yanb30's Profile

見到新開諗住試下，之前係mk飲過係吾錯既我叫左個珍珠鮮奶綠茶，叫咗加芋圓，收左錢之後見到張單係加珍珠同店員反應完佢再沖過杯比我沖完出黎以為係岩啦，飲左一啖全部都係芋圓見吾對就番轉頭問番店員係米珍珠同芋圓都有？佢話呢款飲品係得一種配料，吾可以另外加我頓時呆左，我覺得當時落單嘅時候佢吾講話只可以有一種配料，吾可以有兩種？我比完錢加飲咗佢先黎講？我覺得貴公司需要培訓一下啲員工，落單之前同個客人講清楚飲品雖然係好，但係服務態度就未必🫠…Read More

有啲失望，點解我會咁樣講呢?因為係上個星期諗住同男朋友慶祝紀念日，一心諗住去呢到用餐，充滿期待既心情，食咩都諗好哂。同埋之前食左3次左右，我對呢間有啲信心，但今次就令到我有啲失望囉。上到去，發覺餐廳裝修左，呢個係好既，覺得個地方大左，有好大個螢幕播歌，都係吾錯但係一睇到個餐牌冇左我地最中意食既鐵板燒肉同埋泡菜冷面，即刻好失望同好吾開心。所以就求期叫左2個面食，但個2個面都吾錯，我地食左1個水冷面同埋個 辣醬冷麵就埋單，覺得吾飽就去左買第2間既炸雞。雖然呢到既裝修同環境都吾錯，但冇左想食既野都未必會想再黎食。希望遲啲再更新個餐牌既時候會再有番啦。…Read More

今晚同男朋友食完飯就周圍行下，諗住想食甜品，行過哂周圍都睇落差吾多食過哂，就去到呢間咀妙妙既門口，見到餐牌既相啲賣相都吾錯。見到出面都有吾少客人坐係出面，心諗應該都吾錯。而男朋友都見到有想食既野就入去試下，入到去見到間甜品鋪既裝修都吾錯，牆上都有吾同既甜品相片。見到個餐牌都有好多野想簡。男朋友想食個椰門珠，但係賣哂，冇得食。咁我就叫左個雪芒妙丸子。個賣相係吾錯既，但係味道就一般啦。🙅🙅🙅我加左個清心丸，以為佢呢個清心丸會拍得住九龍城既糖水鋪，但原來吾係。😰😰佢個清心丸同埋西米團冇味道，但係好軟身，而佢個芒果汁好淡，碗野入面食到仲有幾粒冰，有冇粒仲特別大。唯一好食既就係雪糕同埋啲彩針。係有啲芒果味。總之食完既結論既就係好淡。原本男朋友仲想叫其他野既，但食完我呢一啖之後就話我都吾叫啦。😂😂但值得讚既就係啲店員禮貌吾錯，會汁好哂啲野先心客人入去。但係就見到佢地掛住食野同傾計連坐出面客人叫野都睇吾到，要等勁耐。仲有既係食野其間見到另外一枱既客人叫左香蕉相，見到得2球雪糕，覺得吾多抵食。因為本人食開個間都係$38／39，但有3球雪糕，有吾同既生果鋪面，條蕉仲要燒埋，可見到本人食開既鋪頭花既心思都比呢間高。如果下次去旺角食既話都吾會去呢間食。…Read More