btch648's Profile

之前有吃過，肉汁豐富，不用太多豉油都很好味；今次大家看到圖片，就知道，又燶，又乾，幸好有檯上的腌辣菜，才可以送飯；我會比機會再試。可能我運氣差，可能今次吃不到好肉餅，下次吧。我選擇12點半到，午飯時間，餐廳非常熱鬧，正常表現，搭檯是必須的，都沒有問題，上餐快，職員都很落力，無論帶位、出餐都快快快，整體就是市民茶餐廳，要好好享受，可能要晏一點來，估計2:00後會比較好總括來說，我會再來，因為始終好食，相信是一時失手吧…Read More

割烹。櫓杏，來自日本熊本的日式料理，一試難忘就一定，先要讚的是服務，是上上級，親切友善已經是吸引再幫襯的元素😀和太太試 Lunch 午餐會席料理「雲雀Hibari」，每位$698，有甚麼呢？ 自己睇餐牌，擺盤、食材、味道，全部都值回票價😃 是喜出望外的割烹Omakase我們都因為大島與龍威推介，額外試 炭燒天草大王雞肉，味道的確不同，炭烤味道，久違了😄我們沒有刻意安排位置，店方安排了一個維港景的小角落，令這個午餐分數加了不少印象分😁…Read More

於來了試元朗貓山王，果然名不虛傳！貴！$55/一客夢幻榴槤雪糕，那些乾冰效果已經收你十元八塊，加上真正好味榴槤雪糕，軟滑不過甜，但我不喜歡那些黃色的芒果珠，酸味破壞了整體味道；榴槤班戟一客兩件$58，每件再切一半，都頗細件，但充滿榴槤肉香。榴槤雞蛋布丁，店員細心解說先吃布丁，因較啖味。至於榴槤奶昔，不試也吧！總的來說可以一試，說是用貓山王製作卻無從稽考！…Read More

夜粥！你食過未？第一次幫趁百味鮮就是外賣消夜水蟹粥，粥底綿滑暖入心，有半隻蟹！價錢只係$18！！！最重要是蟹鮮有膏還有雞粥同豬潤粥可供選擇！等外賣時整個鋪香氣撲鼻，相信堂食其他小炒食品應該幾好！…Read More

因成為富豪會員有免費自助餐卷, 於是走來試試, 食品款式算多, 味道都過得去, 一般中價自助餐質素~ 冷盤有海鮮, 芝士, 凍肉, 沙律, 壽司,熱盤有中式小炒, 印度美食, 精選靚湯, 小牛扒, 關東煮, 喇沙,有個池邊BBQ Bar, 但又好一般~甜品有Dryers雪糕, 自製格餅, 各式糕點~最特別的是食食下響聖誕鐘聲, 在廚房推出一架小車, 載有火焰雪山, 即場點燃, 引起全場注意, 不消一會, 就被KO, 內層有朱古力同士多啤梨雪糕, 配朱古力蛋糕外層, 加上蛋白梳乎厘而成~ 都好味但較甜~ …Read More

上環小杬公做到星期日，有人話佢裝修，有人話佢唔做；但相信廚工味道同九龍店會有分別！於是就要來，必試手抓豬新鮮熱辣夠大件，每檯每人均手執一件啖啖肉，同企鵝雞，皮脆肉嫩，不怕的皮才是精髓~鮮製蜆芥鯪魚球，又係熱辣辣，鯪魚肉塞滿小球內，配上蜆芥，滋味無窮~最重要係蓮茸西米焗布甸，爽滑香甜，令人回味，無得輸！今晚唯一輸的啫啫芥蘭煲，份量之小，幾好味都假！…Read More

上通宵班前的晚飯好選擇叫了一客黑松露Carbonara，汁濃蛋香配松露加上有咬口扁意粉，實在好味！看落去碟細細，份量又啱啱好；配Illy Cappuccino，yummy！主角出場：特濃巧克力梳乎喱配朱古力雪糕，特意叫餐廳加種朱古力份量，蛋白打得夠企，不太甜，非常對味。完美的晚餐！…Read More

今次走來這韓式小店, 食品款式多樣化, 但因為天氣剛轉涼, 一行二人於是叫了一客部隊火煱~ 店舖細細, 多人一定要等, 外帶小吃為主, 見有不少韓式麵食都很吸引~火煱來了~ 湯底及格, 有韓式辛辣味道, 不過辣, 暖胃剛好,有午餐肉(個人覺得係三花牌), 腸仔, 韓式魚片, 年糕, 豆腐, 茄汁豆, 泡菜, 金菇, 芝士,當然有辛辣麵一個~ 普普通通試下都可以, 但價錢較貴~ 感覺都係一般罐頭加菜... 份量合二人... 味道是可以的, 但建議試其他韓式小食或飯類~衛生比較差, 可能位置於橫街, 店鋪又細, 我食的時候不時有剛出世的小強在檯面出現~ 希望店方加強衛生啦~…Read More

芳姐上海飯店，從網上知道她24號要結業了，不是付不起租，而是業主不再續約，從她開業到今日才踏足；叫了客羊肉搶湯麵、菜肉雲吞湯麵及一客鍋貼。羊肉搶湯麵味鮮，湯底沒有味精，初喝感覺清啖，喝後不渴，沒有羶味，麵有咬口像伊麵感覺。菜肉雲吞是上海款式，較大件而皮薄，都屬好味之作。鍋貼一客四件，多摺又多肉汁，熱食要小心湯汁，又係皮薄但不易穿，好味道！可惜還有三天就結業，總算淺嚐細味。…Read More

石塘咀新開了一間日本有兩間分店的博多拉麵-火之鳥，之前是友達拉麵的舊鋪，可能因食物質素及生意不佳，轉頭就原鋪頂讓給火之鳥，所以裝修格局和舊鋪一樣。不同的是食材, 味道及服務。今晚抽空試試豬豚骨拉麵加叉燒，豬骨湯底味濃醇滑，我整碗湯也喝掉~ 豬豚骨諗身入味，但叉燒比較失望，一夾即散，且不夠熱，因漏單而分上被扣分了。外加一客特色餃子，上檯時網底薄脆確有特色，不是大大隻那一款而是一口餃子，配柚子醬汁味道很好且去油膩感。最難得是侍應姐姐有禮落力，是一間會回頭的拉麵小店~ …Read More

昨午吃過厚蛋奄列，之前在網上看到一段日本熔岩奄列飯的短片，看過之後就想著，香港也有嗎？當然有，但不是在你面前弄那種，卻在你面前切開，興奮！叫了三文魚籽鮑貝菠菜汁蛋包飯，三文魚籽爆開加上鮑貝咬口配上鮮蛋包的嫩滑，份量像細但又剛剛好。試埋鰻魚卷蛋，鰻魚鮮滑而不腥，配上鰹魚汁弄的蛋卷，味道唔錯，不過仍和我想像有距離。環境清淨，日式西餐廳格調，小伙兒傾計的好地方…Read More

今次來了荃灣的拉麵台風，裝修間單日式風味，但比較迫，BAR櫈高難上落選了魚介豬骨湯拉麵，叉燒偏瘦夠健康，湯底濃滑配魚粉可提鮮味，不要貪心(今次我貪心了)，少香油比較好，麵底由日本運來，難食有限，可以一試！Menu選擇較少，選擇少更專注品質。合選擇困難症人士！…Read More

終於試到氮氣雪糕，是次選了Tiramisu味道，果然好味；接近真實味道，不太甜，而且是雪糕口感。見店員真的用原條Tiramisu打成，加入氮氣，再加奶品製成。程序簡單，但價錢不平，新口味次次不同，可一試再試！不過因為即叫即製，時間會等得比較耐，但看到氮氣四散果一刻，值回票價！…Read More

原本不是來這裡的，但好可惜我想食的已售罊；回頭一看，噢，一個仁的好選擇-名古屋麵水拉麵！來一碗叉燒濃豬豚骨湯麵，叉燒切得薄薄一片，易入口亦不肥；白色的豬豚骨湯好喝，但不可喝太多；麵底也可以，如果再軟少少較好，但我感覺不是來自日本的拉麵餅。追加豬軟骨，下次不用加了，不大好食！至於份量看似細碗，吃完麵再喝湯都已經飽飽，不用叫加大號了。不是最差亦不是最好；最後，人流很少，不用等位。在銅鑼灣生存，不易！…Read More

由著名甜品師-古嘉俊Jeffery Koo主理的甜品店，黑白為主調的店鋪令人感覺條理分明。店內的甜品令人目不睱給，只是欣賞已值回票價。當然我不會放過72%黑朱古力打造的Sinking island hot chocolate，看見雕花球平穩地溶化在熱朱古力中，份外興奮，那濃郁帶甘的朱古力香，令人難忘。另外一款叫The Dark。S，由黑芝麻法式焦糖燉蛋上面灑上朱古力餅碎再配上韓國柚子雪芭，味道由清新至濃滑，層次感足。有機會下次再試其他款式甜品！…Read More