肥妹愛美食's Profile

早2個月去完日本之後,一直好想係香港揾一間好食既居酒屋今次試左哩間係尖沙咀既焱丸,果然無令我失望可以當去左個快閃既日本入到去裝潢已經好有日本居酒屋既感覺今日係超開胃的前菜，三文魚同牛油果都係我嘅最愛有番茄仔、酸蘿蔔、沙律菜  加埋酸酸地嘅醬汁，超級開胃搞到我自己食哂咁劑刺身比得一d都唔孤寒，每一塊都係好新鮮個名仲改得好好聽,叫龍神號甲羅燒係每一次去食居酒屋都要叫既野,我地叫左一個原味,一個芝士芝士果個有驚喜,食落去好香,唔會太過濃仲配埋少少青瓜絲一齊食,好貼心鮑魚係超級新鮮, 店員好好仲會幫我燒埋岩哂我哩D唔係好識燒海鮮既人整體黎講,十分滿意,下次一定會再黎黎滿足下我去左個快閃日本居酒屋…Read More

而家泰式餐廳越開越多，特別係九龍城嗰邊，所以而家一淋起話要食泰菜，就會去嗰邊穩食，食過幾家，覺得味道都係一般，今晚就經朋友介紹嚟到小曼谷泰國美食餐廳，佢話基本每次食泰菜都係嚟呢間，佢話做得比較正宗地道，價錢又唔算貴，如果去得遲基本要等位。所以一收工就即刻撲過去攞位，但都係要等，好彩前麵只有兩個號，D靚女態度好nice，蓮子容咁嘅麵口。冬蔭功連上枱嘅時候都會用個火爐仔煲住，保持湯嘅溫度，可以等我地慢慢食，唔洗驚食到個湯同入邊嘅料凍左唔好食，淋得比較周到，蝦肉大大只，而且新鮮大頭蝦，基本都會有膏，我見隔離有個女仔將蝦剝殼再放入去煮，可能係咁樣煮過會更入味，酸酸辣辣好啱做頭盤菜，好開胃。明爐酸辣煎烏頭同泰式大拼盤都係一樣價錢$ 158，夏天食特別鐘意食酸辣嘢，魚煎得好香，又以酸辣調味，好有胃口。泰式大拼盤，有四樣嘢食，其中最愛係魚餅，雖然油炸過，但依然可以食得出魚香味。海南雞肉好入味，海南雞做法比較復雜，一般系屋企好少整，出嚟食過好多次，呢度算係做得比較好，雞肉滑，吸收曬D調料味，還可以，食完再整返杯珍多冰，呢餐晚飯就算完滿結束喇。…Read More

今日有兩個朋友從佛山過嚟穩我玩，可惜我最近都抽唔到時間出嚟陪佢地玩，今日仲要連晚飯都無時間同佢地一齊食，就唯有宵夜同佢地一齊食，帶佢地感覺下香港地道普通嘅茶餐廳。佢地話經常睇TVB嘅電視劇都會睇到魚蛋粉，牛腩麵想試下，雖然佢地係佛山呢D都係好普遍，但想試下香港嘅，就佢地酒店附近就帶佢地去潮興魚蛋粉。魚蛋粉唔錯嘅，因為粉都做得唔錯，好爽口彈牙，有韌頸，好有嚼頭，而且魚蛋好有魚味，不過就唔系好彈牙，除左魚彈粉，仲有牛腩都幾正，牛腩好酥香，雖然有少少肥，但勝在入味，湯汁好濃，入口濃濃牛腩味，好好味，有個就點左個雲吞麵，佢話感覺一般，無驚無喜。…Read More

真開心啊，今晚有朋友要請我食大餐，我話我想去食海鮮，仲要係蒸氣海鮮，本嚟我想去開嗰間食，但話佢屋企附近有間，就叫我過去嗰邊試下，我覺得海鮮最好嘅食法就係清蒸，清蒸能體現到海鮮嘅新鮮度。原嚟係帶我去金御膳正宗海鮮蒸氣石鍋，環境好舒適，令人感覺好放松，食飯環境都幾好。首先蒸上朋友最愛象拔蚌，好可愛嘅象拔蚌仔，細細只好好肉，韌韌地嘅口感，好鮮好鮮，一人食兩只剛剛好，加上蔥蒸唔洗十分鐘就OK了。今日無點大蝦，試下生蝦仔味道如何，雖然係話生蝦仔，但都唔算話十分細只，蝦肉爽口彈牙，新鮮度就剛游水上嚟咁，感覺比大蝦更鮮甜，肉質更結實，價格唔貴，性價比好高。嘩，第一次食呢個意大利海鮮湯底，睇落去好靚，好吸引人啊，黃金黃金好似咖喱湯咁，湯底配料海鮮都幾足料，所以湯底好清甜，再加上頭先甘多海鮮系上面蒸，更美味。差D唔記得講呢個蒸魚片，魚肉片好厚身，肥美鮮甜，令人驚喜喔，應該系一條大魚嘅肉，味好好。…Read More

今晚同A仲有C出去食飯，A話聽朋友講屯門莆田唔錯，咁就一于去莆田睇下點啦，餐廳都算大，環境都幾好，服務態度好和善，令人有種親切感，我地今日嚟得早，唔算多人，就拿拿聲開始點菜，唔系人多就有排等。一品海蠣煎，呢個應該系廈門特色菜，應該系沿海果邊常有的小菜，做得幾色香味俱全，都幾大碟，煎得好香，雞蛋加香蔥煎得好香脆，海蠣肉新鮮肥美，食落好香口，我比較中鐘意。鹵麵應該系呢間餐廳嘅招牌菜之一吧，入餐廳嗰時見到幾張臺都點左，用料都幾足，有肉有海鮮配麵煮，一睇就已經知道湯底靚，麵都比較靚，咬落有頸道，有D手打麵嘅感覺。扁肉湯，聽個名覺得好特別，擺上臺嗰時我仲以為系魚皮角，肉整得好嫩滑，但又好結實所以好似肉丸咁，爽口彈牙，啖啖肉，咁多肉個湯都好清甜。莆田都算多菜式可以揀，樣樣出品都幾好，燜豆腐，酥炸芋頭同埋紫菜伴蝦苗都幾好食，燜豆腐做得好香，豆腐豆味好重，三個菜選材都新鮮，所以都好好食。…Read More

今日同阿媽去撐臺腳，咁就去食餐好嘢喇，聽講潮福蒸氣石鍋幾好食，又多海鮮品種揀，又有其他嘢食，阿媽話環境都幾靚啊，睇落幾干凈衛生，而且用草帽嚟當鍋蓋好特別啊，睇嚟無嚟錯，一坐低就開始點嘢食。我地第一次嚟，所以點左個套餐，覺得幾抵食，我地都肚餓喇，就首先蒸個肉來填下肚先，一份雞肉都都算大，而且配左好多蟲草花嚟蒸，可以增加營養，又可以提味，雞肉緊結，我地按照菜單提示時間嚟蒸，蒸得好嫩滑，兩個人食曬都唔覺得滯。大連蒸鮮鮑雖然唔系好大只，但勝在先材好，夠曬肥美，新鮮度又夠，一啖就差唔多食曬一只，覺得肉好彈牙，雖然細但都令人好鐘意。套餐有四只海鮮蝦，上嚟時仲好似識跳咁，唔洗講就知夠曬新鮮喇，蝦蒸一陣就熟喇，我今次連豉油都無沾，但都覺得好好食，因為蝦肉真系好爽口，清甜就更加令蝦肉加曬分喇。兩個人嘅套餐有四兩花蛤，估唔到花蛤都幾大只，而且數量都唔算少，肉都算比較飽滿，而且好干凈，唔會有沙，同樣唔洗放調料都好鮮，原汁原味我覺得最好。日本大元貝同個燉湯都好OK，個粥我地更系鐘意喇，我地選左新鮮淮山瑤柱粥粥，粥加上海鮮同雞肉嘅肉味，粥簡直系超級好食。…Read More

講起食泰國菜，阿KEN就話一定要去Orange Elephant Thai Restaurant呢間泰國餐廳，真係無介紹錯，位置容易穩，裝修都按照泰國嗰邊嘅風格，一入門就感受到熱情嘅感覺，D靚女服務更值得一提，個個都好熱情。嚟呢度當然要試泰國特色菜，青檸辣椒明爐烏頭魚，條魚好大，有幾種配菜一齊煮，最后仲淋上青檸汁，可以提鮮，平菇好好食，魚肉好鮮，骨少，有D酸甜嘅味道，酸甜度適中，味道好好。酸辣海鮮湯如果係夏天飲呢個湯會更加合適，海鮮味道鮮甜，再加上泰國菜嗰種特有嘅酸味，飲完覺得特別開胃，又可以消滯。今晚最好食我仲係覺得泰皇咖喱炒肉蟹，肉蟹比較多肉，咖喱真係好好味，有淡淡嘅奶香味，咖喱好正宗，唔算好辣，味道剛剛好，有D甜度，但又唔覺得搶味，用嚟撈白飯真系一流啊，大愛啊。睇個樣系咪好吸引呢，原個菠蘿海鮮焗飯真系味道好好嘅，有鮮蝦魷魚幾種海鮮咖喱放入菠蘿度焗飯，每粒飯都有咖喱，粒料均勻，鮮蝦大只又新鮮，幾種配料一齊焗，好味道。…Read More

聽講旺角呢間櫻花中日放題幾抵食，唔洗兩百就可以任飲任食，品種又多得揀，今晚就去試下系咪傳說中嘅咁抵食先，我地去到剛好飯點時候，比較多人，不過服務態度幾好。之前去食日式入題都系奔住壽司去，但呢間就連中式菜都有埋，見到呢個黑椒烤羊排唔錯，食肉獸嘅我就先食呢個喇，食羊肉最怕有一朕騷味，呢個完全唔覺騷，可見對羊肉處理得很好，黑椒分量放得剛好，羊肉又烤得好嫩，口感唔錯。燒雞亦做得都幾好，兩邊煎得金黃，味道咸淡適宜，肉質感覺比較新鮮，好結實，應該系比較靚嘅雞亦，總體都好掂。食完中式到日式嘢喇，因為人多所以我地點左好多壽司，我覺得蟹籽壽司同三文魚壽司最好食，當然其他品種都唔錯，店員話三文魚系佢地成條攞貨返嚟，所以可以保證到魚肉的品質同新鮮度，三文魚的飯的分量都唔多，證明魚肉好大舊，食到我地個個都話下次仲要繼續再嚟。…Read More

朋友系Hello Kitty控，每次見到有關產品都要買，一聽講話佐敦果間中菜軒點心都系Hello Kitty樣嘅點心就即刻約我去食，中菜軒聽個名以為系好傳傳統嘅點粵菜館，其實菜式好創新，環境都幾靚。如果唔睇菜牌，你地估唔估到呢個系咩菜？呢味叫：Hello Kitty 愛心釀豆腐！整得好逼真啊，白色的Hello Kitty系用豆腐做嘅，原來紅辣椒做嘅蝴蝶結可以甘可愛，炒蛋做裝飾，周邊擺幾棵新鮮青白菜，紅綠相映，好養眼，令人唔舍得落手去食，底色用金針菇襯托，個欠汁好好味，豆腐好嫩滑，同D汁撈埋一齊食，又滑又好味，真系睇得又食得，正。連流沙包都系同Hello Kitty有關，好可愛好Q啊，都唔忍心去食，但咬開后又會覺得點解可以整得咁好食，又整得甘靚，呢個一定要趁熱食，包整得好有奶味同好松軟，流沙又整得好香滑，唔錯啊。鮮蝦餃皇嘅造型就無頭先兩款咁靚，但都一樣唔失禮，隔住層薄薄嘅皮就見到好大只鮮蝦喇，一啖咬落去，大大只蝦好彈牙，好有滿足感啊，蝦真系好新鮮，用料真系好，下次都要繼續嚟，食完心情都特別好。…Read More

唔記得系邊度聽過一句話，系女人都有兩個胃，一個留嚟食甜品，所以當我地四個人晚飯食得飽飽，一聽到去NUN食甜品，個個都話仲食得落。我系未去過，之前有經過，覺得環境幾好，每次都好多人排隊。剛開始點嘢食嘅時候，睇菜牌覺得有D貴，但一上臺，覺得好抵食啊，因為真系好大份，韓式醉特級3球窩夫雪球，3個雪球好大，個窩夫餅包都包唔住，而且整得好靚，好有畫面感，表面都淋D朱古力同灑D彩色糖果，好靚。試下個雪糕球，好滑啊，系我食過最好食嘅雪糕，無之一，好有奶味，又完全無冰渣，再整啖窩夫餅，而家先知，原嚟窩夫餅同雪糕可以咁夾，香軟嘅餅加上香滑雪糕，口感好特別。鋒芒畢露芝士雪奶，我地加多$15有棉花糖，好大舊棉花糖，睇落好有詩意，芝士比例都幾多，好濃芝士味，芒果好香甜，水果清香加上芝士味，好特別嘅味，但又唔覺得怪，仲覺得好好味。中意食杏仁同抹茶口味嘅朋友一點要點呢個紅豆雪奶，抹茶味好濃郁，周邊有好多杏仁片，中間又有好多紅豆，幾種水果都放系一個雪糕入邊，多種口感混合一齊，味蕾享受豐富。…Read More

肥妹今天心情唔多好，所以全日都搜羅美食來宣泄，今晚繼續同佬友仔S來到潮福蒸氣石鍋嚟撐枱腳食海鮮。現場見到嘅海鮮真係新鮮又生猛吖，我哋點咗大紅蟹、瑤柱鮮淮山粥、大連鮑魚4隻、蟶子皇4隻、同埋飯后甜品蒸馬拉糕。食海鮮最主要都係追求一個鮮字，我哋覺得清蒸最可以體現到海鮮係咪新鮮咯，先蒸咗隻大紅蟹，拆肉之后可以睇到，肉質鮮嫩，咬落好爽身鮮甜。食完都仲未夠喉，好在食緊蟹果陣我哋又馬上蒸咗大邊鮑，仲可以一邊食住瑤柱鮮淮山粥一邊等佢慢慢蒸好。講到lee個瑤柱鮮淮山粥，味道都OK咖，大大粒嘅瑤柱煲夠火喉，鮮味入曬係粥底里面，再加上新鮮嘅淮山，一碗溫補營養嘅海鮮粥就誕生喇。再講翻個大連鮑，食入口爽身彈牙，蘸下醬汁、姜汁已經鮮味十足了，唔需太多調味料，但係蒸蟶子皇就要有粉絲同蒜蓉搭配先最美味，如果唔係就會好生泥腥味。最后一道甜品馬拉糕，蒸好之后好香甜軟熟，今晚lee餐肥妹食得好滿足吖！…Read More

今天心情差到爆表，決定來個甜品嚟發泄一下負能量，夾硬扯咗佬友仔S出嚟聽我訴咗咁耐苦，係時候請佢食翻個dessert補翻數喇！嚟到甜椰坊，望見個餐牌肥妹我嘅心情已經好咗30%，因為真係好抵食吖，表示我可以點多份落肚了，咔咔！今次豪d請佬友仔S食翻個熱燕窩甜椰嚟潤一下，佢成日話比我魔音催殘咗一個下午，成個人謝曬喔。肥妹自己點咗一個熱海底椰甜椰、蛋白杏仁茶燉鮮奶，點完等食嘅肥妹心情已經好咗50%喇。等咗幾分鐘我嘅甜品就上枱喇，熱熱嘅海底椰甜椰暖心又暖胃，里面好多海底椰，嚼得過癮，椰奶好香滑，食得好滿足吖。蛋白杏仁茶燉鮮奶同佬友仔S一齊share，可以食到好香嘅蛋白鮮奶味，不過整體味道有d淡，可能怕太甜嘅話好容易膩喇。至于朋友嘅熱燕窩甜椰一樣係份量有翻咁上下，佢話燕窩燉得好入味食落有椰奶味，椰奶又吸收曬燕窩嘅精華，真係好好味喔，仲話要將燕窩食得干干凈凈。睇見大家都食得咁開心，心情一下好翻曬，原來食甜品真係可以提升人嘅幸福感咖！…Read More

好耐未去過Club 放松下喇，今晚就約埋兩個好朋友去坐下，減減壓，有個朋友話最近佢去過Mini Club唔錯，環境同食物都符合我地口味，呢間Club位置比較寬闊，感覺好有空間。摩天輪唔系凈系可以坐，仲可以用嚟裝嘢食，海之幸福摩天輪裝左五種唔同品牌嘅炸野食，有炸蝦，炸蠔，炸魷魚，炸蟹鉗同埋泰式蝦餅，一次可以食曬幾個菜，每個品都幾好食，而且炸得唔油膩，雖然系炸蝦，但都食得出蝦嘅新鮮，泰式蝦餅更系食唔停口，整得好好味。今晚我最中意嘅都系呢個西班牙伊比利黑毛豬火腿，我地點左系兩年果種，火腿年份越耐越正，雖然兩年唔算好耐，但肉質真系好結實，無睇切得薄薄一片，但咬落依然好有口感，味道就更唔洗講喇，令人好驚喜，中意食肉嘅朋友一定要點嚟試試，唔會令你地失望。…Read More

好耐無出街揾食嘅我又開始蠢蠢欲動喇，剛好有兩個朋友都話想去食泰國菜，佢地就帶左我嚟呢間喇，我第一次過嚟，覺得環境同衛生睇落都唔錯，好舒適。每次食泰國嘢，我都會先試下冬蔭功，試呢個菜就大概可以知呢間店啲菜做得正唔正宗，個湯睇落湯汁唔系好濃，但試飲左又覺得味道好鬼正喔，酸辣味都恰到好處，好開胃，入邊有好多種配料，我最中意入邊嘅菇類，平菇吸收左湯汁濃濃嘅酸辣味，好好食。呢個菜已經可以證明呢間店好正宗啦！！生菜包豬肉都幾好食，生菜嘅清爽加埋豬肉嘅肉汁，令人覺得食肉都唔會滯，仲會覺得有新鮮味，最重要系生菜選料夠好，夠新鮮夠爽口。中意食刺身嘅朋友可以試下呢個鮮蝦刺身，睇個樣就知呢個菜唔簡單喇，一份有六個，每只蝦都系用杯裝住，鮮蝦搭苦瓜我仲系第一次試，如果覺得苦就分開食，想嘗鮮嘅不妨學我甘蝦同苦瓜一齊入口，口感保證你會覺得正，苦瓜嘅苦澀味混合鮮蝦嘅鮮甜，覺得好刺激，一人食兩個剛剛夠，好特別好好食。埋單時，店員話9點後嚟有7折優惠的，以後可以遲小小過嚟打折。我哋今次8點半入座，oh~ no~~~…Read More

又到聖誕又到聖誕~咁開心既時間就梗係又同好友來個聚餐兼交換禮物 今次我地3條Q就揀左去呢間韓國餐廳食飯飯去~~~坐低後當然要叫杯野飲下，我地分別叫左西柚果汁、青檸果汁同柚子果汁，以味道黎講西柚果汁係最好味，像真度較高，酸酸地好開胃又解喝，而青檸果汁個樣就最靚，飲落就無咩太特別，都係有少少酸咁，不過都算大杯，另柚子果汁就較淡，總括黎講不過不失喇~之後我地都叫左個清湯年糕鍋，入面有齊韓國年糕、韓國魚旦、韓國麵、蜆同洋蔥等，湯底就帶韓式的微辣口味，輕煮一陣就有得食，年糕及麵都好煙韌，魚旦就好彈牙，蜆則鮮甜而無沙，唯份量就係少左D，不過整體黎講都係幾好味道！而我地最期待食既就係呢間餐廳最出名既1M超大串燒，當中有牛肉、大蝦、青椒、蕃茄、豬扒、香腸同菠蘿等等，牛肉及豬扒都肥瘦適中，燒香後甚是野味香口，不會太咸之餘更很有肉香，而大蝦肉質都好彈牙，青椒燒香後更是充滿蔬菜的清甜味道，另香腸經我燒得微焦後，口感就更是咸香四溢，配埋青菜及其他的小配菜包圍一齊食用就更是美味！呢餐都幾好食，餐廳又唔會好大油煙，座位都算幾舒適，我地3條Q都食得好盡興 …Read More