ElaineLing116的個人專頁

作為一個吃貨OL…荔枝角開新日本餐廳簡直係一星期最值得慶祝的事! Happy Firday當然要食好D。呢間金酒屋係長沙環道旺中帶靜位置，人流唔會太多，唔怕比其他同事發現我..haha，入面環境不錯，有自己包廂，但我就中意坐bar抬，睇住師傅整，最療愈!日本餐廳來講，呢度lunch menu都幾多樣化，有定食有壽司有熟食仲有我今日食嘅丼，而且食物質素好高!先講丼，我order左呢個金丼，入面有幾個我最愛及新鮮材料包括海膽、三文魚子、拖羅蓉，最正係上面有一顆日本雞蛋黃，流心蛋黃真係不得了，同海膽mix埋一齊真係好滿足! 我最欣賞其實係個份量控制得好好! 個set其實有個前菜有個烏冬有個沙律以及湯，但所有份量都剛剛好，我可以成個餐食曬!同事就食個極尚丼，貪有多款魚生，可以嘗試多D! 入面有三文魚、三文魚子、真鯛、赤蝦、深海池魚皇、海鱺魚、白旗魚、油甘魚、松葉蟹肉蟹膏以及金槍魚赤身。但我見到佢食到深海池魚皇大叫好新鮮好正，我又偷食左佢d松葉蟹肉蟹膏，甘香入口…真係好滿足!!最後我要講性價比真係好高，我個金丼餐，成個SET都只係$198，荔枝角雖然美食雲集，但要呢個格局同呢個新鮮程度，真係唔多，而呢個價錢真係無得輸，所以都真係要BOOK左先，下次去要試埋有和牛的銀丼!!…查看更多

生仔之後真係好少出去食飯，今日同仔請假出去食好野!日本居酒屋當然有氣氛，未去得切日本都感受下氣氛先!先來個番茄豆腐沙拉! 我老公話我呢度都要食沙律…你唔好理! 食最多係佢…D芝麻醬成碗倒曬!最期待呢度出名的甲羅燒! 我地叫左兩隻味道，老公重口味所以叫黑松露味! 我就食返原味! 本人中意原味多D…因為咁先可以食到蟹膏鮮甜味道! 不過我老公話黑松露味好香…全個口好多味道好多層次wo!另外叫左燒鮑魚! 不得了…好生猛! 自己識得翻轉仔反轉! 我覺得店員真係好厲害…三兩下手勢就剪曬D內臟! 而且味道都剛剛好!! 爽口而彈牙，超級滿意!呢度D sushi同刺身都好新鮮，帶子同魚都厚切! 而我最愛當然係海膽! 呢度一D都唔小器…好多片海膽啊!!!將今晚膽固醇推到最高點!!! Yeah!!但全晚我老公最愛竟然係炸雞!! 呢個炸雞粉唔多…剛剛好…入面好Juicy..同個蛋黃醬好match…我老公連D耶菜都無放過!! 難得放風當然要cheers…老公要黑啤,,我要青蘋果颱風乳酸…雖然吾知道颱風D咩…但好飲就得!…查看更多

元朗出名多好嘢食，通常都係食日本菜或街邊小食，西餐我都係第一次食，今次係同老婆去慶祝生日，朋友介紹之下搵到呢間又有蠔又有扒嘅特色餐廳，可惜我當日揸車飲唔到酒，見到佢有好多特色嘅走酒，下次一定要叫！我哋去到嘅時段係The Happy Hour，生蠔有半價，我就叫咗幾款嚟試！Nomilbia我老婆讚口不絕，夠曬creamy而且下甜，鍾意口感較full的絕對首選Emeraud生蠔當然法國最正，我最鍾意呢個！海水味重而且好飽滿！我地叫左兩個set，佢哋連餐包都好有誠意，用長條型嘅芝士餅包上ham，好味又特別！海膽係加拿大品種，大大片，每日限定，想叫多客都有機會無😫蘑菇湯超級香濃，而且好有口感！鵝肝煎得剛剛好！配合呢個醬真係一流！西班牙黑毛豬處理得好好，外脆內軟，咩都唔會過鹹，醬汁亦都唔會遮蓋左豬嘅香氣，脆皮嘅外層包住肉汁，食落去非常Juicy.美國肉眼扒亦令我有驚喜，塊扒好大塊，一般女仔食唔晒，好在我下午唔係食咗好多，可以幫老婆食緊一半！最後我哋加錢食咗心太軟，呢個心太軟真係外面鬆軟內面流心！味道賣相都加分！…查看更多

平安夜前夕，我同老公想去食日本野，大坑一向有很多美食，有好幾間日本餐廳，老公就book左呢間睿日本料理，餐廳位置不多，但非常乾淨光猛，好有日本小店feel。當日係omakase，廚師幫我地安排左二人餐，先來個前菜，平時食之豆，通常係乾身嘅，今次呢個有醬汁，感覺很不一樣，大有驚喜！之後就有三個前菜，分別係冷豆腐配胡麻醬、醬汁螺肉、油金魚沙律。我最鍾意係個螺肉，佢嘅秘製醬汁真係好入味，螺肉清理得非常之乾淨，唔會有沙！油金魚沙律用日本柚子醋涼拌，味道非常開胃。老公差不多全碟食晒，唔想留俾我！老公最鍾意食白身魚，咁岩最近又係適合嘅季節，所以有油甘魚，呢度嘅師傅一啲都唔吝嗇，刺身大大件，滿足我哋為食嘅一面。全晚最有驚喜嘅竟然係手卷！呢個香蔥吞拿魚腩手卷非常滋味，師傅特意叫我地先食手卷以免紫菜林左，香脆嘅紫菜包住油分充足嘅吞拿魚腩，師傅非常足料，手卷由頭到尾冇一個位置係食唔到吞拿魚腩嘅，蔥花同芝麻配合油份充足嘅吞拿魚腩，令呢餐晚餐生色不少！燒物方面，師傅安排安格斯西冷牛扒，佢煎嘅時候，全個店舖都洋溢着牛嘅香氣，配合炸蒜，味道簡直一流！估唔到日本人整安格斯牛扒都可以整得咁出色！食日本嘢又點可以冇炸物啊，今次我哋就食天婦羅，師傅將好多新鮮嘅蔬菜，例如南瓜、大葉、蘆筍、矮瓜等等揸得香脆可口，油分唔會過多，從師傅上菜嘅吸油紙可見，真係揸得剛剛好㗎！食完好多油膩嘅食物，點可以冇一個鮮甜嘅湯呢，利用花甲煲嘅湯，鮮甜而溫暖，非常解呢膩！當我以為已經完成今晚嘅晚餐，才發現仲有一個蕎麥面，呢個蕎麥面充滿驚喜，上面佈滿櫻花蝦，湯裏面有濃濃嘅香味，分量剛剛好，我同老公都好滿足！…查看更多

在工業大廈林立的觀塘，竟然有一間低調但裝潢非常漂亮的餐廳，這一間日本餐廳開了不久，我和先生咁岩見到，決定去慶祝我們的紀念日！這間日本餐廳除了壽司及刺身，亦有鐵板燒，餐廳一共三間房間，無論私人聚會，朋友宴客，或者兩人晚餐，呢度都係唔錯嘅選擇！我先從沙律講起，佢哋嘅沙律非常精緻，好似一幅畫咁靚，用色彩鮮艷嘅配菜，佢都幾唔吝嗇，裏面有好多蟹肉。另外佢有三種漬物，包括係安藝紫漬、連跟、牛蒡。我特別欣賞連根，口感脆，開胃而且酸酸甜甜！鐵板燒師傅入嚟，拎住一隻活龍蝦，佢真係郁緊㗎！燒紅左鐵板將龍蝦放上鐵板，雖然佢已經被切開兩邊，依然有神經連著，見到佢生猛地動來動去，感覺上一陣嘅龍蝦會好彈牙！果然不出我所料！師傅用大量嘅蝦頭熬製嘅醬料，配合龍蝦蝦膏，未入口已經感受到果種鮮味，入到口除咗彈牙、就只有濃郁嘅蝦味！我同先生都非常滿意！接住落嚟師傅就為我地烹調銀鱈魚，鱈魚要煎得好食，真係好考功夫，師傅將佢做到外表香脆金黃，內裏滑溜軟綿綿，與並沒有任何腥味，再配合少量嘅鹽，鮮味十足！全晚令我最驚喜嘅，係呢個A5日本宮崎和牛薄燒，師傅問我哋想食幾成熟，我當然話五性啦，平時食扒都係食五成㗎嘛！師傅將薄片和牛包着蔥及蒜片，卷在一起，吃的時候油份佈滿整個嘴，感覺非常良好！但當食第2塊嘅時候，師傅建議我哋，食熟少少，原因係薄片可以煎得香脆d，佢想我地食到脆口感，和牛原來煎得約七成熟是最好的！香脆嘅邊位，配上牛本身嘅嫩滑，油份香期，外脆內軟配合爽口的蔥蒜、油而不膩！好後悔無一早食熟d啊！更特別嘅係師傅用麵包盛載和牛，和牛的油份滲落面包，感覺係好似牛油搽麵包，滿足味覺及飽肚嘅慾望！要令這一餐飯更完美，點可以少得一個飽肚嘅和牛炒飯呢，為了令炒飯更有口感，師傅先將蛋煎熟再切成一粒粒，炒飯除咗有和牛嘅香氣，仲有雞蛋快嘅口感！仲記得頭先隻活龍蝦嗎？師傅將佢嘅頭拎咗嚟熬湯，海鮮鮮味落曬個湯度，但個湯依然清爽清甜，龍蝦頭出現喺個湯度，高貴得來仲有肉食。（打卡位，影都影得開心d）值得一提，呢度嘅師傅真係好用心，除咗會為我地講解，亦提供建議，最開心係佢為我地烹調左一個特別的甜品，佢將砂糖整融變成糖漿，浸入麵包中，並將麵包整成脆皮，好似西多一樣，再配合雪糕，我敢肯定好食過出面食嘅雪糕配窩夫！…查看更多

香港最近太多唔開心嘅事情，想支持一些努力默默耕耘嘅小店，所以最近都選擇食小店，呢一間喺佐敦嘅墨西哥fusion菜，真係幾有驚喜！由於約咗前同事食飯，大家都想分享最近嘅感受，呢個時勢圍爐取暖是很重要的，呢間餐廳有音樂但唔會太大聲，餐廳座位唔算太多，我哋都可以靜靜地傾談，服務人員非常之殷勤，同出面嘅餐廳唔同，外國人嘅服務，原來都可以好好！我哋都分別叫咗蘋果汁同雜果賓治，唔會好甜，叫佢小冰，又真係有做喎！而我最欣賞係呢度嘅咖喱，我哋叫咗個蒜蓉麵包，正確來講係薄餅，佢整到好脆，裏面有軟綿綿，配合呢個辣到剛剛好嘅咖喱，雞肉嫩滑唔會太老，同重慶大廈嘅唔同，佢嘅做法接近墨西哥，香料味較重！呢度嘅沙律係用蜜糖做汁，係全新嘅口味我從來冇試過，原來都幾配合喎！煙三文魚同蜜糖嘅配搭都幾出色！我認為佢嘅薄餅好食過連鎖店嘅太多了，餅皮煙韌，用了大量火箭菜，用了一啲都唔似小店，真係真材實料！我哋仲叫咗個蘑菇，蘑菇嘅汁非常之濃郁，加咗忌廉好滑，配合一口有一口嘅蘑菇，感覺上去咗一間好高級嘅餐廳，大家一定要試呀！…查看更多

真係好靚好靚！無論食物定環境都又靚又正！荃灣愉景新城開左呢間Homu，呢個親子商場竟然有一間咁識合打卡影相嘅餐廳，全店木嘅大地tone做主題，從燈到檯凳再到餐具都以木為主，配合顏色鮮豔食物，我影相都影左10分鐘！食物以日式定食為主，另外亦有all day breakfast或者素食，份量剛剛好，有湯又有side dish，而且食材超新鮮，我地分別叫左蒲燒鰻魚滑蛋定食以及homu吉列日本活性水飼育豬梅扒定食，味道真係好高質！先講個湯，並非簡單麵士湯，入面有好多料，重手出擊！味道唔會太咸，但又夠曬濃，送飯一流！我真係好鍾意食淮山，呢個冷盤淮山有少少wasabi味道，但唔會太嗆，小朋友食都得！淮山對身體好好的，大家多食無妨！重點出現！呢個豬扒真係不得了⋯⋯炸到剛剛好，而且豬扒好juicy！肉質嫩滑而且有彈性，豐富水份，一d都唔乾！而且醬汁配合唔錯，唔會覺得漏！呢個蒲燒鰻魚真係高質，肥美之餘魚肉彈牙，燒得好好！而且個蛋配合適中，蛋香而唔會太熟，蛋汁配飯好正！而且有個沙律，個汁係咸蛋黃味，正啊！健康而且無負擔，最適合我呢d office 中女！呢度出名飲咖啡，但我胃比較差唔敢飲，我個餐配培茶，飲落好舒服，解解膩，而朋友叫日Moca，朱古力配咖啡，連鎖店個d通常較甜，但呢杯反而剛剛好，為呢餐飯畫上完滿句號！係親子餐廳食飯最重要要小朋友坐定定！我見到員工會拎d畫紙同顏色筆出來，小朋友開心畫，大人就安心食餐舒服飯！呢招台灣餐廳好興，但好少香港餐廳學習，呢度有呢個service，太好啦！…查看更多

之前週末經過幸福小羊，每次都見到人山人海，今次終於比我食到啦！入面裝修真係又大又靚，重點係佢係好足夠嘅服務生，點菜等等傳冇問題，一間咁大嘅火鍋，裝修有咁靚，以為會好貴啦，點知性價比超高，當晚嘅質素真係好高！我哋分別叫咗麻辣同蕃茄湯底，個蕃茄湯唔錯，我哋就咁都飲咗兩碗！來到一定要食羊啦！我哋叫咗個羊羊大拼盤，真係好大碟，四個人食都食唔晒，只係$228 ！我要介紹呢度嘅熟食，呢個蒙古烤串及蒙古烤羊排，入味之餘，真係好有特色，我曾經去過蒙古，對佢哋嘅烤全羊念念不忘，估唔到喺呢度搵到當日食到嘅味道！脂肪分布非常之好，羊扒非常嫩滑！除咗羊我哋仲叫咗個快樂牛肉拼盤，又唔同牛肉部位俾我哋食，個人認為羊肉比牛肉更好食！但係男士們就對呢盆牛肉讚不絕口我要激讚呢度嘅蔬菜多選擇，我最鍾意食嘅山腳，真係好好食呀！仲有清筍、豆苗、板豆腐、蟹味菇，呢啲都唔係平時火鍋店可以食到嘅！我要讚佢嘅土豆粉，因為係自製，出面食唔到，QQ嘅口感，有啲似薯粉，但係佢比薯粉更闊，配上麻辣湯底，將湯汁沾滿，吃起來感覺更夠風味！而我最欣賞就係佢唔係用罐裝飲品打發我哋，除咗有啤酒，仲有鹹檸七等等呢一啲特色嘅飲品，都係打邊爐下火一流！點餐方法除咗可以叫人幫手，仲可以用電子方法落單，方便快捷，你仲可以睇到自己點左啲咩，唔會有劉丹嘅問題，亦都方便大家按照自己能力點餐！…查看更多

令和元年，一個繁華嘅標記，感覺上，一切都係新嘅開始，就好似呢間餐廳一樣，新開新氣象！雖然係新開張，但係裏面嘅客人同服務生打成一片，感覺上好似老朋友一樣，裝修亦有日本居酒屋嘅感覺，除咗入門口有人打鼓，示意歡迎外，更加穿上整齊制服，給人一個整潔的感覺！我哋叫咗個四人餐，原來有咁多食物嘅，我覺得五個人先食得晒！同朋友放工梗係要飲杯啤酒輕鬆一下，新開張期間佢嘅啤酒買一送一，真係唔可以唔叫啊！除咗啤酒之外， 佢哋仲有好多特色嘅飲品，例如鮮檸檬威士忌梳打、幻彩藍碟豆花檸檬梳打，呢啲都係出面難以找尋的特色飲品，我就好欣賞呢杯咁靚嘅梳打啦！佢嘅檸檬威士忌就可以玩埋一份，我都唔知幾耐冇用過呢啲榨汁器啦！先來兩個超正嘅前菜，豆腐沙律拒賠嘅汁真係好OK，加上呢個生牛肉他他，酸味令到牛肉嘅鮮味突顯出嚟，早前菜就一流，開晒胃口！我亦都好鍾意呢個廣島蠔，用呢個咁特色嘅汁去局，我都係第一次試，感覺上佢有蛋黃醬、有茄汁、仲有啲獨特嘅配方，總之就係我未食過咁獨特嘅味道，提升左蠔嘅鮮味！用石板去燒牛肉我都係第一次試，特色就係唔使用油，將由嘅脂肪化作油，健康又美味！佢驚又真係唔錯㗎，我特別鍾意呢個壽喜燒，選用美國安格斯牛做火鍋配料，牛肉軟滑，肉質彈牙，真係好適合壽喜燒，我哋四個人食完之後都好滿足！最後呢個茶漬飯，喂今日好味嘅聚餐畫上一個完美嘅句號！…查看更多

任食打邊爐就食得多，任食雞煲你又食過未？荃灣廣場，一向係覓食嘅好地方，係多間任食打邊爐嘅大廈，要做到成績，一啲都唔容易！呢度可以突圍而出，係因為佢嘅雞煲真係好好食！甚至乎比較一下專食雞煲嘅名店，更加啱我口味！佢嘅雞煲都唔吝嗇，全隻雞比晒你，唔會好似平時食雞煲任食嘅店舖咁，比好細隻雞你！如果你都係重口味嘅朋友，你一定喜歡呢度嘅醬料，我就建議你唔好加湯嘅方式食！但如果你係探你嘅朋友，你就可以加少少湯，令到味道比較淡再食，細心嘅服務都係令我再次嘅原因，呢度會提早比湯你，自己調味！其他食物種類都好多，我中意佢嘅墨魚滑及麻辣雞粒！後者係熟食，但同雞煲個汁好match！菜種類都夠！飲品種類都唔少，涼茶汽水全部有，想啤一啤，加10蚊就得！食完更加有雪糕食！咖啡飲！埋單200蚊有找，唔怪得我星期一去都爆滿！…查看更多

荃灣出名多野食...但偏偏就無咩日本菜...最近係福來村附近開左好多新日本料理，而我承認我好膚淺的因為個店名所以選擇呢度，人生若只如初見，除了志明與春嬌...就即刻諗到fish man lok個仔,,,其實好浪漫...小店的風格就係親切...呢度店員係有笑容的!裝潢都係暖色系...仲有草牆佈置，清新而且給人舒服感覺。因為有太多食物想食...所以小食...壽司...燒物全部都叫!大家極力推介的鹹蛋黃薯條...好邪惡啊!! 每條薯條都有鹹蛋黃...好有誠意...吾會好似街邊淋醬汁上去的瘋薯...味道方面我個人就好欣賞...但老公大人就覺得稍稍鹹D...但濃味人就一定中意!!會出煙嘅壽司...一上菜就成為全場焦點，D乾冰令賣相加分。呢個初見特選仙氣壽司真係好仙啊!!8件壽司我最愛牡丹蝦....真係大啖肉...好好食! 而貝類真係好新鮮啊!!重頭戲當然係石燒啦! 肉的質地同塾的程度可以由自己決定...我見到每抬都有叫呢個...一定要試下有咩吸引...其實我在日本有試過...想不到香港居然會有!而且肉的大小同味道都不錯~ 不用飛去日本都可以食到!!…查看更多

Arousa ($68) +1西班牙生蠔食落去相當新鮮，而且吾會太重海水味😌Majestic ($75) +1法國生蠔，我朋友反而相當喜歡這款帶少少海水味的蠔～但佢地D蠔真係好新鮮😆翡翠螺 ($25) +1 & 牡丹蝦 ($108) +1兩款都啖啖肉，味道我比較喜歡翡翠螺，雖然有點沙，因為此終不太好牡丹蝦的口感🙈燒日本八爪魚沙律 ($168) +1係個八爪魚燒得相當不錯，煙韌彈牙☺龍蝦湯 & 招牌蠔湯 ($98/個) +1湯不是太喜愛濃湯，而依間餐廳主打濃湯～所以鍾意濃湯的朋友仔一定會愛😏黑松露意大利飯 ($208) +1個人覺得幾特別，上面兩塊係巴馬臣芝士的脆片燒到有少少燶味～飯就以濕身的意大利飯為主～其實濕同脆mix埋一齊口感有D奇怪，不過佢的味道幾特別未必個個人接受到，先係淡淡的黑松露味，之後有巴馬臣芝士脆片的燶味，尾段再帶出淡淡的芝士香🤔澳洲羊鞍 ($428) +1叫左五成熟的羊鞍相當多汁而且肉量多，脂肪分佈平均，燒得剛好連肉🤤Tiramisu ($98) +1佢個甜品我都好likely，挺身既cream加上濕潤左既餅底～重點係酒的味道&咖啡的味道都match得好好～雖然話兩個人share黎食既，但我諗一個人都食得曬😂…查看更多

女仔食下午茶除左要味道，更加要視覺效果，其實好多人都明白呢個道理，將餐廳裝潢得美輪美奐，但要做得好，當然要從食物上碟的一刻開始！Espumer的下午茶出名靚，之前食過灣仔個間嘅主題下午茶已經影左好多相，今次就更厲害！粉紅色主題，仲好夢幻地有氣球！我今次同媽咪來食都激起媽咪少女心，不停影相！加上尖沙咀分店彩光好，夠光猛，影相最適合！食物方面，咸甜點各半，全部都一口可以解決，食物份量剛剛好！蘑菇塔係用好濃郁蘑菇白汁製造，而皮都係鬆軟的！好多人喜愛的伯爵茶mose都好順滑，味道唔會太甜！媽咪最愛泡沫咖啡！我就喜歡呢個水果茶，養生又少女！…查看更多

尖沙嘴都可以食到不錯沖繩菜，宴係我朋友介紹去食，佢話食物好，地點又方便！其實裝潢係好日本feel！宴的裝修跟日本居酒屋一樣，主要以二人和四人枱為主，如人多的話餐廳裡也有張可以容納十人的枱。 宴主打沖繩地道料理，有很多不同款式的魚生、壽司和燒物可以選擇，本人對魚生興趣不大，所以試了比較多的燒物。苦瓜炒蛋係沖繩一定要食！因為d苦瓜一d都唔苦，連我呢個平時唔食苦瓜都覺得不錯！個人推薦他們的鵝肝雞翼比較特別、鵝肝足料，鵝肝香氣四溢！和牛炒飯也做得乾身，味道好吃。很多朋友推薦的花生豆腐個人就覺得味道不夠（本人重口味），不過質地幾特別可以一試。來晚餐的朋友建議第一輪就叫畢食品，整體來說食物不錯，值得一試。…查看更多

樂天系列深得家人歡心，今天一家來到尖沙咀的樂天經典繼續大食大喝。南洋菜式係今日的主打。黃金鹹蛋蝦球呢期熱賣鹹蛋美食，薯片、魚皮、爆谷。今次試試呢款新加坡名物！黃金蝦炸到脆卜卜，啖啖肉。一邊吃著惹味鹹香嘅蛋黃粒，一邊品嘗肉嫩爽甜嘅蝦肉，滋味無窮！金絲麥片蝦球麥片蝦貴為星洲名菜之一，麥片混合蜜糖炒至金黃色， 集酥脆香甜於一身。蝦球大大隻，食落爽口彈牙，口感十足！鯪魚炒油麥菜家常小菜之一，油麥菜本身帶點甘苦味，用味道較濃嘅豆豉鯪魚來炒香，惹味可口，拌飯一絕！三色桂花斑蘭糕 呢款甜點賣相吸引，杞子桂花、班蘭同椰汁糕，層次分明。杞子桂花糕味道清甜淡、椰汁糕色澤雪白，椰香濃郁、斑蘭糕則軟糯煙韌，值得一試！…查看更多