or#tm66671839's Profile

其實我每個月都會食1-2次，都有同身邊朋友講過呢間幾好食，但係今次見到整飲品嘅過程真係覺得難以置信，咁樣嘅做法都夠膽死開放式廚房度做。 所有侍應都戴住藍色膠手套，跟住佢哋會戴住呢對手套執枱，沖飲品，以及「直接」手攞檸檬，冇錯，冇用夾，冇換手套，冇用任何工具，就係用唔知掂過幾多嘢嘅藍色膠手套去直接攞起檸檬擺入杯度沖飲品比客人。 我自己都咁啱叫咗一杯有檸檬嘅飲品，當下真係衝擊到唔知講咩好。唔止一個侍應用手攞檸檬，第二個入去沖飲品嘅侍應都係同樣做法，見過呢個場面，我覺得我以後好難再去呢間餐廳食嘢。覺得好失望。…Read More

同阿媽系深水埗買完野唔知食咩好周圍行，阿姐好熱情咁叫人入去試下，$48見好似新開就入左去試。 叫左粟米豬肉湯餃同韭菜豬肉煎餃，仲有個小食皮蛋同2支汽水，不過汽水得番可樂⋯⋯落單既時候個熱情既阿姐不停講我地會唔夠食，叫我地落多個蘿蔔糕，雖然一開始因為佢好熱情而入黎，但係我第一次食飯都要比人hard sell，感覺唔係好好⋯⋯ 餃子$48蚊8隻黎講唔算抵，因為偏細隻。餃子味道都一般，不過個湯係好好飲。 皮蛋都係⋯⋯一般，啲醬汁好少。就算佢餃子唔大隻，2個女人食咁多其實都好飽。如果係想食餃子，呢個價錢我唔會想食呢間。 總得黎講，唔會有下次。…Read More

系番工地點附近撿到冇左田園風味，以為係分店問題，結果上水都冇😭 試左應該係新口味單身紐約，但係同其他口味都好類似同比較重口味，田園風味真係我既愛，可唔可以重新比番田園風味我啊啊…Read More