G cup girl 's Profile

從來都覺得西班牙菜好啱人少少食尤其兩到四位～👭👫Tapas 就如點心嘅份量唔使同一樣嘢食禁多～呢間賣相都精緻今次來試吓朋友介紹位於中環歌賦街8 號地舖《Churca 》藍色門口好易認選擇坐喺可以望住條街 半開放嘅位置1）坐低先叫兩杯sangria (red) $130 each 有得揀紅or 白酒mix （留意番呢度係冇得叫一渣的）冰有啲多 所以飲到中段杯嘢開始冇咩味下次會試吓叫少冰先～2）頭盤叫咗好多人推介嘅Tuner他他 $120 一口食晒 鹹鹹香香 四小件 都OK嘅～不過個人唔鍾意食三文魚籽總覺得好腥所以挑走晒3）如果鍾意食三文魚籽嘅朋友就一定要叫埋呢個 Chef’s Rusa $150 影相真係靚，上面嗰層魚籽粒粒透明橙仔通透好上鏡下邊嗰層係冰涼creamy 薯仔mix伴着一塊塊薄薄脆～又真係好味嘅呢個Starter好啱夏季嘅開始 😎如果三至四人食份量啱啱好 ～小食多滋味呀嘛^^4）主菜叫咗個 beef cheek $200份量真唔多 如四個人每人可試到一份仔不過個牛面肉就真係正好軟熟味道同賣相都係吸引嘅～兩個人食完原來都會有叮叮漏嘅感覺5）發現冇乜點食蔬菜🥬就點埋個小青椒Padron peppers$90 呢個味道正正常常細細兜呢度嘅Staff應該差唔多個個都係講英文~雖然唔係特別有笑容但態度都唔差嘅～溫馨食飯係OK嘅～靜靜地傾吓偈幾舒服9:30pm 左右last order 慶祝生日影相都可以幾靚ge 諗諗吓唔記得叫埋佢個cheese cake添原來都多人好評噃。。…Read More

這半年來實在太忙碌又做生意又讀MPL training centre課程 分身不暇真的沒辦法寫食評然而今次食呢餐真係幾正忍唔住要寫返篇介紹這餐廳是一位韓國人紋髪師 MR Steve 介紹給我的他說是正宗的韓國風味 果然沒有中伏兼且非常滿意這個位於尖沙咀麼地道的韓國餐廳雖然位置比較難找 從寶勒巷入去然後有間類似清吧 吾錯情調飲嘢嘅地方叫 Laggec （大大個招牌紅色字）嘅巷子穿入去 見到個地方超級聖誕咁款（雖然聖誕燈飾已經過晒氣 不過有閃閃燈真係好有氣氛 ）除咗主店之外，成條街嘅紅色帳篷都係佢哋嘅D staff 都nice Steve 介紹咗我哋食seafood pancake $148真係超級美味 pancake厚身 個皮又脆仲有一條條嘅魷魚 真材實料 而且份量都算多一個圓形餅幫大家切好晒，大概有成9-10件咁多 (真係好美味 忍唔住係咁食）因得兩個人開餐， 但Menu真係好多嘢食，樣樣都想叫非常適合一大夥人來聚餐海鮮餅之後只能叫多兩樣嘢就已經非常飽熱辣辣嘅牛骨湯 OX bone soup with rice $145 （會跟白飯一碗）呢個味道比較清淡喜歡濃烈嘅朋友仔，可能會鍾意叫其他湯多啲但入邊嘅牛輾炆得好淋薄薄一片片 碗湯又多蔥花用嚟點返海鮮餅嗰個汁亦都唔錯最神奇係碗湯入邊夾會雜着少少白色嘅麵條個質感有少少似上開嗰啲青菜煨麵咁款最後叫咗一個生牛肉 $280(Korean style raw beef)牛肉粒粒好大粒，好有口感 雖然都唔平 但味道都調校得幾好 都夠大碟 有粒雞蛋黃喺上面 撈埋一起真係唔錯慶祝可以輕鬆吓飲番支米酒 $120 (jipyung rice wine )5%酒精剛剛好 少少酒意但唔會飲醉易入口飲落吾會好似啲韓國燒酒咁乸喉有手柄碗仔 攞嚟飲酒下次一定要帶多啲朋友嚟食好嘢 地方非常夠大紅色帳篷又親民有feel真係好似去咗個小韓國咁arrrrrrrr…Read More

真係超級鍾意食辣嘢試咗第一次感覺唔錯又再翻兜坐低會俾個花生同埋綠色一條條嘅前菜 兩位收咗$18想自己帶酒來飲開瓶費每支 $100唔確定係咪每日一日都可以like 社交平台以$8.8換購孜然香辣炸藕片一點碟 送酒唔錯呢度自己掃QR code自己落單，自己可以選擇辣度同酸度 麻度麻辣鴨血 中麻中辣 $58夠麻夠辣 so yummy 鴛鴦魚 $388 個黑魚好滑，完全冇骨入邊配料有 芽菜 小量黑木耳/萵筍 第二次同唔可以食太辣嘅朋友嚟食水煮魚 小麻小辣 都好好味 薯粉第一次食覺得 QQ 得滯第二次叫 中麻中辣水煮田雞 $248 （田雞幾大隻下）入面都有著同一樣配料 所以專登叫佢整林啲薯粉就好鍾意食酸辣土豆絲小辣 $88 ok 爽脆拔絲咕嚕肉唔使試 $148 非常一般鴛鴦鷄煲 $148 唔好嗌 （田雞同雞鹹同乾）花雕醉雞 正正常常 $108 台台都嗌個炸饅頭 $58好大架船又出晒煙影相 熱辣辣幾好食 椰汁冰 $38 OK但都幾多細冰下職員話如果小冰 杯椰汁會太甜 ～菊花茶 一埕 $48 冇乜特別都係菊花茶😂芬達和忌廉各 $18整體呢度辣嘅嘢都好食，反而唔辣嘅嘢食一般般聽說煙燻蛋和一柱擎天麵是好吃的 但麵的份量比較大， 希望有機會多啲人可以吃多啲嘢呢度有間房仔目測坐到六至八人不過唔知收幾錢minimum charge…Read More

有星嘅餐廳坐低見到好多外國 staff 聽口音應該都係意大利人多或者英文幾好嘅 Asian staff 訂枱嘅時候，四個人嚟食先比訂金 $1638 Stillwater 4 people $152 Launch menu 3 courses $680 4 courses $780 5 courses $980 唔知係咪冇加錢嘅關係揀咗三個 courses 食物 覺得一般唔知點解食前菜嗰陣某啲口感好似食緊中式送粥嗰啲蕎頭咁樣慢食好夠飽 因為有熱辣辣嘅麵包Staff 中途仲會問你夠唔夠 幫你添麵包同埋搽麵包嗰劈野 （有少少腥）最好味係有一粒花形嘅麵包 加錢轉其他食物又唔係咁抵 例如紅蝦要加5百蚊 咁如果本身個 3 courses都係六百幾精明眼 又唔想加 $500喎個主菜5家錢的話 個牛好食過過魚魚本來應該係好味 可惜本次調味又係唔夠味甜品Nocciola $120 味道好似市面上一個牌子嘅 出奇蛋其中一個系列嘅一條條嘅榛子朱古力 係幾好食 Americano $120 見環境影相幾靚又有星係同閨蜜慶祝生日坐得舒服嘅地方 食1:15pm 坐到成 3:30Pm 先至捨得走 係 sweet ,閨蜜收到餐廳全體人員嘅生日簽名卡同埋一件小甜品俾birthday girl…Read More

跳上的士講去「公雞」應該冇乜當地司機唔識不過原來係有兩間朋友去錯了另外一間係始祖老店但係本人就覺得就呢間裝修新淨 靚啲Staff 好幾個都係講英文最好亦係打咗電話嚟預約先～晚飯用餐時間至10:30pm無論比港幣定人民幣都唔會補水的即係 $1000港紙會有 $1030葡幣所以找錢嘅時候全部一律都係當一樣找錢所以買得多手信 食得多貴嘢嘅朋友，最好就係用港紙對定啲葡幣先有着數 唱 $3000都多 $90洗 呢個位置係喺條馬路嘅一條斜路交通應該唔太方便 的來的去～目測有外籍人士都識嚟1）燒乳豬好味 好似有六七件左右 $210 又係同朋友share食就啱晒有薯條和少量蔬菜伴碟2 葡式炒蜆 $145呢個又係好美味一路食下邊一路有個火 keep住熱令到個湯一路熱住咁飲 啲湯一定會飲到冇晒為止好鮮味 而且啲蜆仔幾大隻3）半隻燒雞 $148 都係皮脆雞滑有薯條和少量蔬菜蕃茄伴碟4）肉醬意粉 頗為大碟 $95 牛肉要加$5，豬肉就唔使 叫咗牛肉但正正常常冇乜特別 5）焗八爪魚 $170 用個好熱嘅煲出嚟的朋友話好食因為膽固醇嘅關係 我只係食咗一條感覺 OK啦～仲有好多薯仔同埋黑橄欖喺入邊6）見有澳門啤酒未飲過 $33 試完味道比青島濃烈一點 7）吉列馬介休 $160 唔知點解食落有啲似炸魚又係有幾嚿薯仔伴碟 少少蔬菜同蕃茄其實我哋香港人真係食到個嘴刁左平時嚟澳門如果冇人介紹 walk in 的話 我都係覺得啲嘢普普通通但係呢間味道算係幾好因為都係澳門嘅朋友介紹所以寫番食評方便我下次自己再嚟見到甜品疏乎厘唔錯，諗住嗌點知 Staff 話要等一個鐘 下次醒 一坐低嗌完主食順便即刻嗌埋咁就差唔多今次就錯過咗了 因為8:30食完都已經成10點趕唔切焗了唯有下次啦…Read More

住喺澳門10年嘅朋友介紹我嚟～跟住官也街 食完仲可以去買手信 Cafe 嚟講算幾有驚喜如果單點都唔平lunch set 就正正常常價錢 同香港差唔多但係味道真係唔差有一半好食都當佢贏咗1）食咗個黑松露金沙雞翼最好食 $70 尤其流晒沙嗰個汁 真係好美味2）跟住鍾意食佢個 lunch set燉牛面珠肉醬闊條麵 $112 +20 配凍飲 不過美中不足係嗰啲牛肉整到碎晒完全食唔到面珠墩嗰種感覺但係個闊條麵就真係整得好食3）單點牛肉他他 $150牛肉新鮮幾有質感味道調校得啱啱好4）最唔好食係個set lunch豬（鞋颯颯）但係就抵食 $75 +18 配咗個熱朱古力（大杯）香港通常比咗薯菜俾你，就唔會再比意粉佢呢度兩樣都俾晒5）葡式雞飯 個雞其實係幾滑幾好食可惜個飯冇味道淡茂茂6）炸馬介休球 $88 OK脆口 但唔會覺得特別中午 1:00Pm 我見呢度都係滿晒一定要搵酒店打電話嚟 book 否則驚會摸門釘了我哋係遊客快閃當然全部嘢食都同朋友一齊share食所以能夠試晒咁多款口味去評價下次要過嚟試吓佢啲甜品我見到有啲少女喺度食賣相好似唔錯，亦都大份 …Read More

本來想去 Kerry hotel 7 樓 嘅 red sugar 飲茶但即興冇book 巳 full ～唯有下次whats in 落返大堂 環境非常寬敞舒適嘅 lobby lounge話晒都係酒店 樓底當然非常高多國內遊客 但都斯文唔會大大聲酒店員工積極有善由好天望住外面落雨落到斜曬唔會俾人趕走叫咗個lunch set加一 $372同三五知己慢嘆坐足三個鐘好似話去到 1:30Pm 就會 cut lunch set 晏左會轉 T set👍🏼食曬 四個 course 都係 $338 其實非常抵食雖然食物並唔係話好好食Main course 個牛面珠墩都唔錯粟米湯 熱辣辣 有塊薄脆喺度熱朱古力又大杯又好飲但頭盤一般般 However,頭盤揀咗意大利雲吞已經比我朋友嗰薄切吞拿魚沙律好味 另一個朋友都叫咗個牛肉沙律 $128 最主要係個dressing 冇乜味,要自己加返啲vinegar , black pepper ～最驚喜反而係個甜品 揀咗一個Blueberry同埋一個芒果cake 芒果cake 好食喎~呢度係舒服嘅 ～感覺良好～會再返嚟～…Read More

呢個位置有啲蹺蹊所以來同走都係選擇搭的士除非係住喺英皇駿景酒店先可以拍卡直接上去25樓否則要喺梳化旁邊隔離一個門口入 先可以搭到 lift 地方幾 grand 感覺分為三個 area 啡色梳化坐到大棚人綠藍色梳化 2-4人啱談心 Outdoor 可以食煙食雪茄環境飲嘢真係一流坐得好舒服 星期二冇咩人氣 今晚靜靜地傾吓計同仙后一樣，有個舞台仔職員話平時係冇 live Band Weekends 先會有歌手唱歌食物方便 成個 Menu得10 款左口小食 張枱同張凳個高度唔太適合正式食dinner ~叫咗個黃金脆香雞翼 $138幾驚喜，係用鹹蛋黃整得幾惹味雞翼係剪開一半 單骨食起嚟又方便西班牙香辣大蝦 $248呢個食落去完全係冇辣嘅感覺 份量得三隻有啲小 味道尚算OK蒜片唔脆 底部有少少洋蔥同蔬菜伴碟黑松露薯條 $128呢個都相當大兜 薯條係熱辣辣咁樣出現五六個人食就啱曬 途經廁所嘅時候個走廊禁大地方原來係隱藏有兩間卡拉OK房staff 開門俾我哋睇吓 房間幾靚大房有獨立廁所（容納20個人左右）細房冇獨立廁所（坐10個人左右）K房 minimum charge ：Sun to thur 5pm-9pm $2000 and $4000 Fri to sat 5pm-9:00pm $4000 and $6000 唔想就住玩得盡興啲嘅話 凌晨兩點先 close但Minimum charge $8000 and $10000紅白酒偏貴 加埋一 $750 一支Macallan 12年 $2580 仲有好多唔同嘅威士忌 日本清酒選擇 我見到Lafite, petrus ,Haut Baron幾萬蚊嘅靚酒喺呢度都會有想包曬成個場公司party來唱k勁飲酒嘅朋友 $800-1000 一位 感覺好適合中產同有錢佬來玩呢度嘅Staff幾Nice 整咗杯迷你杯俾我哋試Cocktail係唔錯的～試咗一杯仔叫做「Jade 」normal size price $17x so fresh …Read More

好友生日🎈訂了八人枱 貪呢度嘅氣氛本身熱鬧 一班人嚟嘈啲都唔驚隔籬枱眼望望雖然我哋本來都好斯文嘢食試咗好多唔驚艷 ～但價錢都吾會太貴Order 左 dinner set 見都幾啱自己 $688不過敗筆個main ～cod fish淡茂茂 嘥咗條魚個真身其他就不過不失鍾意食銀鱈魚就會鍾意食呢條魚嘅質感實肉唯有自己加啲黑椒同鹽 調味 只要吾over cooked 落下辣椒仔咁都救得番～成晚最記得係個半隻烤焗雞 $288 幾滑最好食係佢黑松露薯條都美味 不過唔記得幾錢應該都係百零蚊 龍蝦 Large size嗰碟 $528只有龍蝦最好食 但嗰種麵同汁我麻麻又係唔夠惹味呢度嘅菜式有分 S and L size 好處係多人食一齊share就可以叫個大啲份量兩個人就small size都得了～我見到行出餐廳出邊係有Smoking area比食煙嘅朋友～manager MarcusSo Nice 陽光又高大Staff also very helpful …Read More

客人介紹我嚟呢間小店食話得八至十個位所以要早啲book唔需要落訂金，不過最好都準時到因為大家都係食同一樣嘢 dinner Omakase只得一款價錢 $1180 一位 呢兩三年受疫情影響 之前未開返關嘅時候都不知食咗幾多餐「阿媽家姐 」呢餐算係抵食而又性價比高地點位於天后木星街永升中心12樓唔熟路嘅朋友，可能要搵一搵店員介紹飲秋櫻 720ml sake $1080 味道不錯感覺好似有少少氣嘅嗰種sake 好快就飲晒~人手方便得主廚 同埋一個waitress可能人手唔夠嘅問題雖然訂枱已經講咗係唔食蠔同埋對蜆敏感但最後都係出現咗呢兩樣嘢好彩唔係生蠔如果唔係真係食唔到 整炸蠔都食得落嘅～都驚喜 炸蠔味道幾好食蜆係做咗蜆湯 有好多一粒粒蔥粒嘅湯 本人對蜆係敏感 食完係會上吐下瀉當然嗰晚一粒都唔敢食 但見有好多一粒粒小蔥粒喺度呼喚我忍唔住為食淨係飲咗湯 蔥粒咬落索索聲好在返到屋企冇樹最先出現嘅係帶子片同埋白身蝦 跟住螢光魷魚，不嬲都唔鍾意食呢味 覺得好鬼腥但係呢度燒完又幾香，冇嗰浸臭味 不過都係食咗兩粒就俾細隔籬嗰個拖羅都入口即溶無筋 對得起呢個價錢樣樣都幾好食 師傅有講有笑 幾nice ～喺隔籬枱有四個一谷客人成晚講嘢大聲變咗幾嘈吓希望下次可以細心啲，記低客人對乜嘢敏感唔食就唔減分了～溫馨提示：如果係嚟慶祝生日嘅朋友呢度係冇得寫碟 & 無得點蠟燭在甜品上的。…Read More

1111想試一段時間～食dinner要deposit ～lunch 就唔使餐廳開咗未夠兩年 場內環境好適合打卡招呼好好 環境都坐得舒服 枱與枱之間非常闊落有啲area仲好似一間半開放式嘅房仔相信睇其他食評都知道場內環境咁我就主要講講食物 揀三個course 唔+錢食其他嘢嘅話呢個質素 價錢係抵食 $488 each 由於來吃生日午餐 當然食個豐富啲 $588 each 禁兩個人剛剛好可以試晒4個 starters 幾乎食晒成個Menu其他嘅食物 好飽好滿足另外嗰兩個main 一個魚一個豬下次再嚟試吓先～Soup of the day 個湯係凍的士多啤梨蕃茄湯 飲完好開胃 Ricotta 呢舊芝士，真係要細味品嘗 Ceviche +$80蝦肉刺身再加魚生 成碟嘢感覺係好新鮮Beef tartare +$80 牛肉他他 雖然他他不嬲都係咁上下味道但由於前一晚先又食過出邊 有比較之下確實佢嘅質感又係食落新鮮 味道都調教得香Main 加錢選咗日本飛驒牛同埋大蝦意粉Hilda-gyu 日本飛驒牛 +$280 貪佢滑 兩舊細細舊如果食另外一款係美國牛+$180 旁邊得一棵西蘭花 同埋一塊薯仔餅 +240 Gamberoni Linguine 屬於煮得少少硬 有彈牙口感 蝦新鮮 Lychee dessert （寫咗Happy birthday）好清淡 配合桂花味 好適合女士Mango desert凍凍地 清清喉嚨送咗一嚿唔記得咗係乜嘢味配清酒味嘅甜品仔淨係記得有個日本公仔樣食落唔會太甜嘅嘢Bread and butter Chardonnay by glass $128 飲飲吓越搖越香 散發花香味 ~l like it ~Parquet Chardonnay by glass $165入口都好味 但之後味道冇乜變化水 Acqua panna $80 Cappuccino $38 1:15 pm-3:15pm 慢食嘆足兩個鐘 洗手間空間感又乾淨下次我要試吓吾加錢試下嗰種抵食嘅感覺…Read More

米子連一星日本餐 每日午市兩場 晚市兩場 全部同一個價錢並不是午餐會平啲知道8:30pm 準時要去到 朋友話遲到會鎖門 唔知係咪咁誇張所以提早15分鐘 但太早到原來又入唔到去因為之前嘅客人剛離開要清潔再Setting 所以準時或者早5分鐘去到就最好而且係全部人同一個時間開始食同一樣嘢由左至右 所以千祈唔好遲到啊～$ 4000 加埋一 $4400一位貴過志魂小妹生日 朋友請我食飯真開心可以食到Book枱嗰陣就要full pay 了～全數俾晒好巴閉～所以要非常肯定自己嚟到先好book啊～呢度個日本主理師父 就係呢間店的名字 Araki食之前日本師傅Araki sah 會逐個問晒咁多位客人有冇食物敏感先開始 而且係好認真咁樣製作每一件食材一開始見到師傅會切晒啲唔靚嘅吞拿魚嘅位丟左留返最靚嗰啲部位就係比客人食之前會有個助手仔用廣東話講解返食材呢度嘅壽司出品 明顯每一件都比出邊食嘅細件但係客人食完第一件係可以自己調節想要size 大啲定係再細啲~中間有啲菜式係需要調味醬汁日本師傅亦都會踎低 唔俾客人見到試完汁再起翻身呢啲咁認真嘅製作亦係我喺出邊見唔到嘅嘢而且經常喺度抹你前面嘅枱面 感覺好乾淨好衛生雖然係好貴但係真係好好味有兩件係要用師傅指定嘅三隻手指去攞攞完之後魚生upside down方向掂住脷方向吃呢啲細節喺出邊係食唔番確實 嗰種好尊貴嘅感覺但係呢度講嘢要比較細聲 因為得八個位真係位置比較細好似講嘢都俾人聽到 今晚呢場8:30pm食到10:30 pm兩小時不知不覺就過去了1）宮成飽魚 2元朗大堂粟🌽粟米好正配枝豆海蕊蛋似蠔屎味道3）北海道海膽配本地青斑4）赤身吞牙魚 ✅5）中肥拖罹 背開始食先6）拖羅最肥位置 7）炭燒赤鹿✅我嘅至愛8）本地墨魚青檸✅9）墨魚鬚10）本地青斑11）醬油赤身✅三文魚子 唔食三文魚子嘅我居然我都會覺得好食一啲都唔腥12）北海道紫海膽 13）炭燒鰻魚魚油摽出嚟14）蛋 甜品 主角吞拿魚當然好美味有三舊唔同嘅部位品嚐但我記得我最鍾意第一舊最後師傅亦都會問有冇嘢想再食多一次番叫咗赤鹿 同埋拖羅 （都係另外收費不過我就唔知幾錢了）整體成晚嘅壽司都冇得彈係個甜品就普通啲 同埋酒水係幾貴下 如果想飲過萬蚊靚酒當然呢度大把選擇 散叫咗一杯清酒 CARAFA 180ml $780 不過豐儉由人 ～ 叫杯啤酒飲都係100幾十…Read More

初初懵盛盛點解上CHATT 個 website check啲日子日日都係full Booking 後來才知道原來每個月1號早上九點後先開放俾客人book兩個月之後嘅（嗰一個月枱 ）假設10月1號 就只能約12月整個月份的枱，難怪咁難book了～最早果場dinner係5:30pm 我哋揀咗8:30pm 可以坐到10:30pm 所以真係好難預約得到 好彩有朋友幫我安排不知是否因為已經講咗去慶祝生日嘅關係 安排咗旁邊一排嘅卡位俾我哋三個女仔坐 好鬆動 當然坐得舒服 確實頭盤前菜嗰啲真係被驚艷到 真係樣又靚又好食Baked Jackfriut Samosa $168好似甜筒仔影相又靚Scallops Bhel Puri $198 呢個不是Hot dish,有啲卜卜趣嘅嘢一齊食 記得意~反而主菜有點比下去冇想像中咁好味 但係牛面珠係好淋嘅 Tandoori Beef Cheek $328不過本人覺得似係印尼餐嘅巴東牛肉多過似印度嘢牛油雞係好香嘅 Oid Delhi Butter Chicken $288不過相對個味道覺得同普通印度餐廳冇咩太大特別分別 菠菜Palak paneer $158 冇乜特別嘢飲好濃烈$100 each 椰子非常之香滑濃郁芒果個杯都好味不過後來食食下都要加啲水落去先至飲得晒～非常之杰身 因為啲嘢食都比較漏 Acqua Panna 750mL 水$90 薄餅Garlic Naan 薄餅$88 話晒都係港女打卡勝地靚靚酒店，埋單每人$600左右其實屬於好的體驗一下印度菜的不錯選擇…Read More

呢度啲 Staff 個個都好 young～本身會覺得個個型仔型女幾sharp 醒但係接觸成三四個都係冇禮貌的 令我開始懷疑零零後都係咁嘅咩開頭門口個女仔帶我哋入去 我哋話想雪個蛋糕佢粒聲唔出冇回應 就咁拎走咗個蛋糕入去，轉頭食晒啲嘢 問另外個男侍應 想攞返個蛋糕又係吾like的節奏。攞完出嚟 放低蛋糕 華麗轉身 。。完全無視枱上嗰三大碟冇晒嘢食嘅大碟。。講真諗都諗到放低蛋糕要清下張枱 （成餐飯到食完嗰一刻中間完全冇人幫我哋清過張枱的）嗰日張枱痴立立自己用消毒紙巾抹同埋俾碟同叉人食蛋糕是常識啩 ？唔通又用返之前油淋淋嗰隻碟？講咗一次唔知聽唔到定點 冇比到再問第二個侍應 其實叫完佢哋嘅態度都喺度話你知我而家好忙啊 唔好再叫我攞呢樣攞嗰樣其實執枱 放低蛋糕需要再比過啲碟同埋叉都係好平常嘅事 唔覺得咁普通嘅嘢係自己特別麻煩 確實選錯地方唔應該喺度慶生除非你覺得市道唔好想幫朋友慳錢啲態度面口 唔戴口罩都feel到係差之後影合照都費事叫staff 了 寧願搵隔籬枱食客幫我哋影 ..呢間啲嘢食講真唔係話好食到咁第一碟泡菜餅 $98 仲有啲鹹個人覺得個粉絲ok好食 $ 88 不過叫做叫咗 三樣嘢 三杯嘢飲七百幾蚊已經食得好很飽係真嘅 因為多肉多芝土 嗰個芝士豬肋骨鍋$338 係食5晒因為食多幾舊真係幾漏 不過勝在有人幫你煮好個蛋同埋第一啖會分埋比你地 九月中夜晚全場爆滿啲冷氣唔夠 我諗起頭30分鐘都仲係覺得焗同少少出汗埋單嗰陣話個卡機壞咗要比現金Staff 成晚好急好趕 有個好似啲車咁突然剎車急停食餐飯想叫個人都有壓力普普通通食個快飯就得如果你唔介意啲Service差佢啲嘢係抵食夾大件 同埋background有啲星星影相食左55分鐘嘅時候 職員行埋黎報時用餐仲有35分鐘 仲有冇嘢要 last order限時個半鐘 好準時要起身走…Read More

成日喺淺水灣泳灘☀️🧜🏻‍♀️游完水都想同朋友chill 下飲杯嘢平日嚟 即日都book 到Weekends 周不時好多鬼企喺門口飲嘢 happy hour隔籬嗰間舖都係佢哋嘅 有幾個位置好開陽坐大半日都得 睇吓啲狗仔行嚟行去好輕鬆好有放假mood 呢間食物要睇吓揀得啱唔啱唔係樣樣野都好食 有啲真係整得好普通刨左食評同埋自己order過之後有幾樣嘢係真係整得幾美味頭盤沙律Baby Gem $135 （個樣唔係普通就咁一碟沙律望落好似一份份四小份 上面有啲蟹子同芝士碎）食咗好開胃好想繼續食其他嘢 Fish Taco $140 （呢個一口魚有三舊 要趁熱食魚啱啱炸起熱又脆 下邊有塊中東包嘅物體 唔知點解一路食一路食到陣菇味 唔知係咪下面啲汁嘅關係）Pork neck $145 （豬頸肉好幼嫩 旁邊有少少青瓜絲九層塔嗰啲沙律菜）48 hour charred Beef Ribs $595 (呢個牛肉好柔軟 黐住少少肥膏 製作過程15至20分鐘雖然好漏 但係越食越想食 不過有幾舊鹹咗少少可能有啲粗鹽癡住咗喺側邊 呢個兩個人食完嗌多兩樣嘢已經非常飽 ）Corn bread $45 （必叫呢個出色~我會將佢放後邊當做甜品）Calamari $175 （魷魚 有啲硬 普通到唔使叫）Flesh Orange juice $70 鮮榨✅LW Mojito $95 菠蘿味好重菠蘿味Peroni  Draught beer 🍺 $80…Read More