JackyHHY's Profile

星期4準時收工，於是邀請同事食early dinner，我倆行到百德新街後既餐廳搵食，見到一間叫 burgeroom 美式漢堡店，在座的大部份都係年輕人同外國人，感覺上好似好正於是決定試試。餐廳好貼心，預先將burger分成2分，可以同朋友交換試，叫左一個傳統牛肉burger, 一個素burger.烤雙蘑菇漢堡素burger材料豐富，蘑菇都有2/3款，好juicy,  紫洋蔥味道香，仲有特製既牛油果醬(加左少少辣，特別惹味)，口感十足，呢個素burger好吸引煙肉芝士牛肉漢堡 呢個漢堡真係好巨型，而且非常足料，煙肉、牛肉都好有份量，牛肉成寸咁厚～塊牛肉burger處理非常好，能夠鎖住肉汁，番茄同生菜中和油膩，千島醬將多樣材料融合調和，令整個漢堡包既味道發揮至極致。芝士粗薯條最愛粗薯條 ，特別有口感，即叫即炸，熱辣辣 上菜，芝士味又好濃！好邪惡呀！蜜桃冰茶好多蜜桃果肉而且味道清香高質素漢堡，價錢合理，整體感覺不錯…Read More

女朋友又轉工，兜兜轉轉又番黎灣仔區，為左鼓勵佢，就帶佢去食雞煲火鍋，朋友介紹一間位於鵝頸橋附近叫"至尊重慶雞煲"既餐廳，交通方便，好易搵。如果你有搭開隧道巴去紅磡，就一定見過佢地既招牌我倆選左一個小辣重慶雞煲，雞煲嚟到時已經熟晒，香噴噴，流晒口水，可以即食。一打開雞煲，西芹芫茜洋蔥香味湧緊出黎，望落雞既份量相當多 (兩個人有半隻雞)，每件雞Size剛剛好又夠入味。雞的肉質不錯，煮既時間剛好又夠滑，而且，餐廳加左自己調製既雞醬，甜甜地味道更有層次，愈食愈停唔到口。小辣雞煲起初唔算太辣，但食下食下，雞煲愈煮愈收水，麻辣同甜既味道就愈濃香，愈食愈惹味。食完雞煲直接加清湯打邊爐，火鍋配料選擇有好多，有肉類有海鮮仲有丸、餃子、蔬菜、麵等等，加加埋埋都已經幾十樣我地兩個牛魔王梗系第一時間叫碟牛食下啦，油花好夠，食落唔會太韌。肥牛嘅味道同麻辣雞煲湯底好夾，食落特別惹味。另外，仲點左響鈴，魚皮鮫，廚師腸。魚皮鮫系我至愛既牌子，魚肉爽口有口感，另外，外皮好脆帶有些少豆香，好吸引最後，再點左兩款新鮮蔬菜，雜菇同油麥菜中和下再送上任飲任食，飲品相同甜品相…Read More

今日特登去接女朋友放工，帶佢去美麗華試吓呢間食肉獸的天地--burgeroom!店舖嘅裝修好簡約，俾人嘅感覺好舒服，完全冇壓迫嘅感覺呢度係要去counter點餐嘅，點完之後佢會比個裝置你一開始以為個裝置震就出去拎餐，後來發現只要將裝置放喺特定嘅位置，店員就會將食物送到你枱，唔使走來走去！點左餐無耐，話咁快就有嘢食黎啦！蜜汁雞翼新鮮整起，仲熱辣辣！Size唔算大，但蜜糖汁就非常入味！係咁凍嘅天氣食真係一流！旋風芝士薯條粗薯條平時就食得多，今日想試吓新野，叫咗呢款旋風薯條佢比平時嘅薯條更加重味，芝士味又好濃！好邪惡呀！！！大烤菇芝士牛肉漢堡呢個漢堡真係好巨型，而且非常足料，芝士、牛肉都好有份量，牛肉成寸咁厚～我同女友都不顧儀態咁一啖咬落去，一咬落去大菇既汁同牛肉汁一齊滲出黎，口感非常之好！墨西哥辣椒芝士牛肉漢堡喺Menu上面見到呢個係新推出嘅漢堡，就叫咗黎試吓漢堡巨型就不在話下，牛肉蒸得麻麻好，能夠鎖住肉汁，加埋墨西哥辣椒醬，又別有一番風味！非常有罪惡咁嘅一餐！食物質素非常好，價錢合理！只係我哋兩個唔夠大胃口，最終都食唔晒我地會繼續支持！下次就要睇住黎叫😂…Read More

銅鑼灣金朝陽中心美食雲集，不少特色的食肆都進駐在這裏到了10月尾，天氣終於有啲凍，又係時候開始打邊爐！這間101手工涮涮鍋啱啱進駐銅鑼灣，當然要試試餐廳位於金朝陽中心2期29樓，景色開陽，而且今次仲加左酒吧的元素，打邊爐之餘仲可以飲返兩杯，正！呢度其中一個賣點係無限時任飲任食，手工涮涮鍋套餐星期一至四仲有特別優惠，每位＄398小食係麻醬手撕雞及麻辣木耳，小食的醬汁調得啱啱好，辣辣地更能增加我哋的胃口我哋揀咗台灣香辣三杯雞涮涮鍋，湯底的味道很香濃，唔使額外落調味都可以！今期新增了台灣夜市火鍋拼盤可以選，包括滷水豬耳、滷水牛肚、台灣九份地瓜芋圓等等，不過女友都係較喜歡手工拼盤，所以最後都係揀咗手工火鍋拼盤手工火鍋拼盤都非常特別，有墨魚汁鳥結糖、黑松露蟹肉餃、黑松露芝士豚肉餃等等另外最值得一提嘅係佢嘅手工即炸響鈴卷同埋手工即炸魚皮佢嘅即炸響鈴卷，SIZE仲大過女友隻手，連個碗都放唔落放落個鍋度滾一滾，吸收晒湯底，加上食落香脆，就可惜只有三舊！飲品方面除咗啱啱講嘅酒精類飲品（雞尾酒、紅白酒、生啤），仲有好多特飲（沙冰、水果冰茶、盆栽奶茶等等）我哋點了一杯盆栽珍珠奶茶，除咗賣相特別，味道都很好！打邊爐當然唔少得主角：牛肉！高級肉類可以三揀一，每兩位可揀一碟當然唔使問，我地當然揀手切安格斯prime grade牛頸脊肥牛片！牛頸脊入口非常嫩滑，肥瘦適中，牛味香濃！我地都食唔停口！除咗套餐上面的食物之外，還有一張Menu可以追加其他食物但我哋兩個食量有限，食完套餐上的食材，都已經飽飽地，最後只係加些菜和烏冬最後仲送埋甜品這裏食物及飲品的質素都非常好！加上呢度既裝修絕對落足本，配合埋景觀真係不錯！強力推薦！…Read More

女朋友剛剛轉工，有好多野都要慢慢重新適應，為左鼓勵佢，就帶佢去食雞煲火鍋，朋友介紹一間位於旺角中心附近叫"吞POT雞煲火鍋，住家菜"，交通方便，好易搵。餐廳位於高層23樓，裝潢簡潔，景觀開揚，有大大塊既落地玻璃，望到旺角夜景。雞煲既種類很多，我選左一個最受食客歡迎既重慶麻辣雞煲，雞煲嚟到時已經熟晒，香噴噴，流晒口水，可以即食。一打開雞煲芫茜洋蔥香味湧緊出黎，望落雞既份量相當多，每件雞Size剛好又夠入味。雞的肉質不錯，煮得剛好又夠滑，因為第一次到訪餐廳，唔知道餐廳既辣度如何，只點了最基本的BB辣，起初唔算太辣，但食下食下，雞煲愈煮愈收水，麻同辣既味道就愈濃香，愈食愈惹味，原本只系想叫半隻雞再留肚打邊邊，但最後真系忍唔住，叫多一份滑雞片，再煮黎食食完雞煲直接加清湯打邊爐，火鍋配料選擇有好多，有肉類有海鮮仲有丸、餃子、蔬菜、麵等等，加加埋埋都已經十幾廿樣第一款一定要點餐廳自家製既"爆芝響鈴"！正到冇朋友^^即叫即炸，夾一舊試一啖，外皮好脆仲有暖暖餘溫，裹面既芝士就爆出黎出嚟，帶有些少咸香，好濃既芝士味，好吸引我地兩個牛魔王梗系要叫碟牛食下啦，餐廳提供肥牛肉既種類算多，有7-8款；而我地叫既美國牛，上碟擺盤好吸引，油花好夠，食落唔會太韌。肥牛嘅味道同麻辣雞煲湯底好夾，食落特別惹味。食到最後，個湯底煮到咁濃當然就唔可以浪費，我地叫左稻庭鳥冬來品嚐湯底，簡直一絕食完呢餐豐富既火鍋後，同女友都要繼續努力，向住大家既目標努力！…Read More

上個星期日同女朋友去元朗拍拖，睇吓附近嘅新發展，同埋去食下我地好鍾意的B仔涼粉然後行到夜晚，真係諗唔到食咩嘅時候，就見到一個宣傳介紹呢間抵食放題--西宮岩岩五點半，客人並不多，我哋唔駛等位就可以入去，而且可以趕係優惠時段內入場 同普通嘅放題唔一樣，呢度嘅自助吧除咗有放題本身嘅魚生刺身、壽司、炸物之外，還有巴馬火腿、芝士等前菜，仲有海鮮、熟食，更值得一提嘅係有即叫即焗的芝士生蠔！而飲品也有好多選擇，罐裝有烏龍茶、檸檬茶、忌廉鮮奶、啤酒等等，還可以自己沖咖啡、奶茶、檸茶等等。Round 1首先自製一碟日式沙拉加埋巴馬火腿、芝士作為前菜，沙拉菜很新鮮，加埋日式麻醬簡簡單單已經好好食，而車打芝士十分濃味，如果你對芝士嘅味道較敏感，就建議加埋面包一齊食！Round 2其實係食緊Round 1嘅時候，我哋已經入紙點咗一D即叫即整既食物，當前菜食得差不多嘅時候，食物就剛剛好送到上來呢度燒物十分抵讚，雞軟骨有用到七味粉調味而且燒得岩岩好，而菠蘿亦冇燒得太乾，食起來仲係啖啖汁！另外，主角上場了！大大隻既芝士焗生蠔！！芝士味香濃生蠔既味道都很不錯，而重點係：無限食如果你係期望食到番本既，呢個係你必叫之選Round 3, 4, 5...食飯題當然唔少得魚生剌身！三文魚油甘魚吞拿魚虎蝦等等都唔錯，舊舊都切得好厚，好滿足！另外，自助餐形式係呢度嘅其中一個賣點，有三文魚意粉、咖喱、蒸魚、炸蝦等等款式多之餘味道也好好不過每樣我哋都唔敢夾太多，因為太多嘢選擇啦Final Round正當我們想收口嘅時候，竟然發現呢度仲有邊爐打仲要係蜆肉湯底！真係落足料架，裏面起碼有七八粒蜆再落埋肥牛，真係不得了以＄１７８食到自助餐+放題，真係絕對超值！…Read More

女友考完試, 是時候出黎輕鬆下! 行下行下就去左佢以前既地頭九龍灣megabox shopping上到來5樓就見到一個熟悉的名字—Achacha女友問我有冇印象我當然有啦, 我們在元朗食過一次呢!估唔到係呢度開了間分店!! 裝修比起元朗更間還有心思呢!我們二話不說就坐底左, 用行動來決定今晚既餐廳Pork Burger豬肉漢堡($86)既然係餐廳推介, 今次就試試豬肉漢堡賣面就已經很吸引Burger入面夾左生菜, 番茄, 芝士等等, 令到食起來有點清新的感覺而食落又唔會太乾身份量方面我們兩個人食就剛剛好, 就有quota食其他野Classic Beer Battered English Fish N’ Chips傳統英式啤酒漿炸魚薯條($82)我們另外點了Fish n Chips, 這個fish炸得岩岩好, 外面一層很脆, 但裡面又唔會overcook配埋正宗的薯條只欠一杯啤酒… (女友話唔好飲xd)Chocolate Banana Crepe 香蕉朱古力法式薄煎餅($45)這個我同女友之前在元朗的總站也點過食過番尋味, 今次又要點多一次食這個煎餅很有層次, 在邊邊很脆, 但食落去食到中間又可以食到夾在中間的香蕉, 很有口感加上朱古力同香蕉十分配合! 好掂!Apple Tatin Tart 蘋果反烤撻($40)先不要見到Apple同Tart就以為係普通的蘋果批, 這是一道法國甜品據說是由一次意外發明出來的, 當時酒店餐廳由於太忙碌, 在製作蘋果批的時候竟忘了把餅底放入烤盤, 而是直接烤了焦糖蘋果發現後情急之下只好將餅底放在烤了的焦糖蘋果上，再反出來上碟結果反而大受歡迎話說回來, 呢度既蘋果反烤撻味道很好, 蘋果的甜給餅底中和了, 唔會太過甜十分值得一試!以這個食物質素和環境來說, 這個價錢絕對是物超所值很適合兩口子拍下拖或者係放左工摸下杯底只是對我來說地點比較遠一點希望下一間分店可以開在港島吧!!…Read More

今日咁岩係呢個冬天最冬既一日，就帶女友去食下D熱野，一開始諗住打邊爐，但打邊爐太普通了，就去了呢間又有烤魚食，又可以打邊爐的食堂我地兩個都唔係咁食得辣，唔敢叫麻辣湯底，我地於是叫了冬陰公湯底這個冬陰公湯底香味濃郁，在加熱的時候傳出陣陣的香味，令人垂涎欲滴女友非常喜歡食泰國菜，而冬陰公湯更是她的最愛看到她想吃又未有得吃的樣子，十分可愛係等緊既時候，就正好試下前菜這裏的前菜小食連改名都很有心思: 手拍溫室黃瓜、魚情味豆芽、跳水木耳及嫩七八草有啲真係唔睇英文名都唔知係講緊乜嘢而當中我們最驚喜的是他的魚情味豆芽，麻辣醬調得很入味，不過對我們來說有點辣，食完一淡就要飲一淡水，但不久又忍不住再吃多一淡我地叫了自家製的紅桑梅蜂蜜茶飲落好清新，酸酸甜甜，而且覺得佢有解辣的作用，值得推介！食到咁上下就可以食魚了，介紹下條魚先，江團魚平時連聽都未聽過，只是從完店員得知，這是一條淡水魚既然是店員推介的，我們就選了這一條首先份量非常大，如果你不是特別喜歡吃魚，或者十分肚餓的話，我就建議你最好唔好兩個人來食其次呢條魚食起來很有魚感，很有嚼勁，而且正如剛剛店員說的這條魚沒有太多骨，我們也比較容易處理，不用怕整個鍋都充滿碎骨，影響之後嘅火鍋其實當我地兩個食完條魚時，已經覺得好飽！（記住叫多幾個人黎食 記住叫多幾個人黎食 記住叫多幾個人黎食）跟住我地就開始打邊爐了首先就趁d海鮮仲新鮮就先食海鮮扇貝很鮮甜，鮑魚好靚，食落唔會太硬，呢兩樣跟餐的每人一隻，要再加就要加錢啦！另外海蝦非常配合到湯底的味道！（梗係啦，冬陰公嘛！）食完海鮮後我地就開始食埋其他既配料當中安格斯牛肉最為吸引，脂肪分佈平均條理分明，肉汁豐富，引唔住食多幾舊魚皮鮫就很香魚味，我的最愛！整餐黎講，呢度既湯底整得非常出色，而且用料新鮮又多元化差Ｄ唔記得講，呢度既座位很舒適，坐係窗邊用餐既感覺更是不錯，係朋友叙舊傾計既好地方…Read More

臨近新年，我同女朋友屋企都需要大掃除，勞動了一整朝，就建議午餐吃得好一點，順便奬勵一下大家去年的努力在灣仔近來開了很多新的餐廳，利東街、船街、大王東街、汕頭街等等都不乏出色的餐廳，今次我們到了在合和中心對面的QRE Plaza，這裏28層樓高，大部份都是特色餐廳，驚我們千挑細選後，終於選了在28樓的木慎料理一出升降機，就看見專業的壽司吧台，專業的師傅正在準備刺身料理我們被安排到窗邊的卡位，感覺十分舒適仲有一些包廂可以給一班朋友用餐，傾下秘密做咗半日野，個肚已經古古聲就點了一個一客木慎壽司刺身定食首先送來的是日式蒸蛋及和風野菜沙律日式蒸蛋落足料落足料，絕不馬虎，而野菜沙律的菜很新鮮，配合日式麻醬是不錯的餐前小食當刺身定食餸上來時，我和女友都差點叫了出來實在太豐富了！有一板海膽、油甘魚刺身、魚子軍艦、吞拿魚軍艦、火炙三文魚壽司、火炙帶子壽司等等這裏的刺身很新鮮，加拿大來的海膽肥而不膩，配埋紫菜吃更好，平時不吃海膽的我，差不多連女朋友的一份都吃掉了牡丹蝦就夠晒大隻，肉質很爽口，而且近頭部更有些膏，味道清甜要特別一提的是這裏的油甘魚腩刺身很出色，賣相色澤均勻，食落入口即溶，油脂味很濃，本人極力推介！ （兩塊真係唔夠）火炙三文魚壽司燒得啱啱好，只是燒熟表面一層，食落不會減少了鮮味，一放落口就馬上溶化而平時比較少食的燒左口魚邊壽司，十分爽口，又很配合它上邊的柚子醬放在左上角的小碟之前沒有見過，店員姐姐給我們介紹說這是間八魚，師傅已經用蟹子、只洋蔥、芝麻及蔥花調味，可以紫菜包住食都得，而我就比較鍾意就咁食！三文魚子軍艦的魚子粒粒都係很大，很鮮甜，完全沒有腥味最後仲附上了讚岐烏冬及雪米糍甜品， 大滿足！這裏的食物用了用了豐富新鮮，食物擺放用心，用餐環境舒適，整體而言十分值得推薦！而我相信在晚上到訪一定別有一番風味，很適合情侶約會！…Read More

旺角不嬲都係食嘢嘅天堂，食物種類多而且價錢相對不貴，所以成為很多年青人留連的地方。而且係旺角，除了街頭小食，放題及韓燒的餐廳十分多，如果你要一間一間試晒，我諗用一個月嘅時間都唔得今次我們揀了一間新開的燒肉店它位於彌敦道726號9樓全層，這座大廈大部份都是食肆，試完呢間下次可以再黎尋食我哋七點幾左右嚟到，今日又係平日，所以人不是太多我哋好快就可以入場首先值得一讚的是他的椅子可以用來放包包，咁就唔驚啲燒肉味入晒個袋（加埋爐上面的抽氣）講到韓式燒烤、燒肉放題，主角當然是肉！我哋二話不說就將每一款牛豬都點兩碟試一試呢度嘅選擇好多，就係牛到分為七種：肥牛、牛脷、雪花牛仔肉、西施牛肉片、牛柳粒等等等等當中我特別喜歡佢嘅牛肋骨，這裏的肉特別有牛味，肉質柔嫩另外西施牛肉片也十分值得一試 ，他的肥膏條理分明，不會太肥也不會太瘦豬方面，我極力推薦厚切豬腩肉，唔好睇佢好似好肥，食落完全冇油膩的感覺，可能燒嘅時候已經將啲肥油逼左出嚟，不肥但好香如果你哋覺得純粹燒肉好熱氣，咁你就應該叫一個生菜籃中和一下，可以試一試生菜包的食法，將剛剛燒完的肉放上去，再加上醬料捲起來放進口裏，別有一番風味食都有少少口乾，就可以出去雪櫃拎野飲，不過計我話食燒肉梗係要陪燒酒，所以我哋點了一支柚子味的燒酒，一邊吃燒肉一邊喝兩杯（不過燒酒就要自己加錢）千祈唔好食肉食得太飽，因為仲要預留位置食海鮮海鮮的選擇也有很多，最驚喜係有扇貝及生蠔不過燒海鮮就相對比較難控制生熟太生食始終有風險，而太熟有會搶走海鮮的鮮味不過這裏的海鮮尚算不錯，雖然燒得更熟一點，仍然保持到鮮味最後我們把各樣小食都試一遍，當中最鍾意嘅係韓式炸雞，雞肉炸得很香，而且他的韓式辣醬也配合得很好，這個我們之後番點左黎食食到差唔多九點，見到門外排了很多人，原來就快到優惠時段不過正所謂「早買早享受，遲買多折扣…」，我哋享受完呢餐咁豐富嘅晚餐，其實都只是每人＄300左右，以呢個質素來說，已經十分抵食…Read More

由於轉了工，已經很走很久沒有在觀塘這裏找東西吃回想上一次已經是半年前了話說觀塘真的是臥虎藏龍，先不計大型商場內的連鎖食肆，你隨便走入一座工廠大廈，都會發現有很多深藏不露的小店而今次要介紹給大家的是一間在時運工業大廈內的西餐廳先不要被工業大廈半口的臭味令你卻步，只要走上來留你就會看到不一樣的世界這間餐廳裝橫簡單，座位寬闊，還有清新的陽光照進來令人十分舒適我們挑了靠窗的位置坐下，吃一頓稍遲的午餐我們點了一客溫泉蛋卡邦尼意粉及香煎三文魚配薯格首先來的是兩碗蘑菇湯及蒜蓉包蘑菇湯是有新鮮蘑菇製成的，飲起來啖啖都有蘑菇吃我很喜歡這裏的蒜蓉包，上面鋪們很多蒜蓉，加上剛剛焗出來，又香又脆，我們每人只分到兩塊，差點就要再叫一碟!這個溫泉蛋卡邦尼意粉味道濃郁，個汁挺濃，他用了扁意粉，而煮起來不會太林，非常岩我倆的口味，將溫泉蛋和撈埋意粉來食特別香滑!另外雞肉的份量很多，幾乎每一啖都食到!而這個三文魚外皮煎得香脆，油脂豐滿，而中間位置呈半熟狀態，肉質軟滑，再配以這裡的醬料，更能帶出三文魚的美味！順帶一提，用來作配菜的炒雜菜也炒得很香很好味除了這裡的食物外，我也十分欣賞這間餐廳的理念，他們推動「夢不只是想」的理念，鼓勵人們為夢想作出積極行動。並身體力行，協助聾啞人士，給予他們自力更生的機會。(他們會請聾啞人士做侍應，並鼓勵客人用簡單手語和他們溝通)在這個舒適的環境坐了一個下午，臨走的時候看到其他客人一碟一碟地吃甜品，原來這裡的下午茶有甜品放題！看來又要再來一次了！…Read More

上星期，適逢小弟生日，女朋友說要給我一個驚喜，帶我吃一點特別的東西我問極佢都唔肯答我究竟係食咩，只係話嗰日跟住佢行就OK啦行到入尖沙咀厚福街，謎底終於解開了： 101手工涮涮鍋！竟然係打邊爐！她知道我很喜歡坐在鍋前涮東西食，最緊要係食靚肥牛！而呢間更加係任食！不同一般的任食火鍋，這裏的裝修十分簡潔乾淨，而我們選了一個較早的時段，所以傾起計來不會受到打擾這更自然是來自台灣的，所以我們點了紅燒牛肉湯底（台灣出名牛肉麵嘛）及極上”吃到飽”套餐這個套餐已經包含很多食物包括前菜、一碟肉類（選了肥牛）、以及101手工火鍋拼盤、手工即炸響鈴卷拼手工即炸魚皮，還可以無限追加精選火鍋配料及所有無酒精飲品！這個湯底味道十分濃郁，湯底本身已經加了番茄牛肉金菇等等，滾水滾起來時香味撲鼻，瞬間食慾大增而其他食材也慢慢送上來了，時間剛剛好！這個手工即炸響鈴很有睇頭，長到連個碗都放唔晒，而食落跪卜卜，很有咬感，食完呢個以後唔使食番出面pack好個隻響鈴。。然後梗係唔少得我們最期待的手切安格斯prime grade牛頸脊肥牛片，這些肥牛片紋理鮮明，脂肪分配比例平均放落火鍋滾一滾，神仙都企唔穩吃起來肉質鮮嫩，還有一點肉汁，不加醬料反而更能突顯牛的鮮味！食完一舊唔夠，又想食多舊等等！還有其他食材呢！這些手工食材各有特色，我特別喜歡用墨魚洋菜冬菇上的太極冬菇和黑松露蟹肉餃，這些菜式系出面很難食到，二黑松露蟹肉餃的黑松露味很濃，相信落足本其實食完這個套餐上的食材已經很飽，但我們怎會咁容易放過他？我們還點了特長蟹腳及稻庭烏冬來試試！當然特長蟹腳不是真的蟹腳，而是很長的蟹柳！哈哈，很有玩味！女朋友還說這就是你的生日蠟燭，你整支吃吧！另外想讚一讚她的到庭烏冬，吸收了火鍋來的精華，加上本身有嚼勁！絕對建議你們試一試！還想介紹一下這裏的飲料，除了一般罐裝汽水愛還有很多特飲，我點了一個柑枯檸檬可樂砂冰它的賣相很好，有點像之前在韓國餐廳飲過的特飲，而飲起來清新解渴，正好中和打邊爐的熱！最後最後，還有每人一個甜品，今天是木糠珍珠奶茶布丁，但我想給他改一個名字，叫做奶茶布丁盆栽他在布丁上放了一塊葉，而下面的木糠就好像泥土般，真的有心意！打甜品都吃完，開心的時光過得特別快，又係時候要交枱了！我倆捧着大大的肚子離開，真的一個很難忘的生日…Read More

上星期咁岩行左入西貢，攰攰地唔想搵位就入左呢間細麵店仔，叫左碟手撕雞涼麵，幾彈牙新鮮，有唔同麵種湯底揀，再仔細睇餐牌先知係手工麵，問下店員先知係每朝新鮮製造，價錢都幾合理！間鋪幾細，但我果日去都唔洗排隊，整體而言感覺幾好。…Read More

"幾時帶我去韓國首爾啊？"女朋友經常問"就呢個星期六""咁突然？"她O了嘴"無錯就係帶你去韓國。。。餐廳食雞！"我哈哈大笑話說呢間goobne餐廳真係正宗由韓國帶來香港，而呢間中環店更係近幾個月才開張！一入門口就見到一隊韓國組合的紙板，連店員也是韓國人（要用英文溝通），有來到了韓國的感覺女朋友見到餐廳舒適的環境，和餐牌上食物的照片，都十分滿意本來我們都想點這裏最出名的招牌炸雞，但想多一層，就我們兩個人根本吃不了，有吃不到其他菜式，所以今次就忍痛不叫炸雞芝士烤雞塊這碟雞快啲送上來，我們就不禁哇了一聲，四大支串燒放在香濃的芝士上，再係上面淋上燒烤賣相美好之餘，味道也十分不錯，雞肉的肉質幼嫩，加上他的燒烤醬十分香濃美味，只是有一點點辣我們一致推介！鯊魚之淚剛剛碟野有少少辣，我哋就叫咗一杯鯊魚之淚，試試他的特色飲料賣相就像一條鯊魚撞咗埋去一個冰山一樣，不過這是一座藍苺的冰山飲起來不會太甜，而且非常解渴芝士炒年糕又一芝味之選，年糕配上濃烈的芝士和辣醬，十分可口最驚喜的是，用作配菜的公仔麵也很好吃，下次真的可以試試用這個方法去炮製公仔麵雞肉沙律這碟沙律非常清新，在吃這麼多肉的一餐，用來中和一下也很不錯整體來說，這裏每一碟餸的份量也10分大，以我們兩人之力，差點擺不平下次一定要叫埋一班知己好友，再來試試一定要試一試它的炸雞"咁我地唔使去韓國啦？""你就想！"奸計失敗。。…Read More

聽女朋友介紹在荃灣最近喺荃灣新開了一間放題，評價十分之高！雖然我倆都住得比較遠，但對為食的我們來說，距離並不是問題！這間放題位於荃灣大鴻輝中心3樓，前身是一間海鮮酒樓我五點半就來到，打算吃早場（有優惠！）那時已經很多人在排隊，幸好我們一早訂了位，不少數分鐘就可以入座這裏的裝修乾淨簡潔，座位舒服寬躺，望入去就見到廚房有差不多十個壽司師傅在準備，另一邊的自助區十分齊全，沙律、橙汁、蘋果汁、罐裝飲料、紙包飲料應有盡有，最誇張是他的甜品雪櫃，泡芙、布甸、日本菓子，種類非常豐富！放題的第一要訣：快！先下了幾張單，再到自助區拎野食食完沙律，刺身送上來了第一碟刺身拼盤：三文魚、油甘魚、甜蝦和赤蝦已放題的水準來說，無論是油金魚、三文魚，都在水準之上，魚味香濃，非常新鮮！必須一提的就是他的赤蝦，它的尺寸差不多成個碟咁長，真係落足料，果然係超人氣食品我哋將試咗幾個幾款卷物：軟殼蟹卷、青瓜鰻魚反卷、和牛卷當中軟殼蟹卷很出色，咬落香脆，口感非凡；和牛卷就比較普通，牛味不是很突出這個芝士焗帶子也是值得一讚，焗出來芝士味十足，配合帶子的鮮味，令我們不禁再番兜一次！食到飽飽地，諗住去拎甜品嘅時候，今晚職員抬出一盤新鮮的甜品，賣相非常吸引，有乳牛的圖案原來是牛奶奶凍，奶味香濃，值得一試！最後最後，千萬不要忘記點雪糕，每人只限點一件的哦！這裏提供Dreyer's 和movenpick 供選擇我倆每人選了一款～而我就覺得movenpick的雪糕更好吃！最後埋單每人只需＄200左右，相當抵食！下次可以叫埋屋企人一齊再食…Read More