kaitze's Profile

今日落嚟新蒲崗做完嘢之後突然好想食日式咖哩, 行過mikiki商場見到有兩間都有日式咖喱飯但又想幫襯！咁算數走咗行返落新蒲崗區內睇下有咩食, 點知行下行下就畀我見到呢間有日式咖哩食, 眼見價錢經濟, 雖然當時店內一枱客都冇, 但都心諗冇所謂啦因想食咖哩飯所以照入。認真睇餐牌, 種類多兼價錢真係好實惠, 最後我就叫咗吉列豬扒咖哩飯($45.00), 加4隻餃子($14.00)同一杯凍檸茶($3.00)。嘢食到, 賣相晤差, 味道係我想要嘅日式咖喱…好味。 雖然唔可以話好食到要特登 搭車落嚟食, 但呢間嘢絕對ok, 好味, 抵食食得飽, 要支持…Read More

上星期五晚, 再次幫襯為舊同事聚舊食飯, 但係食完呢餐之後, 大家都一致同聲話下次要…食西餐！由於係星期五晚, 當然有訂位, 7:00pm前準時到達被安排坐樓上, 眼見當時已經有9成满, 可能人太多關係, 完全感受唔到有冷氣, 好彩我哋坐嗰張枱隔离有把坐地風扇幫手吹吓, 但都於事無補, 全程個個食到出哂汗, 覺得應該要加多幾掛牆風扇舒緩吓。講返啲嘢食, 之前食過2-3次都覺得可以嘅, 但唔知係咪多人關注咗, 又可能全場爆滿, 啲嘢就煮得好快, 等你嗱嗱聲食完走咁佢哋咪可以又多一單生意囉！當晚我哋總共10個人, 叫咗:-椒鹽豆腐…OC米網蝦卷…OC脆皮豬手…正常生炒糯米飯…正常好食芝士蝦球伊麵底…一般話梅骨…OC翅湯雜菜煲…可以冰鎮咕嚕肉…可以蜆介鯪魚球…OC當中"OC"嗰4樣全部係炸物, OC得好緊要(自己睇), 尤其是個鯪魚球, 唔講以為係炸牛丸…服務態度…就, 可能見我哋冇飲啤酒, 其次就係出面有好多人等位, 所以經常都好關心問: 啲嘢嚟齊未呢…真係…好。…Read More

自從平台冇哂舊式茶記之後, 都唸住唔會再上嚟幫襯, 但今日起真係起唸唔到嘅情况之下, 幫襯咗呢間cafe…點知真係有驚喜…好佩服可以整到啲嘢咁難食！叫咗兩個午餐, 香辣鮮茄海鲜蝴蝶粉, 另外就係白汁吞拿海鲜長通粉, 先講餐湯-蘿宋湯…淡到似清水, 有色冇味！講過兩個粉, 白汁嗰個還可以, 但香辣鮮茄呢個粉就"鯹"到不得了, 要勁落胡椒擋"鯹"！最後餐飲, 唸住應該唔會好差, 叫個即磨咖啡, 點知差過即沖3合1嗰啲…(呢個有關於咖啡評論, 我在用餐時都聽到其他幫襯嘅食客咁講！至於服務態度, 其他食評都講咗…完全同意。我唔知呢間嘢開咗幾耐, 不過如继续keep住呢種水準仲可以咁多人幫襯嘅話, 就不得不講一個"服"字！…Read More

早幾日起公司附近收到傳單知道隔離工廠大厦新開咗檔車仔麵, 見公司附近都冇乜好嘢食, 有都俾我食過哂...冇間掂, 咪尋日lunch走過試吓睇吓乜嘢料!12點半去到, 一出lift望一望就見到個黃色招牌寫住" 尚尚車仔麵 920室", 行入去未到門口已經聽到好人山人海嘅聲音, 去到門口...嘩...有冇咁多人呀(可能新開喇)! 眼見鋪內格局簡單, 整齊, 乾浄, 門囗擺個魚缸坐陣(睇個魚缸同缸內擺設, 唔似求其, 應該揾識養魚人攪嘅)! 講返鋪內, 唔似出面啲車仔麵鋪...迫迫夾夾, 佢擺咗大約10張枱, 枱與枱之間好鬆動, 一定唔會背對背.雖然幾多人, 好彩都俾我揾到個位坐低攞張紙睇吓有啲乜嘢餸簡, 大大話話都有成40幾樣嘢簡.要試吓間車仔麵得唔得, 就當然要簡啲例牌嘢例如: 豬腸, 牛腩, 蘿蔔等等, 咁我就簡咗呢3樣加咗樣 "鹵水流心蛋", 試吓佢點樣"流心"?落單至麵到都只係要5-7分鐘...快, 同埋佢啲伙計會用個托盤送麵過嚟, 1來啲伙計隻手指唔會插咗落啲湯度, 2來個盤會載埋飲品一齊上, 同埋個盤又可以用嚟載骨, 等唔駛周圍放(用心).麵到就第一時間好似食日本麵咁飲啖湯先...豬骨湯底...夠熱夠濃, 麵同餸份量適中, 咬啖鹵水流心蛋...嘩, 真係好似食温泉蛋咁, 啲蛋黃流出嚟, 好有蛋味, 而最好就一定係豬腸, 好入味帶少肥, 蘿蔔同牛腩都好有水準!4餸麵加大枝樽裝可樂$38蚊...可以接受啦, 起碼地方乾淨, 冷氣足, 食物有水準, 起九龍灣真係少之有少, 可以再嚟因仲有好多餸想試吓例如: 牛肚, 鹵翼, 咖喱魚蛋等等, 聽講遲啲有埋飯食就very good, 咁就唔駛日日晏就唸食乜嘢!走果時見到有人要等位, 咁快就有咁多人捧場, 啫係證明唔差喇, 希望繼續努力保持水準.…Read More

本人係一個好鍾意周圍搵好嘢食嘅人，對私房菜就特別鍾意(^_^)所以我都食過唔少間嘅私房菜！我對食嘢係一個好有要求嘅人(講得唔好聽就叫咀刁), 不過俾我話掂果間而推介俾我d朋友去試都一定唔會差！呢間Bien Dinning我已經去過好多次，我帶過嘅朋友去完佢哋自己都有再帶人去試，咁就知道呢度d嘢食同服務一定有返咁上㗎啦！點解我去過咁多次直至到今次先出手寫食評係主要因為我想講: 唔係間間有好多(好)食評就係好正，其實有d係唔係！不過BienDinning起我心目中真係好好。今次係好友請我食生日飯，不過menu同酒都係由我安排！由於個menu唔係成日轉所以基本上佢menu上面有嘅我都食過哂之不過有d係每次都要食嘅就例如呢個湯 "野磨菇忌薕湯配黑菘露菌油", 攪一攪等d黑菘露菌油溶入個湯度，熱辣辣好飲到不得了個味濃郁再加埋香噴噴熱嘅蒜蓉包~絕對可以俾到食者一個好好嘅開始令到對跟住食嘅嘢有信心。起飲湯之前，當然係飲d白酒去配以下呢兩個頭盤:1. 紐西蘭石蠔半打：本人就唔識欣賞蠔所以冇評價，不過我個fds就覺得咸咗d！廚師老友話遲d會用靚嘅日本蠔嚟代替。2. 意式生牛肉片伴火箭菜配巴馬臣芝士&黑甜醋: 我第一次食呢個頭盤~係超正好好食。廚師老友仲請我食咗件免冶生牛肉多士試吓~又係好好食。佢話今晚有嗰客order咗所以整件俾我試吓俾d意見。起呢個食嘢過程當中，廚師老友同揸弗人阿Ben當然有一齊飲酒同傾吓計講吓食經啦，呢種氣氛係我最鍾意嘅！食完頭盤同飲完湯，白酒都已經飲完！跟住食就當然係" 煎鵝肝" 啦，呢度嘅煎鵝肝真係我食過咁多私房菜當中最好食嘅一間，每一次煎得好有水準，皮脆內軟香之餘，最緊要係冇根。曾幾何時呢度嘅鵝肝俾人評論過話有根！之後佢哋認真跟進，廚師老友話經過果次之後，佢每次都會挑選有質素嘅，返到廚房就挑哂所有嘅根要慕求要做到入口即溶嘅口感，佢哋做得到~讚!當然我帶嚟果兩枝靚紅酒已經起呢個時間開咗breath緊去迎接main course, 不過食得私房菜緊係要慢慢嘆啦所以我叫廚師老友唔好整個main住等我同老友出露台仔飲酒傾吓計順便break吓先嘆main, 攞住杯酒起露台傾計好有feel㗎! (其實我哋食完頭盤起飲湯之前已經出過露台一次飲酒傾計，不過廚師老友就冇唸住我哋會起出面好耐所以佢就好順理成章咁去準備個湯，點知佢整好咗拎入房之後仲見我哋仲起出面飲緊傾計，佢同阿Ben就超好人~冇出嚟distrub我哋叫返入去飲湯而係張整好咗果兩個湯倒咗等我哋飲完酒返返入去先再整過兩個新鮮熱嘅出嚟俾我哋，呢d服務起邊樹搵呀？俾着其他嘅已經會嗺你返入去飲湯，凍整返熱都可能會，再整過新熱俾你就一定冇可能！返返入去準備食main果時已經差唔多成12點(我都未試過12點先食main~攪笑)1. 千層龍利併刁草三文魚蜜糖香蒜汁~唔鍾意食魚的人就唔好叫呢個因為通常熟嘅三文魚係會有啲腥同埋個龍利都幾"鞋"！唔好就係唔好，都要指出唔係齋讚嘅！2. 澳洲肉眼扒配焗茄子紅酒汁~要五成熟：煎得一流，五成就五成~好正好juice配紅酒一流~好得呀。幾飽都好，甜品時候當然唔可以錯過！今日我order嘅係好食到不得了嘅蘋果餅併cream brûlée. 我以前係一個唔食蘋果餅嘅人但自從食過呢度homemake嘅之後，我每試上嚟都要order因為真係太太太好味喇。不過呢度整嘅cream brûlée同心太軟就每次都俾我彈！廚師老友話好多客同佢講話個布甸太多cream，好多客鍾意嗰布甸要好似蒸水蛋咁，不過咁樣嗰蛋會老咗唔滑，佢嘅水準就一定唔夠金馬倫道果間咁好，嗰間整嘅係超好食不過其他嘢就一般以下超麻！至於心太軟呢，每次都係整到有d過咗火，蛋糕硬得嚌之所以d朱古力槳流出嚟唔係好多!因為今餐係慶祝我生日所以阿Ben事先聲名咗廚師老友專登整咗一個好勁嘅蛋糕送俾我~嘩原來係一個名叫"amore"嘅朱古力moose香蕉蛋糕，廚師老友晏就返工就即整雪凍~好味到不得了！總結: 每次嚟到呢度食飯都超開心，食物好有水準而招呼就唔駛講~係冇得頂，大家一齊飲酒傾計好開心。同樣有好多好comment起金馬倫道和跑馬地D字頭果間就真係冇得揮，如果你哋試過呢三間之後就知我冇吹水，BienDinning係真係值得有咁多好comments。…Read More