bowiewongg_'s Profile

同朋友慶祝生日所以係open rice book左枱，備註寫左希望安排較安靜位置，然後waitress都好好咁安排左角落的沙發位比我地🌟坐低之後佢好好咁介紹左餐牌嘅內容同推介一啲較出名嘅菜式😀 我地點左嘅菜式味道都好好，好有驚喜嘅感覺！超中意呢到嘅地中海菜👍🏻最後我靜靜雞點作個cheese cake，幾個waitress好識搞氣氛😆 成間餐廳一齊唱生日歌同我地慶祝，好surprise好開心🎂 好搞笑佢地仲有個皇冠仔比我地戴住😆好耐無寫食評，但呢間餐廳真係值得我比個like！總體黎講，餐廳氣氛好好，播嘅希臘風音樂好配合到。餐廳service好好，waitress們好友善！最重要嘅係食物水準都好高，有好幾年前我係外國食地中海菜嘅味道😋 有機會都會再黎😉…Read More

打開餐牌發現選擇嘅類別都好多，有拉麪，咖喱，白汁，烏冬等嘅選擇，可以一次滿足多個願望!餐牌第一頁就係炸雞同拉麪，似乎係佢地嘅招牌，咁當然要試下。落單後，等咗大概5-10分鐘左右就有得食啦! 東京風黑蒜由醬油拉麵 $58黑蒜油拉麪湯底相對其他店，甚至出前一丁嘅黑蒜油黎講，味道較淡一d，反而覺得無咁鹹嘅呢個拉麪更好食。配料方面有爽脆木耳絲同粟米👍🏻叉燒係薄片嘅，食落都軟冧。配半顆溏心蛋，質感幾好，蛋白仲有少少稀黏稠狀。炸雞黑豚肉咖喱海軍飯 $58而炸雞黑豚肉咖喱海軍飯都好好食，有薯仔洋蔥紅蘿蔔，大細份量剛好，好足料拌飯。炸雞意料之外好食，唔會覺得好熱氣嘅炸雞，因為佢嘅外皮唔會好厚炸漿，而入面雞肉嫩滑，外脆內軟～呢個飯升級咗泡菜同凍檸茶，都只係+$10，超級抵食! 如果泡菜份量可以再多d可以拌飯就完美啦。溫泉蛋北海道忌廉芝士天使麵 $48因為抵食第二日又再食，今次點咗芝士天使麵，估唔到日式餐廳都食到天使麵。上碟嘅時候見到以為都唔係好多，點知食落原來份量都唔少喎。有流心蛋係麵，再撈埋芝士白汁，亦有蘿蔔薯仔做配菜。只係呢個真係要趁熱食先得，唔係會硬曬。總體黎講，呢個價錢有咁多選擇，升級套餐都只係$10就有凍檸茶同小菜，晚市黎講算幾抵! 呢排去，用消費卷買滿$100 仲送餃子 x 2，有機會會再試😋…Read More

本來以為係土瓜灣嘅一線軒分店，點知原來係無關係嘅。呢到嘅主打係米線，選擇都好多而且有d比較少見嘅可以揀，例如係鯊魚丸(???)我就點咗一碗$46雙拼米線，蟹子丸同鮮蝦腐皮巻，仲送一個紙包飲品。上菜速度都幾快。清湯底比出面 x仔 嘅淡一d，唔會有個種食完好大口氣嘅感覺。配料有適量嘅酸菜，蔥同香菜，同米線味道都好夾。腐皮巻同蟹子丸有2粒，米線份量適中。米線質地偏粗，有口感。總括黎講，性價比同同區其他餐廳比較算偏高，不過份量方面可以再多少少就更滿足啦。…Read More

有d耐無食星馬美食，search下有咩好食就見到排名都唔錯嘅 小娘惹。聽個名都好地道😆去到餐廳門口，見到由門面到裏面裝潢，甚至餐桌餐具，員工的衣著等都好有星馬風味!入座前時候店員已經定我地想叫d咩，我就揀咗A餐，即係新加坡深海魚蛋喇沙 $66。聞到已經有好濃嘅喇沙同椰香味，連唔食得好辣嘅我都覺得好味到真係好想飲曬。最吸引我嘅係上面嘅幾條豆苗，除左因為自己本身中意食之外，仲有實際嘅作用就係可以係食一兩條黎中和一下口裏面濃濃嘅喇沙味。麵底係摻摻，兩溝嘅油麪同米粉，好幼滑，粗幼同食倍增口感。配料方面有白魚蛋*3，豆卜*3，半隻蛋同埋芽菜。飲品跟餐送的無糖羅漢果茶，真係少少糖都無，只有羅漢果本身嘅微甜味總體黎講，上菜速度算快，裝潢都好有特色。味道好好，只係如果份量可以再多d就完美啦，令人覺得意猶未盡。…Read More

平日午餐跟朋友介紹，去咗呢間日式餐廳食。可能餐廳位置唔多，都要排差唔多半個鐘先入到去。入去後，安排咗我地坐師傅面前，可以好近距離咁睇到師傅。餐牌上各個選擇簡單得黎都好吸引，魚生/非魚生嘅選擇都有好多。而我自己第一次食，就揀咗個中中挺挺嘅選擇【海宝丼】，材料好豐富。上餐都好快，唔使5分鐘。黎到之後就開動啦! 首先見到有碟好新奇嘅啫喱醋。將佢撈落飯到，就變成咗好似平時食壽司咁嘅醋飯。唔會太酸，好特別。魚生:飯對男仔講比例可能略少，但勝在佢呢到係可以無限添飯，唔夠嘅話同店員講，都好樂意加比我地，用黎送埋凈低魚生。至於其他配菜有番茄(微酸微辣)，麵豉湯，烏龍茶。總體黎講環境，食物味道都配合得幾好。不過呢個價錢如果再多少少配菜就更加抵食啦!…Read More

適逢有朋友生日，打算找一間日式餐廳慶祝，便選擇了這間性價比也不錯的抹茶館試試～平日7pm 左右到達，大約等了2張枱，約10分鐘左右就到我們了😀我們共點了2個餐👉三文魚 x 吞拿魚 醬油漬刺身飯 配 炸餃子&玉子燒 $98三文魚和吞拿魚的份量偏多，很足夠拌飯，一口飯一口刺身👍🏻三文魚的味道不錯，只是吞拿魚比較乾一點。上餐時醬油漬是分開上的，可以按自己喜好下飯。很喜歡它的味道，不會太鹹/淡。另外，這個餐配有的炸餃子即使留到稍後一點的時候才吃仍然保持十分香脆，而且不會覺得很油膩👍🏻吃到一半，若覺得醬油漬飯和炸餃子口味太重，就可以嚐一口甜甜蛋香玉子燒或者是喝一口滋味的豆腐海鮮麵豉湯來中和下，是個很好的配搭。而朋友點的就是👉柚子胡椒風味豬肉丼$98這個餐也是十分豐富，有主角豬肉配白飯、小菜、雞翼、甜品，麵豉湯同飲品試了小片豬肉，不過就同我想象中的味道有點不同這餐廳都算可以坐得耐，吃了差不多一小時，環境很舒服，很適合同朋友一起來聊天。最大好處是還可以直落食甜品添! 有機會都會再來試!味道😋 4價錢💰 2.5環境✨ 4綜合🌟 3.5…Read More

收工當然要好好慰勞工作了全日的自己，知道這餐廳評價好高，黎開銅鑼灣就黎試試啦! 去到的時候要等位，2人枱的第一個，可以留低電話等通知。等的時候見到告示原來$400以上先可以比卡，於是即刻落返去提款。大概10分鐘左右就可以入座了。餐廳佈置好有特色好有玩味，體驗相當特別。店員安排咗窗邊位比我地，可以望到銅鑼灣的夜景🌃🤤坐低後店員話必須每人都點一樣食物+一杯飲品。打開餐牌，發現都幾貴bor😶我地二人最後點了👉濃味野海鮮喇沙天使麵 $110- 味道好好，真係好濃的喇沙味而唔會太辣- 海鮮都足料，每款海鮮都有幾件，有蝦，魷魚，蟹棒，豆卜等- 但份量比想象中的小，一個大人食應該唔夠飽。(可能因為好食所以唔夠食?😆👉命運Pizza $112- 因為從名字看不出是什麼，來到都有神秘感同驚喜- 所有配料都隱藏係一層芝士下面，芝士正合我意🤤- 聽聞每次的配料都是隨機，今次的又幾啱心水，有好滑luetluet的菇，令我一度懷疑其實是不是滑雞呢?- 薄底pizza口感也是非常不錯，不會似一舊粉- Pizza上面的配菜，後來翻查是 豌豆苗(?) 超中意!飲品方面，二人各點了:👉朱古力冰沙👉宇治抹茶冰沙 >>> 推薦👍🏻總括黎講，餐廳環境同食物味道都好特別。只係晚市價錢偏貴一點，若偶爾黎試一下午餐也是不錯，不妨一試😍…Read More

鰂魚涌Lunch Time周圍都好多人排隊，係一個隱蔽的位置發現左大叻，而且一去到就有位。坐低叫左扎肉鷄絲撈懞，拌菜同鷄絲份量適中，炸肉有烤過的味道幾好食。落左好多酸甜魚露但整體都係偏乾而且味道較淡。而朋友叫的豬扒飯，豬扒就有好多！上菜速度算快，唔使等太耐。環境都舒服，唔會太熱。不過人坐得較密，有d嘈吵。或者選擇外賣會比較好。…Read More

見大埔新開壽司郎，同朋友去試食。2個人食咗 5個紅碟，6個銀碟，2個金碟，1個黑碟仲有牛奶味卡特連娜同白桃味芭菲，埋單是$315呢個價錢同壽司的質素，可以算係高性價比～最中意是係蟹膏壽司，同乾蔥大蝦壽司，都係比較特別，少食到的上菜速度都算快而且食物新鮮!白桃味芭菲份量比想象中大d，但原來只有一小球係芭菲。上面有3件白桃仔，都幾鮮甜略有要改善的地方或者係上菜方面，只點咗1份蟹膏壽司，但就黎咗3份; 而另外叫的三文魚子壽司同吞拿魚壽司就漏咗。不過同店員講返之後都好快處理返。仲有就係明明只食咗45min，熒幕就提示我地已經食咗60min，搞到忽然食得好趕 希望可以改善一下以上2個問題啦…Read More

同朋友係深水埗搵餐廳食晚飯，經過見到呢間餐廳幾多人，價錢又相宜，就入去食。夥計招呼都好好，有禮貌。坐低之後叫咗- 1個晚市套餐: 蔥爆牛肉 + 菜飯 + 豆漿 ($78)- 1個小食3拼: 醉雞 + 雞絲粉皮 + 鎮江肉 ($98)上菜嘅時候夥計比左2杯豆漿，見我地2個人又主動話送多菜碗飯比我地。最後2個人都好飽!味道黎講，菜飯偏淡。小食正常水準，蔥爆牛肉味道唔錯，如果多d獲氣會更好。最後埋單居然仲有折，只需$143，非常滿足👍👍值得一試再試同推介!…Read More

首先，唔好插我得一篇食評。因為我真係未試過食過咁貴一餐而d食物係唔值嘅，所以要特登開個account。網上寫6點開門，我地6點半去到都仲要等半個鐘先可以黎落單。都算啦當多d時間傾計。個鰻魚飯諗住平平地$88試下，點知又話一定要加大+$38，咁唔通等左甘耐即刻起身走人咩。然後到個阿古豬肉飯$148，勁多肥膏@@...唉茶都無杯仲要加一，都唔知服務左係邊到...所以，除非你真係好想嘆佢個feel，唔係嘅話食其他會抵好多咯...最後2個人叫左個鰻魚飯，阿古豬肉飯同清酒煮蠔6隻$148，埋單$465...…Read More