lauwingyii26's Profile

專登book咗呢間出名靚海景嘅意大利扒房，位於尖沙咀的Mondrian酒店內嘅Carna by Darion同對象慶祝生日🎂第一道前菜Beef tartar，餐廳嘅職員會一路係你面前烹調，一路講解呢度菜式嘅由來，增加左成個用餐體驗。生牛肉搭配香料同微酸嘅醬汁，完美地突顯了牛肉的鮮味。不過唔鍾意橄欖油嘅朋友就要避開呢道前菜，事關職員喺烹調嘅時候，前前後後落咗兩三次橄欖油，仲要每一次都唔手軟，如果接受唔到嘅就要提前同職員溝通啦！主菜方面，Flat Iron嘅表現讓人驚喜。未上菜之前一直都擔心會唔會會好乾好韌，但係試過之後先發現，佢哋嘅牛排外焦內嫩，肉質多汁，搭配香草調味，回味無窮。而Tagliolini意大利麵係另一道亮點，麵條彈牙，同醇厚嘅醬汁相得益彰，令人感受到地道嘅意大利風情。呢度食物嘅香氣令人陶醉，每一口都讓人想再來一份。總括嚟講，Carna by Darion唔單止提供了美食，仲擁有優雅嘅環境和周到嘅服務，是一次愉快噀用餐體驗。不過，有少少可惜嘅係當日食唔到佢哋最出名嘅Tiramisu🥹希望下次有機會再嚟…Read More

同對象慶祝生日🎂所以揀咗呢間席前和牛壽喜燒，餐廳裝修好神秘好高級，而且座位少客人少，唔怕會好嘈吵👍🏻首先上嘅係呢份炙燒和牛海膽壽司，海膽嘅份量比我想像中多，係平時出面食到嘅double ，而且一啲都唔腥，好香好滑好易入口，同和牛配合得天衣無縫，入口即溶，對象一直都話想encore多一份🤤去到壽喜燒嘅部份，呢個就同上環Sukiyaki Mori好相似，全程都有日籍廚師幫我哋烹調，白飯任添唔嬲，我同對象都係各自5碗白飯打底😋 肉質就不過不失，不過食到最後一塊和牛就覺得有啲少少油膩🤏🏻整個用餐過程都非常滿足，唯一有少少美中不足嘅係，師傅上菜實在太快，我只係食到一半師傅已經煮好下一道餸準備上，好似有少少時間趕下一輪客人，雖然喺訂枱嘅時候，餐廳職員已經表明用餐時間得90分鐘，不過我諗食得壽喜燒嘅朋友，都唔會想心心急急好似快餐咁食完就走掛………Read More

放咗喺收藏夾好耐嘅一間燒肉店，終於搵到時間去試吓，入餐廳前都充滿期待，但入到去之後只可以用普通嚟形容。入到去之後以為餐廳嘅抽油煙機壞咗，煙霧彌漫，未開始食已經一身油煙味。入到去我哋嗌咗兩個$488 Set，上菜嗰一刻，我哋以為係一人嘅份量，諗住之後佢會繼續上，點知原來已經係兩個人份量……本身收藏呢間餐廳最大嘅原因，就係佢哋嘅牛舌，睇相以為佢哋嘅牛舌好大份，點知係我想像中嘅一半都冇🫠又薄又細反而呢份A5和牛有驚喜，油脂分布高，入口即溶，只可惜份量真係太少，每人得一塊，連我手掌大都冇……店員推薦我哋將甲羅燒倒落最後嘅飯到，撈埋一齊食會更好食，所以我哋原汁原味食咗一個甲羅燒之後，另一個就留到最後撈飯食，果然有驚喜👍🏻由於我哋嗌咗兩set，所以一個餐配和牛燒肉飯，另一個就配紫菜溫泉蛋飯，我覺得喺唔加甲羅燒嘅情況下，燒肉飯比紫菜飯更好。相反，加甲羅燒嘅情況下，紫菜溫泉蛋飯比燒肉飯更好，而且加嘅時候需要注意甲羅燒嘅份量，太多會好鹹，半份甲羅燒就啱啱好😋餐廳有另一個優點，就係店員會全程幫你燒，完全冇需要自己落手，每一份燒肉都唔會燒得太生或者太熟，控制得火候相當好👍🏻讚另外我哋仲每人嗌咗一杯嘢飲，最後埋單大概$12xx 💰…Read More

一早喺OpenRice訂咗位，去到唔洗排隊，地方環境唔算大，但係好乾淨企理，有獨立房間適合一家大細或者聚會嘅朋友👫🏻服務員好有禮貌，亦都好熱情，周不時都會主動幫我哋加湯，亦都好熱心咁介紹每樣食材🍲食材方面，龍蝦🦞同龍躉🐟都非常新鮮，擺到上枱都仲生勾勾郁緊，牛小排都好靚好嫩滑，臨走前仲專登encore咗一份牛小排👍🏻不過好奇怪，醬油配料有蔥又有蒜，但居然冇芫荽🤨唯一美中不足嘅係個湯底，我哋嗌咗佢最出名嘅花膠雞湯，雞完全冇問題好好食，但係個花膠就差少少🤏🏻食落有少少腥原本埋單要$15xx，但因為喺OpenRice訂位有八折優優，最後埋單只係$13xx/2，所以大家去食之前記得一定要喺OpenRice訂枱先！！！…Read More