丫晴美食之旅's Profile

金西南裝修重開後，一直都聽到大家話已經轉左手，難食左好多，我本身都係抱住質素差左既心態黎，但無諗到原來真係差左咁多…首先，裝修後轉左用電子落單，啲枱凳同餐具全部都變晒，好似想營造出一種現代感覺，我自己就麻麻地呢種feel，酸辣米線就唔係用不鏽鋼碗😅碗米線真係普通到不能再普通，湯底死辣死鹹，完全無左以前個種感覺，雖然我本身都無覺得以前既金西南湯底係好出色，但我自問以前既湯底係正常中上，依家係劣！最後啲姐姐真係一絕，無時無刻都好似想趕你走咁，我明明仲有半碗米線，個口仲咬緊，佢竟然行埋黎問我係咪食完，隻手已經扶緊我個碗想收走，我佩服！我本身都唔信重開點會有咁多負評，大家覺得係打手比負評既話，可以照去試下伏，相信你食完都會忍唔住打返篇負評🥲…Read More

終於食到呢間既牛舌心，真係好好食，可以係話暫時食到最好食既！我地仲一次過叫左兩碟，超級滿足。我地另外仲叫左佢個柚子雞煲，味道就正正常常，最後會加飯煮成粥，但呢煲差唔多成$500，性價比就有啲低而且呢到叫人頭嘢飲，但嘢飲都係正常，無咩特別，整體黎講，我會想剩係叫牛舌心😂但啲職員都好好服務同態度都friendly，個vibe幾chill…Read More

太耐無食，突然之間好想食就走左去荔枝角食甜記，原來已經搬左新舖，大左好多同坐得都幾舒服。今次太夜去芫荽芹菜豬肉餃已經賣晒，唯有食西洋菜餃同朋友推介既菜心豬肉餃配番茄湯底菜心豬肉有驚喜喎，好甜好好食，西洋菜就一如以往好食，粒粒都好飽滿，飲埋佢個番茄湯真係無得輸🥹🫶🏻…Read More

之前已經食過一次，對於佢麻酸辣湯底我係覺得暫時世一，濃得黎唔油，又唔會膩，飲落去超舒服，金沙骨米線真係好正，竟然係會比四大舊！就咁單叫小食都要$50所以叫米線真係超抵，加上金沙骨係熱辣辣咁上台，絕對超級值得食！…Read More

蘇杭副線開左間花膠雞米線我真係成日幫襯因為超愛佢個胡椒豬肚湯底啊！真係好暖胃同胡椒味都幾濃佢地啲雞都比唔少同算滑我每次都係叫花膠雞米線轉胡椒豬肚湯底$68黎講真係無得輸啊🫶🏻…Read More

🐽👧🏻🍴 M7牛板腱 $348用炭爐方式上，可自行燒想要既熟度肉香軟嫩，好食🍴 醬燒法國無激素春雞 $268就算雞胸位都好軟滑，個醬有少少花生既味道配埋佢啲椰菜沙律一齊食唔錯🍴原條燒魷魚 $168大推！魷魚真係幾大條同埋燒得啱啱好，juicy！味道都調得唔錯🍴廚師炒蜆 $138啲蜆偏細隻，少少辣辣地但有啲鹹🍴 飛天炒雜菜 $88整體好鹹，尤其係菇類同一啲索住既菜都好鹹🍴黑松露薯條 $78呢個份量都幾多，黑松露味都好出，薯條炸得乾脆唔油膩！🍴脆香蒜蓉包 $38正常，不過不失🍴冬陰功清雞湯 $118大伏，無諗過原來真係一碗仔，似調味粉開出黎既清湯咁，可能佢真係慢煮雞湯，但百幾蚊呢碗湯，幾失望📌📌📌📌📌📌📌📌餐廳定價偏貴成餐飯差唔多$1300但整體食物都偏鹹要飲唔少水環境係坐得幾舒服同staff服務態度好好但回頭就未必了…Read More

一間性價比頗高既西餐Lunch Set呢個價錢係中上環算水準唔錯唔好對牛扒既質素期望太高我揀Mediun rare都有少少咬口但百幾蚊我覺得可以接受份量亦都好夠 尤其係前菜頗大份絕對夠飽最開心甜品係甜筒😍…Read More

🐽👧🏻🍴海鮮煎餅 $128以往食開既都會有碟醬汁但呢間無提供所以食落味道有啲單一但餡料都算足 少少脆脆地都算唔錯————————————🍴 牛內臟湯 $128我超中意！個人本身非常愛內臟如果怕既可能會覺得內臟味有啲重我就覺得好香濃🤤飲一半加少少白醋感覺會無咁漏————————————🍴辣牛肋骨 $188比左超多舊牛肋骨仲要每舊都好大份好易脱骨 啲肉燉得軟諗之餘仲有翻啲口感 完全唔會係軟爛個種入面仲有白蘿蔔同紅蘿蔔都係超入味超推！📌📌📌📌📌📌📌📌香港出名既韓國餐廳都勁貴呢間我覺得所有食物都好食絕對對得住個價錢🤤下次要叫多啲朋友去試佢啲鍋先！…Read More

🐽👧🏻🍴雙餸麵 $46 (牛腩+墨魚鬚)牛腩幾juicy，好軟腍不過朋友有舊近邊位既有啲靭墨魚鬚好食！煮得啱啱好！🍴四餸麵 $76(魚扎+牛腩+豬雜+墨魚鬚)黎之前見到佢魚扎出名，覺得正正常常可能唔對我地口味🤣反而其他餸好出色！豬雜超級驚喜，尤其係豬潤，好厚食落完全無腥味好香好好食！佢個粉腸都清得好乾淨全部都無異味，推！🍴淨豬潤(小) $48我地鍾意到即時叫左一碗細既encore🤤📌📌📌📌📌📌📌📌非常推豬雜，我會為左佢回頭🤤佢就係十二味對面店鋪內位置唔多叔叔姨姨都好Nice我地平日夜晚去食即時有位推推！…Read More

🐽👧🏻今日試咗同事成日推介既珍姐果然係名不虛傳🍴珍姐咖喱羊排飯 $85珍姐最出名嘅就係咖喱羊排飯佢唔係港式嗰隻咖喱而係偏印度香料派有少少辣羊係有炸過，肉質幾腍羊騷味十足 好正！要食！🍴頭抽蔥油豬扒煎雙蛋飯 $65典型茶記碟頭飯，豬扒炸過肉質做到鬆軟既感覺幾juicy 唔鞋！🍴拔道腩雞飯 $55豉油出色，唔會太鹹雞非常嫩滑！飯係雞油飯，推！📌📌📌📌📌📌📌📌📌除咗招牌咖喱羊排飯比較貴，其他嘅價錢都算係中規中矩，冷熱飲品一律加$10 ，喺中上環來講，對打工仔都算係lunch既好地方小編今日見到有好多人都叫蔥油撈麵等我下次都試吓先！珍姐夜晚就會變成火鍋店聽聞係極難book到位我會努力book下希望盡快食到🤤…Read More

呢間位於海港城既泰國菜地理位置非常好今次我地兩個人比安排坐係窗邊位可以望住海景食好chill野食係水準之上我地叫既食物都覺得好好食冬陰功卡邦尼有啲驚喜食落都幾match所有野食都keep住熱辣辣如果有海港城coupon絕對值得黎食！…Read More

年幾前因為staycation試過夜晚食佢個set一直念念不忘早排再帶屋企人中午去食整左個私人餐單三款點心都好好食另外叉燒都唔需要多講都係佢地既招牌菜豬手反而整得有啲鹹蒸牙魚有啲驚喜外國魚用中式煮法啲魚油同肉質鮮甜脆皮雞絕對水準之上塊皮非常脆肉質都嫩滑成圍大約$2500左右人均$500係數一數二既酒店餐廳黎講覺得係超值絕對可以回頭P.S. 唔記得影但佢地個xo醬係全餐廳既頂級招牌，好似單買都要幾百蚊得少少，嗰日真係瘋狂食咩都加啲xo醬落去，非常香同惹味…Read More

呢間已經算係我地飯堂由當年係北角每月只係開一日到係天后開門店我地一定會時不時去食一次佢成日都會出啲特色款式出品味道都唔錯穩定唔會特別有伏既菜式價錢中規中矩可以平時得閒食下慶祝食又唔會失禮！…Read More

又係一間長洲特色小店屬於香港人既店！舖頭座位少，比較窄，所以如果假日時間黎應該都係需要等位。今次我就係星期五夜晚7點左右打電話去問有無位，好好彩仲有一個2人枱，即刻行過去👏🏻店員好有禮貌，order完一陣就上菜，我地叫左三道菜，佢一次過就上晒枱，好細心咁每一道都會講解菜式同用既材料，佢出名就係蛋料理，咁就梗係要叫佢主打既卡邦尼意粉，炸蛋，同埋我地仲叫左個溫泉蛋薯蓉，三道料理都好食，黎到長洲絕對值得一試！…Read More

終於黎試左長洲既呢間餃子冰室，呢間餃子店主打特色口味既餃子，我地平日下午大概3點半到都要等位，等左大概半個鐘，位置就唔算多，得6張枱左右，所以會係長洲stay一晚既建議直接買外賣翻房食，佢地上菜都算速度好快。整體而言，我覺得入到黎長洲，呢間餃子冰室係必試既，如果多幾個朋友一齊黎，可以試多啲佢不同款式既餃子，佢啲特色餃子係特別之餘，你食落都唔會覺得奇怪，而且係好食！不過，一開始等位嗰陣見到明明有一枱客已經食完好耐，但佢地仲坐係到禁電話，差唔多超過15分鐘，個人覺得尤其呢啲出名小店，自己食完就儘快讓個位比下一個客人會好啲，不過呢啲又無規定既，所以建議大家買外賣都係唔錯既選擇。…Read More