nelsonfung1992's Profile

山長水遠入到嚟西環，當然係受到朋友推薦專程入嚟試一間非常之出名嘅燒物店。首先入到店裏就被入面嘅周圍報置裝修同埋氣氛所吸引住，因為過往一年受疫情影響冇得去日本，平時最多都係行吓Donki解下去日本嘅相思之苦，冇諗過今日嚟到呢間舖頭就好似去咗日本一樣！本身我個人就比較鍾意食雞同埋牛所以我就揀咗一系列嘅雞同牛嘅串燒，如果你問我最推薦邊幾樣，其實都好難揀，因為真係好多款都好好食。不過我個人當中試咗三樣係真係比較推薦嘅。自家製免治雞肉串入邊嘅雞肉比起我哋平時的免治牛肉差好遠！免治牛口感肉質比較鞋但呢款免治嘅雞肉串雞味非常之突出而且嫩滑。第二樣就係牛舌，通常牛舌處理得唔好會有一種好強烈嘅‘蘇’味，但係今次呢款牛舌蘇味適中，攞到一個平衡，始終太重比較難接受。第三樣就係荔枝煙肉卷，其中最令人驚艷嘅一道菜，荔枝清甜嘅感覺配上煙肉油膩嘅口感味道簡直一絕！平時煙肉配腸仔配菠蘿就試得多，配荔枝真係畢生難忘另外鱈魚乾同章魚燒亦都非常推薦原因係說鱈魚乾配沙律醬作為第一道菜，非常開胃。章魚燒大細適中而且食落入面一啲都唔粉，非常高質既章魚燒。最後甜品揀咗紅豆年糕燒，入面冰凍紅豆配上熱辣辣嘅年糕燒口感非常豐富。特別呈獻柚子酒環節！呢一隻柚子酒唔會有一種好甜好酒精嘅感覺。口味清新臨走埋單嗰陣時問咗店員呢隻酒出邊有冇得賣㗎！店員就話呢就係日本獨家代理喺香港唯一一間可以飲到嘅居酒屋，既然係咁冇辦法啦！下次如果想再飲嘅時間就再幫襯返太吉啦…Read More

朋友話天水圍開左間新餐廳食西餐 價錢唔貴 於是今日放工就約埋一齊去 地點好方便 一出西鐵站行幾分鐘已經到。 入到餐廳 地方幾闊落 店員安排左舒適既卡位比我地 睇完餐牌就叫左兩個set dinner 餐廳上菜速度很快 首先黎個例湯 是栗米湯 正常發揮。小食是甜酸雞翼和黑松露蛋黃醬薯條 雞翼炸得香脆配甜酸醬一流 薯條亦很香口。千島海鮮pizza 非常足料 千島醬很開胃 令人食完一件忍唔住再食第二件 朋友叫左個穀飼西冷牛 牛扒味道不過不失 配菜略嫌失色。 整體食物質素配這個價錢 性價比是高的…Read More

甫進入餐廳 便被豪華的裝潢所吸引 氣派非凡 既然餐廳咁高級 食物水平應該有返咁上下。 於是點左了個 deluxe set 頭盤係呀拉斯加蟹腳配沙律 蟹腳肉質鮮甜配上沙律 很開胃 然後是龍蝦湯 龍蝦肉爽脆彈牙 湯很濃郁 但略略咸左少少。 冷盤有3道精緻小吃 有帶子 火腿露旬同埋一舊不知名肉類 主食我就點左個羊 羊叫左7成熟 火喉剛剛好 唔太生唔太熟 羊既味道唔會太'蘇' 最後甜品睇完menu叫左心太軟 因為個人鍾情朱古力既甜品 即叫即焗 朱古力味香濃…Read More

得悉銅鑼灣金妹記新開張 朋友話要來試下。 入到去店內 整體感覺乾淨企理 經理同侍應都好好禮貌招呼。 坐低冇耐睇完餐牌 叫左6道菜。 首先黎個椒鹽八爪魚咀 即叫即炸 非常香脆! 再黎多樣香口野 脆皮炸大腸 佢處理得幾好 唔會好大浸up味 都幾爽脆 不過大舊左少少 如果每舊一開三會食得舒服啲。 黃金蝦一上 賣相非常靚 相機食先食落口好重咸香 正食左咁多炸野 點返個蒜茸蒸勝瓜解解膩先啦 勝瓜新鮮冇苦澀味!黎到大排檔 點可以唔叫返個煲食呢!? 經理推介三菰爆走地雞 夠鑊氣夠野味 我鐘意最後叫多個面醬蒸黃花魚來送飯 清清地 肉質鮮甜 又一道有水準既菜式。 綜合以上6道菜 黃金蝦同勝瓜係我今晚既最愛 翻食指數5粒星…Read More

啱啱出完旺角 同朋友準備搭小巴返荃灣 次次經過荷里活冰室 但係都冇機會試 今日心血來潮就上左2樓坐低 。 我就好中意食雞 於是叫左個招牌咸香雞半隻 朋友就叫左西蘭花鮮蝦龍躉球 叫完餸 伙記比左兩碗例湯 滋潤得來冇味精 唔錯 咸香雞一上 個賣相同香味已經知有料到 食落冇雪味 好香黃油味 正 西蘭花鮮蝦龍躉球亦唔輸蝕。西蘭花火喉剛剛好 唔會太硬都唔太冧 鮮蝦爽口彈牙 龍躉球食起上黎都唔腥 味道一流餐飲叫左 紅豆冰同熱奶茶 紅豆冰就正常發揮 熱奶茶簡直冇得彈 香濃幼滑 今餐真係經濟又實惠…Read More

一步入餐廳已經比店內充滿風情既裝修吸引住 牆上掛畫同精美餐具令人細味 叫左個deluxe set 2人用。 雖然好多食物名都要用大餐牌對一對先知係咩東東 不過面對咁多未見過既食物令我樂此不疲。 湯我地叫晒兩款lentil同harira 一款就清清地帶有小量牛肉粒 另一款好香好濃 咸咸地幾好飲 greek salad最吸引係個芝士 夾埋菜食 清新又健康! Falafel係一款深色既炸物 材料用上鷹嘴豆 脆脆地又唔會太油 主菜我地叫左lamb curry 同chicken tagine 老實講我就唔食得太辣 所以個羊一路食就一路沫汗 另一款雞既菜式就類似青咖哩既味道 送個餅一流 佢既整法就唔太嫩滑 但勝在味道搭救。 食到途中 叫左芒果乳酪 一個字 食到肚都凸出黎既時候 waiter問我地要咩甜品 於是叫左個baklawa同mahalabia 一款就類似雙皮奶 而另一款外型似足叉燒酥 不過食落真係太甜 女仔食可能覺得啱啱好 食完甜品 叫左Moroccan tea解下膩 飲果下 淡淡薄荷湧入味蕾 非常舒服。 …Read More

有日見到同事拎住個冰袋 袋面寫住賣肉求榮 我問佢搞咩要賣肉咁慘佢就話最近幫襯間肉類專門店 品質幾好 然後放工就跟左佢去賣肉上到去店員都好有耐心介紹唔同種類既急凍牛,豬,海鮮等等 當中最吸引我既係日本超巨型帶子 可以就咁融雪之後當刺身享用 最後埋單我買左甲羅燒 西班牙黑毛豬同帶子。 帶子我參考返店員既推介 解完凍點wasabi咁食 入口好鮮甜 真係不得了 食完一粒想再食 不過我知一個道理 就係好野要食小小先滋味 甲羅燒用焗爐焗完之後加左一匙清酒 雞蛋葱花 雖然腥腥地 不過個味道同口感係幾特別。黑毛豬就用洋蔥煎香佢配甜豉油汁 肉質好軟冧 唔洗用刀背揼都好鬆化 好食到我食左兩碗飯。 同事果然冇介紹錯 以後我買肉又多左個地點 買得多仲送埋貨 方便到不得了…Read More

係黃大仙附近食完晚飯 行左陣 可能天氣熱啦 於是就搵左間糖水舖入去坐下。 侍應都好快手比個menu我地睇 同埋介紹左必點糖水 聽佢講叫左個黑糖芋圓仙草凍。朋友就話想食榴槤 叫左個榴槤至尊 聽個名都知道猛料一上黎 兩碗野因為外型太似 所以都諗左陣邊碗係邊個 不過冇所謂啦 反正都大家share 芋圓幾好咬口 幾香 配埋仙草 係透心涼。 不過到榴槤至尊出場 即刻打低左芋圓仙草凍個雪糕好香好濃!最正就係果3舊榴槤肉 完全係精華所在 夠晒熟 但又唔會話太熟 如果太熟會有陣酒味 我個人就唔太好 呢個僅熟程度啱啱好碗榴槤至尊好食到就黎連個碗都食埋…Read More

有朋友介紹日喜樓好食 於是約左個舊朋友試下 一黎就叫左個日喜灌湯小籠包 睇下正唔正宗先。 一上菜 侍應都好細心提提我地小心熱湯 食落個湯汁都幾濃 不自然食完一隻又一隻 咁啱同個朋友都中意食牛 叫左個爆汁牛肉餡餅 外脆 內多汁 舊肉好好食 再黎叫多個黑松露什菌炒飯 呢道菜對比上面兩個小食 略微差啲鑊氣 味道整體都幾好。 最後主菜出場 北京填鴨 呢個填鴨老實講 等左好耐 不過係值既! 鴨鮮嫩有肉味再搭埋個油脂香 夾包係一流 餐廳裝修都好精緻有氣派 坐得舒服 結論日喜樓值得翻食…Read More

上網睇到呢間充滿特色既保育餐廳 雖然埋單價錢唔平 不過餐廳係呢個地段 價錢都算合理。 同朋友一人叫左個set dinner, 我就食左牙買加辣雞翼加肯亞咖哩和牛穀飯 雞翼炸得好食 咖哩都整得唔錯 係稍為辣左小小。 朋友就叫左香港仔避風塘炸雞同埋香煎澳洲大蝦意粉 炸雞好入味 好脆好香口 一個字正 大蝦意粉 如果隻蝦size大啲就更加好 飲品都沖得唔錯 特別係杯拿鐵拉花 好靚 咁係等食既時間 我周圍參觀下牆身既相 會了解到原來香港以外既地方有咁特別既生物 例如葉尾守宮, 蛇蜥等等。 之後我應該都會介紹啲朋友黎食 可以令呢股保育風氣宣揚開去。…Read More

入座叫左蜜糖炒雞做主食 跟住就有得再揀要唔要芝士同埋年糕 芝士要另外加錢 由於同朋友都唔太好芝士 所以就冇加到芝士。 上到個鑊 不斷炒呀炒 直到個漏斗計時完就可以停 雞就好嫩 完全冇任何冰鮮味 食完雞 就可以去拎其他燒烤料 全部都好新鮮 好好食。 跟手拎埋飲品 有個香印提子汁 非常香純 值得推介 最後甜品有3款雪糕 雲尼娜 芝麻同朱古力 個人推介朱古力 因為真係好濃 絕對唔輸某G字頭品牌既朱古力雪糕。 食左咁多野 每位都係168 抵到爛呀！ 不過間餐廳都幾爆 建議預訂左先好去…Read More

6點幾黎到 人唔多 見到網上啲人推介蟹皇丼 於是叫左個蟹皇丼同慢煮鹽燒牛舌 地方餐具都幾精緻 師傅都好認真制作 蟹皇丼味道都ok 但就貴左小小 最好食係牛舌 好香好有肉味 整體都不錯 可以翻食…Read More

入到去坐 朋友推介食 大醬湯蟹膏醬飯。於是聽佢講叫左 我再加多杯荔枝梳打 可能星期五想食好啲既關係 都幾多人黎食lunch 等左差唔多20分鐘先到齊 個煱就唔大 有碎牛肉塊 兩三隻硯咁 最正係個pat蟹膏撈飯 好香口好送飯 貶下眼就食晒 荔枝梳打就不過不失啦 整體其實咁多野都係70蚊個餐 算係抵 不過真係多人 所以侍應唔夠 上菜落單速度都好慢 …Read More

入到去睇menu 好耐都落唔到單 原因係太多菜式 揀唔落手 最後就揀左蟹黃小籠包 水煮牛肉 豬肉白菜餃 鹽蘇雞同埋牛肉面。 小籠包 個汁唔夠多同香 皮都厚左小小 水煮牛肉就不過不失 如果切得大塊啲會更好鹽蘇雞 新鮮炸 幾有誠意 不過落漏左鹽 牛肉面都係普通水準 全晚最欣賞就係豬肉白菜餃 好香 好好食。服務態度幾好 坐得都幾舒服 不過食物有進步空間。…Read More

經過路德圍 見有新開泰國菜 望下menu 價錢合理就入去試。 通常我都會揀海南雞飯試下廚房咩功力。一上菜 啲雞斬完放得好整齊 加分 食落新鮮冇雪味 火喉控制得幾好 剛熟 雞胸位都唔會太老好''孩'' 個醬酸度適中 調得唔錯 個飯就稍為硬左些小 同埋可以再香口啲。 老闆落手落腳幫手 服務態度都好好 整體水準幾高 會返食…Read More