SaSa000's Profile

The Captain's House之前想食呢個shake shake海鮮袋好耐，放假經過決定去食下，餐廳位於厚福街H8，位置非常方便，餐廳位置寬敞，唔會太逼Signature Combo A~$418我哋揀咗蜆，海蝦同原隻魷魚，揀咗檸檬胡椒醬汁，海蝦都有八至九隻，每隻都新鮮，爽口彈牙，蜆肉鮮甜而且都幾大粒，原隻魷魚十分推薦，好彈牙，配埋檸檬胡椒醬汁，味道清新好食，仲有埋粟米，腸仔，同原個薯仔，食到舔舔脷Ink Risotto with Cuttlefish & Octopus ~$158墨汁Risotto 煙靭有咬口，墨魚同八爪魚都爽口彈牙，鮮味十足蒜蓉包~$58蒜蓉包熱辣辣整起，外脆內軟，蒜蓉份量適中Peach on the beach~$58蜜桃加上薄荷葉，清新不太甜Fruit punch~$58橙汁，菠蘿汁加上雪碧，重果味，好飲🏠：尖沙咀厚福街8號H8 18樓☎️：23665600…Read More

Libra by Little PrinceCafe位於葵涌KC100，餐廳設計偏歐式，湖水綠色的門面，十分高貴優雅，入面位置寬敞舒適，啱晒鍾意打卡嘅我Libra All Day Breakfast ~$90材料豐富，有香腸，沙律菜，煙肉，蒜蓉多士，炒蛋，牛油果，大啡菇，茄汁豆，煙三文魚，車厘茄等等，牛油果份量好多，黑松露炒蛋嫩滑香口，法蘭克福腸皮脆肉嫩，每款味道都幾好食Truffle Mushroom Risotto ~$82Risotto 煙韌有咬口，黑松露香濃creamy Ice Milk Chocolate~$44凍朱古力不太甜，朱古力順滑香濃Affogatto ~$52affogatto口感豐富，沖泡好後，將咖啡倒進雪糕，雪糕口感軟滑，加入咖啡，味道幼滑香甜好飲🏠：葵涌葵昌路100號KC100地下1號舖☎️：28890369…Read More

滿屋由於好耐無食放題，妹妹生日，就上網搵下荃灣放題邊間好食，荃灣滿屋位置方便，荃灣地鐵站B1出口，行大約5分鐘左右就到了，妹妹生日，我地揀左D餐，食好d，估唔到好有驚喜啊，有長腳蟹同大拖羅，仲有加拿大海膽刺身⭐️出面自助區有好多冷盤，青口，蝦，蜆等等，青口都好新鮮，仲有薯條，薯角等等，飲品種類好多⭐️刺身方面，大拖羅油脂豐富，厚切，新鮮，帶子鮮甜美味，三文魚鮮甜肥美，赤貝呈橙紅色，食落肉質爽厚，赤海蝦都好新鮮啊，海膽色澤橙黃，口感creamy，味道濃郁⭐️火炙拖羅壽司，用火炙形式逼出油脂香，肉質軟綿，口感非常豐富，芝士鰻魚壽司都唔錯⭐️最愛芝麻雞翼，外表金黃酥脆，內餡多汁軟嫩，鵝肝入口即化，牛舌口感有嚼勁，燒菠蘿爽甜多汁⭐️羊架肉質紮實，羊味濃郁，好食，花膠有豐富膠原蛋白，滋養筋脈，最後仲食咗Häagen-Dazs雪糕，非常滿足…Read More

Green Waffle Diner放假同朋友喺銅鑼灣行街，餐廳環境寬敞，而且食物種類都幾多，有Dinner Set，Special Offer，Kids Menu等等👍🏻Pandan Pancake ~$86with Fresh Berries&Ice-cream，班戟為生酮人仕而設無麵粉，健康又好味，餐廳所有材料都係新鮮自製，食材控制同原材料，皆可放心，斑蘭味清新，Pancake口感濕潤鬆軟，仲有啲焦糖脆脆增加口感，加埋青蘋果，士多啤梨同藍莓，不膩而且不太甜Scramble Egg White Fresh Fruit Granola Waffle~$82窩夫外脆內軟，配上藍莓，士多啤梨，青蘋果，口感豐富，再配上scramble egg，別有一番滋味Mocha味道濃郁，香醇順口Lemon ice tea糖漿可以自己落，啱晒我Green Waffle Diner🏠：銅鑼灣軒尼詩道500號希慎廣場13樓1303號舖☎️：28805123…Read More

麺屋こころ 喺附近行街，行咗一陣有啲肚餓，即刻睇吓有咩輕食嘅嘢，醫下肚仔先，經過門口見到幾特別，一於決定入去食下😍呢間東京人氣撈麵，係灣仔開咗分店，餐廳環境都寬敞，而呢度嘅麵條，都係由日本師傅每一日新鮮手工製造👍🏻TOKYO MAZESOBA 原味東京撈麵~$59配料都幾多，有蔥花，紫菜，辣肉碎，蒜蓉，鰹魚粉，加埋佢哋秘製嘅醬汁，撈埋個雞蛋，都幾濃味，麵底係粗麵，口感比較挺身，煙韌好食枱上有教學，食完1/3嘅時候，可以加黑胡椒，加埋黑胡椒食嘅時候，香氣濃郁，再食多1/3嘅時候，可以加佢地嘅特制醋，酸味可以減淡太濃嘅感覺，微辣而不膩，幾好食😋餃子新鮮煎起熱辣辣，香脆可口烏龍茶估唔到茶味都幾濃郁，食完撈麵可以解膩麺屋こころ 🏠：灣仔軒尼詩道68號新禧大廈地下1C號舖☎️：37516966#kokoromazesobahk #日本撈麵 …Read More

隨心朋友之前嚟過呢間星馬菜，食過覺得唔錯，推介咗我嚟食，鰂魚涌地鐵站一出其實行兩三分鐘已經到，好方便，一入到去，餐廳環境舒適寬躺，有卡位，一啲都唔逼夾招牌酸菜魚(2人份)~$198酸菜魚不嬲都係我的最愛，魚肉起骨切片，好大片，夠厚度食落好有滿足感，魚肉滑嫩順口，味道香麻酸辣超開胃，湯頭濃香夠熱，加入花椒，辣椒乾，泡椒，香氣濃郁誘人霸王辣子雞~$168無辣不歡嘅我，最鍾意食就係辣子雞，辣子雞麻辣味濃，味道微辣鹹香，鮮嫩的雞肉炸至金黃色，加埋合桃同埋腰果，酥香爽脆，味道一流欖菜肉鬆四季豆~$80四季豆營養成份高，其膳食纖維亦能幫助腸胃蠕動，加速消化，四季豆色澤翠綠新鮮，爽脆清甜，而且欖菜味道鹹香，健康又好下飯凍檸檬薏米水~$28檸檬薏米水味道甘淡，清甜又健康，加埋檸檬味道感覺更清新桂花紅茶~$22桂花紅茶口感醇爽甘醇，桂花香氣十足，入口甘甜隨心🏠：鰂魚涌海光街12號地舖☎️：21173588…Read More

Dozy前幾日經過深水埗，門口見到呢一間，裝修都好有特色，樓底好高而且好有懷舊feel，吸引咗我入去食下慢煮香草雞扒牛油果醬意粉~$118慢煮香草雞扒，雞肉都幾嫩滑，牛油果醬味道濃郁，加埋洋蔥口感豐富豆腐芝士蛋糕~$38底下會有一層薄薄餅底，好香豆腐味，蛋糕上面會鋪有一層黃糖，蛋糕口感濕潤細膩，而且不太甜Mocha 叫set lunch ，會free，Mocha味道不太濃，香醇順口Dozy Hot Chocolate ~$45冬天就最愛熱朱古力，可以暖暖身子，香濃的可可味，綿密細滑的口感Dozy 🏠：深水埗基隆街199號地舖☎️：60785260…Read More

串Grill 自助燒烤專門店之前朋友介紹過呢度嘅自轉串燒，放啲串燒上去個架到就可以自己轉轉，啱哂我呢d懶人，餐廳環境寬敞，大部份卡位都靠近窗邊，舒適而且唔會太逼，冷氣充足，燒完都唔會有一陣味，通風做得好好入到去店員會同你講解，點樣燒串燒同埋幾時落醬汁，醬汁有兩款，燒肉汁同埋柚子醬，調味粉有四款，鹽，椒鹽，辣椒粉，孜鹽等等，燒肉汁係要等燒肉燒到7-8成熟就可以落，呢度係用手機QR code落單，方便快捷，串燒種類都非常之多，豬，牛，羊，海鮮同甜品，仲有我最愛嘅雞蛋仔同棉花糖比較鍾意食牛，超級推介M6和牛牛柳，食落比較重牛味，和牛牛柳肉質滑嫩，牛舌口感軟腍😋雞皮同雞軟骨燒到脆卜卜，食落口感非常豐富，翠玉瓜燒起嚟好Juice，幾好食飲品方面都幾多選擇，唔怕熱氣，燒棉花糖，燒到脹卜卜變成焦糖色，就最好食，每人會有一杯Häagen-Dazs，將你燒好嘅雞蛋仔，配上一啖雪糕，非常美味，今次我就揀咗哈密瓜味，哈密瓜味真係好好食串Grill 自助燒烤專門店🏠：旺角彌敦道558-560號譽發廣場7樓☎️：55111551…Read More

走過十萬八千里找到你餐廳用咗紫色同粉紅色為主要色系，餐廳環境滿佈乾花同壁畫，好靚嘅一片花海，啱哂女仔打卡影相，環境好靚，而且餐廳都幾寬躺，枱之間唔會癡得太埋🌾💐🌸🌼🌻🌺酥炸軟殼蟹黑松露忌廉汁扁意粉~$138軟殼蟹都幾大隻，新鮮熱辣辣炸起，炸粉唔會太厚，香酥可口，黑松露味亦都好濃郁，每條意粉充滿濃稠嘅忌廉汁，味道濃郁又好食👍🏻明太子岩鹽燒蟹棒貓耳朵~$138賣相一流，貓耳朵意粉口感煙韌，加埋蟹棒，三文魚籽，味道鹹香美味，口感彈牙，值得一試餐湯加餐包(包一杯$55以下嘅飲品)~$45x2餐湯係南瓜湯，南瓜湯顏色亮麗，味道幼滑濃郁，配上小麥包，健康又好食紅寶石巧古力草莓鮮奶~補$13賣相好靚，打卡一流，忌廉上有啲玫瑰乾花，攪勻後可以飲到啖啖草莓果肉，士多啤梨奶味香濃，不太甜玫瑰抹茶~補$1餐廳用嘅係丸久小山圓抹茶，抹茶濃郁，加埋玫瑰乾花，帶有一點點清香，而且不大甜，呢個配搭非常好走過十萬八千里找到你🏠：旺角彌敦道575號Ladder Dundas10樓☎️：98898055…Read More

起鍋秋風起，涼涼地，最啱打邊爐，店內環境寬敞，擺設裝修都別具心思，門口仲有大大個打卡位，掛滿左燈籠嘅裝飾，好靚啊，啱哂鐘意影相打卡嘅我☺️呢度嘅醬料都好特別，有好多一般火鍋店沒有嘅香料，例如有泰式辣醬，香茅，金不換，檸檬葉，南薑等等原條沙巴酸菜魚湯~$368真係原條，仲要都幾大條，酸菜係店舖自家製，幾好食，沙巴魚肉質軟嫩，鮮甜美味，重點係冇骨，店家會起埋啲肉出嚟，食落啖啖肉，滋味無窮牛雙拼盤~$398呢度主打食騸牯牛，咁我哋就叫咗吊龍同埋池板，吊龍薄薄一片，軟嫩細膩，滋味鮮甘持久，池板係牛前腿嘅肌肉，肉質緊實，牛味濃郁鴨血~$62鴨血有12件，色澤紅潤，吸引食慾，Q彈滑嫩，啖啖滋味芝士竹輪~$62咬一啖芝士爆發，入邊有滿滿嘅芝士，香濃可口，必食推介萵筍~$78萵筍色澤翠綠，口感爽脆，味道清香可樂~$28x2#letspot #起鍋 #wanchaifood #灣仔美食 #hotpot #打邊爐 #火鍋 #養生火鍋 #足料火鍋 #本地騸牯牛 #本地食材 #養生湯底 #港式邊爐 …Read More

古今喺銅鑼灣附近搵食，之前食過古今嘅卷物都幾好食，性價比高，又有好多創意嘅卷物，今日一於帶朋友上去食下先火山~$128上菜嘅時候店員攞住支火槍，我即刻準備相機，相機食先，即刻準備打卡，啲火大約1分鐘就熄咗，小心餘溫，大家唔好焫親手，火山形狀嘅卷物，上面鋪滿蟹柳同蟹籽，入邊仲有牛油果，感覺好fresh，好快就俾我哋清晒，好睇又好食蜘蛛~$103呢個特色卷物其實係軟殼蟹，牛油果加青瓜，軟殼蟹非常香脆，加埋牛油果同青瓜平衡返個油膩感，呢個配搭相當唔錯埼玉網燒牛舌~$78牛舌有四件，厚切得來唔會好韌，食落彈牙，好juice，口感好豐富，推介櫻花蝦原條茄子燒~$88一上枱已經聞到好香，茄子燒得好淋，加左櫻花蝦，口感好豐富，好特別雞腎~$32呢度嘅串燒都唔錯，雞腎唔會燒得好乾，加埋檸檬汁，感覺一啲都唔油膩古今🏠：銅鑼灣軒尼詩道525號澳門逸園中心21樓☎️：31889915…Read More

一本食堂放工喺觀塘附近搵食，朋友之前喺度食過lunch覺得唔錯，咁我哋今日夜晚就嚟食下啦，餐廳環境闊落，位置都比較多，坐得幾舒服海膽刺身(原板)~$158秘魯海膽，海膽色澤橙黃，鮮甜肥美，口感非常creamy ，味道濃郁，好新鮮，好好食魚生碎蟹籽沙律(二人前)~$58簡單又美味嘅前菜，顏色吸引，口感清新，魚生份量好多，沙律面頭放上卜卜脆嘅蟹籽，口感豐富，胃口大開，好快就俾我哋清曬鹽燒牛舌串~$23牛舌大大塊，肉質柔嫩，配上胡椒，鹽，檸檬汁，簡單調味，享受肉質鮮味，好食大和牛粒串~$27和牛粒口感帶有嚼勁，牛味重d佐口裙邊壽司~$13x2佐口魚裙邊係一條魚最肥美嘅部分，口感肥美又爽口，佐口魚鮮味十足赤貝壽司~$14赤貝壽司呈橙紅色，鮮甜肥美，食落肉質爽厚，鮮味十足芥辣八爪魚壽司~$17新鮮嘅八爪魚配搭清脆爽口嘅山蟄菜，加上芥末除去八爪魚本身嘅腥味，更加突顯其鮮甜味，啱晒我呢d鐘意刺激辛辣嘅人三文魚反卷~$68$68有六件，都勁抵食，入邊有玉子，上面有蟹籽加三文魚，新鮮好食三文魚軟殼蟹反卷~$86一樣都係有六件，暖暖嘅壽司飯色住炸至香脆嘅軟殼蟹，一軟一脆嘅口感，好特別，提升味道嘅層次，分外滋味一本食堂🏠；觀塘鴻圖道30號3樓☎️：92910688…Read More

古今二今日同朋友喺荃灣行街，天氣咁熱，又想食下壽司，咁就過嚟食下，好耐冇去過嘅古今二，之前食過銅鑼灣分店，質素都幾唔錯☺️龍捲風沙律~$76份量都幾多，好大份，好抵食，生菜上面佈滿中華沙律，蟹柳，蟹子，沙律菜好新鮮，夠哂爽脆，加埋黑醋同埋沙律醬，仲有少少脆片，口感好豐富富士山~$88大約有8件，外型堆到成座山咁，擺盤非常之靚，卷物係牛油果鰻魚卷，上面堆滿蟹柳同脆片，加埋佢個自家製醬汁，味道不錯煙花~$79有6件，有辣味三文魚同辣味吞拿魚再加芝士嘅卷物，吞拿魚蓉都幾多，加埋脆片，口感提升好多，卷物有創意得來又好食，果然係招牌菜😋冬菇串燒~$25有兩串，燒得啱啱好，唔會好乾身，冬菇好Juice七味秋葵串燒~$18一串都有6條秋葵，第一次食燒嘅秋葵，都幾特別，灑咗少少七味粉起上面，都好惹味蒜香牛油紫薯~$18一串有6粒，紫薯甜甜地，可以連埋皮食，健康又好味江户薄燒牛仔骨~$78有3片，牛仔骨肥瘦適中，燒完出嚟好香口，而且牛仔骨一啲都唔鞋口鹿兒島黑豚荔枝卷串燒~$32係我必食推介之一，荔枝甜味中和左豚肉嘅油膩感，好juice，估唔到兩樣嘢加埋一齊係咁夾古今二 (荃新天地) (荃灣)荃灣楊屋道1號荃新天地1期1樓116號舖…Read More

海膽仔聽朋友介紹話呢間都幾好食，咁今日得閒就去食吓啦，一入門口已經俾海膽同生蠔吸引咗，款式種類都幾多，店舖舒適，整潔海膽丼~$168套餐附送麵豉湯同沙律，用咗墨西哥海膽，海膽份量都好多，新鮮鮮甜無腥味，夾埋紫菜食，真係好滿足😍活赤貝2隻~$45 x2赤貝新鮮彈牙，好有驚喜，肉質爽厚，鮮味十足赤蝦壽司~$18$18有兩件，赤蝦肉身晶瑩，肥美鮮甜無腥味三文魚籽軍艦~$38三文魚籽，晶瑩剔透，粒粒分明，口感爽脆，好滿足啊七味五花腩串~$28五花腩肥瘦適中，油脂分怖平均，燒過香口惹味牛舌串~$28有四大片，牛舌煙韌彈牙，多汁溶岩海膽魚餅~$38魚餅彈牙，一咬開好多海膽漿流出嚟，好食，好有驚喜燒菠蘿~$18菠蘿燒得幾好，清甜多汁富士山柚子梳打~$22x2酸酸甜甜，好飲啊海膽仔🏠：新蒲崗衍慶街2-32號新蒲崗大廈地下Q號舖☎️：63773038…Read More

又一戟天氣熱辣辣，梗係食返杯雪糕解下暑先揀咗豆腐，香芋同埋薄荷朱古力味，豆腐味真係好濃郁好好食😋，薄荷朱古力都唔錯嘅，香芋味都好濃郁㗎，呢三種味我都好鍾意食，三大球，好滿足…Read More