BonnieLo625's Profile

Sorry 因為全部賣相都唔得，所以無影相星期六嘅晚上，我哋一行4人大約6點幾去到，等咗大約5-10分鐘就有位，都算幾快我哋叫咗5樣野1. 豉椒炒蜆 $13x(好似係）唔係生炒的，係烚熟咗啲蜆先炒，個汁偏甜，但比起其他餸，呢個算無乜問題。2. 蒜蓉粉絲蒸蟶子皇 $78/1隻 最少要叫2隻唔知佢對皇呢個字係咪有咩誤會，賣$78/1隻，你都比返合理size 人哋丫，上到嚟個size 同平時唔太大隻拎去豉椒炒嗰啲差唔多，個蒜蓉好喊，蟶子好韌，完成對唔住個價錢。3. 什菌菇扒西蘭花 （最好食）成晚最好食呢個餸，無過鹹，菜夠爽4.椒鹽鮮魷粉厚同埋又係好韌，咬唔開5.招牌菜黑椒薯仔牛柳粒呢個餸精彩啦，我哋明明見到佢拎去其他枱嗰啲都好大碟，但係我哋嗰碟好細碟，佢一放低，我都嘩咗一聲，差咁遠嘅？然後我哋4個人一人夾咗一舊，我夾嘅係薯仔，非常鹹，鹹到我即時吐出，然後其他人都係同一反應，但反應無咁大，咁我諗住可能兜唔勻啦，再夾多一舊咬少少，都係一樣，咁我就叫人埋嚟，然後佢話，你食咗咁多先講？我話，我哋4個人一人試咗一舊，我呢度仲有2舊係吐返出嚟架，然後不斷話我哋食咗好多，咁我話，咁你放返低啦，我唔駛你處理喇，佢又唔放，仲不斷講我哋食咗好多，然後又拎走，好晦氣咁話「唉，換比你喇」，但最後，我哋起身埋單走，亦都冇叫佢退返個碟錢！但係呢間真係冇下次！身為香港人，我自己都好鍾意食大排檔，由細到大食唔少大排檔，但呢間做到出咗名，個質素每次嚟都係下降，仲點保存香港特有嘅特色。…Read More

老公今日去開士瓜環，專登行去佢成日見到啲YouTuber 介紹嘅甘露甜品，因為佢想試好耐，佢6點左右買，到8點左右食完飯開嚟食香草綠豆沙老實講，一開見到好多“琼”咗嘅奶脂已經扣左分，一“不”起，真係一粒綠豆都見唔到，但絕對唔係煲到變晒沙個種，係用攪拌棒打到變沙個種，一入口仲不得了，又酸又叔🤮荔茸椰汁西米露又係一開見到奶脂浮面，一“不”起，Sorry 我真係未見過透明嘅椰汁西米露，我完全feel 唔到有奶有椰汁嘅存在，佢個椰味（聞），我想信係來接椰子油，一入口，又係又酸又叔架🤮利申，今日天氣涼涼地得20度左右，應該唔會係我哋焗臭呢間野嘅甜品真係我人生食過最難食嘅甜品，40幾年歷史，點解要搞到咁？…Read More

同老公去整芋頭酥,，中途我老公口渴,，所以除一除低口罩飲左一啖水，之後已經有職員衝埋黎話唔可以飲水，唔可以除口罩，OK，明既，非常時期，佢話要飲出去出面飲，咁我老公就出左去飲。咁之後我地繼續整啦，之後係中間個排既客人，大叫佢D 朋友，喂！食野呀！咁我都望一望，全部除晒口罩立即試食佢地既成品，又話影相之類，其實佢地真係個個都除晒口罩，亦都無職員制止佢哋咁我想問，點解我老公只係飲啖水，就立即制止，個班人可以除罩試食，可以大聲叫，可以影相呢?到佢地食完佢地既野，出去門口，我老公見佢地同職員都幾熟，覺得佢地應該係熟客，咁係咪熟客就可以咁樣有特權呢?另外，職員嘅經驗亦都不足，食譜寫明，焗完後一定要比職員睇夠唔夠熟，我對面對情侶第一轉出爐話唔夠熟，再入爐，一路等職員比指示佢地，我上嚟開始做個時，佢哋已經完成入咗爐，到我差不多完全我個芋頭酥，佢哋都仲等緊😂最後我見佢哋個蛋糕燶晒，好慘呀🤦🏻‍♀️我個芋頭酥出爐問佢，佢話放上啲再焗5分鐘，結果一出爐，爆開晒口🤦🏻‍♀️🤦🏻‍♀️…Read More

Lunch set 厚切豬扒配黑醋芥末醬 $108一上檯老公已經嘩一聲，話點解白雪雪咁，好似無煎過，同埋係分開左2舊，算！（無寫開食評，所以無影相嘅習慣）都照試，點知一食，係瘦肉質感，而唔係豬扒嘅肉質，咁就試下第二舊啦，仲衰，乾到好難切得開，仲要一路切一路有肉碎散出嚟，平日唔太難食嘅，我都盡量唔會煩經理，但今日個餐真係食唔落，叫經理嚟問佢你哋有無試過啲野食？呢間餐廳好幾年前食過一次，印象中係偏貴，但未至於難食，今日過後，真係永遠唔會幫襯！…Read More