艾蜜's Profile

星期日下午同老公兩人叫左海南雞飯同埋星洲炒蘿蔔糕，海南雞飯的雞肉（凍上）肉質鮮嫩，與醬汁10分匹配，都OK；星洲炒蘿蔔糕就帶一點辣，加上有菜甫，有口感之餘又非常惹味。多年前來過，至今味道依然能夠保持！海南雞飯 $65星洲炒蘿蔔糕 $70加一服務後，共$148，人均$74不過好少餐廳 Lunch 有加一服務，所以驚訝了一下！…Read More

今日收工經過見到新開張嘅魚蛋粉，價錢都好似好合理咁，大概$30左右一碗，所以入去試吓。叫咗個魚蛋麵，轉做魚麵要加$20 ，但係都好想試吓，所以$50食一碗魚蛋粉。魚面嘅份量少得可憐，基本上食三啖就已經冇晒，不過味道幾好食嘅。魚片比刺身仲要薄，師傅真係好刀工啊👍🏻，仲要有三粒得一半嘅魚蛋，真係認真佩服佢哋間店。我問個侍應：魚麵嘅份量真係咁少？侍應回覆：係呀我話：真係食兩啖就冇晒㗎啦喎，正常份量黎架？侍應回覆：係呀，係咁多我：…….魚蛋魚麵 = 3粒只有一半嘅魚蛋，三片很薄的魚片及份量超小嘅魚麵，加幾條菜。地方都算闊落啊，點解食物嘅份量可以小到咁，我一個女仔夜晚食完都會肚餓，真係新屎坑，試過就算了。…Read More

今晚本身諗住叫連鎖快餐店既外賣，點知經過福華街嘅時候見到呢間新開嘅舖頭，咁就滿懷希望，新屎坑試吓啦。店舖有出售雞蛋仔、格仔餅、生菜魚肉、中式包點、漢堡包、薯條等等，我就叫咗個$25淨魚肉，等了20分鐘之內，咁就可以拎走。店舖內只有一男一女，所以平均等候時間會較長，他們支援八達通及現金。返到屋企，一拎出嚟發現份量很少，我已經拍照了多張倒湯後的照片，只有七條魚肉，價錢係$25，很呃稱。魚肉有青蔥，但係冇魚味，很淡！味道很一般。菜單上邊有兩款，分別係生菜魚肉或者係淨魚肉，因為我叫淨魚肉，所以我估計佢直接當係走生菜，但又唔無加到魚肉既份量。…Read More

見到有新餐廳開張，梗係要幫襯一下，佢嚟之前已經叫其他朋友去試吓有啲咩好食，結果佢哋話CDE都好食😋1️⃣ 招牌嘅雞蛋仔波波，係紅豆麻糬味，其實本身想試芋泥，不過咁啱售罄左，男朋友話有少少甜，而我覺得口感好厚實，因為係甜品，所以都係留喺最後尾先食，可能食咗好多嘢，所以食一粒就已經覺得飽了。2️⃣ 不得不稱讚，👍🏻椒鹽軟殼蟹👍🏻🦀真係非常出色，炸得啱啱好，鬆脆得來，調味料恰到好處，一食就即刻讚不絕口，可以媲美日本餐廳。3️⃣ 吉列豬扒流心芝士飯，🧀🐷鍾意食芝士既你一定唔可以錯過，豬扒亦都好鬆軟，芝士慢慢流出來，有少少燙口，幾過癮。4️⃣ 炸魚柳及薯條🐟🍟，正常發揮！👧🏻👦🏻 另外，見到經營嘅係兩位年輕人，一男一女，眼直都好高㗎，年紀輕輕就創業，真係要好好支持。…Read More

朋友介紹D2呢間餐廳，今日試下，又真係唔錯！1️⃣ 叫咗個牛肩，好好味啊，牛肩質地脂肪分布平均，又juicy，配埋個醬汁，簡直一流！2️⃣ 配菜都整得唔錯，薯仔烤得內軟外脆，同個主菜好夾。平時嗰啲都烤到好乾，又冇乜味咁。今次連配菜都做得好細緻，真心欣賞！平日lunch time餐廳都好忙，但員工做事仍然好細心，照顧每一個客人，去咗兩次，啲員工都認得我，知道我飲咩！今次食咗個long lunch，除咗覺得嘢食質素高，環境都好舒服。員工服務好好，當日老闆仲親自拉咗杯咖啡俾我，真係好窩心！非常專業！值得再去！有啲後悔咁遲先發現呢間餐廳😂…Read More

好耐冇試過晨咁早喺大埔食早餐，搵咗好耐終於揀咗Cafe 2.0，大概八點半叫咗兩份扒餐做早餐！滿心期待，卻換來一次很差的體驗。叫左兩個雞扒+茄汁豆+火腿鮑絲奄列+薯餅1️⃣ 首先雞扒中間部份是生的，肉是粉紅色的。（如果嗰日返工想請Sick Leave，其實都可以試吓呢間餐廳）已經向侍應講咗叫佢以後要注意一下，佢話要換俾我，不過我都冇需要再換第二份，雞有很重的雪味，溫度也是微溫的，不是特別好吃。2️⃣ 薯餅也不是即時炸起，微暖而且不脆。3️⃣ 火腿鮑絲奄列，因為叫嘅時候冇注意到有鮑絲，結果食落去嘅時候好腥，食咗一啖就冇食嚕。4️⃣ 最正常嘅就係茄汁豆😂唔會再去食下次嘅餐廳！…Read More

餐廳需要花少少時間去搵，因為係一堆店舖嘅最入面。朋友生日，預早一個星期訂位，餐廳很好預留corner位給我們，落地玻璃圍著，看到街景，打卡一流。下午茶上碟有6 x 4 款，卡啦卡啦地有甜點及鹹點，太多款講吓重點記得嗰啲先，鹹點：1. 類似Parma Ham 包著芝士，可能因為個人口味，覺得幾奇怪。2. 魚子醬配蟹肉 🦀️ ，不過不失唔錯甜點：其實真係間間都差唔多，造工幾緻，睇得出廚師有用心。但係特別好食嘅話又好似冇乜印象。哈哈…Read More

推介你千祈唔好嚟食招牌紅燒牛肉湯面，有四大唔食佢既原因，$60一碗面唔係平架！仲有唔好食到一個點！好傷心😢😢😢1️⃣ 個牛無牛味同埋唔夠淋！！2️⃣ 個湯底好鹹、飲左少少個口渴感好高！！3️⃣ 個面完全無彈性兼過熟🙅🏻‍♀️🙅🏻‍♀️🙅🏻‍♀️ ！！4️⃣ 連舊蘿蔔都唔好食、唔清甜似白烚咁、平時食開果有牛湯去炆淋，真係車仔面既白蘿蔔都好食過佢！！滿心期待去食個靚牛肉面，結果失望而回，同區有間同佢差天共地囉，總之以後都唔會再幫襯…Read More

如題 點左兩個河粉但面條很碎 即系一夾起上黎 條條都吾夠手指尾長 另外執到幾條毛髮 （已經分吾出頭髮定眼睫毛之類）辣汁有海味既味 小小腥花枝丸應該就咁過一過水 好硬豬腸無咬口炆冬菇就入味 幾好味完…Read More

偶然看電視節目'夜宵磨'  介紹這間 巨一麵堂 , 立刻被裡頭的牛鹽舌及特制拉麵吸引所以急不及待去試一試!我跟樂希到達的時間大概是三點半. 原來她不是很肚餓.所以當我點招牌牛鹽舌拉麵的時候 她只是跟餐叫了叉燒飯與可樂唯有下次才吃特制拉面 (1) 牛舌很軟.不會韌 一口咬下去 牛的味道慢慢在咀裹滲透出來.      濃郁的湯底在口裹溶化出一層層的味覺享受(2) 叉燒煎得金黃香口, 脆脆的. 好食!!(3)menu 價錢尚可4:00pm 是下場時間, 可是有兩個慕名而來的客人衝進來日本拉麵師父不辭勞苦滿足他們二人. 抵讚!!最後,我對這碗拉面是很滿意, 亦都會要回來 "翩兜"  因為真系好好食!!…Read More