Thooooomas's Profile

寛別七年 麥當勞再次聯乘《𝐌𝐘 𝐓𝐀𝐒𝐓𝐄 𝐎𝐅 𝐇𝐎𝐍𝐆 𝐊𝐎𝐍𝐆鋒味系列》。適逢香港麥當勞五十週年，帶來主打茶餐廳風味既安格斯煎蛋肉醬飽🍔同場加映青花椒味雞翼、糅合港式絲襪奶茶調製而成既曲奇奶茶新地等。🥘 餐點 🌕🌕🌕🌕🌘 𝟒.𝟐▻ 安格斯煎蛋肉醬飽 ★★★★★ 🄼🅅🄿 (𝗛𝗞𝗗𝟰𝟬.𝟱/𝗖𝗼𝗺𝗯𝗼 𝗛𝗞𝗗𝟱𝟯)一入口，煎蛋肉醬嘅香味撲鼻而來。個包本身搭配蛋黃醬，加上白芝士&安格斯牛，好香好有層次，直頭一秒返左去上世紀冰室嘅味道！小編由𝟐𝟎𝟏𝟖年初推出就一直念念不忘至今等足七年，回憶沒有走味！▻ 燒味風味𝐒𝐡𝐚𝐤𝐞 𝐒𝐡𝐚𝐤𝐞薯條 ★★★★☆個粉好重煙燻味，如果叫煙燻薯條會更加貼題。味道都幾好，但就唔太似燒味既味道。▻ 青花椒味雞翼 ★★★☆☆ (𝗛𝗞𝗗𝟯𝟭/𝗖𝗼𝗺𝗯𝗼 𝗛𝗞𝗗𝟰𝟳.𝟱)一開始感覺比較油膩，青花椒味去到入口中段先會慢慢出嚟，有佢嘅特別之處，但整體感覺都係偏油。▻ 曲奇奶茶新地 ★★★★★ (𝗛𝗞𝗗𝟭𝟮.𝟱)奶茶味做得好似，真係有絲襪奶茶嘅味道，曲奇好大嚿，而且十分脆口，極具口感，又係《鋒味系列》既一大力作！▻ 懷舊橙汁雜飲 ★★★★☆經典嘅冰室特飲，有啲似橙汁加什果，味道唔錯，如果有椰果就一流。🪙 𝐂𝐏值 🌕🌕🌕🌕🌑 𝟒.𝟎雖然今次《鋒味全餐》素價超過$𝟖𝟎，但講緊係試哂今期所有既產品，如果係普通一個餐都係$𝟓𝟎左右，用埋𝐀𝐩𝐩𝐬既優惠會再抵啲。小編覺得定價合理，你地又點睇呢？歡迎喺下面留言💬比個Like👍支持𝐆𝐨𝐮𝐫𝐦𝐞𝐭𝐦𝐚𝐩𝐩 😍⎯⎯⎯⎯⎯⎯⎯⎯⎯⎯⎯⎯⎯⎯📍香港麥當勞⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻#香港麥當勞 #謝霆鋒 #鋒味系列 #安格斯煎蛋肉醬飽 #快餐 #奶茶 #曲奇奶茶新地 #美食推介 #美食 #food #mcdonalds #hkmcdonalds #hongkong #burger #fries #gourmetmapp ⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻…Read More

海南雞飯｜$ 𝟓𝟏-𝟏𝟎𝟎⎻⎻⎻⎻⎻⎻小編對海南雞，有一份執著……今日過到黎旺角，會一會呢間海南雞實驗室，睇下佢研究成點！⎻⎻⎻⎻⎻⎻[本文為全自費真實食評]⎯⎯⎯⎯⎯⎯⎯⎯⎯⎯⎯⎯⎯⎯🥘 餐點 🌕🌕🌕🌕🌘 𝟒.𝟏⎻⎻⎻⎻⎻⎻▻ 溫泉雞套餐配香飯 (𝗛𝗞𝗗𝟲𝟯） 海南雞套餐配一碟雞、一配香飯、一小碟拍青瓜前菜、一碗雞湯及一杯飲品⎻⎻⎻▻ 海南雞 ★★★★☆海南雞質地做得幾滑，而且帶帶雞肉本身既香味。而且套餐本身包左雞既唔同位置，例如雞髀、雞胸、雞翼等等，可以一次過試哂唔同既口感，幾抵食。惟整體小編覺得有雞肉少少做得太淋，如果挺身啲會係完美既作品。⎻⎻⎻▻ 香飯 ★★★★★香飯帶帶少少黃薑粉味，但唔會太重，同時又做到雞油香味。最重要係飯食到粒粒分明，口感滿份，表現亮眼。⎻⎻⎻▻ 雞湯 ★★★★☆雞湯反而雞味唔算好出，冬瓜味更明顯。⎻⎻⎻▻ 飲品 ★★★★☆店家調配無糖烏龍茶，茶香顯著，有效解膩。⎻⎻⎻⎻⎻⎻▻ 咖央多士 ★★★☆☆ (+𝗛𝗞𝗗𝟮𝟱） 加購價錢有啲貴🫣多士烘得唔夠時間，表面唔夠脆，同時有啲唔係好夠醬，所以味道唔夠豐富，但都唔算差。⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻👨‍🍳 服務 🌕🌕🌕🌕🌑 𝟒.𝟎⎻⎻⎻⎻⎻⎻拍攝當日為假日晚餐時段，店家頗為繁忙。但店員算幾熱情招待，入座後有主動安排位置放低大件既隨身物品。備餐速度亦都理想。整體食得開心。⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻📸 環境 🌕🌕🌕🌖🌑 𝟑.𝟗⎻⎻⎻⎻⎻⎻店面裝修的確同實驗所有幾分相似，走未來工業風。小店地方唔算寛，但都唔會坐得辛苦。⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻🪙 𝐂𝐏值 🌕🌕🌕🌕🌑 𝟒.𝟎⎻⎻⎻⎻⎻⎻小編認為𝟔𝟑蚊可以食到高質既海南雞飯，而且有埋前菜雞湯飲品，雞同飯既份量都唔少，幾抵食。但咖央多士個人就覺得定價太進取，而且質素一般，未必需要叫。整體係一間幾有特色、有性格有質素既小店，值得再訪！⎯⎯⎯⎯⎯⎯⎯⎯⎯⎯⎯⎯⎯⎯📍全日雞實驗所｜旺角通菜街𝟖𝟎號地舖⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻…Read More

壽司郎｜$ 𝟏𝟎𝟏-𝟐𝟎𝟎⎻⎻⎻⎻⎻⎻[本文為全自費真實食評]⎯⎯⎯⎯⎯⎯⎯⎯⎯⎯⎯⎯⎯⎯🥘 餐點 🌕🌕🌕🌖🌑 𝟑.𝟗⎻⎻⎻⎻⎻⎻今個6月既新品，真正意義上新款唔算好多。不過有幾吸引既食材作賣點，其他壽司質素都平穩，整體來講都食得過。⎻⎻⎻⎻⎻⎻推薦款式🥢 黃金醬漬赤蝦 (𝗛𝗞𝗗𝟭𝟮)🥢 大吞拿魚腩配蔥花吞拿魚蓉 (𝗛𝗞𝗗𝟮𝟳)🥢 慢烤黑毛和牛配紅酒鵝肝 (𝗛𝗞𝗗𝟮𝟳)⎻⎻⎻⎻⎻⎻不推薦款式👎 明太子魷魚軍艦 (𝗛𝗞𝗗𝟭𝟮)👎 江戶前醋洗池魚 (𝗛𝗞𝗗𝟭𝟮)⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻👨‍🍳 服務 🌕🌕🌕🌕🌑 𝟒.𝟎⎻⎻⎻⎻⎻⎻當日為平日晚餐時段，店員都有求必應，上菜速度理想。⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻📸 環境 🌕🌕🌕🌗🌑 𝟑.𝟒⎻⎻⎻⎻⎻⎻典型壽司郎佈局，但唔知係唔係太忙，張枱有啲污糟。枱面有污漬，而平板電腦個mon更加係黐立立，有啲扣分。⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻🪙 𝐂𝐏值 🌕🌕🌕🌕🌘 𝟒.𝟏⎻⎻⎻⎻⎻⎻近年感覺到壽司郎為左擴張營業版圖，犧牲咗少少品牌質素。但不論食物款式、價錢，喺香港壽司界仍然有唔少既領先優勢。小編希望可以繼續保持落去啦，不過啲店面衛生問題就真係需要諗辦法搞搞佢，有啲意想不到呀！🫣⎯⎯⎯⎯⎯⎯⎯⎯⎯⎯⎯⎯⎯⎯📍壽司郎(佐敦)｜佐敦彌敦道233-239號佐敦薈1樓⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻#香港 #美食 #壽司 #壽司郎 #拍拖 #打卡 #sushi #sushiro #salmon #tuna #hongkong #food #shorts #gourmetmapp ⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻…Read More

尖沙咀保頓冰室最近推出懷舊豬油撈飯系列，包括八款經典豬油撈飯，每晚五時後其中一款豬油撈飯更以時光倒流價$𝟑𝟖發售，讓你於繁忙都市生活中，回味充滿老香港情懷的經典味道。⎯⎯⎯⎯⎯⎯⎯⎯⎯⎯⎯⎯⎯⎯▻ 八大豬油撈飯系列1. 椒鹽豬扒煎蛋豬油撈飯 (𝗛𝗞𝗗𝟲𝟴)2. 叉燒煎蛋豬油撈飯(𝗛𝗞𝗗𝟲𝟴)3. 香蔥滑蛋叉燒粒豬油撈飯(𝗛𝗞𝗗𝟲𝟴)4. 麻辣手撕雞豬油撈飯 (𝗛𝗞𝗗𝟲𝟴) 5. 中式牛柳豬油撈飯 (𝗛𝗞𝗗𝟳𝟮)6. XO醬牛柳粒豬油撈飯 (𝗛𝗞𝗗𝟳𝟮)7. 京都豬扒豬油撈飯 (𝗛𝗞𝗗𝟲𝟴)8. 蒜蓉醬爆海蝦豬油撈飯 (𝗛𝗞𝗗𝟲𝟴)⎻⎻⎻▻ 叉燒煎蛋豬油撈飯(𝗛𝗞𝗗𝟲𝟴) ★★★★★飯粒質感粒粒分明。另上既豬油&豉油可以按需要添加，增加香氣。即使係簡單既叉燒煎蛋，都可以做出富有層次既味道。⎻⎻⎻▻ 紐西蘭肉眼牛扒 配薯菜 (𝗛𝗞𝗗𝟭𝟭𝟴) ★★★★☆牛扒份量頗大，為經典鐵板牛扒配置。薯菜有別一般鋪底，呢度另上比你，具有脆度。⎻⎻⎻▻ 雪糕菠蘿包 (𝗛𝗞𝗗𝟰𝟬) ★★★★★雲呢拿雪糕軟中帶硬，有突出雲尼拿香油味道。菠蘿包有烘過，口感實淨鬆脆。⎻⎻⎻▻ 沙嗲牛肉西多士 (𝗛𝗞𝗗𝟰𝟬) ★★★☆☆沙嗲牛肉濃厚入味，西多士甜中帶花生醬香，不過兩者加埋唔算有太大化學作用。⎻⎻⎻▻ 紅豆冰 (𝗛𝗞𝗗𝟮𝟲｜套餐+𝗛𝗞𝗗𝟴) ★★★★★奶味香濃，配搭紅豆蓉唔會太甜，口感香滑而不甜膩，完美還原經典冰室味。⎯⎯⎯⎯⎯⎯⎯⎯⎯⎯⎯⎯⎯⎯📍保頓冰室｜尖沙咀亞士厘道𝟐𝟎𝐀號地舖⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻#hkfood #冰室 #香港 #懷舊 #豬油撈飯 #保頓冰室 #打卡好去處 #food #vintage #gourmetmapp ⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻…Read More

沙田凱悅酒店咖啡廳自助晚餐，主打海鮮+燒烤+多國菜，依家仲做緊港式主題，聯乘可口可樂，帶來多國美食體驗！⎻⎻⎻海鮮方面，呢度有波士頓龍蝦🦞鱈場蟹腳🦀大蝦🦐等等既凍海鮮無限量供應！⎻⎻⎻自問係肉食狂魔既你，豈能錯過呢度既熱食檔口！除左有燒牛肉、脆皮燒豬腩肉外，𝟕:𝟑𝟎𝐩𝐦後更有巨型斧頭扒即席燒烤！另外仲有各款西式燴菜🍖令你一嘗傳統西式佳餚既滋味。⎻⎻⎻念念不忘，始終懷念中式熱盤既家鄉味？呢度同樣有汁煮鮑魚、原條清蒸海上鮮🐟小編當晚供應清蒸石斑，絕對有一秒置身酒樓既感覺。⎻⎻⎻飽餐一頓，豈止一點甜？呢度有經典既麵包布甸、現場即製既班戟、窩夫🧇更有多達八款雪糕🍨供你配搭。還有更多款式，留待你既「甜品胃」在此繼續發掘！⎻⎻⎻沙田凱悅酒店最近聯同可口可樂，推出全新「懷舊港式滋味盛宴」，輪流供應十多款懷舊港式菜式，靈感來自沙田冬菇亭，糅合 𝐂𝐨𝐜𝐚-𝐂𝐨𝐥𝐚® 嘅創意元素，帶來一系列全新菜單，包括可樂話梅炆豬手、避風塘虎蝦、美極豉油皇煎虎蝦、𝐗𝐎醬小炒皇、椒鹽魷魚等。同場加映「懷舊汽水無限暢飲」體驗🍹設有玻璃樽裝可樂、雪碧、忌廉汽水等，加上即席特飲專區，讓你與你的摯愛回憶段段美好時光！⎯⎯⎯⎯⎯⎯⎯⎯⎯⎯⎯⎯⎯⎯沙田凱悅酒店咖啡廳「懷舊港式滋味盛宴」主題自助晚餐｜晚上𝟔時至𝟏𝟎時｜成人 𝗛𝗞𝗗𝟳𝟲𝟬 兒童 𝗛𝗞𝗗𝟯𝟴𝟬｜以港元計算並須附加𝟏𝟎%服務費 六歲以下兒童免費｜一天前於官網預訂 𝟔 至𝟏𝟑歲兒童可享半價優惠⎯⎯⎯⎯⎯⎯⎯⎯⎯⎯⎯⎯⎯⎯📍咖啡廳｜沙田澤祥街𝟏𝟖號沙田凱悅酒店大堂⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻#香港 #美食推介 #自助餐 #打卡 #香港美食 #酒店 #海鮮 #燒烤 #凱悅酒店 #沙田 #拍拖好去處 #拍拖 #hongkong #food #buffet #seafood #hyatt #gourmetmapp ⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻…Read More

車仔麵｜$ 𝟓𝟏-𝟏𝟎𝟎⎻⎻⎻⎻⎻⎻[本文為全自費真實食評]⎯⎯⎯⎯⎯⎯⎯⎯⎯⎯⎯⎯⎯⎯🥘 餐點 🌕🌕🌕🌕🌑 𝟒.𝟎⎻⎻⎻⎻⎻⎻▻ 二人套餐 （兩碗四餸車仔麵｜油菜｜兩杯冷熱飲品) （𝗛𝗞𝗗𝟵𝟵)小編由細細個喺元朗總店食到大，見證住佢近年越開越多分店。味道都係𝐤𝐞𝐞𝐩到咁好食。蘿蔔清甜味道好出、豬紅坊間少見有蒜香味帶有甜味收結、滷水豬腸質感煙韌十分入味。湯式依舊藥膳湯加銷魂辣汁，回味無窮！⎻⎻⎻▻ 凍柚子檸水 (+𝗛𝗞𝗗𝟱)柚子味突出，但唔會死甜，或者飲到最後得個甜味。整體味道平衡，控制得幾好。⎻⎻⎻▻ 紅豆冰 （+𝗛𝗞𝗗𝟱)經典港式凍飲，簡單純樸。唔會帶俾你太大驚喜，但飲既就係經典香港味道。⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻👨‍🍳 服務 🌕🌕🌕 🌖🌑 𝟑.𝟖⎻⎻⎻⎻⎻⎻收銀姐姐盡責，確保每一位到店堂食都有位坐，唔會要你企喺度呆等。⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻📸 環境 🌕🌕🌕🌗🌑 𝟑.𝟓⎻⎻⎻⎻⎻⎻店面有裝修，一入門口就聞到好香滷水辣汁味道，令人食欲大開。不過座位非常狹窄，堂食會坐得有啲辛苦。⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻🪙 𝐂𝐏值 🌕🌕🌕🌕🌑 𝟒.𝟎⎻⎻⎻⎻⎻⎻車仔麵越加越貴，一碗三餸麵超過𝟔𝟎元都大有人在😮‍💨今次呢間$𝟏𝟎𝟎左右，可以食到兩碗四餸，仲有一碟油菜，都算𝐂𝐏值幾高。可以再訪！⎯⎯⎯⎯⎯⎯⎯⎯⎯⎯⎯⎯⎯⎯📍永年士多 (尖沙咀店)｜尖沙咀加拿分道𝟒𝟔號⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻#香港 #美食 #hongkong #hongkongfoodie #dailyfood #車仔麵 #豬紅 #蘿蔔 #辣 #親民美食 #noodles #深夜食堂 #打卡 #foodie #gourmetmapp #tsimshatsui ⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻…Read More

韓國刀削麵｜$ 𝟏𝟎𝟏-𝟐𝟎𝟎⎻⎻⎻⎻⎻⎻[本文為全自費真實食評]⎯⎯⎯⎯⎯⎯⎯⎯⎯⎯⎯⎯⎯⎯🥘 餐點 🌕🌖🌑🌑🌑𝟏.𝟕⎻⎻⎻⎻⎻⎻▻ 豆汁冷麵 （𝗛𝗞𝗗𝟳𝟴） ☆☆☆☆☆78蚊一碗無餸既淨冷麵，我期望碗麵會好出色。點知一食落口，所謂既刀削麵完全係硬到未煮熟咁，麵質同喺超市買既即食麵無分別，完全感覺唔到邊度自家製，個汁似維他奶溝麻醬，杰得黎仲甜甜地，總之成碗野又乾又硬仲要甜甜地，唔識欣賞。⎻⎻⎻⎻⎻⎻▻ 雞髀刀削麵 (𝗛𝗞𝗗𝟳𝟴) ★★☆☆☆呢碗好啲，起碼有隻雞髀食下。但隻髀既烹調手法就係白烚。個湯味道十分微弱，接近熱水。不過比起上面，算抵食好多架喇。⎻⎻⎻⎻⎻⎻▻雙拼餃子 （大豬肉+大泡菜餃子) (𝗛𝗞𝗗𝟱𝟴) ★★★★☆餃子係成餐飯最好取既菜式，都算足料，外皮煙靭可口。但58蚊都係得4舊。性價比就真係講唔出係抵食。⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻👨‍🍳 服務 🌕🌑🌑🌑🌑 𝟏.𝟎⎻⎻⎻⎻⎻⎻有位戴眼鏡既男店員，全程都係串串下咁，舉手叫佢過黎都係一副唔耐煩既樣叫你等陣，但當晚全店只係座左四枱客。埋單嗰刻仲精彩，幾錢又唔講，收咩payment又唔講，淨係企喺度等你比錢，收完錢唔講多謝都算，仲係個頭郁一郁就算，全程望都唔望你一眼，唔講唔知以為我呃緊佢錢😂嗰一分係比另一位阿豬媽店員。⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻📸 環境 🌕🌕🌕🌗🌑 𝟑.𝟓⎻⎻⎻⎻⎻⎻一般小店格局，無咩好講，冷氣唔係好夠。⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻🪙 𝐂𝐏值 🌖🌑🌑🌑🌑 𝟎.𝟕⎻⎻⎻⎻⎻⎻食物無味，淨麵收78，Menu掃QR code，水自己斟，飲哂無人換，職員咩態度呢度唔多提，全單好意思仲要收加一，我真係滿頭問號。兩碗麵加四粒餃子，無野飲，埋單235蚊。我相信去對面茶餐廳食個晚市套餐都無咁嬲，起碼人地有湯有飯有凍飲。⎯⎯⎯⎯⎯⎯⎯⎯⎯⎯⎯⎯⎯⎯📍 自家製韓國刀削麵｜元朗鳳攸南街3號好順景大廈地下6號舖⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻…Read More

泰式風味｜$ 𝟓𝟏-𝟏𝟎𝟎⎻⎻⎻⎻⎻⎻[本文為全自費真實食評]⎯⎯⎯⎯⎯⎯⎯⎯⎯⎯⎯⎯⎯⎯🥘 餐點 🌕🌕🌕🌕🌑 𝟒.𝟎⎻⎻⎻⎻⎻⎻▻ 咸香海南雞配油飯 (𝗛𝗞𝗗𝟲𝟱) ★★★★☆雞既份量都幾多，質感香滑，味道唔錯。油飯雞油香味突出，但略嫌飯既質感唔夠粒粒分明。海南雞飯點少得醬汁！甜豉油發揮正常，辣汁個人覺得有少少過咸，本身蒜香&辣味唔夠出，不過整體都唔錯。⎻⎻⎻⎻⎻⎻▻ 隨餐: 是日餐湯 胡椒湯 ★★★★★例湯驚喜地做得十分出色！入口胡椒味好出，蘿蔔亦都好清甜無渣，高水準之作🌟⎻⎻⎻⎻⎻⎻▻ 隨餐: 柚子檸檬蜜 ★★★★☆今餐醬料味道重，配上比較清新既飲品，起到中和作用。飲落幾順口，惟飲到最尾有少少甜。⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻👨‍🍳 服務 🌕🌕🌕🌕🌑 𝟒.𝟎⎻⎻⎻⎻⎻⎻拍攝當日為平日午餐時段，人流頗多。但職員都好積極，送餐時間亦理想，無等太耐，所以印象唔錯。⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻📸 環境 🌕🌕🌕🌖🌑 𝟑.𝟕⎻⎻⎻⎻⎻⎻餐廳走打卡𝐂𝐚𝐟𝐞小店風格，樓底偏高，裝修以白色作主調，視覺較為開揚柔和，不過餐廳面積不大，座位佈局較窄，坐得有啲迫，拉上補下，環境算中等水平。⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻🪙 𝐂𝐏值 🌕🌕🌕🌕🌘 𝟒.𝟐⎻⎻⎻⎻⎻⎻以𝟐𝟎𝟐𝟓年物價，𝟔𝟓蚊海南雞飯，不論份量及質素均有不俗表現，而且隨餐更有前菜、例湯及凍飲，絕對物有所值。個人認為甚至比部分自稱海南雞專門店，日售𝟗𝟎蚊以上既海南雞飯質素更好，如果稍為改善油飯質感，呢個價位會係無敵既存在。平日放𝐋𝐮𝐧𝐜𝐡想食抵食有質素既海南雞飯，呢間會係不二之選。⎯⎯⎯⎯⎯⎯⎯⎯⎯⎯⎯⎯⎯⎯📍 芭堤雅泰國餐館｜元朗安樂路𝟏-𝟏𝟏號明珠樓地下𝟏號舖⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻#gourmetmapp #元朗美食 #雲川百味 #米線 #牛柏葉 #香港美食 #相機食先 #吃貨 #foodie #Hkfoodie #yuenlong #美食推薦 #noodles #chill⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻…Read More

自助餐｜$ 𝟐𝟎𝟏-𝟑𝟓𝟎⎻⎻⎻⎻⎻⎻今晚食咩好？放題？不如食自助餐啦，但下下都六七百喎……等等，有一間𝟐𝟕𝟐蚊連加一就食到，仲平過放題？？得唔得架，小編同你即管試試，去片！⎻⎻⎻⎻⎻⎻[本文為全自費真實食評]⎯⎯⎯⎯⎯⎯⎯⎯⎯⎯⎯⎯⎯⎯🥘 餐點 🌕🌕🌕🌖🌑 𝟑.𝟗⎻⎻⎻⎻⎻⎻▻ 晚市自助餐 （星期一至五及公眾假期前夕𝟱:𝟬𝟬-𝟳:𝟬𝟬𝗣𝗠） (𝗛𝗞𝗗𝟮𝟳𝟮𝗡𝗘𝗧) ⎻⎻⎻⎻⎻⎻▻ 凍海鮮: 鱈場蟹腳山 & 即開生蠔 ★★★★★當晚凍海鮮有鱈場蟹腳、翡翠螺、熟蝦、青口。最吸睛係入門口右手邊既凍海鮮鱈場蟹腳山，十分澎湃！質素普遍達到自助餐平均水準，蟹腳驚奇地鮮美，唔係放題嗰啲既級數。竟然仲有生蠔🦪雖然比較細隻，但亦算鮮美，有海水鮮味。⎻⎻⎻⎻⎻⎻▻ 燒牛肉 ★★★★★ 🄼🅅🄿十分有驚喜‼️生熟程度剛好，入口有好濃既牛味，質素甚至比部分𝟔𝟎𝟎-𝟕𝟎𝟎蚊既自助餐更勝一籌，十分誇張。可惜食一塊就已經好飽🤣⎻⎻⎻⎻⎻⎻▻ 刺身 ★★☆☆☆刺身方面發揮一般。選擇有三文魚、八爪魚、𩶘魚、醋鯖魚、玉子。除左三文魚肥美之外，其他選擇都無咩味。感覺到餐廳想喺刺身方面減省成本，換來打造其他重點菜式。⎻⎻⎻⎻⎻⎻▻ 飲品 ★★★★☆選擇甚多，有幾款果汁，亦都有咖啡機、酒水任飲，個人覺得算好有部誠意。⎻⎻⎻⎻⎻⎻▻ 甜品 ★★★☆☆有一定既選擇，整體水準中等。無咩邊款特別好食，但亦都無明顯伏位。值得一提此價位仍然有四種𝐌𝐨𝐯𝐞𝐧𝐩𝐢𝐜𝐤口味供應，乃一大亮點。⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻👨‍🍳 服務 🌕🌕🌕🌕🌑 𝟒.𝟎⎻⎻⎻⎻⎻⎻服務員以及企檔師傅都專業有禮，食得自在。收碟及食物補充速度亦夠爽快，無因為價位而刻意扣減食材。⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻📸 環境 🌕🌕🌕🌗🌑 𝟑.𝟔⎻⎻⎻⎻⎻⎻餐廳裝潢具現代風，但座位安排緊湊，空間有點侷促。衛生有改進空間，尤其放鉸剪既碟有輕微污漬，略為影響印象。⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻🪙 𝐂𝐏值 🌕🌕🌕🌕🌖 𝟒.𝟖⎻⎻⎻⎻⎻⎻𝟑𝟎𝟎蚊以下的晚市自助餐，香港已幾近絕跡。喺呢個價位下，冷盤、牛扒、甜品亦有不俗的亮點，感受到餐廳的誠意。雖然有菜式感受到節省成本的感覺，例如刺身、較廉價的沙律、熱盤，但考慮到極為親民既價錢，絕對無投訴，值得再訪！⎯⎯⎯⎯⎯⎯⎯⎯⎯⎯⎯⎯⎯⎯📍 柏麗廳 𝐓𝐡𝐞 𝐏𝐚𝐥𝐚𝐭𝐞 𝐁𝐮𝐟𝐟𝐞𝐭｜沙田白鶴汀街𝟖號帝都酒店𝟑樓⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻#香港 #美食 #自助餐 #海鮮 #牛扒 #蟹腳 #生蠔 #刺身 #甜品 #buffet #seafood #steak #crab #sashimi #dessert #親民美食 #foodie #沙田 #帝都酒店 #柏麗廳 #優惠 #gourmetmapp #shatin ⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻…Read More

香港鋸扒餐廳好多，其中碳燒牛排的價位普遍較高。今日黎到這家牛扒餐廳，絕對係CP值之選！⎻⎻⎻⎻⎻⎻[本文為全自費真實食評]⎻⎻⎻⎻⎻⎻▻ 炭燒穀飼澳洲肉眼牛扒 (𝗛𝗞𝗗𝟯𝟬𝟴) ★★★★★真係不愧係碳燒牛扒起家嘅餐廳，一入口就感受到濃濃嘅煙薰香味，完全冇令肉質變得乾柴。牛扒外層燒烤香味十足，內裡卻保持咗傳統牛扒嘅軟嫩多汁。旁邊嘅薯蓉雖然賣相唔算好，但味道夠牛油味同薯仔既香味，質感滑溜，絕對係高分之作。⎻⎻⎻⎻⎻⎻▻ 隨餐: 是日餐湯 海鮮濃湯 ★★★★★湯底吸收咗海鮮嘅精華，甜中帶微甘，質地厚實但唔會過濃。飲下飲下很快就見到碗底。⎻⎻⎻⎻⎻⎻▻ 追加: 生蠔海鮮拼盤 (𝗛𝗞𝗗𝟯𝟵𝟴) ★★★★☆生蠔品質極佳，海水極濃且十分鮮美，齒頰留香。其他海鮮的鮮度亦佳，比自助餐的冰鎮海鮮普遍高一個檔次，但考慮到價格比起牛扒仲要高，但每款海鮮份量不多，僅每人一隻，𝐂𝐏值令佢少了一星。建議點二人套餐(𝗛𝗞𝗗𝟲𝟵𝟴)加𝗛𝗞𝗗𝟭𝟴𝟴加點會比較划算，但套餐只可點一份牛排+一份意粉。⎻⎻⎻⎻⎻⎻📍 𝐂𝐡𝐞𝐟’𝐬 𝐒𝐭𝐚𝐠𝐞 𝐊𝐢𝐭𝐜𝐡𝐞𝐧元朗店｜西菁街𝟐𝟑號富達廣場地下𝟓𝟐-𝟓𝟔號鋪將軍澳店｜唐俊街𝟏𝟐號天晉匯地下𝐆𝟎𝟑號鋪…Read More

港式川味｜三哥燙｜$ 𝟏𝟎𝟏-𝟐𝟎𝟎⎻⎻⎻⎻⎻⎻❓❓我有無眼花？三哥燙？係咪老翻？原來全港首間譚仔三哥麻辣燙全新概念店已經登陸元朗！咁巴閉，𝗴𝗼𝘂𝗿𝗺𝗲𝘁𝗺𝗮𝗽𝗽梗係第一時間同你搶先試味！⎻⎻⎻⎻⎻⎻[本文為全自費真實食評]⎯⎯⎯⎯⎯⎯⎯⎯⎯⎯⎯⎯⎯⎯🥘 餐點 🌕🌕🌕🌕🌘 𝟒.𝟐⎻⎻⎻⎻⎻⎻▻ 三哥燙 (𝗛𝗞𝗗𝟭𝟲.𝟴/𝟭𝟬𝟬𝗴) 片中份量: 𝗛𝗞𝗗𝟭𝟮𝟬⎻⎻⎻⎻⎻⎻ 配料 ★★★★☆店內一反傳統，需要自己喺自助區夾配料+主食，然後按重量收費。配料多左平時譚仔食唔到既配料，例如牛柏葉、𠝹花魷魚、蝦餅、炸鳳爪、萵筍片等等，當然唔少得經典配料如「墨演懶肉」(墨丸腩肉)、「牛演移蛋」(牛丸魚蛋)，近年重推既鴨血亦都喺配料之列。值得一提主食方面亦有米線、薯粉，連火鍋寛粉都有，用料頗有誠意。惟欠黃喉毛肚，個人覺得如果有埋就錦上添花。⎻⎻⎻⎻⎻⎻湯底 ★★★★★所有喺譚仔三哥出現過既湯底，呢度全部都搵得到。今日呢碗麻辣燙，唔知係咪因為逐碗煮比你既關係，湯頭特別有生滾獨有嘅火喉，多左一股香味，味道唔錯。除左麻辣燙之外，夾完既配料都可以選擇用來打邊爐，另一種風味。⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻👨‍🍳 服務 🌕🌕🌕🌕🌗 𝟒.𝟓⎻⎻⎻⎻⎻⎻門口有位姐姐好親切咁向你介紹點餐既程序，同埋特式餸菜，招呼幾周到。餐廳新開業，付款過程略有沙石，未能做到行雲流水，但整體都食得自在又開心。⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻📸 環境 🌕🌕🌕🌕🌑 𝟒.𝟎⎻⎻⎻⎻⎻⎻譚仔三哥新派既裝修。因應營運模式唔同，店內既擺設同一般既三哥有明顯既分別。但都好有三哥裝修風格，成件事幾特別。⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻🪙 𝐂𝐏值 🌕🌕🌕🌗🌑 𝟑.𝟒⎻⎻⎻⎻⎻⎻店內食物以重量計算，主食、肉類比較佔重量，如果以平時一碗三餸米線既份量，呢度大約會係𝗛𝗞𝗗𝟲𝟬-𝟴𝟬，若果想豐盛啲，片中份量會係大約𝗛𝗞𝗗𝟭𝟭𝟬-𝟭𝟯𝟬，坦白講唔算平，不過勝在配料千變萬化，小編認為值得一試。⎯⎯⎯⎯⎯⎯⎯⎯⎯⎯⎯⎯⎯⎯#gourmetmapp #譚仔三哥 #譚仔三哥米線 #米線 #譚仔 #墨演懶肉實小辣 #墨演memes #三哥燙 #麻辣燙 #川菜 #火鍋 #配料 #冒菜 #譚仔姐姐 #香港 #香港美食 #形點 #加點 #元朗 #元朗美食 #hongkong #food⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻📍 三哥燙｜元朗鳳翔路𝟐-𝟔號𝐘𝐎𝐇𝐎 𝐏𝐋𝐔𝐒加點𝟏樓𝐂𝟏𝟏𝟎號舖⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻…Read More