Kwok848's Profile

係尖沙咀藝術館新開咗一間澳洲餐廳「hue Dining」，佢嘅菜式係fusion 左澳洲同港人口味，好特別！小編今次點咗個set lunch 食，計埋甜品有3道菜式！首先係頭盤 ——Sashimi Spot Prawn呢個菜式係冷盤嚟，用生蝦片同蝦頭作主要食材，生蝦片主廚用左蜜瓜調教嘅醬汁整，充滿新鮮感，而且味道絕對無奇怪，甜甜地配上蜜瓜幾開胃，加上炸蝦頭鬆脆可口，令人好期待下一道菜式！其次係主菜——pork belly 呢個菜式主要係醬汁係廚師預先用左一日時間整再用8小時整出嚟，絕對係考功夫嘅一道菜式，個醬汁除咗有蒜茸味外，小編仲食到肉汁味道，甜甜香香，加上整脆左嘅腩肉同薯仔一齊，好香口😋！最後係甜品——Passion Fruit Posset .呢款甜品偏酸，主要用檸檬做吉士醬再以新鮮嘅芒果粒同熱情果醬汁作陪襯，好精緻，而且味道唔錯！整體而言，小編除咗對食物嘅質素同外型非常滿意外，對餐廳嘅環境亦表示舒適，因為餐廳大部分位置都有海景，可以讓客人邊欣賞景色邊享受用餐，而且店員好細心，會詳細同客人講菜式做法，讓小編感到賓至如歸既感覺，誠意推介大家試吓！…Read More

相信大家對呢間餐廳一d都唔陌生，因為佢以鵝油撈麵聞名的！一進店小編留意到店內既裝修，店內有一張張正方枱擺設，配上小餐椅加上白色燈光，簡單又整潔！再者，小編點左兩者撈麵，醬皇豬手手撕雞撈麵，豬手入味，味道香濃，炆得又爽又滑，食落口啖啖骨膠原，手撕雞有濃濃既麻油味，又香又嫩滑。另一款係牛肚牛栢葉撈粗，牛肚牛栢葉，味道調教適中，雖然顏色不太突出，但都好食，粗麵煙韌彈牙。最後服務方面，店員主動有禮，上菜時間快，而且質素高，小編極力推薦！…Read More

黎到厚福街呢個美食天堂，小編當然食好d，今次揀左呢間天然自家製雞湯底既餐廳，農米莊！ 進入店內，環境尚算舒服寛闊，燈光柔和，偏黃色，店內以卡位及方枱擺設，快餐店設計！之後小編點左兩款米線，呢款係店內招牌菜，懷舊藥膳雞湯米線，米線湯底濃郁鮮甜，內有杞子、紅棗、當歸、蟲草花等食材，絕對足料！另一款係喇沙雞湯米線，喇沙惹味香辣，雞肉鮮嫩，加上豆卜將湯汁吸哂，真係超好食！最後飲品方面，小編點左特飲，朱古力紅豆冰，朱古力味濃，可惜紅豆少左d，如果兩者能平衡點就好喇！整體來說，餐廳價錢正常，份量多，高質，大家不妨試下！…Read More

今日同朋友系中環行街，突然想食麻辣野，於是上網搜尋，搵到呢間餐廳「瘋狂小面」餐廳設計充滿四川風味，進店內還聞到陣陣麻辣味道，燈光稍暗，不便拍照，店員有禮，經常檢討餐廳食物！小編坐低後同朋友點左瘋狂二人餐（$238），呢個餐有60串串串香，當中包括30串肉30串菜，味道揀左藤椒湯味，食落口亦有麻辣感，但對比麻辣湯無咁辣，唔食辣既人可以試下！另外，我地點左飲品，柑桔檸檬，味道偏酸，有濃濃既柑桔，飲完好開胃，但就少左檸檬味，若兩者能平衡一d就好好喇！最後，大家唔好睇小呢個餐，真系好多，小編同友人都食到飽飽咁走，而且能滿足到想食辣既感覺，只系食物有d咸！所以大家不妨試一下，感受下四川風味！…Read More

西環有好多好食既餐廳，小編經過呢間老式上海舖就入去食！進入店內已被懷舊裝修吸引住，大部分用吊燈裝飾，主要以卡位及圓枱作擺設，有點狹窄！之後小編點左牛𦟌排骨麵（$38），牛𦟌入味又易入口，一d都唔韌，排骨係新鮮炸的，脆卜卜，麵好彈牙，加上濃濃既湯底，真係好正！另外，店內既菜膽雞球麵（$38）出乎意料地好食，雞球多汁入味，就算係炸既都唔韌，配埋麵上既菜，一d都唔油膩！雖然有好多人，但店員安排座位同上菜速遞好快，絕對快，靚，正！店內除左招牌菜好食，其他菜式都值得一試，所以小編推介大家黎食！…Read More

今日同男友行完街，經過米線店就入去左去食晚餐，呢間米線店地方不大，但店內環境寬敞舒適，燈光明亮！店中既椅桌都係以卡位形式擺放，簡單又舒服！小編安頓後便點左幾款美食，第一款係豬扒小窩米線（$38）豬扒有咖哩香味，肥瘦均勻，咬落去唔韌，肉質好實淨！第二款係腩肉小窩米線（$38），腩肉好入味，而且店主逐件切開腩肉，方便客人進食，好細心，湯底濃郁，酸辣味適中，好好食！溫馨提示：食唔到太辣既朋友，叫小辣就得小食方面，小編點左涼拌墨魚頭（$40），味道濃郁，墨魚頭爽口彈牙，而且仲有好蒜，超香超好食，重點推介！最後小編認為呢間米線店，不得不食，因為真係味香高質，而且佢營業時間到晚上11點，方便夜遊一族！…Read More

台式牛肉麵已經進駐香港多時，但好食的就少之又少，今次位於尖沙咀既六両三，不但好食，而且環境還很有格調！小編點了三款麵，當中包括阿宏葱油拌麵（$46），川味三寶牛肉麵（$88）及川味紅燒半筋半肉牛肉麵（$85），牛肉麵湯底香濃，麵條粗彈牙煙韌，幼的軟滑，而且每條都是店員用心製造，對於造麵同煮麵過程，店員都非常嚴謹和認真，務求將最好帶給客人，加上牛肉新鮮，入味，牛腩入味不韌，牛筋香軟，再配上糖心蛋，簡直絕配，小編很喜歡！此外，小編還點了冬瓜茶，冬瓜茶加了少量黑糖和檸檬，味道香甜帶點酸，加上少量冰塊，消暑又解渴！最後不得不說是環境，這裡裝修充滿古典風味，四周以木椅木枱為主，廚房掛著少量中式燈籠，客人可以一邊享受古典風味一邊享受好味既牛肉麵，舒服又滿足！…Read More

南記一直推出優惠自選下午茶餐，憑星期一到五 2:30 開始，26蚊就可以食到雙餸河粉/招牌河，真係扺食到無朋友！首先環境方面，雖然地方細細，但係都整齊清潔，四周沒有太多雜物阻礙客人行走，座位以六人卡位為主，有點狹窄。其次食物方面，小編點左較健康既木耳同魚皮餃，木耳切成一絲，方便進食，而且好爽脆，份量多，好食又健康！另外魚皮餃亦唔錯，餃皮煙韌，彈牙，材料好足，正常size ，份量適中，味道唔錯！最後服務方面，南記可以以電話下單，好方便OL/藍領工作既人，方便又快捷！而且店員有禮貌，細心聽客人下單，送餐又快速！整體來說，南記環境一般，食物優良，服務優良，平靚正之選！…Read More

大阪一章魚丸高質已經街知巷聞，小編試左蟹籽章魚丸（$28），同樣係高質！首先，外型方面，章魚丸上佈滿蟹籽，沙律醬及木魚，賣相已經好吸引！其次，味道方面，章魚丸醬汁調教得岩岩好，不鹹不甜，章魚丸外脆內軟，每粒都有一小塊章丸，配上醬汁及沙律醬，美味可口！環境方面，餐廳無座位，客人需要站立進食，地方尚算乾淨衛生，服務方面，老闆娘態度一般，不太理會客人訂單，讓客人等侯時間長，而且間中漏單，客人追問下才有，讓客人有d唔耐煩！整體來說，餐廳環境一般，味道優良，服務稍差，可以一試！…Read More

將軍澳搵Cafe休息，teatime 都唔係容易既事，剛巧天晉匯開左間Cafe「蜜蜜見」，可以俾我地食甜品傾計！首先餐廳環境方面，全店以白色為主，配上七彩繽紛既椅子，枱以長方形為主，適合三五成群既知己朋友坐底傾計，格調簡單又舒適！其次甜品方面，小編叫左楊枝甘露，份量材料充足，除左有濃濃既芒果味道外，仲有少量既柚子味道，不太甜！仲有粉粉紅紅既雜莓奶凍，充滿少女心，有濃濃既草莓醬，俘虜左小編既心！最後服務方面，店員細心問客人需要及推介食品俾客人，而且仲不時為客人加水，令客人感到更舒適！整體而言，餐廳環境頗佳，食物優良，服務極佳，將軍澳休閒之選！…Read More

好多人包括小編在內都覺得放題熟食唔好食，但經過今日之後小編改觀，全因小編去左漢和苑食晚餐。首先環境方面，地方寬闊，乾淨衛生，食物自助吧地面沒有垃圾，店員會定期添加食物，地方不錯。其次食物方面，熟食方面頗有水準，特別係炒麵，色香味俱全，還有豆腐花，雖然唔太滑，但好有豆味，燒肉方面，小編較欣賞豬頸肉同牛肋骨，豬頸肉肉汁豐富，入口爽爽的，唔韌，牛肋骨肉質鬆軟，加上燒烤醬汁味道濃郁，可口！再者服務方面，店員主動幫助客人入座，仲不斷係自助吧加食物，確保食物供應充足！最後整體評價，小編推介麵類熟食，可以品嘗少量，之後再食燒肉類，環境食物服務都滿意，可以一試！…Read More

小編一向對popfood 內既餐廳無信心，但基於方便快捷，所以決定狠心一試，果然不出所料，確實好難食！早前去過麻布茶房其他分店食，小編都覺得無問題，味道尚可，但今次位於popcorn分店既餐廳確實不堪入目！首先，先講食物外表，照燒雞扒飯，雞扒無煎過，只係蒸一蒸就拎出來，極多水出，醬汁極淡，顏色根本唔係燒汁顏色，而且無故地有沙律醬係旁邊，確實令人疑惑🤔其次係滑蛋吉烈豬扒飯，滑蛋唔係滑蛋，變左炒蛋，但慶幸買相還好，可以進食！再者價錢方面，雖然小編覺得唔貴，但係用呢個價錢食呢個「頹飯」質素食物，確實接受唔到！最後餐廳環境極差，無冷氣之餘，燈光又暗，唯一好既係店員態度，佢地不斷為客人添茶，而且對客人有禮，但小編都唔會再係popfood 食野！整體而言，餐廳環境極差，食物質素極差，服務良好，大家唔好去食！…Read More

最近係太子新開左間涼皮店叫「兩姊妹涼皮」，顧名思義係指兩個閨蜜開既餐廳，主要買四川重慶食品。首先環境方面，店鋪較狹窄，只可以提供企位俾客人食用，主要外賣為主，營業時間下午2:30開始，憑星期一休息。其次食物方面，小編叫左招牌涼皮同四川涼麵，先講涼皮，涼皮好滑，透亮，醬汁香濃入味，食後嘴巴有麻麻既感覺，入口有酸酸辣辣既味道，充滿四川風味，至於涼麵軟硬適中，加上冷冷既醬汁好適合夏天消暑食，再者不得不提係配料，有芫茜、醋、芝麻、黃金豆、青瓜等，令整個麵更香更好食。最後價錢方面亦便宜，招牌兩姊妹涼皮25蚊，重慶涼麵25蚊，如加其他食材，例如牛肚、牛栢葉等就需另收費，份量適中，適合女士進食，男士就要加一加份量！整體而言，餐廳環境還好，食物品質優良，服務還好，價錢優良，屬平民價，不妨一試！…Read More

食早餐大家可能覺得無乜特別，只係炸魚腸仔/沙嗲牛肉等普通茶記食品，但「太子冰室」這裡幾特別，特別在唔係食品，係飲品，這裡可以添加飲品的，不限次數！所以令小編有點驚喜，無諗過冰室有得添飲，而且全日供應，真係幾特別！其次食物水準都令小編有驚喜，本以為開在鬧市中既冰室水準會不太好，但原來錯了，水準不但好，份量仲好足！再者不得不提係服務員既態度，佢哋非常友善，而且主動跟進客人訂單，發現有遺留立即補上，絕對值得一讚！最後價錢方面，早餐亦便宜，只需35蚊就食到雙餸麵，絕對值得一試！整體來說，這冰室俾左小編3個驚喜，第一係飲品添飲，第二係食品質素，最後係價錢，所以大家真係要試下！…Read More

放工夜麻麻去邊吹水好？梗係去彪哥海鮮菜館啦，地點鄰近地鐵站而且營業時間長，最適合朋友吹水！首先環境方面，菜館以懷舊茶檔為主，幾張圓枱放於店內，裝修簡陋，地方不太乾淨，而且有d狹窄。其次食物方面，小編食左香脆花生苗，花生苗爽脆新鮮，而且味道調教得好，所以食落去唔太淡。另外，黑金鏄豆腐，大家唔好俾個名嚇新，佢唔係黑色，只係加左黑芝麻，所以先叫黑金鏄豆腐，豆腐好滑，炸得脆卜卜，熱辣辣，加上冰凍既啤酒，真係好爽！最後價錢方面同一般大排檔一樣，都係80-90 蚊一個餸，食海鮮當然會貴d。整體來說，除左環境不太好外，其他都還可以的，係附近返工既朋友也可以試下！…Read More