kapoyu1762's Profile

已經好耐冇食韓燒啦，天氣開始凍，就好想食BBQ，又唔想出去出面室外嗰啲，所以就去將軍澳間Running燒度食，呢度選擇超多，scan qr code就可以點菜，唔單止有唔同肉嘅選擇，仲有好多小食同飲品，真係任君選擇！環境都幾好，唔似有啲韓燒地下會痴淋淋，呢度好乾淨，keep住有人清潔，所有出面buffet位有有蓋蓋住，衛生真係好重要，尤其係呢個時候！食物質素方面都好高，啲醬汁醃得啲肉幾好食帶出肉嘅鮮甜味，五花肉大大塊燒熟左嗰邊脆脆地，肥瘦適中又香口又好味！儿啲醬油醃過嘅肉牌味道濃郁，燒完好惹味！呢度嘅半自助沙律吧甜品吧都好吸引，有唔同種類嘅甜品，包你食完肉之後仲好滿足，而前菜方面亦都有好多選擇，仲有養生雞湯添，以呢個價錢來講真係好抵食！…Read More

行街行到好攰，之前聽朋友講旺角有一間好靚嘅西餐廳，於是就去試吓！上到去，真係好有驚喜，估唔到喺鬧市之中會有一個咁嘅地方，真係有居高臨下嘅感覺！嗰度嘅侍應態度好好，好熱情咁同我啲介紹唔同嘅菜式。見到我哋影相，主動幫我哋揸機，仲同我哋介紹邊一個地方影出嚟會好靚，因為餐廳有唔同嘅打卡位！我食咗一個炭燒加拿大豬鞍扒，呢個豬安係我食過最滿意嘅豬鞍扒，完全冇浪費高質嘅豬鞍，軟林多汁肉汁豐富，唔似其他餐廳煮到又乾又鞋！仲叫咗個烤香草帶子伴蟹肉甜粟意大利飯，帶子煎到半生熟，大大隻，好嫩！而意大利飯朔晒粟米同蟹肉嘅香味，鮮甜有層次，個賣相仲好靚添！甜品方面，叫咗個心太軟，超級有驚喜，擺碟就已經好靚呀，好適合打卡，一切開入面朱古力流心流晒出嚟，完全做到外脆內軟！…Read More

好耐無食泰國菜，天氣又熱掛住去泰國旅行嘅日子，於是就上網揾下有咩正嘅泰國餐廳，見到呢間係港威，有海景就決定試下！我哋好好彩被安排坐海景位，有靚景仲有美食，估唔到呢個咁靚嘅位置價錢竟然都唔算好貴！真係物超所值！1. 泰國生蝦🦐有時去啲無咁靚嘅泰國餐廳都唔敢嗌生蝦，怕唔新鮮😖但呢間餐廳咁靚，就決定試吓，果然不出所料，生蝦好新鮮，入口鮮甜彈牙！配埋個汁，酸酸辣辣咁，好開胃🤪2. 泰式炒通菜🥬每次食泰國菜，都會想叫通菜😆通菜好新鮮好嫩，唔會咬落有榨！配上泰式炒法，醬汁嘅味道掛係每條菜上面，好好味，送飯真係一流！3. 泰式串燒🍢每一串都好大份，我個人就最鐘意食雞，燒得好嫩，配埋個汁，好濃嘅香味4. 芒果糯米飯🥭🍚食泰國菜點少得最出面嘅甜品芒果糯米飯呢！芒果嘅甜味加埋少少鹹嘅椰漿配上軟綿綿嘅糯米飯真係起正，口感好豐富！…Read More

之前食桔梗係食西餐，知道佢最近出咗個日式雙人套餐，就決定要懲罰吓佢💛呢個套餐好豐富，質素都好好！1. 炸雞與台式五味醬🍗🍖炸雞好香脆，一上到黎熱辣辣，太急住食，爭啲辣親個咀！炸雞再加埋台式呢張好特別，有別於一般嘅日式炸雞炸雞！2. 熱炒魷魚伴明太子醬🦑魷魚感覺好新鮮，食落好脆口，唔同啲唔新鮮嘅魷魚，一上到黎已經林晒，呢個魷魚加埋明太子醬，有少少似蝦醬嘅味道，非常驚喜！3. 京蔥檸檬味豬腩🐷呢個豬腩係用玻璃肉整嘅，肥瘦層次分明，一半肥一半瘦，食落好香豬肉味，加埋京蔥同檸檬，就中和左肥肉嘅肥膩感覺4. 炙烤鮪魚佐芥末蛋黃醬呢個真係十分之驚喜，睇個樣都唔知原來係吞拿魚，一咬落去唔會有更，喺口中吞拿魚嘅油香味就出晒嚟，下次黎都一定要encore 呢個！5. 茶漬兩碗🍚🍚茶漬兩碗分別係明太子同三文魚，份量都好大，所以食咗咁多樣菜之後仲有兩個飯，真係物超所值！6. 伯爵茶芝士蛋糕伯爵茶同芝士嘅香味都超級濃郁，喺是芝士嘅味道嘅時候，又會有啲伯爵茶嘅味道彈出嚟，兩種味道不斷互相交替，好似製造緊一個交響樂咁，真係味覺上嘅享！仲有糖心蛋、涼拌毛豆、同埋三種小菜，呢個價錢食到咁多樣嘢，仲要每一樣嘅質素都咁高真係好難得！…Read More

約咗以前嘅老師食飯，聽講有一間喺尖沙咀嘅日本餐廳又正又好食，於是就book咗嚟試吓🤣呢間日本餐廳好正宗，連職員大多數都係日本人，我哋叫咗好多嘢食，食物質素好高服務質素又好唔好值得大家去試！1. 雞泡魚乾🐟呢個雞泡魚乾好入味，燒到戀戀地甜甜地，唔會好似其他雞泡魚乾咁乾爭爭，點埋個蛋黃醬，超級好食！2. 刺身拼盤🍣個刺身拼盤有好多款，包括三文魚、海膽、吞拿魚、赤蝦、帶子等等。全部都好新鮮好肥美，入口感覺豐富。最鍾意嘅係三文魚同埋帶子，三文魚油脂分布好靚，一入口三文魚嘅魚油香充滿咗成個口腔。而帶子就好新鮮好甜！3. 龍蝦沙律🥗日式沙律嘅感覺就係好清新，新鮮嘅蝦同蟹子加埋沙律醬口感好豐富！4. 自家製忌廉薯餅薯餅好香脆，炸粉唔重，咬入去忌廉味好香，完全係做到外脆內軟5. 花魚鹽燒好少食日本菜會食成條魚，呢條魚唔算好多骨，鹽燒帶出咗魚嘅鮮味，魚嘅鮮味唔會比重嘅醬汁搶咗…Read More

無論夏天定冬天都好鐘意打邊爐，但夏天太熱就決定出出面打，有冷氣，幾熱都食得啦！🤣🤣之前晏晝嚟烏蠅館食個冒菜，覺得質素都唔錯，所以試下夜晚打邊爐！我哋叫個好多野食😆超興奮呀，有肉有菜，好健康㗎！肉我哋叫咗個黑毛豚肉，豚肉味好香，唔係平時出面食嗰啲雪藏味好重嘅豬，呢個真係有肉味得嚟又無雪味，好少有食到咁高質嘅豚肉。切到薄片咁，淥兩淥就熟，好方便！👍🏻仲叫咗個雙拼滑，一次過試哂兩種，分別係鮮蝦滑同墨魚滑！兩種都好彈牙！墨魚滑好有墨魚味，好香，彈牙鮮甜！仲叫咗個牛筋，從來都無見過打邊爐食呢樣，估唔到試完又幾好食，放落去浸一浸就食得，好香滷水味！另外，仲要咗萵筍片同腐竹。萵筍係打邊爐致愛，放落個湯度淥一陣吸晒啲味又爽又清甜！…Read More

同朋友慶祝生日，想搵間靚啲嘅餐廳好好地傾吓計chill下！一嚟到，我哋聽Staff嘅介紹叫咗杯blaster cocktails!個樣真係超級靚，一上到黎即刻要打卡，個氣泡過30秒就會爆，用相機一直部捉住呢個奇蹟嘅魔用相機一直捕捉住呢個神奇嘅Moment！1. 果木煙燻法國鵪鶉髀呢個喺其他餐廳真係好少見，所以我哋就決定要試下！鵪鶉髀好嫰滑，識落仲好有果木香味，真係好特別！2. 牛肝菌濃湯一直都好鍾意菌類嘅湯，聞落已經好香，牛肝菌味道好濃，同個湯好夾，好creamy! 3. 炭燒羊架個羊架真係色香味俱全，一上枱個presentation已經好靚，好似一幅畫咁！一切開，羊架仲係粉紅色嘅，超級嫩滑，羊味又重，又唔會酥！…Read More

同朋友行完donki揾個地方坐下傾下計，行過門口見到間餐廳好靚，於是決定入去試吓。我哋叫咗一個沙律，兩個主菜同兩杯飲品！1. 虎蝦芒果沙律大蝦新鮮彈牙，沙律菜好fresh，芒果清甜🥗加埋沙律醋，成個配搭十分之好！2. 炭燒美國天然極黑厚切豬鞍扒平時出面食豬鞍扒，好怕會食到好柴，但呢個豬鞍扒煮到好嫩滑，食落唔會鞋口！啲肉切開仲有少少粉紅色，配菜都好好味！真係要讚下廚師嘅功夫！3. 初榨純橄欖油蒜香白酒煮紐西蘭海鑽蜆扁意粉個意粉好香蒜香味呀，加埋白酒清清地，唔會好似其他意粉咁漏，啲顯又新鮮又大隻，識落好有蜆味！仲叫咗兩杯特色嘢飲，係Tiramisu coffee 同tiramisu 朱古力，啲冰係咖啡磚，所以凍飲都唔會溝淡咗個味！…Read More

小店經營的西餐廳，餐廳主題是花，就連吃的東西都是以花伴碟的，幾特別。試了兩個主菜，配兩杯餐飲。泡菜鴨胸蝴蝶粉應該是自家醃製的泡菜，比較酸同辣，我以為自己食到辣，但原來食不到，喜歡重口味的應該會中意食，而且份量大，細食的，兩個人食都夠飽🤣餐飲是牛奶配用餅乾做的杯子，可能知道小女減緊肥，俾左脱脂奶我🤣，因為牛奶味比較淡，又或者是用來中和泡菜蝴蝶粉的重味😀另一個主菜是忌廉芝士煙肉貓耳朵，芝士味好重，應該是落左好多芝士，令貓耳朵黏在一起，可以成舊食🤣，餐飲是玫瑰花茶，飲落還好，玫瑰花味不算突出，飲飲下會忽然有啖甜味出來，幾過癮😆想找間閙市中價錢還好 ，又有靚靚花花景可以打卡，而且不嘈吵的餐廳，可以不妨一試😃…Read More

成日收工經過呢間黃店，但係次次都好多人，今晚經過竟然有位，於是就同同事去試吓。但係因為我哋好晏先食lunch，所以唔係好肚餓，於是就試咗一個dinner set 加一個甜品😎😎沙律🥗餐湯🫕Dinner set餸沙律同埋餐湯，沙律菜好新鮮，個湯係龍蝦湯，好清甜西西里茄蓉煙肉三文魚意大利飯🍽主食方面，我哋要咗個risotto, 個飯好香，個人鍾意啲飯偏硬，所以呢個飯超級啱我，加埋煙肉同三文魚口感好豐富，茄蓉同個飯又配搭得好好😆Vanilla latte ☕️飲品方面，叫咗個vanilla latte,咖啡味好濃，飲落去好香滑，又唔會太甜☺️心太軟配雪糕最後，加咗錢要咗個心太軟，心太軟熱辣辣，一切開有流心嘅效果，加埋雪糕一冷一熱，口感非常豐富😆…Read More

嚟到之後，睇一睇Menu，發覺佢個套餐好抵食！大約$60度，就已經有一個主食、一個小食同埋一杯飲品。於是我哋叫咗個外婆紅燒肉菜飯，小食揀咗麻辣無骨鳳爪，而飲品就要咗杯豆漿！咁多嘢食加埋先62蚊，真係起抵食😚外婆紅燒肉肉質鬆軟，燜到好林，一啲都唔會韌。個麻辣無骨鳳爪味道好好，唔算好麻，本身見到麻辣都有少少怕，但原來只係少少啦，唔係好食得辣嘅人都接受到！最正係啲鳳爪已經去咗骨，可以好放心咁食，鳳爪食落個口感好好，少少脆，成日好怕冷盤會食到有腥味，但呢個一啲都無，好值得一試！嚟到呢度，梗係要試佢個生煎包啦！我哋叫咗4個包，一嚟到非常香，個底煎到脆，一咬落去，爆多肉汁，多到熱親個嘴，真係不得了！建議大家等一下先食，因為實在是太新鮮啦！個皮好薄，肉餡又好新鮮！一下子就清咗兩個，於是我哋忍唔住叫多兩個食！下次可以再encore😝😝…Read More

今日同朋友揾個地方吹下水，傾吓閒計，所以聽朋友介紹，揾咗間環境好舒服嘅cafe’坐下~~😌😌之前去過，星期六日就好多人，但今日去，平日唔算好多人，地方又超級闊落，坐勁耐都唔想走😙我哋唔算好肚餓，所以要咗幾款小食同埋一個主菜，仲要咗個花茶，最啱我哋慢慢咁傾下計~😆我同朋友都好鐘意食雞翼，所以我哋分別叫咗蜜糖雞翼同BBQ燒雞翼！蜜糖同雞翼一直都係最好嘅配搭，焗到脆脆地，一咬落去好juicy,唔會焗到好乾👍🏻👍🏻而朋友就鐘意BBQ燒雞翼多啲，呢個係新嘅小食，所以一定要試試，個BBQ醬簡直係昇華，呢個係單骨雞翼嚟，食起嚟好方便！另外要咗個肉丸，呢個肉丸口感好好，唔會好似其他餐廳咁乾，個汁有小小辣，好開胃😻最後，想讚讚個花茶🌸🍵，好香，飲落好舒服，壺花茶有得助熱，飲幾耐都唔怕凍咗，啱哂想養生唔飲凍野嘅朋友😎😎…Read More

好耐無食burger,見美麗華新開咗間幾靚嘅餐廳，睇下餐牌又唔係好貴，於是就入去試下，個環境都幾靚。呢度有個室外嘅位，對出就係諾士佛台，如果夜晚食，一定會好chill🥳🥳我哋三個人叫咗一個burger同兩個小食，本身都怕唔夠食，點知burger一嚟到，發現好大件。餐廳幫我哋切開咗一半，方便我哋進食！鵝肝鱈魚扒漢堡🍔材料勁足料，一共有六層！除左鵝肝、鱈魚扒之外，仲有番茄同菜，中和鵝肝嘅膩，鱈魚扒炸得好鬆脆，魚肉又好滑，完全做到外脆內軟！蜜糖辣雞翼🍯雞翼都係熱辣辣，雞翼配蜜糖從來都係唔會錯嘅一個配搭🤣再加上辣辣哋，令到口感同層次都更多！爆谷雞配燒烤醬睇餐牌覺得幾得意，炸到細細粒咁！呢個爆谷雞真係名符其實，炸到好似爆谷咁脆！但肉又唔會鞋，真係好好食😋…Read More

喺APM辦完年貨，行到攰攰哋，見到有間新開嘅餐廳，又有下午茶set，於是入去試吓！見到間餐廳有美人鍋，飯，仲有甜品，每一個餐都配有自助沙律吧同埋飲品吧😎好似幾抵食因為我哋兩個人，如果嗌兩個下午茶嘅飯set，再加甜品set，就好似唔係好抵，因為好似嘥咗一個飲品同埋沙律嘅半自助咁。於是我哋叫咗個美人框飯御膳，$158包兩款框飯，一款小食同埋一款前菜另外加一個湯。我哋揀咗三文魚框飯同埋蒲燒鰻魚框飯，至於小食就加咗$20試鹿兒島豚里肌肉。飯底係糯米飯，雖然細細碗，但都好飽！三文魚經過炙熱，個油香味更加突出，而蒲燒鰻魚個燒汁同鰻魚配合得好好！小食方面，加$20試豚里肌肉真係一個好好嘅選擇，臀肉燒到七成熟，肉香味好重😋呢一個set兩個人食都夠！之後我哋仲要做一個抹茶餡蜜芭菲，抹茶味嘅雪糕好濃郁，其他配料都好有綠茶味，完全唔會太甜或者有苦澀味，呢個下午茶嘅甜品set都配有沙律吧同埋飲品吧。飲品嘅選擇非常之多，有熱同凍飲。…Read More

終於放寬限聚令了，第一時間預約了黃店放題，可以大吃大喝一餐 ⋯⋯🤪🤪上網看了食評，大約了解左呢間放題食物的種類不少，怕第二轉人多，就預約了第一時段 。到的時候六點半，限時二個小時任食，地方寬廠，大部份是卡位，坐得舒服 ，也比較靜。😌😌放題的種類真的不少，有刺身，雞肉，牛肉，海鮮，豬肉 ，壽司，雜菜，炸物等等，二個小時都差點不夠食。🍣🍡🍢🥗🍧小編食放題，喜歡先食熱食，叫了楜椒牛肉湯，辣辣地，都幾清甜 ，另一個蜆湯就比較辣 ，食不到辣的就好勉強了。🔥放題望角是牛，分別試了黑椒一口竹肋肉，汁燒安格斯牛肉粒，厚切牛舌，薄切牛舌，黑毛飛霜空降和牛和牛里肌 ，整體來說，牛還是不錯的 ，肉質鮮嫩，200多元的放題也是值了。😽😽…Read More