boyyyfoodie's Profile

人均消費：$100-200推薦指數：⭐️⭐️⭐️⭐️今日打完麻雀，夜晚搵嘢食醫肚。上網見到香車街街市大牌檔收好夜，所以求其搵咗間試吓佢！1）椒鹽鮮魷🦑 鮮魷新鮮，粉漿唔會太厚。香脆而且魷魚唔會好好韌，表面鋪咗好多炸蒜，鹹鹹香香，送飯食得幾好食😋2）雞煲（半隻）🐓嚟到嘅時候見到鋪滿左芫荽，要自己撈勻下面嘅雞。一路撈一路聽到啲吱吱聲，超級吸引🤩。雞肉既份量都幾足，有少少辣。肉質ok，唔會有雪藏味❄️3）脆皮西施豆腐🫘 外面炸到金黃色，本身諗住會好硬。用筷子一夾，成舊豆腐就斷開咗😱。食落豆腐嫩滑，有少少豆味。但我覺得成個餸唔夠濃味，淡咗啲🥺。4）生炒骨🦴肉炸得幾好，唔會乾身得滯。肉量唔少同用既係排骨位，食嘅時候要小心啲。調味適中，不過不失咁啦～😂5）魚香茄子煲🍆 嚟到嘅時候好火滾，係熱辣辣新鮮煮岀嚟。茄子同魚香味比較淡，送飯唔係好夠味🥲。6) 椒絲腐乳炒通菜🥗通菜唔會太老，好入味。帶少少辣同腐乳香。唯獨鑊氣唔夠，差啲香氣😕。7）炸豬手🐖豬手好大隻，表皮炸到好脆，有啲似燒肉既做法。肉質偏嫩，味道足夠。可以好好送飯😚。餸菜味道可以，中規中矩，經過都可以試吓！#foodiehk #foodie #和記廚房 #和記 #荃灣 #荃灣美食 #荃灣友 #香港 #香港美食 #boyyyfoodie…Read More

人均消費：$300推薦指數：⭐️⭐️⭐️⭐️今日平安夜同朋友約咗打邊爐，一直都想試吓呢間網紅店。所以就趁有機會去會一會六哥😂我哋叫咗個三號餐，無限時可以坐到收工，但留意last order係2330!!1）八品刺身🐠刺身新鮮，有齊三文魚北寄貝。做開胃菜都唔錯，切得幾厚身😋。食雞煲送埋刺身，呢個賣點幾好✨2）避風塘海鮮山🦀避風塘味夠濃，好香口。唯獨海鮮唔太新鮮，有蟹同蝦，感覺一般股😆。但勝在味道夠，都俾我哋清哂。3）牛頸脊🥩肉質正常同有牛味，冇好大陣既雪味。油花位夠，唔會太韌咬唔到😋。我哋都encore左幾碟。4）Wasabi 一口牛🐮六哥名菜，本身以為好伏，但原來有驚喜😍。用食雞煲嘅雞煲醬生啫牛肉，味道好濃仲有啲Wasabi味，估唔到夾得咁好😱其實仲有一個羊腩煲同海鮮蒸鍋冇影，有興趣可以自己去試吓👦🏻。埋單$300幾一個有咁多嘢食，性價比都ok!*有加一*五六日同公眾假期一個人額外收$10#foodiehk #foodie #喜聚雞煲 #旺角 #旺角美食 #旺角友 #香港 #香港美食 #boyyyfoodie…Read More

人均消費：$50推薦指數：⭐️⭐️⭐️⭐️趁住聖誕，同朋友專登去食宵夜。知道呢間既撈麵好出名，好多人介紹，咁我哋就專登去試下！😍😍我哋分別叫左腸仔燒賣魚蛋撈麵🐠，肥牛撈麵🐮同雞髀撈麵🐓。三個撈麵麵底一樣，舖頭用咗自己較既沙爹汁，好重花生醬香味。賣相雖然一般，但比出面既好食。腸仔燒賣魚蛋正常，肥牛冇太鞋，雞髀有少少乾。同撈麵夾埋幾滿足😋！我哋仲叫左雞軟骨同雞肉串，串燒燒得香口，唔會太乾。淋左佢地既沙爹汁，成件事升級咗好多☺️但係等既時間有啲耐，唔建議多人嘅時候去。我哋都等左成個鐘先有🥲#foodiehk #foodie #廟街小食 #油麻地 #油麻地美食 #油麻地友 #香港 #香港美食 #boyyyfoodie…Read More

人均消費：$200推薦指數：⭐️⭐️⭐️⭐️⭐️近排睇咗先知 原來麻辣風雲改咗做風雲排檔 除咗本身幾好食既酸菜魚🐟 竟然連大排檔嘢都撈埋 就同屋企人上去試吓佢咩料先🤣1）避風塘鮮魷🦑 $118見到賣相非常吸引😍，表面鋪滿咗炸蒜，好有避風塘嘅感覺。鮮魷好新鮮，非常之爽脆。每一啖可以將炸蒜連埋鮮魷一齊食，鹹鹹香香，而且帶少少辣，非常之好食。😋2）黃金蝦仁炒飯🍚🦐 $88聽到黃金就知係落咗鹹蛋黃嚟炒😝，成個飯炒到金黃色咁，每粒飯都粒粒分明，夠晒乾爽。蝦嘅份量絕對唔少，而且size都幾大隻。鹹蛋黃同飯好夾，我本身都好鍾意食鹹蛋黃，呢個炒飯✅✅✅3）香辣雞煲🐔$88因為屋企人唔食得辣，所以專登嗌咗小辣🥵。雞煲嘅賣相好正。雞件大大件，食落唔會好鞋同韌，少少麻麻辣辣咁，令我會keep住想食落去^_^4）蔥爆羊肉🐑 $88呢個餸估唔到咁出色，羊肉嘅份量好多，同京蔥一齊爆炒，令到成個餸好惹味。蔥同埋羊肉都吸晒啲醬汁，攞嚟送飯簡直一流！😋5）炸饅頭🍞成件事好有儀式感，成架船咁上菜，底下有乾冰🧊噴晒啲煙出嚟，好有玩味～😆 炸饅頭做到外脆內軟，隔離有煉奶可以俾你點，最好食就係成個饅頭點滿晒煉奶，嗰種味道真係超jeng!!!!😚我同屋企人都好滿意，估唔到轉咗型之後都仲咁jeng！😍有機會一定再嚟試吓。#foodiehk #foodie #風雲排檔 #旺角 #旺角美食 #旺角友 #香港 #香港美食 #boyyyfoodie…Read More

人均消費：$100 - 200 推薦指數：⭐️⭐️⭐️⭐️lunch time要farewell同事 於是就book左呢個間餐廳試吓🤣 網上comment好似幾唔錯 唔知味道如何呢?1） 慢煮牛肩胛肉 $178 🐮🥩牛肉味道濃，軟得嚟又冇太多筋位。佢配左d香草醬、燒汁同鹽。食落配鹽最好食😋，唔會俾d醬遮左，最食到肉味。但係價錢偏貴，本身以為有配菜薯條之類，最後都係冇，有少少失望😭總結環境唔錯，人都坐得唔太迫。燈光昏昏暗暗，lunch time食飯都幾chill，得閒可以試吓～#觀塘 #觀塘美食 #西餐 #wineanddine #cafe #chill #香港 #香港美食 #boyyfoodie #westfood #lunch…Read More

人均消費：$100-200推薦指數：⭐️⭐️⭐️⭐️⭐️一早就知萬發好出名 今日約咗班朋友出嚟食飯 專登過去試一試佢 睇吓係咪真係有料到先😏1）椒鹽鮮魷🦑 $148鮮魷好香脆，粉漿唔會太厚。用料新鮮非常，唔會feel到好韌咁。份量都算幾大碟，食之前再加少少醋會更加好味2）黑椒薯仔牛柳粒🥔🥩 $148萬發名物之一。牛肉軟腍，薯仔炒得夠焦香。味道啱啱好，夠哂鑊氣，真係唔食唔得！😝3）啫啫通菜煲🦐 $88食咗好耐仲熱辣辣，真係好好食同好惹味！通菜唔會太老，食落爽口。仲好掛汁添jeng😍4）咕嚕肉🍍$118肉炸得相當通透，唔會太乾太鞋。粉漿薄薄一層，肉量唔少，冇成口都係粉既感覺。調味偏酸，不過都啱啱好，唔會太過份😙5）魚香茄子煲🍆 $108茄子惹味，帶少少辣。鹹味同茄子好夾，吸哂d汁咁。用嚟送飯真係一流😎最後6個人食飯，埋單每人唔洗2舊水。味道幾好而且有鑊好，抵過其他餐廳好多!…Read More

人均消費：$100-200推薦指數：⭐️⭐️⭐️⭐️難得一日Day off，決定同屋企人提早慶祝下中秋，於是晏晝揀左間可以任食點心既酒樓試吓。1）點心+小菜（任食 無限時）$158 係酒樓可以任叫點心真係好爽，平時食開嘅點心全部都有，仲有啲炒粉麵飯😆。我同屋企人嗌咗兩三輪嘢食，佢嘅點心冇因為係任食而偷工減料，同平時散嗌嘅質素差唔多👍🏻。蝦餃好足料，入邊有好多隻蝦。其他嗰啲鳳爪、燒賣、牛肉球都合乎水準，淨係食點心都抵！😚佢啲小菜就麻麻哋，炒飯炒麵唔係好夠鑊氣💨。如果真係嚟食嘢，建議都係叫返點心穩陣啲，始終出面食點心都唔平，任食都真係幾抵下😝*五六日每人加$10*65歲或以上減$20*另收加一…Read More

人均消費：$50-100推薦指數：⭐️⭐️⭐️⭐️⭐️聽講觀塘有間cp值幾高既gelato😍 價錢大約$20一球細 同平時食Haagen-Dazs差唔多錢 咁梗係要試吓啦🥰1）Small Double（可以揀1-2口味）$43 🍦之前睇過抹茶味好出名，有哂濃度可以揀，但今日唔見有，有啲可惜😭。揀之前店員會俾一隻味你試，我就揀左tiramisu，不過食落唔啱所以冇揀到🙂‍↔️。最後我就揀左豆腐紅糖同藍莓乳酪。先講下豆腐紅糖，有一粒粒紅糖係雪糕入面，帶少少豆腐味同甜味，唔會太甜，味道平平淡淡，感覺可以😌。而藍莓乳酪都係有一粒粒藍莓，味道想像得到，同食開嘅藍莓乳酪差唔多。不過相比其他有牌子嘅雪糕，我反而更鐘意佢，食落順滑一啲，奶味足夠，又唔會太甜。同埋價錢真係抵食，我會寧願揀食佢😝*地址：GANTO GELATO (觀塘)觀塘偉業街180號Two Harbour Square地下2號舖…Read More

人均消費：$100-200推薦指數：⭐️⭐️⭐️⭐️平日係觀塘都冇乜出去lunch🍚 今日專登出去搵有冇cafe好食 又俾我見到馬會樓上竟然有間cafe 咁就去試吓啦😆1）紐西蘭肉眼牛扒 $198 🐮🥩牛扒煎得香脆，切落去仲有肉汁流出嚟！熟度啱啱好。薯條好熱🍟，應該係啱啱炸好，不過似係現成，感覺一般。旁邊仲有少少沙律菜🥗，食得出係新鮮既，俾我食完牛扒之後可以refresh一下～2）薑汁美式有氣咖啡（凍） $50 🫚☕️真係好特別！估唔到咖啡都可以有薑味，而且仲係有氣🤣。咖啡保留左americano既苦味，又帶有少少薑味同氣，算係夾既。不過我自己就麻麻地，但都係特別既🤩總結嚟講，今餐價錢偏貴，不過環境都ok，幾有特色嘅。睇得出馬會有俾心機係間餐廳度，算係可以試吓啦！😁…Read More

人均消費：$50-100推薦指數：⭐️⭐️⭐️⭐️近排做緊gym🏋️ 出去食嘢都要搵啲健康嘅 咁啱見到大家樂賣緊餐卷 做會員$100有三餐雞胸飯加嘢飲 除返先$33一個飯😍 咁我梗係買嚟試吓啦！1）雞胸紅米炒飯（走汁） 🐓🍚雞胸唔鞋，煮得啱啱好熟，大大舊食落好有飽足感🥰。紅米炒飯比較乾身，食得出放咗好少油炒，食多兩啖都唔怕！蔬菜🥗就中規中矩，係急凍貨嚟，味道麻麻。嘢飲叫左杯齋咖☕️，都係普普通通。總結嚟講，$33一個飯已經算好抵，啱哂做gym或者減肥既人食。*全線大家樂都有…Read More

人均消費：$100-200推薦指數：⭐️⭐️⭐️⭐️話說今日約咗朋友出嚟食飯 平時成日都有食大排檔 就係未食過楚撚記 於是今日就走去試一試佢😋 1）避風塘鮮魷🦑 $112 鮮魷外面脆漿夠薄，唔會好厚粉。食得出係新鮮既，冇話好韌要咬好耐。避風塘香口，啲蒜粒🧄可以直接撈飯食，好滿足！ 2）蜜椒薯仔牛柳粒🥔🥩 $118 牛肉同薯仔切得好細粒，冇乜口感，但炒得都算有穫氣。味道亦都好夠，好香口。純粹細粒左少少，都算幾好食 3）鑊氣豉椒炒蜆🐚 $105 蜆肉吐哂沙好乾淨，冇食到我地成口沙，而且隻隻都開哂口，感覺好新鮮，有鮮甜味☺️。豉椒唔會好淡，都算惹味，一啖一隻停唔到口 4）菠蘿拔絲咕嚕肉🍍 $119 講明用既係梅頭肉，唔會好韌好多肥膏，外面層炸粉好薄好脆，冇成層粉咁好難食。個餸酸酸甜甜咁幾開胃😙，飯都可以食多碗🍚 整體嚟講，我同朋友都好滿意今餐飯，可能會再嚟。我地三個人最後食左$600零蚊，都唔算太貴💵，值得試一試#foodiehk #foodie #楚撚記大排檔 #楚撚記 #荃灣 #荃灣美食 #荃灣友 #香港 #香港美食 #boyyfoodie…Read More

人均消費：$100-200推薦指數：⭐️⭐️⭐️⭐️個日係荔枝角附近 朋友話想去玩下貓🐱 於是就search下有冇貓cafe 係網上見到呢間店唔錯 而且又幾近 所以就去試吓😙🍴Set for 4 （包餐湯+沙律+嘢飲+2個意粉+2個主菜） $5181）溫泉蛋野菌煙肉卡邦尼扁意粉🍳🥓卡邦尼好重芝士同奶油味，意粉煮得夠透👍🏻，連埋啲汁放入口，好滿足！溫泉蛋好流心，煙肉亦好夠味，仲有啲煙三文魚，味道唔錯😋2）原條鰻魚明太子忌廉扁意粉🐟鰻魚大大條，完全冇慳住嚟。明太子醬味道足夠濃味，可撈哂成個意粉好冇問題。不過不失、係條鰻魚特別驚艷左我🤣3）夏威夷薄餅🍍🍕呢個pizza冇想像咁脆，餅底會有啲厚，而我比較鍾意薄身既。芝士落得算多，底味足夠。較普通嘅一個pizza，冇乜驚喜🥺4）滋味四人小食拼盤 - 炸雞翼+炸雞+洋蔥圈+薯條 （要另加$48）🍟都係比較普通嘅炸物，味道可以同炸得夠酥脆，唔會話放咗好耐咁。我哋覺得可以加可以唔加，需要特別點😄。5）西班牙燒烤醬黑毛豬肋骨🐖豬肋骨外面有啲燶，原本以為會好老，但又冇事喎。肉質依然好嫩，冇好乾好柴既情況。燒烤醬好惹味，有少少酸。薯條就普普通通，都仲係好脆😌總結嚟講，今餐飯不過不失。價錢都唔算太貴，我地4個人食除返都係around $160計埋加一服務費，又可以玩貓同慢慢傾計，係一個可以chill既地方☺️…Read More

人均消費：$100推薦指數：⭐️⭐️⭐️⭐️⭐️嗰日同朋友喺葵芳睇完戲 搵緊有啲咩好食🤔 咁啱見到呢間賣叻沙嘅舖頭好出名 而且唔係成日開 所以我哋就專登過去try try佢🤤原本menu上有面有豬軟骨喇沙摻摻🐷同雞扒喇沙摻摻🐔可以揀，不過可能賣晒豬軟骨，所以我地都只係試左雞扒喇沙摻摻😭1）雞扒喇沙摻摻🍗 $78雞扒煎得好香脆，雞皮焦焦地。雞肉冇因為煎到咁而好鞋，反而仲好嫩滑同有肉汁😋。食得出有醃過，唔會淡到冇味。麵裏面仲有啲芽菜同半隻糖心蛋🥚，俾你配住嚟食解返個膩個喇沙湯底好香濃，會平時食嘅再濃郁少少。而個麵煮得都好透同會掛汁既，非常jeng! 😎總括而言，我覺得佢哋嘅喇沙幾好食👍🏻，但係冇試到豬軟骨就有啲可惜😔，可能下次同朋友或者自己嚟會試吓！*記住留意返佢哋IG，每日嘅營業時間都有唔同#foodiehk #foodie #隱世 #初心食堂 #葵芳 #葵芳美食 #小店 #香港 #香港美食 #boyyfoodie…Read More