奇露比's Profile

觀塘區黎講，呢間真係唔錯，重點係唔”柴”，好怕食嗰啲乾憎憎嘅串燒，味道可以，講真，燒烤味來去都係嗰啲，冇咩好特別，亦唔太鹹，而且仲送左個小食比我哋試👍落單嗰個唔知係姐姐定哥哥，好好人，我行返屋企途中，我真係好怕一邊行一邊渣手機，仲要落單🙄一定落錯或者會x仆，但好彩佢肯幫我落，因為一早已經剔好晒影好咗張相，所以佢跟住落就可以，而且好配合我嘅起燒時間😂，因為朋友渣車去攞，驚塞車，所以到咁上下先至通知佢可以起燒，怕啲嘢嚟到凍晒。我係外賣自取，所以有折，算係幾抵，只係同出邊嗰啲貴價串燒舖比較，當然係唔好同大陸比較啦😂大致都係好評，下次會再幫襯嘅🙌🙌…Read More

今次第二次食，原因係第一次食完發覺又幾好味 ，我食湯烏冬，個湯底係有誠意嘅，飲得岀有鲣魚味道，我煮飯嘅，所以飲得岀佢湯底係有多種料煲岀黎，而飲品，係走甜嘅熱綠茶，好香茶味👍寫食評原因係想幫佢哋討回公道，只係食物方面，因為我唔係堂食，禮貌同店舖乾淨程度，我都不能比意見因為當我第二次想打去叫外賣時，見到有幾個較差嘅食評，其實嗰一刻，我真係有啲懷疑人生😂，明明上次食冇事喎，但點解會咁嘅？！但我女兒一句 「唔好執着啦，比個機會人，可能有改進呢」 ，我個人醒左😑，都係，試多次，真係岀事，咪至多唔幫襯，唔使諗咁多！但，冇岀事嘅，今次都好味😋，所以先諗住幫佢哋平下理，寫食評但當然，口味嘅嘢好個人，可能真係有人覺得唔夠好味，但我個人認為未至於差到咁嚴重，只可講，咁嘅價錢，公度，但又未算性價比高…Read More

今日行過路過，入左去睇吓有冇錯過呢間車仔麵又幾好味喎，個雞翼尖好好味，仲有個炸燒賣，加埋咖哩汁點黎食，正丫酸齋冇得輸，冬菇都好入味，今次淨食餸，下次一定會再去試埋其他…Read More

我去親Mega box，差不多次次都係呢度食，今次再幫襯有啲唔同左，啲人好似換左，有禮貌左，而且主動提我有泊車優惠，呢排佢哋成日都有優惠推出，又啱我個女食，呢間環境又真係幾舒服，所以我都嘉許下😂😂，不過如果再多啲優惠當然更加👍👍…Read More

真心係好味😋，環境舒適，傾計唔會覺得嘈(可能係我哋枱最嘈😂😂)好難得係唔限時(我去係平日，假期唔知)😅，食物個個都比like ，而且份量十足，服務態度好，廁所又乾淨，價錢公道👍，值得再食…Read More

有得選擇的話，一定唔再幫襯，就算好味都係咁話！12點左右打去叫外賣，姨姨話而家做，我話冇問題，同一座大廈，等到12:45未到，打去問，話岀左，等下啦，到1點再打去問又話岀左，我話頭先45分已經話岀左，會否漏單？姨姨話係岀左丫，要等𨋢多人丫，我心諗有乜理由十幾分鐘都撘問倒𨋢落黎？跟住谷鬼氣自己衝上去，點知個外賣就咁放左係門口度！真係離譜！食飯時間得一個鐘，我1點15分先有得食，問親都話外賣岀左，忙唔緊要，我體諒，但都講句冇人送外賣自己上去攞啦，又唔講，打上去問佢地啲態度又差，好似爭佢錢咁！大佬丫，我明白小店冇乜服務提供，幫襯完就走，但都唔係咁樣丫！我幫襯左幾年，真係谷氣，而家忍唔住先响度講咋！服務1分都唔想比，只係冇得冇分！…Read More