tsncelia的個人專頁

德國芝士餅（$25）唔係周圍有，我都係第一次見，第一次試上網睇先知原來係德國好出名的一款蛋糕(Käsekuchen)，主要的芝士材料並非我們熟識的忌廉芝士, 而是茅屋芝士(Quark)，不過呢間小店係咪用茅屋芝士整我就不太清楚了。 但講真睇得出間小店係用心去製作不同款式既蛋糕甜品，有種實而不華既樸實感見店主經常係舖內默默整餅，小數量製作但款式都唔會太少，相信係重質多於重量，蛋糕由$18-$25左右價錢，我覺得好值得幫襯支持下買少見少既小店係香港唔容易生存，唔想將來只得返連鎖餅店，所以都希望更多人認識到呢d小店，令到社區小店都有生存空間同埋作為顧客有更多既選擇P.S: 小店只供外賣，不設坐位/吧台堂食…查看更多

每晚都有live music, 喜歡聽歌既朋友應該會很開心唯一一個唔好既係餐廳地方不大, 音樂略為大聲, 如果要傾計就要好大聲講對方先聽到食物好有穫氣，睇得出係即叫即整，每碟一上枱熱氣騰騰，炒硯好惹味，完全無沙，又好足份量，真係值得一試另外有個松子仁海爐魚，醬汁配搭得宜，甜甜地好開胃，而鐵板菇菌炒雞肉呢個係招牌菜，有少少辣，同樣係幾惹味，但對於菇既期望本身少少高，但呢個就一般般，有少少失望整體而言，好滿意食物質素及份量，更重要既係支持長者就業同社企營運，希望有更多人欣賞小店既食物同精神啦！ps: 有樂悠卡既話，午市、晚市主菜單食物有85折（套餐除外），另外滿指定消費仲有額外一份食品贈送，我地當晚送了煎墨魚餅順帶一提，呢度有仲茶位，每人$8，另外有加一收費，下面有一些餐牌俾大家參考一下…查看更多

聖誕樹頭蛋糕（ $148），我覺得幾有驚喜，樹頭蛋糕唔係間間都係咁既樣的，有d會整到好多朱古力包住個蛋糕，而呢個主要係切卷蛋類型嘅，唔會太花巧，亦唔會過甜。簡單得來又可以應節值得一讚嘅係蛋糕質感厚實，薑餅人亦都有薑汁味，蒜頭嘅前後白朱古力及條樓梯嘅朱古力都好食…查看更多

我和朋友平日夜晚去呢間cafe，沒有太多客人，可以㨂梳化位或近窗位，梳化會坐得較舒服十分喜歡呢間cafe，地點方便，人流不多，適合靜靜地傾下chill下，不過唔知週末或者如附近有大型活動會唔會要等位了。但平日晚去，整體感覺是幾舒服的食物方面，我地點了一客窩夫及兩杯latte，兩杯都拉花拉得幾好，而窩夫亦夠熱配上雪糕好match，甜品唔會過甜，推介！…查看更多

性價比不高的all day breakfast($118) lunch set, 沙律或餐湯二選一，㨂了沙律，一般水準，朋友點了餐湯較好，當日是南瓜湯，夠熱同埋食到有南瓜蓉，可惜份量太細。講返個all day breakfast，覺得有點失望賣相是okay的，但覺得係欠奉了應有的特色和水準，第一呢個set無煙三文魚及茄汁豆，呢兩樣都係All Day Breakfast嘅靈魂，改為沙律菜同埋焗黑糖麵包，令人覺得好唔抵食。同埋煙肉、腸香都似係半煎炸咁去煮，煙肉實在太乾，好難咬腸仔亦都係偏乾身，而且size比較細，啡菇同樣係唔太理想，味道ok，但整到個賣相唔太吸引(望上去好乾身咁）…蛋同薯仔係個set入邊較為好食既! （圖中見到一細碗既係牛油） 而個set入邊既哈密瓜係要讚嘅，新鮮同埋都甜嘅最後，想講嘅係餐飲包一杯$32的餐飲，咖啡嘅話Americano或者Espresso選擇，其他latte Cappuccino等咖啡就要再補差價，$32唔㨂咖啡類仲有其他一般嘅熱飲，我就揀咗一杯柚子蜜（正常水準），朋友㨂了espresso就偏苦（可能我太唔習慣吧）整體而言，水平一般，無咩服務（要自助落單），座位較細，應該唔會再去，因為性價比不高！唯一是地點很方便，近地鐵又在商場內，很容易搵！…查看更多

小店11:00先開，果日平日11:4x入去，未有太多人，坐坐下差不多坐滿，多數一至兩人入去，年紀偏大的人士光顧。呢度好多款不同既素食選擇，午市套餐好抵，$36（有飯有餸有湯），如果唔要湯就$31。我㨂了I餐，萵筍素肉飯，包一碗粉葛湯。先去counter點餐俾錢，再搵位坐低等，午市都多客，所以大約等咗8至10分鐘左右先上到餐。呢位座位有限，所以食完都唔好意思坐太耐，想讓返個位俾其他人，同埋唔習慣同人坐太埋（如一人既客多數坐同一邊既一排座位，左右隔離都會有機會有人）味道我覺得唔錯，食完完全唔會口渴，食物調味恰當，份量亦適中，算是區內比較抵食的選擇。…查看更多

星期日中午一點半左右，門外取籌後要等約十分鐘左右，我地點左一個半筋半肉滷肉飯配紫菜湯，再加$8套餐餐飲，點了鳳梨水果茶，先講返個飯，牛筋煮得入味、滷肉味道亦都調得唔錯，有台灣嘅味道，配上小棠菜及半隻溏心蛋，整體ok(但價錢不算平，好似$7x），至於水果茶就好一般，而且鳳梨亦得好少果粒，呢個可以建議不用試。另外，我地點了慢烤雞腿吐司（$48），再加配珍珠奶茶（非套餐加配特飲是加$12），吐司🍞較薄，但整得剛好，少少脆口，雞腿同樣是煮得剛好，有肉汁，配上雞蛋及沙律醬，味道很好同麥記同茶記雞扒包同唔同，除了價錢少貴外，其他都很好最後要讚的是這裡沒有加一服務費，不過其實都無咩服務既需要，唔收都係合理既…查看更多

今次㨂左天后泰菜餐廳《泰出色》，一入到去見到有唔少泰國特色既佈置，仲有泰文，好有泰國氣息今次試了pad thai、泰式魚肚羹及珍多冰。Pad thai賣相幾好，色香味都有泰國既感覺，但少許偏甜泰式魚肚羹無咩特別，味道似碗仔翅加魚肚。珍多冰有椰香味，同泰國飲到的相差不遠埋單$238下次如有機會再訪會試試芒果糯米飯及泰式奶茶…查看更多

多次經過都覺得好吸引，今次終於下決心買來試試，買了一個班蘭芒果卷$55。這裡還有其他選擇：原味班蘭卷、班蘭板栗卷，印象中係$4x,不過$50。結論是一試無妨，但下次應該會揀原味，因為芒果卷內的芒果其實很少，不值得加多$1x去試。味道方面，班蘭味不會太重，個人是喜歡淡淡的班蘭味，感覺這樣應該不會有太多人工香精，甜度適中。朋友說吃到芝士味，但我就不太覺得整體來說蛋卷質感鬆軟，好吃…查看更多

見到會展站旁邊開咗一間新嘅Pizza Express，放工時間電話打去問可否落柯打外賣自取，接聽既職員話可以，建議我上官網睇menu然後再致電落單，過程中職員好有禮貌，呢個值得一讚落柯打到去店自取，大約十來分鐘，入到店俾完錢就拎得，好快手雙重芝士脆邊薄餅$159.2（外賣自取85折），性價比都高臨走前店內職員仲笑面迎人咁講拜拜同多謝，我諗應該係新店開張而且又唔係忙碌既工作環境先可以有咁優質既服務態度，十分欣賞，希望職員keep住同埋餐廳做得住啦！…查看更多

今次到訪主要是想一試小籠包，點了一籠四隻的小籠包，皮薄餡好食，呢個如再訪亦會再encore另試了酥皮酸辣湯，呢個配搭幾特別，但始終還還是喜歡西餐整的酥皮，牛油香會較濃厚忘記了以上呢個炒飯既名，但記得佢炒得粒粒分明，有蛋香，份量亦很足夠順帶一提呢度無水提供，店員會問會想要香片定普洱，每位會收$8/茗茶費。同埋除呢問茶水外，點餐係掃QR code點餐的（感覺加一服務費，有少許不值，因為呢度既食物價錢都偏高）最後點了焗焦糖杏汁燉蛋，呢個甜品有驚喜，焦糖整得好脆，杏汁燉蛋火喉同味道都剛好諗唔到呢間仲食餐廳入邊會有呢個咁出色嘅法式甜品，值得一試…查看更多

好耐無食過十八座狗仔粉，心思思想試下燒賣同黑白炸丸，無睇價錢就點左，上到枱第一碗係燒賣（$17，7粒）上面有少許葱，食落覺得無咩魚肉味，同埋好「淋」，覺得好似蒸左好耐咁除左叫大粒少少外，呢個價錢街邊食仲好過佢黑白炸丸（$24，4粒）墨魚丸同貢丸各兩粒，即炸，好食但真心少貴，我相信價錢係俾左係個舖租多於食物本身，通菜街十字路口位總結係呢兩款都未必會再叫，因為性價比不高下次有機會都係試返呢間舖既招牌狗仔粉或火鴨翅…查看更多

好耐無來過呢間糖水店，今次趁復活長假尾巴來幫襯一下今次點左桂花酒釀丸子同埋紫米露，兩款糖水都配芋圓及小丸子，價錢盛惠$29/碗桂花酒釀丸子既桂花味好出，清淡得來帶點香，芋圓細細粒有口感，不過就無咩味舖仔細細，入邊大多數係細枱，適合4人以內，外邊仲有一張枱方便吸煙或者等外賣客人可以坐下。我地二人當晚大約9點15分左右到，不用等位，但如果係4人以上就應該要等一陣先有位。順帶一提，舖頭中間位置既座位冷氣較涼，建議可以帶返件外套，以免著涼…查看更多

好耐無食過茶記，一入到去即叫左個沙牛麵+熱奶茶，單點粉麵36+$10熱飲，好快手5分鐘上到枱，茶餐廳應有速度呢度每枱都有QR code，俾客人自行落單，但我scan左後發現個版面太大，睇唔到全個畫面，所以最尾都係搵左待應人手落單目測個menu都有好多選擇，特別係有好多下午茶選擇，所以感覺好似幾抵食講返個沙牛麵，醬未夠濃，麵ok，牛份量都夠，湯正常發揮，杯熱奶茶都好飲，正宗茶底有奶味整體來講食完都好滿足，開心…查看更多

第一次來殿大喜屋，由於好耐無食過放題，所以都有點期待。上網睇返見有好多好評，而且呢度地點都方便我地㨂左20:45時段，20:30左右到門口時都見到有唔少人等緊位，我地3位都準時安排到入座。一入座已見到有張QR code落單紙，我地都好快手落單，食物都好快上到枱，同埋無出現過漏單情況飲品種類十分多，罐裝支裝飲品齊全，仲有熱飲、即磨咖啡機同自助添既酒類。雪糕都有唔少類式（有movenpick, haggen daz杯裝同日本雪條），另帶一提是水果好新鮮，哈密瓜同士多啤梨都好好食熱食就一般般，不過整體來說都係唔錯既，無食物係覺得難食，相比之下呢間放題既水準都係中上既，兩小時放題埋單人均$382.4，3人合共$1148.4。新會員仲有迎新禮物送（環保袋一個），下次幫襯仲可以用$20 cash coupon個人覺得呢度都適合一家人來食返餐既，四人坐卡位岩岩好，相反如兩人既話，眼見有d二人枱較細張，食物必夠放小小美中不足既係呢度尾輪會好準時送客，我地20:45入座，待應大概10:30就催交枱，仲好快手埋枱收你枱上既碗碟，呢個位有少少突兀，因為好似好心急趕客咁，搞到我地雪糕都未食完就要離座，走返出去大堂既梳化位食完先離開…查看更多