Tommysuggest's Profile

今日黎到銅鑼灣打邊爐，呢間漁火海鮮刺身火鍋出名食材高質，我同朋友慕名而來。黎到門口見到裝修好典雅、古色古香，同埋一堆靚食材擺出黎 老闆娘好熱情招呼我地，即刻比左醬料盤我地，同埋推介我地飲佢地自己沖嘅竹蔗茅根，真係好清甜好好飲我地叫左花膠雞湯底、本地牛肉、墨魚滑、超巨型自家製響鈴、避風塘炒蝦、蟶子，仲有好多野想試，留待下次再叫!超濃花膠雞湯，漿住成個口，見到個湯係閃令令ga~ 墨魚滑啖啖肉，好食; 避風塘炒蝦好惹味，taste到有香料多層次味道，唔只係鹹味; 蟶子好肥美，好新鮮，有海水鮮味！今餐最正係佢地嘅巨大化響鈴，仲大過我個頭，超脆 ^o^，一人食兩條已經好滿足！本地牛肉超靚油花！和牛級油脂分佈~ 入口即溶，好食！唔會好肥，好健康又好食嘅牛肉！今餐真係大滿足，感受到食材嘅鮮味，一定會再番黎食 老闆娘一直都好關心食客有咩需要，會主動照顧你，好細心ah…Read More

今日去咗食呢間十侍嘅壽喜燒，一入去就覺得佢嘅裝修風格好睇，用傳統日式文化做主題因為兩個人一齊食，所以最後揀咗一個二人套餐，牛肉係來自鹿兒島，其他菜同埋配料包括日式豆腐，蘑菇，蟹柳條烏冬等等上菜之後店員就先幫我哋煮牛肉，因為佢用蛋液做配汁，浸完再食，真係好好味店員服務態度亦好 不停幫手去煮壽喜燒，亦會問幾成熟 按照返個人口味 值得一提嘅係 mocktail 幾好飲，見到佢係獨家制 無論係食物飲品都覺得好有心思同質素…Read More

平日諗唔到食咩嘅時候就會入去壽司郎食個下午茶因為少人同埋可以慢慢Hea下，都幾舒服㗎呢個係下午茶餐 不過衰在佢個蝦三味整得唔係好靚 不過唔緊要啦我都係食魚生唔係在意賣相…Read More

今日嚟呢間阿一酸辣豬扒米線食晚餐，見佢價格抵食 就排住隊入去試一試 坦白講等候時間就真係有啲長 見佢外賣部機不停響 就知黃埔嘅街坊都成日食呢間 等咗好耐終於上我嘅肥牛酸辣米線 食完之後都覺得值得一試 可以成日食👍🏻…Read More

幾好食嘅魚生飯，嗰日去到應都幾好招呼同埋客嘅數目唔算多，所以食嘅時候都可以好安靜咁同朋友吹水 又唔會趕住要人離場 最後埋單一百幾都算合理價錢 如果路過旺角唔想食放題嘅話可以一試…Read More

講真雖然午市但係服務態度真係麻麻，個夥計唔知點解好似躁狂症咁 趕住換枱都可以有禮貌啲㗎 價錢70幾蚊都唔係話好抵食 食物，又唔係話好高質 純粹醫肚咁囉 下次盡量都揀其他嘢食算數…Read More

每次去機場出發前都會食呢間船麵，我諗原因我不外乎價錢抵食同埋份量啱啱好 適合我呢啲成晚冇瞓過覺嘅人食一碗醒神 其實都唔差㗎，我覺得喺屋企樓下開嘅話我都會成日食 湯底唔算太鹹適中🍴…Read More

油髀煲仔飯，餐廳係幾有特色 基本上喺香港想食嘅小菜同埋晚餐咩都有，問題在於鴨髀太過鹹 食完之後淨係想飲水沖淡味蕾 建議食肉餅或者其他特色小菜算數 作為旅客嚟食都可以嘅👋🏻…Read More

今日去九龍塘又一城行緊嘅時候有啲悶，於是就入咗去無印良品睇，發現有一間Muji Cafe於是就嗌咗呢一個焦糖布丁，食緊嘅時候覺得布丁動L動L咁幾舒服,消閑時間嘅好去處👍🏻…Read More

陪屋企人去咗大埔稻香食長腳蟹，嗰日中秋節食飯，但係人流唔算多，堅咁高興就嗌咗個阿拉斯加長腳蟹 連埋套餐埋單千幾蚊，但節日出去食都預咗我哋六個人食都啱啱好夠食，同埋幫手剪晒隻蟹，老人家食都啱…Read More

夜晚去海旁跑完步之後入咗去天晉，行吓行吓發現有間銀咖喱，就入去順便醫吓肚因為佢嗰陣時已經差唔多收舖，所以都冇咩人，於是我就好言行咁樣食我嘅咖喱豬扒飯望向窗邊發現夜景下嘅海旁都幾好睇，環境唔差嘅銀咖喱👍🏻…Read More

有次同friend行過旺角，行到有啲攰，咁啱見到有間日式燒肉，但位置有啲格攝本身都係冇太大期望，諗住入去食一餐算見價錢唔算話好抵，二百幾蚊，同個friend嗌咗個燒肉餐，食完之後覺得又OK喎紫菜飯好食，肉都唔差，缺點嘅話就係位置上要搵一搵…Read More