶嘅香味，而且底層有大量嘅椰果果凍，口感清爽，為飲品增加層次，好適合夏天飲🍊 鮮椰蛋撻單叫一件$22，惠顧一杯嘢飲可以加$10換購一件，呢款蛋撻嘅內餡混合咗鮮椰漿同鮮蛋漿，令到蛋撻內餡焗完之後充滿椰子香味，口感較用純蛋漿嘅蛋撻結實，撻皮焗到酥脆但唔油膩，食落充滿牛油香📍灣仔灣仔道228號Plaza 228地下G02號舖位置就腳：🍊🍊🍊🍊餐廳環境：🍊🍊🍊🍊🍊食物味道：🍊🍊🍊🍊🍊整體CP值：🍊🍊🍊🍊🍊…Read More

The weather is so hot, making it perfect to enjoy some icy cold desserts on the street! Today, I went to a takeaway dessert shop called “Drool Froyo” on Tsing Fung Street in Wan Chai to try their froyo. This place offers a wide variety of flavors, sauces, and toppings, allowing customers to freely mix and match to create their perfect froyo dessert!🍊 Matcha GardenThis is one of the restaurant’s preset combinations. The yogurt ice cream has a very creamy texture and is super smooth in the mouth. The matcha milk sauce is rich but not bitter, with just the right amount of sweetness, delivering a strong milky and matcha flavor that’s perfect for matcha lovers! It’s topped with crispy puff pastry for added texture, juicy large blueberries in the middle, and matcha mochi that’s soft, chewy, and delightfully springy, offering a great bite.🍊 Froyo Croissant CupFor this one, we went with a custom combination, choosing chocolate crumbs and pistachio crumbs as toppings. They’re crunchy and delicious, with the sweetness of cocoa beans and the nutty aroma of pistachios. We still chose the matcha milk sauce, and for the add-on, we picked the recently famous flat croissant. It’s super crispy with a rich buttery flavor. The combination of textures and flavors is well-layered, and everything is made up of my favorite ingredients!🍊 Mango Yogurt CroffleThe waffle is made to order, crispy on the outside and soft inside. The base is a warm waffle, topped with cold yogurt ice cream and mango sauce, along with fresh mango chunks. The flavor is sweet and tangy, with the fruity aroma of mango and the creamy richness of yogurt.📍Shop A1, G/F, 96 Electric Road, Tin HauLocation Convenience: 🍊🍊🍊🍊🍊Restaurant Ambiance: 🍊🍊🍊🍊🍊Food Taste: 🍊🍊🍊🍊Overall Value for Money: 🍊🍊🍊🍊…Read More

今日同朋友去咗灣仔一間叫「Dirty LAUNDRY」嘅酒吧飲嘢，酒吧嘅門口裝飾好有玩味，全部都係洗衣機造型，襯返酒吧個名laundry，喺其中一部洗衣機打開就係酒吧嘅門口。酒吧嘅環境好有氛圍，有一個好大嘅霓虹燈牌，而職員都好熱情咁邀請我哋飲佢哋發板嘅cocktail🍊 Cherish呢款cocktail嘅口感好特別，用咗rum酒做base，頂層有士多啤梨味嘅milk shake，類似奶蓋嘅質感，一入口就覺得好creamy，士多啤梨嘅甜味同rum酒嘅微醺感覺搭得好好，而rum味唔算好重，鍾意烈酒嘅朋友可能會覺得稍為淡咗啲，但整體飲落好順口，士多啤梨嘅甜味都好突出🍊 Citrus Cake呢款cocktail係citrus口味，用咗vodka做base，配合百香果、柚子同檸檬等帶酸味嘅生果，完全係另一種vibe！一飲落去味道酸酸甜甜，百香果同柚子嘅果香好突出，檸檬有清新嘅香味，層次感好豐富。酒精味平衡得啱啱好，唔會蓋過果味，飲完真係覺得好醒神，啱晒鍾意清爽酒感嘅朋友📍灣仔駱克道100號地舖位置就腳：🍊🍊🍊🍊🍊餐廳環境：🍊🍊🍊🍊🍊食物味道：🍊🍊🍊🍊整體CP值：🍊🍊🍊🍊…Read More

今日同朋友去咗觀塘一間叫「Corner 90」嘅印度餐廳食晚餐，餐廳環境闊落，坐得幾舒服。店員係印度人，可以正常用英文溝通。Menu上都有齊中英對照嘅文字，非常清晰🍊 Steak Frities Night 牛扒呢個牛扒套餐好抵食，只需$198就包咗一塊12安士嘅阿根廷肋肉眼牛扒、任食薯條、一杯紅/白酒。牛扒嘅口感軟熟，唔會煎到好乾身咬唔開，而且仍然充滿肉汁。旁邊配上粗海鹽、黑松露醬、蕃茄醬，令牛肉嘅味道更加多變化，突出牛嘅肉味；薯條係即叫即炸，新鮮出爐嘅時候都好脆，唔夠食可以叫店員無限添加；牛肉配紅酒好夾，紅酒嘅酒感較dry🍊 Seafood Linguine 海鮮扁意粉嘅材料豐富，包括大蝦、魷魚、青口、蒜頭、櫻桃番茄同羅勒，伴碟有隻大大隻嘅青口，魷魚好彈牙，蒜香同羅勒嘅香味完美融合，帶出海鮮嘅鮮味，扁意粉嘅整體口感豐富，令人回味無窮📍觀塘鴻圖道90號地舖位置就腳：🍊🍊🍊🍊餐廳環境：🍊🍊🍊🍊🍊食物味道：🍊🍊🍊🍊整體CP值：🍊🍊🍊🍊🍊…Read More

今日去咗啟德Sogo雙子匯一間叫「Nisugu」嘅西班牙餐廳食晚餐， 14樓原來都有好多間餐廳，呢間餐廳嘅裝修格調偏簡約風，門口有個開放式酒吧，平日夜晚都座無虛席，建議先預約訂位。🍊 Gambas Al AjilloTapas係西班牙菜其中一個特色之一，今日揀咗蒜片橄油大蝦，呢間餐廳嘅Tapas選擇用咗一大片sour dough做底，酸種麵包嘅口感煙靭軟，切細件後沾上充滿蒜味嘅橄欖油，蒜片炸香後令到橄欖油好香口，大蝦嘅份量算幾多，口感爽口彈牙🍊 Seafood Paella 西班牙飯係我光顧每間西班牙餐廳都必嗌嘅菜式之一，飯粒嘅口感粒粒分明而醬汁湯汁嘅份量偏小，食落偏乾身，但每粒飯嘅味道都好濃郁，吸收晒海鮮同湯汁嘅精華；海鮮材料包括大蝦、青口、蜆肉同沙白，味道不過不失🍊 Spanish Suckling Pig西班牙燒乳豬係我最鍾意嘅菜式，西班牙嘅伊比利亞豬肉嘅味道最為濃郁，乳豬嘅肉質非常柔嫩，外皮燒得香脆可口，中間嘅肉質同脂肪層次分明，一口咬落去會滿口肉汁同油粉，燒得非常出色，而且乳豬嘅調味唔會太濃，食得出豬肉嘅原味，另外配上味道清新微酸嘅蘋果蓉，口感順滑而酸酸甜甜可以中和油膩🍊 Grapelish Blossom 呢杯cocktail用咗whisky做底，加入提子汁、檸檬汁同藍莓令到果味濃郁，酒感唔會太重，好容易入口🍊 Peachy Blush呢杯mocktail用咗紅茶做底，配合西柚同白桃嘅果肉，果味濃郁又唔太甜，西柚皮浸得耐會有浸苦澀味📍九龍城啟德協調道2號AIRSIDE 6樓L603號舖位置就腳：🍊🍊🍊🍊餐廳環境：🍊🍊🍊🍊🍊食物味道：🍊🍊🍊🍊整體CP值：🍊🍊🍊🍊🍊…Read More

今日去咗啟德Airside入面一間叫「湊湊‧甄選」嘅餐廳食台式火鍋晚餐，餐廳嘅環境寬敞，座位之間嘅空間感好大，每枱嘅私隱度好高，而且仲好貼心咁提供咗火鍋圍巾防止火鍋湯汁濺上身。最近推出咗和風海鮮祭，用經典嘅日式火鍋湯底會北海道直送嘅小青龍或象拔蚌，另外仲有多款中秋節套餐，適合一家人團聚做節。🍊 北海道小青龍蝦餐廳嘅海鮮即叫即劏，龍蝦斬件後上枱仲會郁，食材非常新鮮，生嘅時候龍蝦肉晶瑩剔透，煮熟之後肉質結實彈牙，龍蝦膏豐盈甘香，整體味道鮮甜🍊 清酒昆布鰹魚湯鍋充滿日式風味嘅火鍋湯底，昆布鰹魚湯嘅味道非常清甜，加上日本清酒嘅甘甜，好適合用嚟煮海鮮，煮熟北海道龍蝦之後嘅湯底充滿鮮味，另外仲有木魚絲同額外嘅清酒，火鍋中途覺得唔夠味可以再加🍊 頂級美國牛板腱一份牛板腱嘅份量都好多，牛肉嘅油脂部份好少，食落去肉質結實而且牛味濃郁🍊 企鵝丸企鵝丸嘅造型非常可愛，企鵝嘅前面係白色墨魚丸，後面係黑色墨魚丸，企鵝造型做得好細緻，食落去墨魚嘅味道亦都好濃郁，而且口感彈牙🍊 手打蝦滑手打蝦滑絕對係必嗌嘅食物之一，入面有九成係蝦肉，近睇會見到一隻隻嘅蝦，食落去整體口感非常軟滑，而蝦滑入面嘅蝦隻肉質就好彈牙，食得出係新鮮手打嘅蝦滑，而唔係坊間預先製成一整件都爽口彈牙嘅蝦滑🍊 沙白沙白嘅味道鮮甜，咬落去無沙石，同昆布湯嘅味道好夾🍊 萵筍萵筍切成條狀，滾熟之後仍然爽口，味道清甜，而且吸收咗湯底嘅精華🍊 飲品我哋嗌咗大紅袍奶茶同茉莉綠茶，大紅袍奶茶嘅紅茶底特別香濃，紅茶嘅比例較鮮奶重，加入鮮奶之後口感好順滑；茉莉綠茶味道清新，淡淡地適合配打邊爐🍊 甜品餐廳贈送咗菠蘿乳酸沙冰同紅豆豆奶布甸，沙冰嘅味道帶有菠蘿嘅酸同乳酸飲料嘅甜，可以中和打邊爐嘅油膩感；豆奶布甸嘅豆味香濃，加入少量紅豆，整體味道清淡又唔會好甜；自助區有時令水果，今日嘅西瓜同哈密瓜都好清甜📍九龍城啟德協調道2號AIRSIDE 6樓L603號舖位置就腳：🍊🍊🍊🍊🍊餐廳環境：🍊🍊🍊🍊🍊食物味道：🍊🍊🍊🍊🍊整體CP值：🍊🍊🍊🍊🍊…Read More

今日去咗銅鑼灣一間叫「狸小路北海道涮涮鍋、壽喜燒、和牛專門店」食壽喜燒涮涮鍋。和牛套餐分咗三款，包括赤身、霜降同頂級西冷；米豚套餐分咗兩款，包括豚肩同豚肉五花；套餐全部都包咗前菜、和風蔬菜盤同米飯或烏冬。🍊 湯底我哋揀咗經典嘅壽喜燒湯底同北海道海膽高湯，壽喜燒會先用和牛脂肪起鑊，用油脂煎香鐵板後再倒入少量壽喜燒汁，再放和牛去煎，味道香甜濃郁，風味經典，食完肉類之後可以加入適量嘅昆布湯再煮熟蔬菜同烏冬，減低湯底嘅鹹度；海膽高湯平時喺日本差唔多成8000Yen，呢間餐廳只需另外加$58就食到，湯底充滿濃郁嘅海膽鮮味，口感順滑，而且有幾片新鮮海膽，值得一試🍊 北海道十勝產黑毛和牛赤身赤身嘅牛味濃郁，油花部位較少，瘦肉部份較多，口感結實，同壽喜燒汁好夾，食落冇咁油膩🍊 北海道米豚肩米豚肩嘅脂肪部位較少，瘦肉嘅部份肉質幼嫩，食落去豚肉味道濃郁🍊 和風蔬菜盤蔬菜盤嘅種類算多，包括娃娃菜、冬菇、醃蘿蔔、翠玉瓜、杏鮑菇等，蔬菜材料新鮮，而且切得好薄片，容易吸收湯汁嘅味道🍊 飲品焙茶拿鐵同抹茶拿鐵嘅茶底都好香濃，混合鮮奶後口感順滑，味道唔算太甜📍銅鑼灣禮頓道128-138號希雲大廈地下4號舖位置就腳：🍊🍊🍊🍊🍊餐廳環境：🍊🍊🍊🍊食物味道：🍊🍊🍊🍊🍊整體CP值：🍊🍊🍊🍊🍊…Read More

今日終於去咗近期大熱嘅「千海水產」食海鮮火鍋放題，九龍灣淘大廣場嘅分店出面有好舒適嘅等候區，預約咗時間可以好快入座。餐廳嘅面積好大，中間擺放新鮮海鮮嘅區域，挑選完生猛嘅海鮮之後可以即刻比廚房劏斬同清洗，只需兩三分鐘就可以拎返，食幾轉海鮮已經可以回本！🍊 湯底有八款嘅湯底可以選擇，當中嘅金湯花膠雞鍋、蟹黃海鮮鍋、惹菌魚湯鍋、清甜椰子雞鍋都好吸引，我哋揀咗金湯花膠雞鍋，湯底好重花膠、鮮雞、紅棗嘅味道，未打邊爐前可以先飲一碗，滾完海鮮之後嘅湯底會變得更加鮮甜濃郁🍊 海鮮海鮮非常生猛，好多都仲識郁同噴水，而且選擇種類都好多，例如美國蜆、沙白、基圍蝦、大頭蝦、草蝦、花蟹、鮑魚、花螺等等，沙白嘅味道非常鮮甜；鮑魚嘅口感爽口彈牙；大頭蝦嘅蝦膏鮮味濃郁；基圍蝦嘅蝦肉彈牙清甜；花蟹嘅蟹肉口感嫩滑🍊 肉類包括澳洲M5和牛、美國牛肩胛片、澳洲羊肉片、美國豬梅肉片，雖然呢間餐廳主打海鮮，但牛肉嘅質素都幾好，肉質幼嫩而且味道濃郁，脂肪同瘦肉嘅比例啱啱好，唔會太肥🍊 蔬菜自助區有超過10多款嘅新鮮蔬菜，當中有我最愛嘅娃娃菜、皇帝菜同冰菜，仲有大量嘅菇菌類🍊 熟食網上下單同自助區都有好多款熟食，當中我最推介王牌燒乳鴿王、燒香草羊鞍、西京燒比目魚同川味燒鮮蠔，燒乳鴿嘅外皮香脆，內裏嘅乳鴿肉非常嫩滑，而且充滿肉汁同油分；羊鞍嘅味道唔會太酥，咬落去肉質幼嫩多汁；比目魚嘅西京燒汁微甜，如肉嫩滑；燒蠔加上炸蒜、生蒜、辣椒等配料好惹味🍊 甜品呢間餐廳嘅甜品種類非常多，除咗有Häagen-Dazs雪糕同多款雪條之外，仲有好多精緻嘅小甜品，例如提拉米蘇、木糠布甸、牛乳布甸、半熟芝士蛋糕等，全部都細細件一口一件，唔會太滯；即場擠嘅軟雪糕有牛乳同抹茶味，旁邊仲有大量嘅toppings阿如朱古力、椰果粒、水晶果、涼粉等等；特別推介海燕窩椰汁木瓜，味道微甜好滋補📍九龍灣牛頭角道77號淘大商場3期2樓S154, S162及S155-S158號位置就腳：🍊🍊🍊🍊🍊餐廳環境：🍊🍊🍊🍊🍊食物味道：🍊🍊🍊🍊🍊整體CP值：🍊🍊🍊🍊🍊…Read More

今日去咗銅鑼灣一間叫「汕頭牛肉火鍋」嘅餐廳食中式火鍋，餐廳最大嘅賣點就係有一隻牛各種刁鑽部位嘅手切牛肉，有別於其他火鍋餐廳淨係提供肥牛、雪花牛、牛脊肉、牛舌等普通部位，啱晒鍾意食牛嘅朋友！🍊 匙柄匙柄喺牛頸下方接近肋骨嘅牛肉，筋肉結實，肉質鮮嫩而帶有少許筋絡位，口感豐富，只需煮10秒就食得🍊 吊龍吊龍係牛脊背部位置嘅牛肉，牛肉混合少量脂肪，食落口感豐盈肥美，肉質嫩滑，只需煮6-8秒就食得🍊 火鍋湯底我哋揀咗麻辣火鍋湯底，湯底入面有好多花椒、八角、辣椒等重辛味嘅香料，滾起之後味道香濃惹味，麻度同辣度都好夠，任何火鍋配料放落去都會吸收晒湯汁嘅濃味，無需要再額外加醬料調味，適合鍾意重口味嘅朋友🍊 蝦滑手打蝦滑嘅口感彈牙，而且蝦滑入面混合咗好多蝦肉粒粒，食落去會感受到蝦肉嘅顆粒感，而且蝦滑上面有爽口蟹籽增加口感🍊 胡椒豬肚丸一碟有八粒，手打豬肉丸嘅口感爽彈，咬落去肉丸仍然充滿肉汁，而且帶有濃郁嘅胡椒豬肚味，放入麻辣湯底煮熟後仍然食得出胡椒味🍊 白蘿蔔白蘿蔔切成薄片，更加容易煮熟同入味，吸收晒麻辣湯底嘅濃郁味道🍊 油麥菜我鍾意揀油麥菜做火鍋嘅蔬菜，因為油麥菜特別容易吸收湯底嘅味道，食材新鮮，口感清爽📍銅鑼灣駱克道459-461號The L. Square 6樓位置就腳：🍊🍊🍊🍊🍊餐廳環境：🍊🍊🍊🍊食物味道：🍊🍊🍊🍊🍊整體CP值：🍊🍊🍊🍊…Read More