foodcatlove's Profile

同朋友食飯又揀左呢間嘅weekday點心menu。食過兩次都依然咁有水準，暫時都唔覺得有邊樣伏。今次總共叫左6樣野😋筍尖鮮蝦餃、帶子蒸燒賣：皮薄餡靚就一定架啦。仲要38蚊一籠4件，簡直係超值！👍蒜茸鮮蝦春卷、春風得意脆皮腸粉：兩樣都唔膩，都有好彈牙嘅蝦肉🦐腸粉皮好薄，亦唔會整到春卷淋左，仲係非常脆口香荽牛肉球：今次叫埋個牛肉球試下。特別嘅係佢d 牛肉球比起出面嘅彈牙！🐮大推⭐️原隻鮑魚雞粒酥：鮑魚超腍，明顯用長時間炆過。鮑魚下面嘅係好脆口嘅雞粒酥，兩part個味好夾，一口咬落去可以同時食到鮑魚同個酥嘅香味溶為一體。雞粒餡個味有少少冬菇帶出個鮮味😋一直覺得佢餐廳環境舒適又雅致，服務人員都好細心，上菜時啲嘢食係夠熱，都係加分位。對我黎講係性價比好高！…Read More

一路以來都知道616有得打邊爐，但係原來呢間616中午係有出午市套餐，仲要唔係打邊爐果種，岩曬我呢啲得1個鐘lunch hour 嘅打工仔。午市套餐嘅價格全部都只係38-48蚊，分分鐘平過附近HKU嘅canteen！見到呢個價錢，接近糧尾嘅我決定點都試一試。今次叫咗個西冷牛扒飯（$38）雖然賣相普普通通，但味道和份量都相當出色（同埋至少圖文相符先，嘻嘻）。牛扒厚度適中，煎得恰到好處，食落帶有肉汁又唔會韌，整體口感令人滿意。另外試咗豉椒荷葉牛肉飯（$48），份量大得黎有啲似豉椒排骨嘅感覺，又唔會太鹹，同埋都略略食到荷葉的香氣，呢個價錢真係唔話得。再加咗個唐生菜（$9）同枝裝菊花桂圓露（$5），成個午餐相當豐富同滿足。總括黎講，咁嘅價錢食到咁嘅質素絕對係物超所值。…Read More

事前冇睇過呢間餐廳啲評價，因為有啲事去唔到之前book果間餐廳所以臨時來呢間食。食物方面其實幾好，肉丸意粉同白菌辣肉腸pizza味道都唔錯，係正宗意大利餐廳嘅水準。但係佢地員工嘅服務態度令我以後都唔想再來呢度食。我地入去嘅時候，餐廳冇乜人又唔多位reserved，但係都要我地坐係個角落二人位，算。準備落單嘅時候，諗住有禮貌咁signal個staff過來，佢居然掛住傾計遲遲都唔過黎！要舉曬手大聲叫佢來先施施然行過來，都算。員工係外籍人，咁理應用英文order啦，我就話：I would like to order this (指著個菜名) 跟住佢問我邊個，咁我再指清楚啲俾佢睇，佢居然仲問我which one，係都要逼我讀果個意大利文。豈有此理！睇翻啲食評原來呢間餐廳嘅服務早有前科，咁樣嘅態度影響咗用餐嘅體驗，再好食都冇用，可惜。…Read More

呢間餐廳主打平民西餐，平時都唔少人排隊，個個試過都覺得質素唔錯，係區內評價較高嘅餐廳午市跟餐送湯或汽水，今日個湯係蘑菇湯，佢啲湯係自家製用蘑菇打果隻，真材實料。紅酒燉牛尾飯（$51）整體來講係唔錯嘅，牛尾燉得夠淋，仲有好多汁。就可惜嘅係配菜有啲少得果一兩舊。如果可以再加啲配料就增加菜式嘅豐富度。泰式蝦膏海鮮炒飯（$55）個炒飯雖然叫泰式但係唔太咸又唔辣，炒得幾香口。分量都好夠，而且海鮮都好足料，有魷魚、蝦仁同蜆肉。總括黎講，呢間啲野食質素唔錯，分量就一定食得飽！…Read More

今次同朋友食飯搵左呢間睇落幾好坐嘅泰式fusion菜。係openrice訂座有7折！超級抵。每人要叫一杯野飲，我地三個人去食咁就梗係要叫三杯野飲。係真係幾好坐嘅，但係音樂太嘈啦，搞到大家講野都要好大聲。可能卡位近住d喇叭先會係咁？講番野食，叫左三樣野，全部味道都唔錯，上菜快，服務態度好好我地叫左泰式小食拼盤、青咖喱豬頸肉，同埋雙色芒果糯米飯小食拼盤入面嘅蝦餅炸到好脆，而且有四件，唔驚唔夠分😂 我地特別鐘意嗰雙色芒果糯米飯。糯米飯好軟糯，好有椰香😋 綠色飯應該係落左斑蘭，藍色就落左蝶豆花…Read More

今次同朋友去開紅磡，專登係Openrice Order二派克之後去攞，每樣主食會送四季豆/QQ oreo或者飲品。我地梗係落完單慢慢行去攞，時間岩岩好！每樣野拎到上手係熱辣辣。脆皮無骨雞扒超厚身，應該有成2cm咁厚，啖啖肉！ 脆皮雞腿扒就稍為薄d, 但係d肉超滑, 皮炸到非常之香脆，我就兩樣都鐘意😋調味粉仲可以兩溝。大推梅子粉😋食到最後都唔會膩，因為佢炸得好好。但係真係好大份！我地覺得完全可以當飯食，唔洗食其他野😂…Read More

彩嘅沾麵就食左好多次啦，見佢出左雞白湯，今次專登黎試下，果然冇令我地失望😋充滿骨膠湯嘅雞湯每一啖都有濃郁香氣，口味清爽，飲曬d湯都唔會口渴！我地一個食豚叉燒拉麵，一個叫雞叉燒，兩樣都試下。雞叉燒特別有驚喜，唔肥又好滑！口感似食緊煙鴨胸咁😂 雞叉燒拉麵入面係有一隻好入味嘅冬菇😋like 社交平台就有冰凍梳打水送。天氣咁熱，我地梗係即刻like左啦！ 隻蛋真係好治癒🥹出色又有起泡嘅湯底😋😋服務好，好nice又好有禮貌。不過可能understaff又咁岩lunch time, 今次上菜比較耐。今次冇叫小食，留番下次試下！🐷🐤…Read More

咁岩去開康城所以睇下有咩食，最後揀左呢間嘅下午茶試下分量都足夠同埋幾好食。特別係個蝦壽司同埋鯛魚湯牛肉烏冬。鯛魚湯好香好濃郁，好似食緊魚白湯拉麵咁。牛肉唔係好老嗰種。裝修同座位都好舒適闊落，入到去好似自成一角咁每人一個跟餐沙律或味噌湯安格斯牛肉鯛魚湯稻庭烏冬（我揀左配加州卷，可以揀炸豆腐嘅）精選壽司配稻庭烏冬（壽司有三文魚、油甘魚、赤蝦、腐皮、玉子、加州卷🍣)日本菜好似都少見有下午茶，今次都算抵食…Read More

係呢度唔洗加錢嘅湯底都有好多唔同嘅選擇，又可以加20-40蚊轉鴛鴦。我地就叫左一個普通版嘅豬骨濃湯同升級版嘅杏汁木瓜雞腳鴛鴦鍋。兩款湯底都超級足料！湯渣都比我地食曬😂啱啱叫完野食就黎咗個海鮮拼盤（每枱一個），原來係送嘅！嘢食都有好多唔同嘅選擇當然有叫我最鐘意食嘅脆骨腩，仲有手打蝦滑，芝士墨魚丸，豬腩片等等全部都好有水準不得不提係佢個即炸手工響鈴，食得出係新鮮即炸，無論就咁食定浸湯食都好正！😋 飲品同甜品都係任拎嘅，選擇唔算多但係我主力都係食火鍋入面嘅嘢😂值得一提嘅係服務員嘅態度超好，十分有禮貌！呢晚舖頭唔算多人，比我地慢慢食埋d嘢，吹下水…Read More

有一日唔知點解食極都唔飽，好想食甜品。襯呢間野未閂門之前衝左入去搵甜品，好彩仲有梳乎厘食，其他野都無啦。我地揀咗未試過嘅Berry Cheesecake Soufflé Pancake 同Citrus Soufflé Pancake 。（我怕Citrus味會同Pancake唔夾，但友人話咩野都夾Citrus㗎😂）Pancake上菜嗰陣仲係熱熱地嘅。但係質地好似冇依前咁綿密，好似稀左。個蛋香同牛油香都仲係度嘅，亦都仲係fuwafuwa~☺️Berry Cheesecake Soufflé Pancake個cream竟然係芝士味嘅，同個莓醬都好夾。仲有幾粒好食嘅士多啤梨🍓Citrus Soufflé Pancake有cream（正常味），雲呢拿雪糕，橙醬，幾塊橙and柑。橙醬個味比cream遮左，同埋多番d果肉就好啦🥹服務態度都唔錯，有禮貌，又有加水比我飲…Read More