bobbob keung的個人專頁

食飯時間，人又多，位又少，周圍都冇乜嘢食，叫做好過冇得食😮‍💨沙嗲肉燥冇沙嗲味，雞髀嚡熠熠，腸仔冇味冇道白烚真的很差😫，加埋杯嘢飲$60幾蚊，職員態度有待改善 全部都十分高傲😩…查看更多

今日收工 行經深水埗買野 買完之後就搵野食啦 ，經過呢間鋪頭真係無心插柳咁入左呢間到食 拎住太多野唔想周圍行就入左黎 ！🤔入到黎坐抵有個呀叔 同枱見到我唔知食咩好 ，就介紹左我食崩沙腩飯 咁就是但啦 都唔想諗咁多😂黎到見到份量都幾大份下 都打個特🙈一試 不得了 真係好耐未食過咁出色牛腩肥瘦岩岩好 可能崩沙腩關係係啦 仲有少少彈牙爽口😍真係好誇張 辣椒油又夠香又夠辣 爽🤤🤤真心唔係賣廣告 行經真係可以一試 👏🏻👏🏻…查看更多

因為太忙嘅關係好耐都冇寫過食評啦，但最近發現咗一間幾好食既甜品店，都想介紹下俾大家，就係大埔既唐老鴨因為係平日嘅夜晚去，所以唔使點等位就入到去，環境都尚算舒適😊法式焦糖燉蛋外面面層焦糖好脆，蛋同忌廉味都濃厚，仲要有生果，食起嚟冇咁單調，係一個唔錯嘅選擇士多啤梨雪糕窩夫好有心機咁切咗個公仔🧸但我就唔係太識欣賞，如果係俾小朋友應該係開心既😅講返個食品本身先，雲呢拿味雪糕正常冇咩特別，但個窩夫就有驚喜，係好味既，做到外脆內軟，加上個士多啤梨醬又唔會太酸同太甜，配埋一齊食就更加好味😋…查看更多

係附近經過 口痕痕 ，睇相又唔差就試下啦，點左一個炸物拼盤 同一杯珍珠奶茶。拼盤有四粒花枝丸、六舊鹽酥雞同兩條台灣腸。花枝丸出色 外面鬆脆 好香魷魚味 其餘兩樣都不過不失 唔錯。…查看更多

到今日又黎九展 當然係搵保險哥哥簽野啦😂Lunch Time 時間就揀左華星，諗住有D保証啦今次都係叫常餐， 叉燒意粉 意粉未煮夠好硬身 火腿炒蛋正常唔 多士又係麻麻 淋晒都唔脆口lu,最慘係杯凍檸茶 個茶底苦苦地 唔好飲 總括 有點失望呢間冇下次🤦🏻‍♂️…查看更多

早幾日約左保險哥哥傾野，早左少少到見有d肚餓就係附近搵食啦 ，原來九展到六七點好多鋪頭都收晒🤷🏻‍♂️ 咁就唔諗 試下759車仔麵啦 。三餸麵 三十三蚊都算低食啦， 我另外再加兩餸 叫米粉 佢d米粉係似新竹米粉 爽口彈牙 食得過🤤餸都好食 夠味 湯底都出色 ，真係有d驚喜 可以番食😍😍…查看更多

今晚約左朋友食飯 但朋友遲到 ，咁就係附近行下 見到呢間門面好吸引 ，見到d雞蛋仔好吸引 見朋友又未到 又肚餓 就買個雞蛋仔試一試 ，有好多種口味可以揀 今次就揀了奶黃味 。驚喜地好食 奶黃味好香 但唔太甜 即叫即整 熱辣辣咁食 正👍🏻👍🏻…查看更多

今日附近收工 一心想去食附近好出名個間餃子店到食 ，點知一行到去勁多人排隊 見到都唔想排 咁就諗住算啦 ，點知行前少少 轉個灣就見到呢間餃子店 橫掂想食餃子 就試下啦 。入到黎睇餐牌 差不多青一色都係食餃子 有少量粉麵可以點啦 ，因為太肚餓了 叫左碗粉 同十隻煎餃試下 。鮮排骨河粉 味道就有d偏淡 但d排骨好入味 好淋 一點麵唔柴皮 如果可以濃味番少少就更好食 韭菜煎餃 呢個有驚喜呀 即叫即煎 上到枱仲夠晒熱 ，咬落皮仲脆脆地 好多肉汁 加埋佢d辣菜（寶）食一流👍🏻👍🏻…查看更多

其實已經食過幾次 真係想出個post 讚一讚佢 ，我每次黎都叫韭菜湯餃同芝士煎餃。先講湯底 真係好鮮甜 好足料 ，每次都好似食到有花膠係入面咁 。韭菜餃 好大隻 皮唔太厚 韭菜多到爆 連湯食 不得了 。芝士煎餃 食落去d肉汁 流晒出黎 好香芝士味 。最好係佢係平民價錢 好抵食 一定會番黎再食呀！…查看更多

同朋友係附近做完野 肚餓得很 一落樓見到呢間野 都好似幾吸引 就買隻黎試下 佢有幾隻口味 有黃金有椒鹽 有麻辣味 今次叫隻椒鹽試下 即叫即炸 等左10令分鐘 炸好 樣就幾吸引 不過一食 我覺得太乾 味道不怎樣 好普通 不值四十幾蚊 冇下次…查看更多