jasmine_hoho's Profile

假日好天氣，同閨密行下西九龍文化區。🌞相比起周邊其他café同餐廳，依間主打日式裝修既咖啡店係比較少人排隊，排左20分鐘左右入得🐙明太子章魚丸章魚丸內餡唔太足料…入面得1小粒章魚粒，其他都係麵糊🥴，明太子醬適量，咸香🍟黑松露薯角薯角炸得唔夠脆口乾身，似焗多過似炸。黑松露醬唔夠香唔算濃郁☕️Latte & Flat White咖啡偏淡口，少酸，我地叫左Skim Milk，相對奶味冇咁濃，飲落口感亦比較薄身啲整體黎講，如果唔係間間條隊都咁長，其實唔會揀佢，價錢亦都偏貴，唔多抵食🤪 唯一可取佢開正係海傍，影相打卡呃到like既~不過我見到好多朋友仔話佢地服務態度差，又會鬧客，我反而覺得佢地幾有禮貌，而且幾貼心，係咪因為已經炒左有問題既同事呢？…Read More

門口長長既人龍，就知依間好野黎💛💛..拉麵選擇只有蝦味噌🦐同豚骨🐷，有得單叫或套餐，套餐可揀芥辣蝦沙律/ 小龍蝦蟹籽沙律同餃子..今次試晒2款拉麵同揀左餃子+小龍蝦沙律😝.🦐蝦味噌拉麵 （本人推介🌟）橙紅色湯頭，散發陣陣鮮香蝦味，表面佈滿一大堆櫻花蝦仔，蝦湯鮮甜而不膩，叉燒偏瘦，口感扎實，厚薄適中，拉麵幼身，冇鹼水味.🐷豚骨拉麵奶白色湯頭，最欣賞表面唔會有厚厚油脂。同其他著名拉麵店相比，豚骨湯較清淡，冇咁黏口，但豚味亦頗濃..🥗小龍蝦沙律 & 煎餃子料足！小龍蝦有份量，同蟹籽沙律比例平均，夾住附上既壽司紫菜一齊食，相輔相成🥳至於煎餃子就係入貨，分別不大.同場加映：如果你食得辣，強烈推介辣芽菜，微辣而不嗆喉，惹味又爽口…Read More

基本上去親唯一都要排隊，認住長長既人龍就唔會去錯，排左5-10分鐘就有位了。叫左酸辣+腩肉+豬頭肉 [[[中辣]]]我好欣賞唯一既米線冇欺場，叫親酸辣都勁多酸菜同辣肉碎，芽菜都好多又索晒味🤤🤤米線彈口唔漿口，啲餸次次都多到堆山咁～不過又咁講⋯有讚就會有彈😏😖😖點解腩肉會係一堆乾柴瘦肉黎？一啲都唔肥，同煲湯瘦肉有得揮，只可以講好有「咬口」，下次一定要叫到豬腸⋯豬腸買晒先食腩肉咋⋯⋯😔🤩🤩反而豬頭肉夠肥夠稔身夠入味，會附帶少少豬耳，豬耳爽口有咬勁，好味我覺得$54啲料係多同好滿足，相比其他米線佢既價錢既略偏貴，但味道我覺得的確唔錯，期待佢地腩肉可以有待改善唔會再拎啲滷到乾柴既瘦肉當腩肉啦…Read More

食雞個種豪邁係會食上引，不顧儀態大啖大啖會食雞更加係爽YY，雖然Goobne最近出左deep dish pizza，但鑑於本人冇咁大個胃，唯有留返下次多人聚餐先試。因為佢既menus set死左2隻唔同味道既雞各半份為1份，一共4 sets，但我地又唔想食佢set死既味道，適逢依個UFO烤雞可自選味道之餘又有邪惡芝士，所以最後決定試一試。我地揀左果味蒜香+蜜糖燒烤味，份量對2人黎講真係好多，每人8隻雞搥。相比之下，我比較偏愛果味蒜香，蒜香加芝士，簡直係邪惡既組合，其實本身就咁食就已經好野味我自己本身好鐘意食拉絲芝士，因為夠實在有咬口，但男朋友就完全唔鐘意，佢話唔夠香同啲雞唔夾，佢會鐘意用芝士火鍋既芝士，因為夠濃香同一點就可以浸滿晒個主體，聽完佢講⋯感覺又好似幾好食至於明太子芝士蛋卷，我幾乎黎親都會叫，因為蛋卷厚實，入面包住滿滿既拉絲芝士，配上明太子醬同蟹籽既咸香，真係好滿足加上扎實既口感，其實切2小件食已經好飽～不過西柚米酒就一般般，米酒味唔算太重，畢業得1.2%酒精，但真係太～～～甜，下次會選擇叫返其他飲品店員哥哥好值得稱讚，有禮貌，而且有問必答，我影唔切拉芝士動態圖又再做多幾次比我影。再加上安排我地坐室外，環境都算舒適，天氣又舒服，又唔太嘈，爽…Read More

本來同男友係衝住佢地既水牛雞翼而黎，男友話食過覺得幾好食，點知店員話轉左老闆，所以餐牌好多野都唔同左，結果就試下食一啲之前冇食過既野～煙三文魚凱撒沙律菜夠凍，夠爽脆，醬汁適中平均，煙三文魚份量適中。。雞肉都大塊，不過略嫌有D乾同鞋口，青醬比例足夠，意粉夠彈牙，補返少少不足，但本人覺得咸味可以加返重少少，增加野味。。依個荷蘭醬豬排真係正正子豬排厚切，而且疊左2層，唔會有豬仔臭酥味，肉質稔軟，一咬即刻斷開，而且肉汁滿滿，加上荷蘭醬，少少酸但又creamy，唔會有重重既油膩感，同豬排夾埋一齊食冇得輸至於花生風暴就係花生咖啡沙冰，唔算太甜，而且有花生碎，鑑於本人係重口味怪，我覺得花生味唔算太出，本人係覺得可以多加花生醬落去令味道同口感更濃郁整體覺得成個用餐過程都幾舒服，店員都好有禮貌同用心解答我地既問題，環境亦唔算太嘈，所以讚讚…Read More

嵩記舖面好細，一眼已經望晒，有3-4張枱左右，樓面一個伯伯，廚房一個叔叔，就係咁多人。一直都聽男朋友話嵩記牛腸米好正，終於比我試到，真係好好食，一試難忘。價錢牌係冇依個選擇，只有最common既選擇，牛腩，牛肚，牛什個d。售價只需22蚊既牛腸米份量一d都唔姑寒，牛腸好多，湯底五香味濃，薄薄既牛腸內壁脂肪好平均，唔會覺得特別膩口，而且炆到好稔軟，上下顎一壓基乎可以拉開，米粉份量都唔少，食完一碗真係意猶未盡，飽雖飽，但仲想試下其他，男朋友又想食多少少，一於決定叫多個筋腩米試試。筋腩米價錢貴少少，但都係30幾蚊，份量足料，筋位稔軟入味，牛腩一咬即爛，真係好抵食。真心覺得牛腸米真係冇得輸，要比較起，牛筋腩雖然唔差，但真心推介依然係牛腸，加上辣椒油同紅醋一齊食，真係毫無破綻。雖則店子小小，舖面陳舊，但非常值得繼續支持！…Read More

睇住依間舖頭新開張，一直想換機會試，因為好似好平，適逢遇上有d唔舒服就將計就計，會一會佢。我叫左個最普通既皮蛋瘦肉粥，雖則d料唔多，皮蛋數得出有4-5粒，size都有手指公咁上下大，最得意係d瘦肉，應該用左五香粉醃，切到一條條肉絲咁樣，本身已經好咸味，而d粥其實都算綿，而且唔係加左好重味精，所以食落都唔錯。而碎牛皮蛋就聽講唔差，我自己都冇試食到。叫左隻咸肉糉同一碟芫茜叉燒腸粉，2樣都好抵食，咸肉糉送粥正，至於腸粉就一定唔係好簿皮，但芫茜同叉燒比例都平均，算咁上下而最吸引既係價錢好優惠，2個人叫4樣野，食飽飽又豐富加埋都係70蚊，其實依家依個價食晚餐真係好經濟啦…Read More

假日同男朋友係open rice搵有咩好食，見到老鳳既評價唔錯，就一於試下～名牌用顏色燈膽點綴閃閃下，裝修有d懷舊，用懷舊poster同霓虹燈加以襯托，極之吸引眼球，食慾大增。老鳳除左裝修夠懷蕭，menu外型都夠晒配合老鳳推介~ D名都好得意，幾有創意我分別去左2次，第一次去叫左芝士蕃茄湯鮮牛肉通粉+肉醬薯蓉炒蛋，餐黎既。蕃茄湯偏甜，甜到好似食緊糖水咁，冇蕃茄既酸味，食得出係大量茄膏加少少茄蓉同糖開出黎，勝在牛肉夠份量，夠稔身同芝士算多。同樣地肉醬薯蓉都偏甜，用通粉作為同一個餐就真係甜到"確''喉...隻蛋反而幾嫩同可以清清口入面既甜味。難得試新野，當然打算試下吸精又相機先飲既飲品，叫埋杯飛女可力試下。其實可力本身已經好甜，加埋面頭既cream同脆脆，唔好話唔膩，不過係幾足料既，而且好大杯，不過跟餐都要加多18蚊就貴左d，試完後，決定下次再黎食叫番普通野飲算～男朋友就食芝士豬頸肉撈丁跟多士，佢話個汁都偏甜，但算唔錯。我有試過豬頸肉，煎到香口同幾爽口同份量都多。第二次去食就食左肉夾饃加豬排上海麵，肉夾饃個皮好厚身，但入面d餡唔多，一啖已經食晒，淨反個齋包冇食。至於豬排上海麵其實唔差，面頭雪菜有蝦乾拌一拌，食起上黎陣味幾鮮，湯唔算好濃味，夾埋上海麵食岩岩好。最欣賞老鳳多士，岩岩新鮮焗出黎，脆卜卜，加上拉絲芝士同松露醬，真係好好食，襯熱食晒佢～一流整體黎講，野食其實都唔錯，我本身食野好濃味，我覺得佢都算岩晒我口味，不過茄湯有待改善，希望下次再食會有進步…Read More

友人比左好幾間餐廳既選擇我，結果揀左eat me，諗住價錢適中，地方就腳，諗住可以好好傾計⋯叫左個2人套餐，揀左一沙律一餐湯，大男人pizza同牛油野菜雜菌炒意粉，甜品係movenpick 雪糕。沙律都係普通野，菜唔係特別凍，亦唔算好新鮮，湯係粟米南瓜蓉湯，都ok好飲，不過不失pizza岩岩焗起上枱，香噴噴，芝士半拉絲狀態真係令人流晒口水，批底係薄批，唔會好濟口野菜雜菌意粉幾欣賞，意粉好香牛油味，配合野菜小清新，唔會好膩叫左杯好似叫火龍捲既野飲，就覺得麻麻，印象好似係洛神花玫瑰既糖漿加梳打水再加 cream係面，跟餐叫依杯野飲要加唔記得幾多錢，本人就覺得唔太值⋯老實講，西柚味汽水仲好飲過佢朋友就叫左抹茶牛奶，實屬普通野，不過得出一個結論，朋友話好L甜～結論，如果想平平地食下pizza，pasta，依度係ok，但如果想輕鬆傾計，坐耐d，就真係唔多建議，嘈到成個街市咁，d人傾計好似要嗌交咁大聲，我同朋友快快脆食完都頂唔順轉場去第二度。…Read More

Haagen Dazs出買一送一優惠，梗係唔好放過啦。Lunch hours同同事食完飯，就衝去Haagen Dazs食2隻新出既味，之前已經食過接骨木黑加侖子，覺得好食，所以今次都必叫，酸酸甜甜咁好醒胃。至於另一隻就一於叫埋另一款新味，玫瑰荔枝，玫瑰味係幾出既，但偏甜同冇乜層次，相對起接骨木黑加侖子就較為遜色啦～…Read More

係銅鑼灣做完自己野，突然間醒起丹麥既豬扒包。聽就聽人講得多，說就未食過，所以決定會一會佢。丹麥餅店算係一間老舖，裝橫舊式樸素，一睇就知有歷史。舖位係正馬路口，好易見到。行近門口就已經聽到炸野聲，油聲啵咯啵咯，聽到就已經留晒口水。同阿姨叫左依個豬扒包，阿姨會先將個包放入焗爐烘脆，之後放入炸豬扒。入面既醬係茄汁加沙律醬，豬扒已經冇左條骨，真係好細心同食得方便。豬扒炸得香脆而且好稔，應該唔係用好多味精去醃，但醬夠所以味道夠。18蚊依個質素又咁足料，的確好抵，而且好夠飽。下次就一於試下佢既魚柳飽～…Read More

經過元朗，要諗食乜的確好頭痕。林林總總既款式同選擇實在太多，有平有貴。男朋友突然間好想食小鍋米線，話好耐冇食過，就同佢去啦~ 老實講...我對依間野冇乜好感，原因係佢門面舊，好多野都見到有D塵，枱同椅都好舊，感覺坐上去就會發出依依聲咁...而且坐得迫。我地2個都揀左自選米線..跟蒜香雞扒同南乳雞球。米線煮得都算煙韌，湯底其實幾濃味，(中辣)有麻辣香但唔太強烈，味精味不太重。值得欣賞係湯底唔油。南乳雞球係依度既招牌貨，六塊，雞翼斬件所以唔大件，炸得香脆，外表夠乾身但保留到雞既肉汁，雞球醃得夠味，有突出南乳既微微甜味。反而值得一讚係塊蒜香雞扒，蒜味重，雞扒軟稔，雞皮香脆，夠熱度。我地有叫雞絲粉皮，不過冇粉皮試唔到，唯有下次啦..…Read More

說係面書見到朋友去食焱丸食到津津有味。而咁岩又到我生日，姐妹問我想食乜，就一於決定訂枱去試。由於我地有訂枱，所以唔洗等就有得入座，印象中好似限時1個半鐘。座位唔算多，約10-12張枱，但枱與枱有預留足夠既空間，所以坐得都舒服 。燈光採用柔和既黃燈，所以影相效果會自然D~入得黎食都係食海鮮燒烤，所以枱面會有個細細既燒烤爐，亦係依薯其中1個賣點。價錢屬於中上，基本上全部都係海鮮刺身，所以鍾意去日式居酒屋既朋友都會鍾意依度。因為我係受惠者 食乜當然冇所謂，全權交比朋友決定。以下3個前菜小食，蔴醬豆腐，吉列魷魚圈&炒魷魚雜菜。豆腐可以一讚，夠凍同夠滑，同蔴醬一齊食一向都係完美配搭，酸酸咸咸，係完美既開胃菜。吉列魷魚圈新鮮即炸，熱度夠，脆醬薄，跟附上之沙律醬或酢，好味 。炒魷魚雜菜相對之下，反而我最鍾意D洋蔥，好入味。海鮮黎啦~~~海鮮大雜薈!!手掌咁大隻既帶子，生蠔，鮮鮑魚同大大粒既蜆，真係不得了。我地1行6人當然唔夠，所以帶子同蜆都分別多叫1盤。枱上分別放有水，柚子鹽，清酒，可於燒烤上大派用場。蜆肉鮮甜美味，完全唔洗加任何調味，蜆汁奶白透徹，帶點海水咸味，冇得頂。帶子肉質豐厚，完全唔腥，聽閒有D人唔食帶子邊橙色個舊野，其實個舊係膏唔係腸，本人一於少理，結果絕對鮮味無誤!!燒帶子時可加DD清酒落去，更可以調起其海鮮味。燒鮑魚可以話係殘忍之作，事關鮑魚未死...平時打邊爐掟落湯度見唔到都算啦..但燒鮑魚放係爐上燒既時候熱到左郁右郁，想走但走唔到既時候...真心覺得自己將快樂建築係人地痛苦之上...........朋友手勢好，岩岩熟，鮑魚唔韌，仲好彈牙。生蠔怕腥，待應話落酒燒好食，聽話果然冇錯，好味!!2個刺身飯的魚生都幾新鮮，油脂亦夠，米飯微暖，好愛魚子跟飯混合之後既味道，一粒一粒係口入面爆開，魚子油既咸鮮的確令人想多食幾啖飯。朋友話蟹殼要訂位既時候訂埋，問待應點燒為止熟，佢話燒到蟹膏乾左就熟啦~蟹膏咸香味重，用上下顎輕輕一壓，鮮味徘徊口腔內久久不散，剛好叫上既刺身飯既飯大派用場，與蟹膏隨便混合一下，簡直成了人間美食...跟韓國醬蟹同一食法但不同滋味，瞬時覺得依個世界好美好。…Read More

同朋友聚聚，諗左好多選擇，最後決定食紅雞。朋友貪佢坐得夠舒服。入座起計90分鐘，坐低叫左蜂蜜檸檬炸雞同提子梳打。提子梳打中規中矩，無嘜特別。蜂蜜檸檬炸雞既份量大概有7件雞加薯條。蜂蜜檸檬醬淋係炸雞面，醬汁份量剛好，如果嫌唔夠汁可加10蚊加汁。雞係無骨，食落好方便，啖啖肉，炸粉厚度適中，雞有肉汁，唔錯。至於個醬，其實就好似食緊西檸雞咁，甜甜酸酸，所以驚喜不大。食到後尾可能凍左又浸住啲檸檬既關係， 開始有少少檸檬苦澀味，所以都係襯熱食好。薯條微暖，唔係即叫即炸，唔夠脆口，但值得一讚既係薯條唔止撈左鹽，仲有類似香草既味粉，唔洗點茄汁已經好夠味。之後仲叫左個魚串雜菜湯烏冬，好大碗，黎到既時候，份量有啲嚇親。基本上淨叫依碗野，2個女仔都未必食得晒。烏冬其實唔多，一個左右，但魚糕就多到食極都食唔完。不過個湯好夠味，有少少甜甜地，我諗應該係滾魚串啲味入左個湯度，烏冬索晒啲味，都正架。👇食左啲烏冬，食左部分魚糕，都可以淨反咁多...依餐食到好飽，2人要4xx左右。最貴個烏冬，200幾蚊一碗，好彩份量夠多算係咁，如果唔係價錢咁''可觀''真係要諗下先~…Read More

次次同男朋友黎親旺角，口㾗之選必定揀肥姐，有次仲買左4個皇牌套餐，外賣盒拎走反屯門做宵夜，可謂山又長水又遠都心甘情願。最鐘意食肥姐既皇牌套餐，有大生腸，火雞腎同大墨魚。全部都鹵得非常入味，而且好爽口又夠凍，加上肥姐秘製醬汁，基本上唔洗芥辣甜醬都已經食到耳仔郁郁。…Read More