為食fatfat's Profile

大圍屋邨雞煲，性價比高一黎當然就係先食雞煲啦！！！ 唔敢太辣，叫小辣！對平時食開譚仔5小辣的我黎講，將夠麻！再挑戰串燒！ 我地叫左最平最抵的198$ 雞煲火鍋餐，所以每人可以揀三款串燒燒波蘿一定係串燒必食，甜！牛舌好大塊，但唔係厚身😛燒雞翼、五花肉、雞軟骨正常芝士扇貝😍食完雞煲、串燒，再黎火鍋！ 我哋揀左沙嗲湯底！好濃厚😍雖然198$ 最平，但選擇都唔少架！！見到啲肉質都知唔會係伏仲有蔬菜盤任點，粟米好甜！飲品都有兩個大雪櫃任飲！！…Read More

呢間餐廳係好神秘架！！ 無細心留意好易會行過錯過，門口就係好簡約，全白門有LM兩字，點知一開門就好有feel！😍好岩大埔友想飲返杯🥂🍷呢個蠔Set都好吸引！！ 不過今次朋友唔食生蠔，留返下次OrderDinner Set😍好靚😍好似藝術品！！ *Foie Gras & Grape with Port Wine* 鵝肝好香，呢個配搭好fresh 好新穎！睇落細細杯但夠「嗒」好耐😋餐湯* 咁有Feel的場，當然要叫下酒！！*Mojito *🥰🥰* Tournedos Rossini*除左perfect match，都諗唔到形容詞！ 一啖鵝肝一啖牛柳，令人大滿足☺️*Grilled NZ Lamb Rack. Quinoa. Chestnuts*七成熟啲羊架，睇相都知大廚有成功控制火候！👍🏻*Fresh fruit x ice cream*以為都係普通野，但擺盤又係好有心思！有驚喜總結： 由門外到門內、由裝修到食物都充滿驚喜😆…Read More

今日同朋友去咗旺角嘅喜來稀肉食韓燒。呢一度枱同枱之間都有間板，令大家食得安心！首先一坐低就可以食配菜，佢嘅泡菜葉得好味又爽口，同時又唔會好辣～非常開胃！我地點左四款肉：喜來烤肉、護心肉、五花肉、牛肋骨肉。聽講呢度嘅護心肉係最出名，就試一試先！護心肉咬入口好爽，亦都好有肉味，果然係招牌菜！喜來烤肉一望已經覺得好新鮮，仲要成朵花咁好靚呀！佢比其他肉質薄，但係醬料好好味！咁多款肉入面我最鍾意食五花肉，雖然有一層層嘅脂肪，但係一啲都唔會覺得油膩，反而有適量嘅油香！爐邊蛋亦都好滑好嫩，仲有個泡菜煎餅， 十分香口！總括而言，呢一度嘅肉類係新鮮嘅，醃料同其他配菜都好好味👍🏻下次可以食佢嘅燒肉套餐，咁就可以試多幾款唔同嘅肉類啦！…Read More

住喺大埔嘅朋友仔都一定對呢間鋪頭好熟悉，知道呢間店舖位置非常之闊落。見到佢話係燒烤場冇諗過係一個價錢三種享受。本身以為淨係有燒烤,咁嚟到一定要試下串燒啦，佢啲價錢其實好吸引，有個串燒套餐可以俾你揀任揀五款感覺非常之抵。咁當然就咩都要試吓啦：叫咗日本番薯、秋葵、燒菠蘿、豬肉串同雞軟骨。🥢日本番薯非常之甜呀！🥢秋葵就落咗比較多七味粉，所以偏辣🥢燒菠蘿就係依舊咁好味啦🥢豬肉串同雞軟骨都燒得好好，絕對值得一食！之後再叫左椰子雞，我哋人唔多，所以就淨係叫咗半隻雞...呢個椰子雞喺即席將椰青嘅水倒落去，絕無花假，所以個湯底非常之清甜！食咗啲好清甜嘅雞之後，就可以正式打邊爐啦！🥢打邊爐當然要先食下菜打個底，等自己個肚無咁油油膩。🥢新鮮鴨血，質地比較硬身，但係打邊爐係絕對唔少得架、好入味。🥢本地手切牛肉，睇相就知唔係普通任食火鍋嘅牛肉，絕對對得住呢個價錢，啖啖牛味，非常之濃郁。🥢白鱔片，比想像中大份、好鮮甜，你睇到D相都知道佢係非常之新鮮，好食到同屋企人再encore多一碟添啊。屋企附近發掘左一間咁正嘅鋪頭，又就嚟開始天氣涼啦，絕對會同屋企人再食啦。…Read More

天氣終於有入秋嘅感覺，又係時候可以打邊爐啦！今日我同朋友去左西環間渝味曉宇，本身打算食埋火鍋，原來有得雙拼嘅，所以最後就叫咗普通辣湯底拼大骨滋補鍋，咁就唔使怕太辣了！🥢大骨滋補鍋比我想像中更加入味，係好濃嘅湯底！打邊爐邊少得牛肉呢？我地叫左安格斯優質肥牛，淥完之後好重牛味，肥肉都唔算太多，唔會覺得好滯！除咗牛肉，我哋都叫咗紐西蘭精品羊肉卷，入口唔會覺得好騷，反而肉質好重，又好滑！🥢滑牛肉，顧名思義夠晒滑呀，牛肉咬入口都夠爽口嘅！牛丸同三寶丸夠晒彈牙！聽講毛肚係食麻辣火鍋必食嘅配料之一，我哋呢一碟毛肚就咬入口夠爽口，淥嘅時候都索晒麻辣火鍋嘅湯底，好味道！🥢特色迷你燕餃細細粒好得意，但味道一啲都唔輸蝕，好爽口！鮮鵝腸夠新鮮！🥢菜同埋苕粉亦係麻辣火鍋必點，因為佢哋會吸晒麻辣嘅油，鍾意食辣嘅一定要叫呢兩度配料！🥢紅糖糍粑，糍粑夠煙肕，如果紅糖漿再多啲就好啦！埋單用匯豐信用卡仲有折，性價比都算高，我尤其是鍾意個湯底👍🏻…Read More

見網上推介呢間宮廷佈置，見到聖旨已經覺得係非常之適合打卡嘅地方，所以就要決定同朋友黎打邊爐。有好多特色嘅湯底，見到呢個店鋪推介的康熙花膠雞湯鍋，佢有別於其他火鍋餐廳，佢個湯底嘅材料係另上，擺明車馬比你知道佢地係真材實料。🥢花膠雞湯底，相中的花膠好大份，半隻雞都好多件。侍應教我哋將花膠同雞倒落湯底煮完之後，要先試飲湯底，唔好淥其他食物住。睇下個花膠幾靚，加埋雞肉，成個湯底係非常之鮮甜。好好飲，冇諗過打邊爐都有啲咁靚嘅湯飲添啊。 🥢鹿兒島日本黑豚肉（98$）睇相都已經見到佢啲白肉，如果唔鐘意食脂肪嘅朋友可能就會覺得比例太多。睇相好似得幾塊薄身的黑豚肉，但原來一塊係好大塊，所以一人兩塊已經舉哂手投降、覺得好飽了。🥢鳳尾鮮蝦餃（半份：88$） 見到係推介就諗住試吓，非常驚喜，因為冇諗過佢居然係包住全隻蝦。所以食得好開心而且隻蝦好肥美。呢個真係絕對一定一定要試。👍🏻👍🏻🥢黃金拼盤（88$）有4塊黃金炸魚皮加4塊黃金響鈴。黃金即係落咗鹹蛋黃醬，非常之香，而且又炸得好脆。如果鐘意香口的朋友真係就咁直接食會仲好味！👍🏻🥢滾得囍雜菇拼盤（68$）有五款菇類，金菇，大啡菇，小磨菇，應有盡有😆好味😋🥢御前一品手切牛肉拼盤（598$）擺設得好靚。而且比預計中份量大，有四款牛肉，右手邊款牛肉，牛味最濃！美中不足係我地唔識分邊款牛，如果有介紹就會更好！😝…Read More

黎到九龍灣行街，原先想食果間餐廳無開,於是係得寶商場見到呢間餐廳裝修得好靚,就衝左入去試***埋單既時候發現唔洗加一服務費,難得佢既環境舒適,同埋服務好 🥢呢個大大隻冰鎮既生蝦刺身$78,沾埋泰式酸辣醬更加凸顯出蝦既鮮味,蝦肉彈牙又肥美,仲剝埋殼添。🥢小食拼盤$98 (蝦餅,春捲,鳳凰丸,魚餅) 擺碟好風趣,由食物體積大至細排,每款四件,仲有兩隻sauce沾。🥢蝦膏炒飯, 炒飯上面有滿滿既雞蛋絲,仲有肉鬆,泰國辣腸。 整體來講,程個用餐過程都幾舒服同愉快,除左食物質素好之外,我諗餐廳裝修對顧客都有一定既影響,如果環境唔舒適,可能我都唔會想入來,不過間餐廳做得好好! …Read More

姪仔好鍾意「大樹先生的家」！因為有得玩、又有好味道的食物！所以趁放假，就帶佢來放下電，等佢過happy summer。講明岩小朋友的餐廳，配套都一流！ 除左相中有膠杯膠碗、兒童餐具，仲會有獨立包裝濕巾、紙圍巾、剪刀，簡單黎講，兩手fingfing就可以帶小朋友黎食飯，所有用具都一應俱全呢個係好值得讚架！！仲有個洗手corner，方便大人同小朋友玩完之後，可以清潔雙手、乾乾淨淨先進食，咁就唔使專登去洗手間咁遠。好體貼🥢手撕雞肉蘆薈秋葵羅文菜沙律 $148賣相好傑出！好整齊好靚，亦好足料，蘆薈、青瓜、秋葵、沙律菜一併食，多重口感，好好味，爽口又fresh！🥢白松露野菌忌廉意大利飯 $168白松露好香😍令成個飯的味道昇華了。而意大利飯的軟硬度非常合適，唔會太硬亦唔會水份太多！🥢烤日本黑豚豬架併燒波蘿 $198黑豚豬架，燒得好傑出！ 連姪仔聞到都忍唔住食左2小件！除左豬架，薯蓉同燒波蘿都好味道，配菜一點都不比主角失色，好滿意🥢兒童餐-南瓜星星粉配埋湯、水果，但為左照顧姪仔，未能成功係為食小姪仔食前影相，好快比佢食哂，證明好好味！偷食左一啖，南瓜味好濃，好甜。🥢水果茶好大Jar！ 酸酸甜甜，飲完好開胃。除咗食，黎「大樹先生的家」當然唔少得玩啦，呢到有好多唔同的地方比小朋友玩： 有沙場，好似去左沙灘咁、有cosplay、有廚房角落、有專比2歲以下小朋友玩的、仲有個好大嘅波波池，入面仲可以sir滑梯，姪仔玩到非常之開心。仲有拉到人咁高的bubbles，家長可以陪同小朋友企中間，一齊影相，對小朋友黎講係新奇又有趣！今次仲有魔術環節，有個靚仔哥哥會講故事、玩魔術，小朋友聽到入哂迷，呢個時候岩哂我地大人食野最後最後，仲要盛讚呢度嘅員工非常之有禮貌、態度好好、好有愛心、超錫啲小朋友，所以喺度食得開心、玩得開心，大人小朋友都滿載而歸…Read More

今日特登過嚟金記冰室食早餐，平時見好多人排長龍，真係好好奇點解咁多人願意排咁耐隊去食呀。朝早九點前入座，所以唔需要排隊，非常快！之後已經要排隊了鮮牛肉米粉套餐，煎蛋轉炒蛋加埋多士，加杯嘢飲都係$42。好有驚喜，鮮牛肉湯米，有薑絲、蔥，真係昇華左味道，讚👍🏻炒蛋都好滑！邪惡多士，加左牛油，烘到好脆！隻杯都係懷舊款式，好靚！其實餐牌好靚、好有誠意，不過我唔記得影相！朋友話晚餐都值得讚，下次要黎再食晚飯！…Read More

朋友推介呢間抵食的上海菜，所以就一齊去試下啦！🥢小籠包， 好多汁，皮唔會太厚！🥢酸菜魚，微辣，酸味較重，魚片都比較滑，無咩骨😋🥢嫩雞煨面，雞肉份量唔算多，不過不失🥢三鮮炒年糕，味道較濃，年糕好大碟，而三鮮的材料只有少少，不過我因爲想食年糕，所以都食得好開心😃🥢片皮鴨，有驚喜，見到賣相都覺得好吸引！可惜，薄餅皮太凍，唔好食，令到呢味餸扣左不少分！而鴨皮係炸得幾好，片埋鴨肉一齊食，齋食係覺得唔錯！🥢七彩炒鴨絲（2食），好足料，啖啖鴨肉食左咁多，呢口價真係好抵！仲要唔限時，我地坐到無哂人，職員都無向我地施壓，好好…Read More

放假即刻同朋友嚟到呢度食個靚lunch ，見到呢間餐廳裝修好有風格，好文青風、我哋呢啲偽文青就黎感受下氣氛裝潢非常之靚、好有特式！我地每人點左一款set lunch ！仲要有優惠價set lunch 包餐湯及餐飲！🥢粟米湯，絕對唔係罐頭粟米沖出嚟嘅，粟米湯非常之濃郁及香，見到佢咁有誠意已經即刻加分了。🥢黑松露野菌忌廉意大利粉，唔好睇佢好似份量好細咁，因為忌廉非常creamy ，所以其實都好飽肚架。🥢香蔥豬扒配洋蔥汁跟意粉，其實個餐本身係跟薯菜，但係唔想食薯菜所以我就加錢8$ 配左意粉,意粉居然係跟埋鮮蕃茄醬，非常之有誠意有心，而佢嘅蕃茄係新鮮蕃茄，所以會酸酸甜甜。豬扒份量非常之多！居然有3塊，而豬扒煎得非常之香口、不過唔係黑毛豬，唔好太有幻想。🥢燒紐西蘭西蘭扒配薯菜，食lunch据扒嘅感覺真係非常好，放假relax! 牛扒燒到剛剛好、唔會太生、亦唔會好硬、難咬嚼！而薯條新鮮出爐、熱辣辣，好脆一啲都唔淋。呢個放假之Weekday lunch，真係食得好開心😃…Read More

難得經過上水，見到呢間日式餐廳，居然到晚上8:30都座無虛席，我諗佢一定有過人之處，所以同朋友就決定排下隊試，不過好彩都等左好短時間、5分鐘到就已經有得入座啦。呢間餐廳係要自己將食物嘅編號寫落去點餐紙，見到餐廳連點餐紙都整得靚、好有特色、有心機。其實見到佢個刺身拼盤，都覺得好吸引呀。不過因為同行朋友唔食生野，所以我今次就冇落單，下次一定要再嚟試一試。🥢日本真打冷稻庭烏冬 $55手打拉麵，真係非常之彈牙、爽口，好有口感。🍜蘿蔔蓉➕蔥，配埋冷麵汁，烏冬即多咗咸味，口感加分，但單食冷烏冬其實都👌🏻🥢鬼馬揚物盛 68$有日本唐揚池魚仔、唐揚魷魚酥、北海道薯條見到賣相都覺得好吸引，炸魷魚鬚非常之香口、而且份量亦好多，絕對抵讚，魚仔亦唔會有骨，一口咬，唔駛擔心比骨啃親，所以怕骨嘅朋友都可以食，但我覺得魚會有少少苦味。薯條有得配埋芥茉醬同茄汁，薯條好香、唔會淋身，食唔停口。🥢特選燒物盛 98$有椒鹽燒珍寶牛兩件、黑椒燒五花腩兩串、蒲燒鰻魚兩串、炭燒雞肉兩串。呢個燒物盛好有誠意，唔會全部燒物都係得一個味道（最怕燒物只食到孜然味。）而且有牛、豬、雞、魚，好體貼！岩哂我地呢D唔想揀食咩，但咩都好想試的懶鬼🥢黑椒燒五花腩，真係好肥，見到肥膏，但真係燒得好香、好好味，所以都食哂！（相係半串，已急不及待食左一半）🥢黃金香芒挪威三文魚加州卷 68$見到呢個fusion菜，即刻試下（朋友唔食魚甜，我都照食）有埋芒果酸酸甜甜令到成件加州卷味道更豐富，三文魚加洲卷一次過滿足幾個口味總括：份量多、價錢商宜，非常之抵食，我終於明點解呢個小店有咁多人選擇😛…Read More

同朋友做完運動，見到呢間小店、唔算好多人，唔需要排隊，所以就決定試一試其實款式唔多，只有兩款拉麵可選，專注做呢兩款拉麵其實都有佢嘅好處。佢個套餐相當之抵，拉麵加一款小食都係大約100$，所以我哋就每人各叫一款套餐，試下。餃子vs小龍蝦蟹子沙律🥢餃子不過不失，但係我就略嫌餃子皮煎得唔夠香、比較淋身。🥢小龍蝦蟹子沙律呢款沙律平時唔係成日都有得食，加咗蟹子有埋啲龍蝦肉，口感好豐富、又彈牙有爽。以小食來講小龍蝦沙律絕對係完勝個餃子，所以我都建議大家嚟到一定要試呢一款小食呀🥢豚骨拉麵見到賣相所有應有嘅材料都有，豚肉嘅份量都多、有兩塊豚肉，湯底唔會太咸，湯味好香。餐廳好特別，佢有一個叫自行調製隱藏口味嘅教學。因為我唔想食太辣，所以我就淨係試咗佢個特濃教學。🍜特濃口味，就係拉麵汁➕蒜蓉➕辣芽菜。咁我就跟咗教學試呢一口嘅拉麵，因為有蒜蓉個味道真係好濃郁，即刻濃烈咗、而且有淡淡蒜蓉味、辣芽菜加持，令到呢一口拉麵食落更加香。大家都一定要試下！🥢蝦味噌豚骨拉麵朋友食呢個蝦味拉麵，雖然見到佢上面有好多七味粉，但係大家唔需要俾佢嚇親。朋友話其實唔會好辣，比起10小辣嘅辣都不足，而因為佢落咗好多蝦米，所以佢好香蝦味、令到個豚骨拉麵個味道提升咗個層次呀，湯底相對別天神拉麵多左陣鮮味。餐廳有埋冰水提供、飲任，真係好抵食！…Read More

夏日熱辣辣，來一頓開胃解暑的越南菜就最適合不過了，同朋友見這家新開的越南菜館裝潢雅緻，價格相宜，就決定一嘗新店滋味😁🥢鮮椰青　$27椰汁冰凍清甜，椰子肉質嫩滑，不錯！🥢香茅豬頸肉撈檬　$44好吃！豬頸肉份量頗多，其肉質爽而不韌，香口惹味，燒得恰到好處；檬粉細緻彈牙，爽口有韌勁，加上蘿蔔絲、青瓜絲和花生粒，非常足料。但論到最精彩的，則莫過於那酸甜醒胃的撈檬汁🧡酸中帶辣，味道層次豐富，醬汁果然是越南菜的靈魂！🥢火車頭湯粉　$70非常大碗，有生牛肉、牛丸、牛坑腩、牛腱、牛柏葉和蘿蔔等，絕不欺場。生牛肉新鮮幼嫩，牛腩軟腍無渣，入味好吃！湯底乃其精髓所在，牛味濃郁而不膩，可自行加入甜醬或是拉差辣醬，又是另一番風味。🥢馬拉盞炒通菜　$52簡單一道炒菜也見誠意。大大碟，香辣有鑊氣，通菜上面有些蝦米乾，令整道菜味道昇華，送飯一流！其實我們已經吃得很撐，但炒菜實在美味，一口接一口便掃個清光👍🏻🥢軟殼蟹紙米卷　$52軟殼蟹的酥脆與紙米卷的嚼勁配搭得宜，再蘸一點酸甜醬汁，為整道菜添彩，亦為悶熱的夏天添上一抹清爽。…Read More

天氣咁熱，好適合邪惡一番。大圍站一出，過條小馬路，喺搵食市集就見到呢間小店，地理位置實在太方便，咁岩撞到心內魔鬼出現，就同朋友決定一試。選擇好多：有邪惡的黑糖系列，又有水果茶系列，又有一啲特色拿鐵系列。見到佢個人氣排名榜，毫無懸念，即刻叫咗杯黑糖珍珠鮮奶，因為我個人唔特別喜歡奶茶、拿鐵，所以當有鮮奶呢個選擇，就想試下小店的珍珠鮮奶又如何。夏日限定的兩款水果茶，朋友都即刻叫咗一杯柚柚綠試下，另一款期間限定係橙香綠。🥢丸作柚柚綠，朋友選了少甜，真材實料！！朋友話好多果肉，而且配埋檸檬，味道酸酸甘甘，好開胃。黑糖珍珠鮮奶，底層就是黑糖+珍珠，一見到就覺得很邪惡😝！溫馨小提示，記得要搖勻先可以飲呀，同埋要喺兩個鐘頭內飲，以保持最佳嘅味道。搖勻左賣相真係好靚！🥢黑糖珍珠鮮奶，鮮奶味很濃郁，很香，加埋黑糖，甜度適中，好喜歡！天氣咁熱，飲返一杯凍飲，真係即時透心涼！我覺得有驚喜，丸作的飲品絕對不比有名氣的飲品店的差，希望大家一齊支持小店！！…Read More