tracy0611's Profile

因為見到套餐有燉湯，所以揀左套餐，但結果‘豐料燉湯’原來就係菜乾豬肺湯，去酒樓飲燉湯飲到呢款真係第一次。可能散叫其他晚市套餐仲好過叫呢個原來無包野飲既餐。乳豬、魚同埋壽包都好食，其他普通，海中蝦好重雪味，上湯伊麵都唔好食。酒樓無乜冷氣，食到出汗，之前都有呢間食過，但之前冷氣好勁，唔知點解今次會噤。有啲椅污糟到唔明白點解仲可以俾人坐，張椅布一點點唔知係血跡定咩跡嚟，真係好污糟好唔衛生。希望酒樓可以留意下改善下。…Read More

朋友生日想食壽喜燒+見到呢間有畫碟慶祝，所以決定揀呢間試下。揀左個壽喜燒2人套餐，轉左A5和牛，但唔係噤好食，口感偏‘鞋’，唔需要專登加錢轉。另加左個虎蝦天婦羅，呢個唔錯，而烏冬係1人份量既細胃口下午茶迷你size，勁細份量，食壽喜燒時最好食既野食，其次牛舌都好食。另叫左豚里脊肉（朴葉燒），職員擺好後無講低係點整，望住個細火，等左應該有超過45分鐘都未熟，之後問職員先知原來要不停加汁唔好俾佢乾身…結果碟野真係浪費晒，好‘鞋’好硬好咸（職員應該見到乾晒，所以淋左好多味噌汁落去），呢個直情覺得好難食。蜜桃梳打好飲，多果肉，但建議可以換枝粗既飲筒可以容易啲飲埋果肉，又唔怕因為幼筒而俾啲果肉頂住飲唔到啲梳打。但係雖然好飲，呢柸野等左差唔多1個鐘先有，其間追過3次，係咪噤難整要整1個鐘先整到既呢？整體黎講，天婦羅蝦可以，另牛舌同蛋糕好食，其他野食好一般，而且份量少，呢個價錢可以有更多更好既選擇。坐位都迫，要用到爐既話，擺得爐，跟住每人一柸茶，每人再點一柸野飲後，啲野食根本無乜位擺。（不過唔叫唔會加茶，野飲又等得耐，其實啲野又偏咸，會口乾架囉）慶祝想畫碟既呢間餐廳可以，真係畫得好靚，畫功一流，見到甜品上枱時真係會好開心。（不過上甜品前可唔可以清一清張枱，抹一抹張檯先…碟畫靚想影相打卡，但張枱污糟，真係唔知想點…）另Openrice優惠：’慶祝生日或紀念客戶可以優惠價$98惠顧甜品即享免費寫字畫碟…‘呢句可以寫得好啲，‘免費畫碟’後面應該清晰點（可以加句視乎圖案可能需要額外收費）因為根本唔係免費（但明明openrice既評語都有特別圖案但又無額外收費），加上預約時職員通知要download app做會員先用得呢個優惠，即根本唔係屬於訂座優惠。…Read More

一入到去坐左喺近廚房及回收餐碟既位置，見到有第二張檯吉左所以調左位，但因為角落位比較暗，加上隔離檯好近有人呻緊鼻水，之後見到有其他位吉左而又未點野食，所以再調左位。無耐就聽到職員講‘呢個人調左3次檯，由x號又調去x號，調左3次’，佢呢個說話最粉重覆左2次，其實唔俾調既可以直接講，唔駛俾說話人聽，同埋唔該搞清楚，係有原因先調的，感覺真係好差，如果唔係約左人，我會轉餐廳唔會留喺到。兩碗麵餐牌無寫係辣，但食落係有啲辣，雖然寫住台灣餐廳，但唔似係台灣，麵食一般，崩沙腩唔知皮定筋似橡筋硬到唔知想點。不過埋單時收銀職員同另一女職員都有禮貌。…Read More

Lunch時間等左唔駛五分鐘就有位，一入去到就聞到有陣油煙味，但因為怕開始多人，所以都照入左呢間食。叫左個午餐-照燒雞塊定食，燒得幾香幾好食。另外會有個麵鼓湯跟埋。不過剛剛坐正冷氣風口位，所以啲野食都好快就凍晒。雖然冷氣開到好凍好大風，但都係會聞到有油煙味，結果食飽出門口，都聞到自己成身好大陣油煙味…行經會再想食，但一諗到食飽後，成身既油煙味會維持到放工，就令我卻步，希望抽風系統會有改善。食物質素好，有點可惜……Read More

要填用餐時段，我都唔知係叫早餐定午餐，早上10點幾埋單，收銀員同我講係午市要收午市價錢？！早兩個幾月，單上價錢細細隻字寫住‘星期六日假期每款加$2’，今日價錢單又改左，星期六日假期9:30前結單叫早市，9:31後結單叫午市，有無過份d??9:31叫做午市？？有人坐緊等執檯既就慢慢執檯、無人坐既檯就執檯先，呢間酒樓真係好得！！酒樓做街坊生意多，係咪街坊就易呃啲？！…Read More