alykelvina's Profile

平日都見到好多人去食，今次早少少去。唔洗等，直入。由門口嘅裝修黎睇，已經俾我一種唔同嘅感覺，暗得黎有足夠嘅光線，餐廳入面有好幾塊LED燈牌，但唔會俗套，好有離開左香港嘅感覺。🤣呢度係用QR code點餐，即是話黎錯都應該係自己按錯😆 餐牌上有嘅選擇唔多，但樣樣都好吸引。若果你因為個招牌而諗住入黎食牛扒，係，牛都有幾款你揀，不妨問下d靚仔有咩分別。我哋2個人，好自然一人叫左一款，互相分享一下。我唔係好識形容，但只能夠講兩款都好食，肉質好粉嫩，好香牛肉牛脂味，但食落口唔會膩。呢道除左牛扒，最特別嘅地方係薯條任食，好鍾意食薯條嘅朋友有福了，薯條係完全免費。我哋唔想咁熱氣，所以只係2個人分一碟。雖然免費任食，但佢個薯條唔會hea，係好香薯仔味，好香脆架。另外，我哋仲叫左一杯dirty lemonade。飲得出係最新鮮嘅檸味，酸酸的，好醒胃，仲幫助去油解膩添。望落好似平時茶記檸茶反左個茶底咁，但飲落完全係另一回事，值得推介。除左視覺同味覺，播嘅歌都係好襯間餐廳。如果唔係多人等位，我諗會坐多一陣，chill返下。…Read More

呢個食評係一個合輯🤣🤣由上年開始，有影相嘅有3次，冇影相嘅就數唔到了。石門出名多野食，呢間通常都會有位，因為佢唔係喺正商場多人行嘅位置，但食開嘅都知，呢度好多街坊，成日返黎幫襯，早，午，晚我都食過，係好好味。先講早，其實唔係真係早餐，係all day breakfast.我最鍾意食個portobello ，值得讚嘅係炒蛋好滑，而且細細個牛角包好啱胃口細嘅我。我先生就食扒啦，係，brunch都會食扒，呢度嘅牛扒係CP值超高，肉嫩多汁。仲有蘆筍好鮮，勁想encore，如果俾多幾條就好滿足了。而跟蒜頭黎食，係我最鍾意嘅食法，通常一開始唔點任何野，都好夠味，食到後尾，就開始點汁，加蒜，會將味蕾提升到另一個層次。最值得提嘅係個薯蓉，入面係有薯粒，好有質感，有咬口，但薯蓉又好滑，絕對係我另一個回味無窮嘅推介。跟餐嘅湯，同其他餐廳唔同嘅地方係我鍾意佢個蕃茄味有輕微嘅酸，好開胃，唔洗飲完湯就飽左一半，而佢又唔係完全打爛晒，有少少地咬口咁，唔錯，個餐未到個陣都頂得下肚。🤣另外嘅係蝦意粉同雞扒冬蔭功意粉，係上年食架啦，不過我印象冬蔭功係好食。我記得當時睇完空肚講消夜，祖祖有整過冬蔭功意粉，搞到我好想食，點知過2日俾我見到有得叫，食完都真心覺得正。近期好似唔見有。環觀四周，次次去都係得1個樓面，但餐廳5、6枱都係至少8成入座，所以我冇太介意職員有冇笑容，至少佢冇對我唔客氣，冇黑我面。如果老闆請多個人，應該會好d.…Read More

從來都覺得呢間餐廳好有特色，好高級，由細到大，啱啱出黎搵錢個陣都唔敢去食，而家做左咁多年野，終於試得到，但其實又唔算好很貴，係值得一試再試🤣menu黎講，唔算多野揀，但足以令有選擇困難症嘅我猶豫左好耐，（有限時架）最後試左個我喺俄羅斯未見過嘅炸肉卷。我覺得好值得試一次。第一，切出黎爆（牛？）油個下好正，第二，其實味道係唔錯架，不過我本人唔食得太多油，胃口又唔大，食到一半已經覺得飽，可能全舊都係肉。鍾意啖啖肉嘅朋友認真要叫。第三，應該係俄羅斯名物，叫黎打卡，當去左旅行都好呀！第四，擺明係功夫菜，除非唔係？！另外，食西餐，都必定叫嘅牛扒，煮得剛好，肉味又啱啱好，唔會蘇，肉質都好嫩好正，最驚喜係個粟米，超甜，必清！！圍觀四周，有3枱都係單人（男子）自己黎食，叫杯紅酒，勁chill! 唔知幾時先到我可以咁chill.話說食完之後嘅一個月，我就同左其他人再食，可惜冇影相。最印象深刻嘅係叫左我上次食唔到嘅蟹蓋，仲有青口，兩樣都係十分推介！…Read More

已經唔係第一次食，但每次都會好專一咁叫返龍蝦沾麵。最鍾意食熱辣辣，有湯，又好味嘅野。首先，舖頭係做好晒防疫措施，每個卡位都好private，仲要一坐低就有宇治抹茶，靚仔又好有禮貌，超親切呀。講返個麵，真係好正，而家諗返起都肚餓。有d舖頭整龍蝦湯會整到有苦澀味，佢冇，味道好啱我一d唔鍾意淡味嘅人，所以我叫佢做濃濃龍蝦。而且個麵嘅硬度又適中，食到尾個湯仲係有溫度。另外，豚骨拉麵個湯都係好正，正正常常嘅豚骨湯，唔會太濃，又唔太膩，麵嘅硬度都係適中，唔會因為放左湯而淋晒，豚肉就好正常，冇咩特別。個日趕住睇concert，好快食完就走。總結我會鍾意叫沾麵多d，沾幾多汁自己話事，除非你唔鍾意食熱野。…Read More

有幾次經過，都好想試，但太肚餓，排不了。今次終於比平時早到，都坐滿一半人。聽到隔離枱話薯條同雞翼好好味，但我地就叫唔到咁多，只係叫左一個all day breakfast 同burger。呢個價錢，食到咁有水準嘅，真係好抵。連個burger 嘅包身都係脆，唔係炸個種脆，係香口嘅爽脆唔熱氣。我食完個Breakfast 先食burger都仲有肉汁，仲好温暖，正。而個breakfast 都係好正，性價比超高，唔洗100蚊，有咁多野，個mushrooms 係最好食，好香濃，個蒜蓉包又唔會脆到界咀！係個蕃茄燶左少少。除左見到嘅，其實仲有Parma Ham, 係影唔到姐。而我地只係叫左一杯檸檬綠茶，個飲品就偏少甜，啱晒香港人口味。而且，servers 都係年青妹妹，好有禮貌，又有甜美笑容。服務態度一流。…Read More

一睇完介紹就即刻book枱，1830已經坐滿一半人，途中一直有人上黎但又離開左，應該full booking吧！因為限聚令，限4人一枱，要同人地搭枱不是問題，但要間塊板係中間，個感覺好焗，但店員好貼心預備籃畀客人放袋，又經常加水，服務好好。先黎個帶子龍蝦湯，2粒大過5蚊銀嘅帶子，少量龍蝦肉碎，只係＄78我覺得好抵。我本人好怕龍蝦湯苦，但呢個濃厚嘅龍蝦味一d苦澀味都冇，好好味。叫左個香蒜欖油大蝦意粉，個蝦比想像中大隻，亦好爽口彈牙，欖油份量適中唔會太油膩。唔想食太膩或太多龍蝦嘅朋友，可以試下呢味。最後一定要有乳豬啦！真係十分香脆，又冇乜骨位，好啱唔係好識lun骨嘅人。仲d膠質留喺咀唇，感覺好多骨膠元，哈哈！加埋2隻汁，一個好似係蘋果一個係白醋，令到成件事冇咁油膩，好清新，又唔單調。仲有，伴碟嘅沙律我都清埋，不單單係拎返個平衡，而且個沙律醋好特別，好似係有d藍莓味，好特別好好味！野食上真係無得挑剔！餐廳對我而言有少許大風，不過侍應不斷自動fill熱水，warm晒!食完之後個晚我見網上有人話食唔到乳豬，所以大家可以的話一定要book早d呀！…Read More

好耐冇寫食評，今次出手當然係有原因！一打開見包住保鮮紙應該好保暖，未食就大讚，好肚餓，冇影就開始食。讚錯左！應該係“非一般豬手，難食到想嘔！”網上食評講到幾入味，又有幾間分店，相又影到好香脆，事實係垃圾到極！從未食過咁硬、咁韌嘅豬手！由肉到皮嘅位置都係硬身。個舊鹵豆腐一樣係硬到唔似豆腐，個沙律係全個飯最好食，而個白飯就夠大，對食冇要求嘅人、但求食飽就可以試下。另外，個海南雞飯一樣咁差，肉質粗鞋，碎骨滿佈，雞頸都畀得落手！再講返保暖問題，2個飯都係凍，竟然1d熱感都冇？叫得外賣你唔係諗住我仲要自己整熱佢嘛？豬手係一塊痴住一塊，因為凍晒，d皮嘅膠質痴埋晒。最終係補返張相，為左話俾大家知有圖有真相。有要求嘅你，真係要識揀。…Read More

食完南記粉麵 都9點45 諗住近近地 唔過馬路 就試下come buy勁耐冇飲佢 費時過完天橋 天仁都閂 叫左黑糖珍珠奶茶 走冰 少甜 中杯 $17 近期又話啲珠係乜乜乜做 我唔信 亦覺得香港一定唔會發生呢種事 放心叫 但又真係好好咬口 好似食緊橡膠咁 ...確實好多珠 好食就話啫 甜度 係我叫錯 應該微甜至得 不過姐姐幾好人 提我走冰都係凍 少甜即係少啲黑糖 但啱口味最緊要 所以comebuy始終唔係我首選…Read More

I wanted to try Simplylife for such a long time. Even when I went to Festival Walk before 7pm, there were always over 50 persons in line. Luckily I got to try it at Olympics. By its name, it seemed to be different than other Simpylifes though. As usual, we ordered one set and one main dish. I guess you get this when you ordered The west menu. One white one wheat. They were crunchy and crispy - nearly got my tongue hurt. lolThe salad with vinegar came with the set. I like the idea that they put orange in it. Look healthier, taste healthier. Better if they would offer a bigger bowl or a free refill.  xpThe drink also came with the set. Though it looked like normal iced tea, it didn't serve with lemon but orange. I could taste how fresh it was. Really nice. 👍🏼👍🏼Btw I like the mug here.What totally surprised me was the spaghetti with clam and salami. It was kinda like fried spaghetti - not soft but not hard - its texture was increditably notable. The clam was fresh and there were a dozen of it. About the right amount to be shared!!We also ordered a chicken noodle. The soup was mild and just right! The environment here was super nice and romantic. Though doors were open to get through the outdoor tables, it was not hot or stuffy at all. The service here was quite nice. They served quickly and the waiters were willing to offer hot waters promptly. I hope I can try other Simplylifes soon.…Read More

一行8人 訂了枱 說只能坐個半鐘也沒辦法 打算吃完便離開罷如說星期日午餐時段 這裡算是人多 打算在外面等齊朋友才進餐 免得被趕 但等了5分鐘 便安排我們先入坐 進去後發覺風口位 吹到正 雖然侍應沒有笑容 遲疑了一會 最終都幫我們移動枱櫈 服務尚可我們先後點了好幾個菜牛肉牛丸撈米粉 👍🏼 不錯 就很乾身牛肉淋身得黎 不是over-marinated 肉丸彈牙肉丸河 很喜歡這個河粉 就是一大塊的 很特別之前吃過好像不是這樣的？米紙卷 配生菜 辣汁沒啥特別 就跟一般的一樣 皮都是太乾身龍眼冰朋友說不錯 我點了 薑茶 可要求加蜜糖的啊 也是不錯 之後來的都忘了拍照 有雞翼和沙律 也是正常的啊而Phud Thai 朋友說很辣 就是用乾辣椒炒成的 我倒很喜歡 不算油膩椰子千層蛋糕開初朋友說很好吃 我也耍手擰頭 因為我不太好椰子 但嚐了一點 覺得好味道 有椰肉 甜度剛好藍莓千層蛋糕朋友就怕我們不吃椰子味 特別叫了這個 也很好吃 但要比較的話 椰子是較清新杯裝芒果糯米飯和一般不同的 就是加入了椰子味雪糕 這個也是我會推介的 芒果甜度與椰汁成正比 飯不算多 剛好吧 之前吃過2-3遍 都覺得一般 是不是因為沒有一夥兒一起 試的不夠多 不夠清楚？ 哈 今次到來 可是 刮目相看 加油！最後 我們待在這裏不只個半小時啦！！…Read More

一條友OT完9點幾 梗係南記 落單時 亞姐係咁話聽唔到 要嗌交咁聲先落到單 真奇怪 不過 粉麵檔啫 唔通怪佢冇酒店級服務咩 哈 只係可以好聲氣啲春卷貢丸係我必叫 今次堂食 就叫清湯 慳返啲錢 自己加辣醬 只係啲麵似係未熟咁款 但我唔要嘈啦 食完返去瞓 聽朝仲要開工總之有辣 我就食得落架啦 😂講真 如果另一間唔係收9點 我寧願行多幾步…Read More

今日好早起身 所以諗住食個早飯 快啲返屋企瞓每一次經過 都好想行又去食 因為裝修好靚 好優雅高尚 當然 我唔係第一次食南小館 呢間分店都唔係我唯一去嘅 亦有去過銅鑼灣店 但總是會被它的外觀吸引 柔和嘅燈光 真係好舒服等食時 仲未坐滿人先來一客小籠包 皮薄餡靚 精華湯汁幾乎要爆出黎 但毋須蘿蔔托底 先勁呀鮮蝦雲吞湯麵 雪菜另上啱晒我男友呢啲清淡嘅人 清炒菜芯苗味道很好 吃出菜苗原本嘅鮮甜 但就油左啲囉我叫的是油頭粉絲其實我掛住 祥x記 呀 啲餸係一樣 唔通呢啲係上海正宗嘅粉絲？細就細盅左啲 但係肉卷 豆卜唔錯 入晒味 仲有炸菜 蝦米 只是湯咸左啲（所以食材才入味啊 哈）其實我唔食蝦 或者 蝦米 所以我夾晒出黎 放滿一整匙 應有一打 蝦米愛好者一要叫 哈哈最後 想講 職業病發作：無聊之際 見到Plus串錯字 下個稿要改啦！…Read More

有飛睇戲 黎左旺角 雖然上黎search定食乜 但最終覺得唔係好肚餓 就求其行左入板前 食到幾多點幾多 七點都冇人等 即係坐得耐啦環境：黑漆一片 立下眼都算乾淨嘅服務：以前去邊間壽司舖都會有人拉櫈 等你坐底 就推你埋去 而家一間都冇 好懷念 （利申 我唔算瘦 但都唔係肥）不過服務係唔差嘅食物：冇以前咁好食啦 啲飯又硬 又唔凍 亦都冇醋酸不過都叫做ok抵食嘅有$9/件 三文魚 帶子 北寄貝蟹棒係一定叫 唔知點解 就係鍾意食 有肉汁 呢間蟹棒都可以炙燒三文魚就麻麻地啦 又唔暖 又唔係入口溶個種 不過 炙燒魚背就抵讚啦 自從某間壽司舖執左 就冇再食過 呢間做得返個隻入口溶化嘅感覺 係就係肥 但難以抗拒仲叫左芒果卷 男友話好怪 我覺得芒果唔甜 所以一般…Read More

4點幾先黎食第一餐 所以2口子只係叫一個雙拼餐 $36咋 今日天氣突然涼左好多 所以叫左碗湯 （平時會叫凍飲架呢）而且一黎就食 唔記得影相講真呢間分店衛生就麻麻 有個位係垃圾桶隔離 而且出菜位下面就有一大堆垃圾 不過味道依然如此好味 叫左泡菜煎餃 招牌水餃 上菜全部熱辣辣 勝在店舖夠細卦 哈哈 泡菜爽口辣味夠 食完一舊又一舊而水餃係即滾 所以耐少少 但肉質鮮嫩 皮唔薄但又唔會成口粉 加啲醋 加啲辣醬 正！而個肉丸湯 好夠熱辣辣 飲完個人暖晒 只是全碗都係特咸味 好多芫茜 肉丸肉質似粉狀 口感同味道一般中途遇上2位男士 話食唔晒 俾返碟水餃 店員 仲講左句：唔洗退錢架啦 係唔想浪費店員可能一面愕然 所以男子先咁講卦？但店員接過 都冇不滿 所以態度算係好啦 有啲人可能會講：食唔晒仲想退錢？ 不過佢地冇 至於點處理碟野 我就唔知啦 店員仲好好心 有位老伯撞聾 佢地都好有耐性問清楚要椰菜饀 定 韮菜饀呀！…Read More

下午一時許 肚子餓了 很想吃個飽飯 哈 所以選了Coco 很久沒吃了 現在也漲價了 亦多了款式又是兩口子 所以又例牌的叫一個餐 一個單點 就是單點+$15 就可以從沙律、熱湯、飲品、還有一款記不起了 4款選2款啦這雜菜湯的材料實在太咸了 所以整個湯呢 加了很多水 足足有一倍 才能飲下去 這次試了紅酒燴牛肉飯 原來不可以選辣度 哈哈 不是咖哩飯 但味道很好 不會很咸 適合一些不能吃辣的人啊 牛肉也剛好的好咬 飯 就比較多了一點 吃不下 下次可以叫少飯呢 但汁的份量就剛好的而男友點了照燒雞咖哩飯 咖哩汁明顯的 比我那個多好多 所以我也用他的咖哩汁撈了幾口飯 嘻雞呢 男友說 偏甜 其實照燒汁就是甜甜的嘛咖哩汁就是好撈飯嘛 而且比以前沒那麼咸呢美中不足的地方就是咖哩裡 若有薯仔粒 蘿蔔粒就更好了我們選了檸檬茶呀 其實也有橙汁 蘋果汁的 不過這個貴一點 所以點這個抵啲 嘻嘻 而且可以自己調教糖漿呢…Read More