SeasonChan的个人专页

每日朝早我都會嚟食早餐, 佢哋個早餐都係用粉麵餐煲仔上, ,扒餐有鐵板上, 老實講我都覺得老細都好用心去做, 奈何佢個舖位真係唔知做乜, 人少之又少, 外人都覺得點樣頂得住. 已經冇開成個禮拜, 昨日仲比人閘門接咗旺鋪招租. 真係好可惜. 仲有個外賣煲仔未能還返畀佢哋, 希望佢哋遲啲喺第二個位捲土重來. 加油. …查看更多

自從元朗黑木亭結業後一直都想吃多一次, 難得出來尖沙咀就決定食多次. 今次和朋友叫了一個二人前午市商務餐, 一如既往食品水準不錯. 有很多出面吃不到的特色小菜, 例如今次我覺得最好味是真燒蟹甲羅. 尖沙咀的比元朗大, 而且中午用膳人數不多, 十二點進來也不用等, 座位亦都闊落, 景觀開揚. 這裏有自助餐桌, 沙律前菜及凍檸檬茶任吃. 這個套餐的刺身有生蠔及白身魚, 生蠔主要一般吃法配檸檬, 新鮮肥美, 另外白身魚配酸汁, 味道正常. 真燒蟹甲羅, 內有蟹肉蟹膏蟹子及生雞蛋, 攪拌後塗上蒜蓉包, 蟹膏味突出, 十分好吃. 至於主菜就叫了墨魚汁腸意粉及雜錦魚生飯, 味道不錯份量足料, 絕對夠兩個大男人吃. 結帳399元優惠價加服務費. 雖然不算便宜, 但份量及味道合理. 比晚餐化算.…查看更多

今日再次幫襯黑木亭, 菜單都更新咗, 多咗意粉pizza食. 所以今次決定食日式西餐為主.我哋就叫咗蟹將軍薯仔沙律, 唔會我覺得成口澱粉質, 有種清新嘅感覺. 跟住食咗個卡邦尼亞意粉幾有特色, 唔係一般嘅好食, 真係一定要叫, 我感覺上佢係用牛油炒香嘅意粉, 而且比較彈好. 再加埋麵包同窝蛋, 再嚟咗個左口魚pizza, 估唔到係烘底麵包上, 配上厚厚嘅芝士同埋超肥美嘅燒左口魚, 又真係夾得幾好, 夜兩杯特飲又幾好味. 雖然裝修環境一般, 但廚房功力一流…查看更多

今日第二次光顧炯記, 食返上一次冇食到嘅鵝油撈麵, 同朋友上次話一定要食. 呢度仲有啲二人同埋四人餐會比較抵吃. 今次就叫到. 我同朋友二人今次要咗燒鵝鵝油撈麵 (加15蚊轉咗胸肉), 四寶鵝油撈麵, 一杯阿華田特飲, 同埋鹽焗手撕雞小食. 首先個撈麵沒有失望, 陣陣油香, 再配搭醬油粗麵, 我一個人吃不完, 燒鵝同埋四寶另外分碟上, 唔會撈埋一齊, 四寶就有包括豬腳,紅腸,雞絲, 叉燒, 無論份量及味度都不錯. 至於燒鵝可以加錢要求指定部位(胸肉或脾肉), 鵝肉肉質鮮嫩, 外皮鬆脆. 鹽焗雞絲都幾好食. 至於唯一美中不足就係杯華田特飲, 雖然佢面頭加咗我好鍾意嘅脆脆, 但係我就覺得有啲細杯唔多夠…查看更多

依間黑木亭其實我以前都嚟食過, 以前淨係外賣而家裝修咗之後就有堂食所以決定嚟試一試, 因為始終都係外賣店所以裝修完之後都係堂食座位較小及迫, 但係衛生程度就唔錯. 咁講返啲嘢食先價錢都唔算平, 但因為之前食外賣果時候都覺得啲嘢食有質素, 所以照叫自己中意食, 頭盤就嗌咗個六杯蠔, 三款唔同醬料嘅生蠔, 我自己就鍾意食泰式汁多啲, 咁日本生蠔鮮味多啲, 海水味冇咁重, 但希望店舖下次可介紹一下乜嘢醬汁, 因為真係唔知邊隻打邊隻. 跟住食左吞拿魚安康魚肝卷, 呢個個人強烈推介, 都唔知道原來吞拿魚蓉好夾到安康魚肝, 食落去係做好清新嘅感覺, 加上面頭有啲炸蔥, 完全feel唔到有魚肝普遍有的腥味. 再嚟嘅吉列蝦佢配自己嘅蛋白醬, 本身隻蝦就一般冇咩特別, 係我妹叫食吉列蝦, 但我比較鍾意佢個醬汁, 你只得出面嗰啲沙律醬咁濃味, 清淡版嘅醬料, 冇得彈. 跟住宮崎和牛a5就唔使講啦, 品質保證, 佢加埋洋蔥同埋生雞蛋再配咗佢個酸汁食, 冇得輸, 啲洋蔥同埋啲酸汁完全中和和牛D油膩感, 又係必食之選. 最後就食埋個石頭鍋豚肉茄子飯, 呢個味道正正常常, 其實食石頭鍋飯最緊要個鍋夠熱, 咁呢度又係夠曬, 整咗啲飯焦出嚟食就唔錯. 總體嚟講食物質素中上, 某啲食品可以媲美高級酒店質素, 希望可以keep住啦. 好似見佢仲有open rice 88折, 不過嗰日去唔記得用…查看更多

而家禁堂食晚市, 得返週末中午可以約下朋友食飯. 喺openrice搵到這間餐廳, 喺樓下見到啲餐牌百零蚊又唔算太貴, 咁啱又想食牛扒就走咗上嚟. 凡高呢個名一諗起好有藝術風格, 企喺門口度已經感受到藝術氣質, 門口有部消毒霧化機長期開住. 入到嚟就見到兩大幅壁畫再加埋吊座, 成間餐廳裝修都好凡高. 啲枱凳又闊落, 真係一間好特別嘅餐廳. 講真啲午餐價錢又唔算太貴, 我叫咗個美國安格斯牛扒, 朋友叫咗個西班牙雞肉串. 由於兩個價錢唔同嘅餐我哋有兩款唔同嘅湯, 我就鍾意我嗰磨菇湯, 好有味道飲完一啖又一啖, 朋友個係俄羅斯菜湯, 似羅宋湯但係冇嗰陣酸辣嘅味道, 真係健康餐. 佢嘅雜菜沙律就冇乜特別, 反而我個牛扒餐嘅沙律包左水牛芝士配蕃茄, 好食好多. 只要安格斯牛扒就十分高水準, 食落口有陣炭燒嘅味道, 加上佢周邊嘅脂肪非常之油香, 而且份量唔少. 朋友嘅雞串又係得意之作, 雞肉外脆內軟再有少少西班牙辣椒粉辣辣地嘅口味. 再配上蘑菇青椒等食材, 而且雞肉又唔帶太多脂肪, 女士們都唔擔心食得多. 最後甜品就係焦糖燉蛋, 同埋加咗48蚊嘅心太軟, 兩個甜品都十分出色. 另有外賣及到會可提供.…查看更多

今日行過屯門市廣場, 經過以前嘅馬莎, 原來已經變咗幾間新嘅餐廳. 入咗去試其中一間韓國嘢, 有啲比較似cafe嘅感覺餐廳, 文青feel. 兩個大男人點咗幾樣嘢, 卡邦尼亞意粉, 正常水準. 芝士有骨炸雞, 呢一個好食, 個皮脆得嚟又甜甜地有芝士味, 薯條又爽脆, 真係必食推介. 黑毛豬大酱生菜, 用泡菜蒜頭同埋生菜包埋住醬油黑毛豬原腩肉, 另一必食推介. 另外試咗個烤棉花糖朱古力奶, 聽落去好甜但係唔係太甜, 而且有香香味嘅棉花糖, 可以一試. 朋友則叫咗紅士多啤梨紅桑子梳打. 佢都話好飲. 其實份量都ok兩個男人食都飽, 四百零蚊埋單.…查看更多

咁大個仔第一次食鵝油撈麵, 而且親民價錢. 今日行完鴨寮街之後行過見到有鵝油撈麵, 我朋友話十分有興趣食, 反正價錢又唔算貴入去一試. 平時食燒鵝類嘅嘢都冇得揀胸肉, 呢度加十蚊就有, 勁開心. 家姐姐話呢度個手撕雞都好食所以另外嗌多個鹽焗手撕雞, 仲嗌多咗碟菜. 佢啲碟頭飯都會送來湯, 我同我朋友都叫咗煙燻燒鵝, 佢就加雙拼咗燒腩仔. 啲飯就真係一般冇乜特別, 但係燒鵝煙燻香味突出, 同埋一碗飯都有成七件鵝肉, 好抵食. 鹽焗手撕雞又係好食, 30蚊份量都唔少. 但係嘅生菜就一般. 朋友分咗啲鵝油撈麵畀我, 又真係幾好鵝香味十足, 又夠彈口. 不過提一提大家, 盡量配搭啲清淡啲的主菜, 因為食到最尾真係幾油膩. 好有罪惡感. 另外我杯凍奶茶都好飲, 奶香茶味十足. 兩個人食咁多嘢200蚊有找, 真係幾抵食.…查看更多

同個老友聚下舊, 搵咗間又可以坐得耐又有嘢食嘅地方. 好處就係飲一杯嘅又或者食個套餐都可以坐足三小時, 而且仲有好多board game借畀你玩. 我都相信佢哋晚是只可以做一轉客. 我同朋友好彩嚟得早唔使等位, 間餐廳都有好多預約客. 我哋食咗個二人套餐, 包咗一個炸蟹餅, 一個薄餅, 一客意粉同兩杯嘢飲. 炸蟹餅好好食. 薄餅皮係厚批, 叫咗個蘑菇雞肉, 啲芝士超正, 拉極都有. 意粉叫左個辣味大蝦意粉, 都幾多海鮮同埋其實唔算太辣. 飲品就推薦朱古力, 奶味重朱古力濃, 正!…查看更多

有新嘅泰國菜喺又新街, 呢度裝修都幾特別真係好有泰國味道, 樓底好高座位都算多. 今次兩個人試叫咗嘢食嘅份量唔算太多, 揀咗個豬肉生菜包, 海南雞同埋燒扇貝. 呢幾樣嘢當中我覺得生菜包必食, 有埋手套唔使食到污糟邋遢, 份量亦都足夠兩個人食. 而海南雞則包咗兩款醬汁, 亦都起咗骨. 燒扇貝就新鮮好味, 亦都夠曬香. 呢度仲有幾煮鮑魚, 都想試下不過今次冇機會. 我哋七點鐘嚟到嘅時候店裏面冇乜人, 上菜速度亦都很快. 服務亦都好好... 價錢可以接受…查看更多

估不到美林邨熟食亭會有一間咁特別嘅雞煲任食, 朋友今日約我去食198餐, 呢度除咗雞煲之外亦都有串燒. 如果係我哋最平嘅餐就係每人包三種串燒, 我建議揀海鮮類, 因為如果揀肉類陣間打邊爐又食肉呢會好滯. 海鮮類自己嗌咗個焗蠔, 芝士好多又香. 有機會我都想試下個扇貝. 跟住我哋食雞煲, 佢個醬汁惹味而且有少少花椒麻辣嘅感, 雖然兩個人食得半隻雞, 但係如果真係想食多啲店員都話可以加畀我哋, 而且雖然寫明食兩個鐘, 如果客人不多可以一路食到去佢哋收檔. 真係有良心做街坊生意. 喺呢度做推薦佢哋嘅手打肉丸類, 特別彈牙爆汁. 雖然佢哋食物款式不多, 但係食物質素絕對有保證. 我特別鍾意食佢哋嘅蚌片, 有啲似厚身嘅珊瑚蚌, 咁當然冇咁彈牙, 但好啱我口味. 飲品亦都汽水及包裝茶為主. 其實我覺得加多70蚊食佢哋嘅任食串燒仲抵. 下次會再試.…查看更多

上網睇多好多食評都覺得呢間嘢唔算差, 所以我亦都係試下. 亦都有人話啲服務質素差但係我冇遇到, 反而上菜同埋服務都好同快. 同朋友嗌咗個中價位嘅澳洲牛板腱, 其實想食牛小排, 因為比較肥美, 但我朋友就唔想食. 咁嗌咗個鴛鴦湯底沙爹同埋蕃茄, 沙嗲正常, 番茄就好似屋企煲湯嗰啲feel. 其實澳洲牛板腱同埋佢美國牛肩肉都唔差, 分別在於牛板腱會比較爽口一啲, 兩隻肉味都足夠. 我先方便選擇就唔算多我哋個套餐淨係得魷魚, 青口同埋虎蝦, 三樣嘢都正常. 值得一讚呢度係有札幌生啤任飲, 不過要畀多38蚊. 同埋出面嘢refill速度都快. 呢度亦都有乳酪雪糕機, 甜品. 嘢飲意罐裝為主. 所有嘢都中規中矩. 我比較覺得呢度環境舒適, 樓底較高唔會太嘈. 不妨一試.…查看更多

今日同朋友兩個入咗嚟呢一間四寶飯堂, 我個人就幾鍾意呢啲新穎嘅餐廳, 首先佢可以keep好大眾化嘅價錢, 比較新穎舒適嘅環境, 同埋可以同朋友傾耐啲都唔會畀人趕. 今晚我就叫咗個叉燒滑蛋飯, 煎美國牛板腱同埋蟹肉扒豆苗同朋友share食. 首先嘅沙律係跟個牛扒送嘅, 廚師發板沙律薯仔青瓜沙律菜味道正常, 朋友就飲咗個蘑菇忌廉湯, 我個雪梨燉湯夠曬熱又好飲, 本身加咗雪梨就甜甜地, 飲落去唔覺有味精. 叉燒滑蛋飯冇令我失望, 個滑蛋係我expect到嘅香滑味道. 加咗少少黑蒜豉油, nice. 牛板腱本身嘅肉質都ok, 可能我哋叫八成比較熟一啲, 下次應該叫生少少好啲. 最喜出望外就係個蟹肉扒豆苗, 真係好好食又嘅事佢個汁做得好好. 分量又夠大份. 最後我覺得我杯凍奶茶, 比出面大部分茶餐廳好飲. 我叫多奶, 奶香味重茶底唔澀. 整體嚟講如果你講求方一食番餐又想同朋友吹下水, 呢度真係唔錯選擇.…查看更多

最近因為生日嘅關係佢好多老細請我食飯, 朋友帶咗我哋呢一間鐵板燒, 新開張咗四個月左右, 主要有兩個鐵板爐大概提供10人用餐, 所以一定要提早booking. 今日揀咗其中一個set dinner. 由前菜去到去到甜品冇一樣嘢係令人失望. 講返啲正題先, 呢度服務非常之高質, 店員會為你每上一道菜都會深入介紹. 首先嚟個西班牙火腿沙律, 配以芋頭嘅莖部, 蜜瓜, 小蕃茄同埋露筍, 清甜開胃. 小菜嚟咗個磯煮花螺配安康魚肝, 一啲腥味都冇. 接著係南非鮑魚配日本鮑魚肝醬, 從來都唔知鮑魚有肝, 食落去有啲似蟹膏下個味, 啲鮑魚汁咁十分彈口. 佢哋嘅海鮮非常新鮮, 侍應話我知廚房裏面有水缸養住即叫即撈起. 繼續嘅係魚子黑松露北海道帶子配海膽醬, 香煎出嚟真係冇得輸, 師傅更加會按客人要求調較生熟程度. 重頭戲就係澳洲龍蝦, 會抽出龍蝦膏煎香再淋返上龍蝦肉. 至於金鯛魚配明太子醬, 師傅首先喺你面前用鐵板煲滾啲油炸香咗個皮先, 再拎返出嚟鐵板煎, 魚質鮮味加上魚鱗跟魚皮可食用. 仲有空牙利鵝肝大細差唔多同半塊麵包一樣,旁邊仲有個韓國李肉可解油膩感, 牛柳亦都肉味突出, 亦都食到少少油脂感, 食埋野菌炒飯同鯛魚湯, 仲有四種味道俾你揀嘅雪糕球, 食咗芝士同埋豆腐味, 真係好芝士同豆腐XD... 再用鐵板整埋個西多士畀你... 今餐真係大滿足!p.s. 我哋嘅鐵板師傅都幾靚仔, 有相…查看更多

今日有個財主請我食飯, 佢話佢最近食過呢一間台式餐廳嘅午餐話幾好食. 咁我哋放工就即刻過咗嚟, 估唔到於平日時間六點半到, 裏面已經滿座要等兩張枱. 講真餐廳唔算大, 但裝修都幾有台式文青風格. 其實佢嘅食物唔算多. 主食有六七個左右, 我覺得咁先可以精深煮到每一款食物都好食. 台灣嘢我例牌都食台灣牛肉麵. 佢牛肉麵湯底唔算太鹹, 所以會畀咗啲梅菜你加落去. 我第一次食台灣牛肉麵會有白烚肥牛同埋炸豆卜串, 同埋鹵水過牛展. 其實幾樣嘢夾埋一齊都唔覺得奇怪仲好食, 尤其是嘅豆卜串脆卜卜. 至於朋友就食咗個黯然銷魂安格斯魯肉飯. 聽過名真係唔知佢牛定係豬. 其實係用牛肉粒再加煎蛋仲有少少免治牛肉, 我試咗啖真係唔錯, 尤其是佢隻煎蛋煎到蛋邊有少少焦燶. 至於鹽酥雞係連皮一齊咋, 雞脾炸到香脆但係肉質又保持到嫩滑, 加埋柚子汁仲有種清新嘅感覺. 最後同朋友各有一杯特色飲品, 柚子同埋菠蘿嘅水果茶, 裏面水果都係夏天水果為主, 我覺得特別係加咗啲百香果, 咬落去啲核都幾有得意. 價錢方便就見仁見智, 我朋友覺得ok我就覺得有少少貴. 如果想抵食嘅話可以午市來食下.…查看更多