susan333's Profile

食過呢間申子嘅朋友都知道佢嘅食物比較高質，依家六周年，佢嘅午市套餐有六折優惠，梗係要嚟食啦😍😍低至百零蚊就可以叫到一個餐，我哋叫咗咖喱炸雞定食、雜錦魚生丼、牛肉壽喜燒定食，埋單都係400鬆啲，而且呢度白飯無限免費追加，真係好抵食👍🏻佢嘅炸雞用嘅係無激素雞，咖喱味好香，炸得好香脆，搞到我食咗兩碗飯🤣雜錦魚生非常豐富，入邊有幾款魚生，都好新鮮。最後呢個牛肉壽喜燒都非常出色，牛肉大大塊，配上甜甜地嘅壽喜鍋，好好味😌呢度環境幾好，而且卡座私隱度好高，坐得幾舒服，係銅鑼灣食日本嘢嘅好選擇。…Read More

佢創立於2019年，目前全國有成300+家直營店，最出名梗係大片牛展蘭州牛肉麵💕我最鍾意就係佢可以揀唔同嘅麵，total有8種唔同粗幼、唔同形狀、唔同口感嘅麵，一定搵到啱你食嘅我就鍾意比較有嚼勁嘅大寬麵，真係夠寬👍🏻佢湯底好清，可以揀辣同唔辣，上面嘅牛展好香口。另外佢仲有好多小食，我就好鍾意食呢份熗拌胡麻油黃瓜，加入胡麻油，真係特別香口。當然唔少得叫幾串好好味嘅羊肉串啦，佢有大串嘅招牌羊肉串，亦都可以選擇我點嘅呢份細串嘅鋼釬羊肉小串，用嘅係內蒙古嘅小羔羊，so味比較少啱晒。香港人😍仲有呢度嘅夾饃，係用牛肉做㗎，係我食過最唔油膩嘅夾饃，越食越香，好好味😋呢度仲有一啲香港比較少見嘅菜式，例如新疆大盤雞、手抓羊排、醬牛肋排等，價錢都唔貴，下次人多就要叫嚟試吓💕…Read More

呢間晴空日本料理嘅二人餐真係好正，入面有齊沙律、小食、刺身、壽司、串燒、牛扒同埋甜品，非常豐富，而且刺身真係好得😍非常新鮮，非常肥美，非常高質🤩依家做緊八折優惠，性價比好高💕重點介紹佢嘅刺身，有四款，都切得好大塊，最正一定係拖羅，非常香口，三文魚腩都好肥美，另外仲有鰤魚同赤蝦，都好新鮮💕而壽司方面都好豐富，total有8件，海膽、拖羅、帆立貝係一定有嘅😍我哋每人食咗四款不同嘅壽司，朋友話款款都好味😋另外佢嘅安格斯牛扒都好唔錯，燒得啱啱好，非常粉嫩，肉味好香，而且分料都好足👍🏻仲有串燒都係，4串都大大串，當中兩份肉兩份菜，配搭平衡。套餐仲有幾特別嘅鰹魚沙律，好香脆嘅唐揚日本雞軟骨，解膩嘅漬物三點，最後仲有小卷蛋做甜品。…Read More

佢嘅lunch set選擇都幾多，而且都好特別，傳統嘅法國菜加上新穎嘅煮法，好多都係未食過嘅味道，不過唔使擔心，店員會非常詳細咁介紹每款菜嘅特色，等你可以揀到啱心水嘅菜🥰我哋揀咗三個course嘅餐，感覺最吸引，前菜叫咗份水牛芝士沙律，佢特別之處係上面加咗無花果同埋開心果，旁邊嘅係法國嘅ham，相對冇咁鹹，再加入薄荷同沙律菜，非常清新🥰另一款前菜揀咗呢個凍食嘅酥皮，呢款都好特別，佢入邊加咗兩款唔同嘅肉，有豬肉同牛仔肉，另外仲有鵝肝，多重口感。主食方面，揀咗一份扒同埋一份雞肉同菇嘅酥皮盒子。呢款牛扒相對比較冧，嚼落牛味好重，配搭嘅薯條炸過三次，真係好香脆💕而酥皮嗰款好特別，中間加入大量雲南嘅菇，好香，上面用雞胸，最後倒入醬汁，酥皮依然好香脆👍🏻甜品方面，我比較鍾意開心果雪糕嗰款，下面係硬嘅蛋白糖，加入酸酸甜甜嘅汁，好特別，第一次食呢種口感嘅甜品。…Read More

唯一入選非遺嘅汕頭牛肉火鍋--八合里，相信大家都食過，依家開到嚟香港，牛肉發燒友可以隨時去食啦🤩香港嘅牛肉係五豐行供應㗎，每日新鮮送達，養足1000日嘅黃金肥牛，口感真係一流💕首先佢嘅原味牛骨湯底好正，職員倒湯嘅時候我已經聞到香味，用嚟烚呢份鮮肉四寶拼盤就真係一流👍🏻呢個拼盤一次過可以食到花趾肉、吊龍伴、匙肉同埋匙柄，一次過食到四款唔同口感嘅牛肉，真係好正😎另外再加碟鮮切肥牛，咁就完美啦，啖啖肉，真係大滿足😌仲要推介吓呢度嘅手打牛丸雙拼，全部手打㗎，咬落仲有肉汁爆出嚟，真係好香，食完仲可以外賣佢嘅牛丸返屋企👍🏻 烚到最後就可以加份果蔬三色麵，又健康又飽肚。另外，呢份鐵板雪花鮮牛肉我都係第一次食，香港先有㗎🤩用嘅係雪花牛肉，係我最鍾意嘅部位，油脂分布均勻，一定要趁熱食呀。仲有潮汕殻桃粿拼盤，呢個都好有特色，個人認為比我去汕頭食嘅炸粿更好味，佢一半甜一半鹹，我就更鍾意食甜嘅嗰款，可以當飯後甜品😆…Read More

好耐之前係將軍澳食過呢間聰嫂，印象深刻，估唔到而家開到嚟銅鑼灣，真係非常方便👍🏻佢嘅招牌係龍眼椰果冰，一定要試，龍眼味十足，好好味😋食完一碗都唔會覺得太滯，啱晒飯後食。榴槤水晶冰，呢碗有好濃郁嘅榴槤味，好正，好似食緊雪糕咁，上面一大pat榴槤好滿足，榴槤控一定好鍾意💕蜜瓜椰果冰，又係比較清甜嘅冰沙，蜜瓜味好重，都好好味👍🏻三款冰都好唔錯，佢嘅水果味都好足，夏天食一流，值得一試。餐廳唔算大，有機會要等位，不過大家都食得好快，唔會等好耐。…Read More

食過好多間日式餐廳，呢間係會再去嘅，因為佢用嘅料好高質，選擇多份量又好足，位置又方便👍🏻佢最正係啲刺身，真係好新鮮，今次試咗海膽二重丼，啲海膽真係好鮮甜，兩款海膽都好正，再加上吞拿魚蓉，三文魚子，仲有一隻蝦，真係大滿足😍熟食方面叫咗佢嘅串燒，每串都份量十足，而且燒得好好味，尤其呢款安格斯牛柳粒，一定一定一定要點，啲肉真係好嫩👍🏻佢天婦羅選擇都好多，我哋嗌咗大蝦天婦羅同埋青椒天婦羅，呢度仲有炸雞，選擇真係好多。另外佢嘅鵝肝牛柳石鍋飯都好香口，啲牛肉多到，仲有大大嚿鵝肝，一個人一定食唔晒，記得share食👍🏻Lunch time去有好抵食嘅lunch set，有啲丼可以加$20轉做套餐，有埋湯沙律蒸蛋同埋雪糕，非常抵食。…Read More

路過呢間四季椰林，突然好想食椰子雞，已經等唔到禮拜六返大陸食啦，我要入去食咗先🤣估唔到係香港都可以隨時食到正宗嘅椰子雞 😍呢間店係內地已經有超過70家分店，每鍋湯都用咗整整4個椰子，冇加一滴水㗎，可想而知幾咁鮮甜，食雞前記得飲啖湯先，我就飲咗兩碗😍 二人餐好豐富，除咗半隻正宗嘅海南文昌雞，仲有雙拼丸、貴州紅托竹笙、響鈴、娃娃菜，仲有我最鍾意嘅金牌臘味煲仔飯😍佢嘅料食得出係靚料，尤其係竹笙，真係好好味，牛肉丸都係，牛味十足又彈牙👍🏻最正係煲仔飯有飯焦，香到不得了，一人至少食兩碗啦🤣 …Read More

雖然夏天，但係都阻止唔到我去打邊爐，今次慶祝父親節就帶阿爸去打邊爐，佢開心到😍首先要讚吓佢嘅佢嘅鍋底，選擇好多，而且味道都好特別，太多想試，所以最後叫咗鴛鴦鍋☺️我哋叫咗黃金椰子雞同埋麻辣湯底，椰子雞入邊仲加入南瓜，而麻辣湯底唔會好辣，啲鴨血同豆腐越煮越入味💕之後就睇你叫邊款套餐，我哋揀咗午市最貴嘅套餐，平日可以食四個鐘，真係好抵。呢個餐已經有齊安格斯牛小排、澳洲和牛同埋各類海鮮，鮑魚都有幾款選擇，真係物超所值👍🏻而且仲可以任飲生啤，鍾意飲泡嘅我打咗好多泡出嚟☺️最後想讚吓佢嘅自家製飲品，有茶同埋茶酒，各有四款選擇，有鴨屎香檸檬茶酒同埋蜜桃柚子烏龍茶酒，真係好特別👍🏻…Read More

發現一間除咗味道好得，環境都非常之好嘅泰國菜，就係尖沙咀k11😍非常方便，行街行到攰去食餐飯，或者平日放lunch去都好啱去，而且lunch set 好抵食😏午餐選擇都好多，飯、粉、麵、漢堡都有，實有一款啱你，而且大部份都係幾十蚊，好抵👍🏻我哋叫咗無骨海南雞同叉燒煎蛋，兩款都配油雞飯，真係好香☺️尤其推介海南雞，真係勁嫩滑，係每舊都好嫩滑👍🏻配上甜豉油，真係一流☺️套餐仲包沙律同飲品，可以加錢轉特色飲品，我哋就揀咗蜂蜜拿鐵同埋朱古力拿鐵，兩款都甜而不膩。另外想食啲蔬菜，叫咗呢份特別嘅烤原個椰菜花配青咖喱，真係原個大大份，配嘅青咖喱醬唔錯，我哋加咗份印度薄餅，蘸埋啲咖喱汁唔好晒😆餐廳11:30就開始營業，我哋早咗去所以有位，如果約朋友食飯最好提前book定位，去到12點幾已經坐滿晒晒。…Read More

成日返大陸嘅，一定有食過呢間，就算冇食過都一定見過佢排隊嘅盛況，估唔到香港都開咗啦，選址沙田新城市廣場，真係非常方便，大家唔使返去排隊啦😍😍😍佢係全國首家野生菌專門店，以「自然健康+沈浸式養生體驗」為核心，所以喺深圳人氣一直高企👍🏻佢以高原野生菌為主，用墨脫石鍋打造嘅火鍋。佢仲有款野生菌可以當刺身食，叫做金耳菌，口感真係好特別，一定要試嚇。呢個高原野生菌土雞湯底，真係非常鮮甜，我哋再加入四季菌雙拼同埋新一代見手青，冚蓋再煮幾分鐘，之後再加入土雞，再煮幾分鐘，就可以飲湯啦😍職員好好，會幫我哋校定鬧鐘，鬧鐘響咗佢哋又會過嚟幫手放食材落去，咁嘅服務真係以為自己返咗大陸☺️飲完湯之後就可以食雞同埋菇，隻雞真係好嫩滑，配上佢嘅靈魂醬汁，真係唔係講笑，呢個醬汁真係好好味，配任何食材都啱👍🏻唔同嘅菇又唔同嘅味道同口感，當然都離唔開一個鮮字☺️之後梗係要烚吓貴州鮮切吊龍啦，呢度嘅吊龍肉質特別嫩，而且唔肥，配合呢個湯同埋醬汁非常好味。呢度仲有喺香港好少見嘅高原七彩土豆同埋板蘭根，板蘭根係一種有啲似菜心嘅菜，值得一試。除咗火鍋，佢仲有好多小食，例如呢款鮮鹵牛腱肉同埋鮮鹵豬耳，鍾意食滷水嘅人一定鍾意食，少少辣好滋味。仲有麻醬千層肚、鮮椒糖心皮蛋，兩款都好特別。最後再嚟個火腿野生菌炒飯，真係大滿足。…Read More

鍾意食日式甜品嘅朋友仔，唔知試過呢間U FUFU未，佢嘅甜品真係好多呀🤩當中最吸引係期間限定嘅草莓之姬，大大杯芭菲，上面舖滿士多啤梨，加上香滑嘅cream同埋雪糕，下面仲有一層似吉士醬嘅cream，口感非常豐富。仲有呢份草莓法式吐司，同樣份量十足，鍾意食cream嘅朋友一定好滿足，仲配雪糕，仲可以加$10轉抹茶雪糕添，呢間嘅抹茶雪糕真係好好味😋除咗甜品，佢都有意粉、漢堡同Pizza，全部都可以加錢轉套餐，非常nice😌我就試咗芝士牛肉漢堡，佢嘅芝士真係好正，望住佢慢慢留落嚟，口水都流埋😆佢嘅拿鐵咖啡同抹茶拿鐵都好好飲，拿鐵有埋拉花，非常用心，食一啖甜品飲一啖咖啡，非常享受。…Read More

呢間餐廳係今年喺香港食過最好味嘅中菜，所以一定要介紹吓😍佢嘅菜式都幾特別，以魯班菜同川菜為主，既傳統又帶點創新。佢嘅二人餐非常豐富，兩個人根本冇可能食得晒😆首先係涼菜，堂切垛子牛肉及燴拌濰坊鮮蘿蔔皮，呢個係牛肉整成嘅牛肉凍，切成一片片，沾上少少辣椒粉，非常惹味，而蘿蔔皮非常爽口，既開胃又解膩🥰之後上湯--松茸清湯雞豆花，呢個湯真係第一次飲，上面浮起嘅叫雞豆花，口感非常特別，湯好清👍🏻之後就係最期待嘅魚籽醬烤鴨配煎餅，師傅成隻鴨推出嚟，好工整咁切咗兩片，加入黑魚籽醬，放上好特別嘅煎餅，佢嘅鴨係唔需要加烤鴨醬已經好夠味，一啖咬落去，層皮脆到，啲油脂香到😍下次去，我要一個人食半隻烤鴨😆之後上熱菜，成都青花椒毛血旺同埋海捕大蝦燒膠洲白菜，毛血旺好足料，而且好入味，半麻半辣，真係好惹味。而呢份燒白菜有驚喜，比上年喺青島食到嘅更好味😍尤其啲白菜，非常甜。最後上主食--慕斯大油條（腐乳慕斯/鳳梨慕斯）同埋拇指生煎包，呢份大油條真係大到，一圍枱都夠食，亦都非常特別咁俾兩款慕斯當醬搽落油炸鬼度，個人就比較鍾意鳳梨味，比較解膩。而一粒粒嘅生煎包就煎得好香脆。食完之後仲有阿胶丝滑酸奶解膩，用呢份加入阿胶黑糖醬嘅酸奶做ending真係好合適。餐廳環境好靚，到處都有京川嘅元素，忍唔住影咗好多相。平日午餐時間去基本上都坐滿，而且大家都提前book定位，相信好多熟客，下次同朋友食飯我都會推薦食呢間🥰…Read More

估唔到灣仔嘅一條後巷，竟然開咗一間好高質嘅法國餐廳，好彩提前預約，平日夜晚竟然都full晒☺️我哋要咗個四道菜嘅餐， $398 一位，都幾抵。首先前菜有四款選擇，幾款都幾吸引，最後揀咗鵝肝多士同埋吞拿魚撻撻，不得不提佢嘅鵝肝多士，真係特別香，加$48都覺得抵👍🏻之後係是日餐餐湯，今晚係薯仔湯，好濃郁。主食方面佢都有幾個選擇，我哋揀咗最多人推介嘅龍蝦湯芝士波浪意粉配虎蝦，佢嘅汁真係龍蝦味十足，非常Creamy，意粉又好掛汁，食落非常滋味🥰另外一份就要麻辣手撕豬波浪意粉，呢份加上少少辣味，更加惹味，食多少少都唔會覺得漏。最後甜品方面都好出色，尤其Tiramisu，咖啡味同酒味都啱啱好，食得好飽嘅，我都忍唔住食晒成杯Tiramisu🤣 crème brûlée同樣好好味😋佢位置雖然喺一條巷仔，但裝修好靚，當晚六點去到仲未有人，七點已經坐滿晒，非常熱鬧嘅一間小店，屬於以後都會去食嘅餐廳之一🥰…Read More

呢間Classfied有幾間分店，都開喺啲比較靜同舒服嘅地方，例如大坑、赤柱、跑馬地、淺水灣，俾人好relax嘅感覺。今次就去咗大坑店，食咗個brunch，發現好啱我口味😌佢嘅Mozz & GB沙律非常出色，芝士勁多，而且菜好新鮮，啲醋又好好味，食落好fresh，亦都好開胃😍我個人最鍾意佢個Pizza，橢圓形嘅形狀，估唔到原來都幾大份，一個人食唔晒一個Pizza，share食就啱啱好，佢嘅餅底整得好好味，上面嘅火箭菜都幾多，非常滿意🥰朋友點嘅牛扒都好唔錯，朋友唔鍾意食太生，所以叫咗七成熟，佢話啱啱好，而且配菜有驚喜，居然有大大粒嘅帶子，另外仲可以加少少錢單獨叫其他配菜，佢就加咗份蝦同埋好好味嘅酸種包🤩飲品方面都好多選擇，咖啡種類都好多，仲有茶、奶昔、蔬菜汁等，食完之後，我哋就坐喺度Hea咗一陣，之後發現原來佢仲有甜品。於是我哋叫咗份pancake，我仲另外點多份啤酒，好chill咁過咗一個下午😍佢酒類都好多，鍾意飲酒嘅不妨去飲下酒relax下👍🏻…Read More