白色鬆弛熊's Profile

🙃店仔細細，食物，服務同價錢~絕對值得再食📍串燒雞皮：一般串燒雞皮都係脆 乾 脆 乾... 呢度D雞皮竟然係外面脆脆地，但裡面又有少少蒸雞皮既口感🤤📍串燒白鱔：📢有驚喜🤤🤤本來以為同其他一樣，燒到好似普通鰻魚便當D鰻魚咁。。點知嚿鰻魚竟然無乜好重調味，簡單魚香🤤食落去好明顯唔係啲咩放咗好耐嘅魚，亦都冇夾硬加檸檬汁間去劈定浸些魚腥味，重點係，佢食落口竟然係彈牙仲有汁😮仲要系爆汁🙃除咗呢兩款重點推介，其他嘅串燒質素都非常之好🤤雞軟骨亦都唔會死鹹，不過串燒同炸物以外就。。。👉🏻👈🏻比串燒失色好好好多…Read More

食物本身無咩問題，最大既問題係[無等1個鐘以上，唔駛指意有得食！！！］知道中午多人，1200 delivery app已經落定外賣自取1230拎，1245去到，店員話未整，而家去整。。ok咁等多15分鐘1300埋去問，店員話要等多10幾張飛。😦咁你1245叫我等空氣？店員仲好理直氣莊話［你都睇到我地張枱幾多單啦！係要等架啦！］😦sorry即時燥左，我話😡［你地有幾多張單係你地舖頭既事，我落左單你地顯示我1230拎得，我1245問你地，你地話要多15分鐘，好！我而家1300黎問，你先同我講仲有10幾張飛，唔知仲要等幾耐？買個蛋餅要等一個鐘？你地做唔切，唔好接單啦，幾多人可以lunch time等一個鐘？］店員話係delivery app嘅問題，仲黑面叫我delivery app 退單解決😡［呢D係你地公司同delivery app 溝通問題，關我咩事？我只係買個午餐，等左1個鐘，仲要體諒你地做唔切，而家仲打算要我退單了事？？］結果。。店員先即刻用10分鐘去整，原來係1245話即刻整既蛋餅。。😑😑其實。。如果你1245話我知要等多起碼30分鐘，加句［唔好意思］。。我咪可以慳返25分鐘去食其他。。。…Read More

燒大啡菇，好香菇味，充滿菇汁，但味道有D偏淡。甜蝦算合格，屬於ok新鮮。茶漬飯，茶色清香，味道唔錯，可惜79蚊，份量只適合兒童，有D兒戲。烤雞泡魚干，坦言有醬汁位置超咸，無醬汁位置完全無味，魚肉鬆散，個人覺得比較失望。當日已經全場爆滿，期間不停暗示要我地交枱，其實每張枱之間嘅距離比茶餐廳更小，五個大人被坐一張四人枱，而且每次有人要行出都要我地起身讓路。menu 用什牌平板電腦選擇，點知每次order完，打算考慮其他食物嘅時候，侍應即刻9秒九張平板電腦收集好似驚我地帶走｡總括而言，不以政治立場評分，純以食物質素，服務，衛生，價格。。本人覺得只係名氣大而不實，再次選擇機會微乎其微，始終同區可以選擇美食有如繁星咁多｡…Read More

首先要讚，店家好細心，號聽日安排座位一坐低，即刻奉上消毒啫喱同消毒濕紙巾。每日老火湯都會唔同，今日係花黨蔘椰子煲雞，材料十足，火喉夠，無味精，抵讚。老火湯配白飯，飲品，特定小食，午餐都係65蚊。正~今日小食，同朋友點左相同老火湯餐，一心以為大家食物相信，點知小食有小驚喜。今日特定小食紫薯粟子可樂餅，炸出黎溫熱，無油膩感(絕非反炸)，炸粉唔厚夠脆身，紫薯香甜(當然唔可以同貴價日本餐廳相比)，夾雜少量粟子粒，令口感無咁單一。而朋友既特定小食反而係黄金蕃薯薯餅，可惜太遲發現無試到。。另外，加點左紅蟹肉忌廉可樂餅，質感同味道似沙律，蟹肉味相比較弱，味道雖然都係好食，但真係唔多似蟹肉忌廉餅。飲品名稱，店家好挑皮咁改左其他稱呼，增加左唔少趣味性。最後要讚，可能飲左湯，加上中央冷氣，食到有D熱，只係同朋友講左句[好熱呀～唔知中央冷氣可唔可以開大D ]，結果，侍應窩心咁靜靜地打開隻窗，令外面風吹入黎降溫，抵讚。總括而言，不以政冶立場評分，純以食物質素，服務，衛生，價格，店家細心及窩心行為，絕對配得上五星評分。…Read More

點解用左火山石做石燒，可以令到肉類嘅油膩感覺減少，而且煙都少D，而且亦有貼心嘅圍裙供應。可惜上菜嘅時候，牛舌本身已經全熟，所以放係石上面，只係有保溫嘅作用，同埋增加燒焦嘅效果，可調味嘅作用唔大，牛舌本身調味亦比較淡，感覺似係烚熟左之後再放上去，建議用番海鹽同埋黑胡椒再作調味，一份午餐已經包括左三塊好厚嘅牛舌，女仔嘅份量算係太多，男仔嘅份量應該勉強飽肚｡同一般石板燒一樣，任食珍珠米白飯，麵豉湯，椰菜絲沙律再加檸檬水。…Read More

雖然稱唔上可以媲美其他鐵板燒專門店，但係以黎一個價格全包計算，一般鐵板燒價格都係偏貴，但係巧合見到呢度嘅午餐都只係50蚊起，絕對係抵食嘅鐵板燒入門店。重點喺餐廳侍應，雖然好似唔係好理人，但係佢地嘅服務比好多餐廳更加好同細心。鐵板炒烏冬炒得嘅入味，燒汁味亦都唔會好重，唔會好咸，雖然少左鐵板嘅焦香味，但烏冬都幾彈牙。肥牛金菇卷，個人覺得醬汁太多喧賓奪主左，反而唔係好食到肥牛嘅牛肉味，建議如果可以俾客人選擇需唔需要加埋醬汁炒會更加好。炒雜菜並無加到蒜蓉落去，適合唔鍾意食蒜蓉嘅朋友，都唔會偏咸，正常炒雜菜。…Read More

採用日本石燒方法將一件全生嘅牛肉，慢慢喺石板上加溫煮熟，石板亦會有吸油同恆溫嘅作用，無鐵板個種好油膩嘅感覺，生熟程度同牛肉大細由自己控制。今次選擇嘅牛肩肉足足有300g，牛肉質素屬於中上，牛肉味濃，筋位有油香，加上骨膠原感覺好重既牛肉麵豉湯，紫菜白飯，檸檬水及少量配料任食，$88 一個晚餐，以旺角區計相當抵食｡侍應嘅服務態度好好，上菜前亦會溫馨提示要小心，同埋俾圍裙，仲好有心機講解有乜嘢配料可以配搭｡…Read More

焦糖梳乎厘，焦糖味夠重，梳乎厘屬於麵粉較多，口感厚實，與一般空氣感梳乎厘完全不同，配上焦糖杏仁及焦糖榛子雪糕。個人評價比較似蛋糕多過梳乎厘。情人節草莓限定班戟，班戟有淡淡草莓味，但同焦糖梳乎厘一樣都係屬於口感厚實，口感比較似鬆軟版嘅江蘇餅，配上應該喺海鹽草莓嘅心型牛油，都算係幾特別，可惜cream同牛油嘅比例過少。個人評價:兩個人食完其中一款已經食唔落其他野，甜品屬於以打咭為主，價格偏貴，整體味道及飽肚程度，同一般甜品店嘅出品有啲南轅北轍。…Read More

第一次點選了宵夜時段,特級安格斯牛肉餐，牛肉質素屬於上等，而且餐牌選擇眾多。有台灣當地的水連，蛋餃，鴨血糕，旗魚滑。。。一般不是其他火鍋店能吃到的台灣獨有，而且麻辣火鍋10分惹味,沒有一般酒家只有一種辣味,任食火鍋更配上滷肉飯,只需要加以25蚊,便可以品嚐黑糖鮮奶珍珠,味道可以媲美老虎堂，令人回味無窮｡…Read More

基本上沒有什麼豪華裝飾， 但估唔到點心價格便宜，而且 質素很好， 燉湯 也是需要47蚊， 腸粉雖然皮厚但勝在夠滑溜， 藥膳雞腳藥材好足料， 仲有唔係四周圍都有嘅合桃包 ，名副其實實而不華嘅一餐…Read More

真係未試過俾人咁樣侮辱 , 勁嬲呀 😡😡本來好開心諗住同個朋友farewell , 為咗避免朋友仔會搶埋單，所以我哋拎咗張單去收銀度買，😡😡點知個收銀發爛渣話唔可以自己去埋 ，一定要經侍應先可以 當時態度已經好差， 我哋幾個朋友走咗之後，得返三個人喺度。。結果佢用粗口係咁響度鬧我哋話拎張單出去買，大佬呀，我哋都只係想請朋友食飯，唔想佢哋爭埋，又冇叫你免加一免茶介嗰啲，使唔使鬧到我祖宗山墳都出埋嚟呀？我都係上嚟食餐飯啫，咁大個女，都未試過出去食飯嘅時候，係要咁樣貼錢買難，受俾人問候我祖宗十八代囉😡😡 好彩最後有一個明白事理嘅店長出嚟先可以， 但係真心覺得咁樣畀人鬧法係非常之受委屈😠😠…Read More

288位，包雞煲，火煱，汽水，未計加一，另外信用咭俾錢加3%，食店會按人數準備所有食物，基本上食完所有之後就可以叫自己想食既，以一個女仔計，係有空間食完再叫首先會按人數先上雞煲，雞肉夠嫩，朋友話洋葱同薯粉夠入味之後再換上火煱湯底，建議大家2位，4位甘去，因為3位都係送一隻龍蝦，隻龍蝦雖然細但係好多膏，另加每日5款海鮮，是日鮑魚仔好新鮮，扇貝算大隻，但蝦就係雪櫃出黎特別D丸仔，扮龍蝦丸既章魚丸，扮水晶包既綠茶/紫薯餡，台灣明太子魚旦。。…Read More

標榜無味精座位少，但食材新鲜點左盧爸爸炒聖子 168 ，好似有D貴，但隻隻都係聖子皇蒸雞一般 228半隻蒜泥炒菜68另外，菜單無既，盧爸爸炒飯好好味，足料瑤柱乾，味道十足…Read More

地方很優雅，以白色為主，加上乾花點綴花茶選擇很多，以玫瑰花為主，而且有唔同功效配搭但食物選擇很少，只有窩夫，班戟，建議食少少野先去必點，原個半磅蛋糕，賣相一流，蛋糕亦加左呍呢嗱子，味道唔會太甜，248 包2位花茶…Read More

set. lunch 無咩選擇，食物份量亦比以往少了接近一半，幸好今次選擇了xx羊肉不錯，味道很好，但份量卻少得可憐，價錢比之前貴了一成，食物郤少了四成。招牌讚岐烏冬，朋友說好像超巿噹噹烏冬，蕃茄湯頗怪味…Read More