matt.chung's Profile

呢間餐廳一直都好想試，奈何之前就唔到時間，呢排冇咁忙就即刻book 定位過黎食，當晚晚飯時間係full house 既，要黎食飯既朋友最好訂定位先餐廳嘅裝修&菜名同店名好貼切，都有唐伯虎點秋香嘅味道，環境舒適座位亦幾好坐，呢度有兩個套餐都幾抵食，但另一半話想食泰式魷魚田園沙律同白酒忌廉煮蜆，所以今日就冇叫套餐脆米芝士波 & 鹽酥雞呢兩個炸物都好新鮮，啱啱炸好，上枱時熱辣辣同脆卜卜，脆米芝士波嘅口感有少少似炸豆腐，外皮有少少脆口，內裏就超軟淋，芝士味都幾香，但又唔覺得漏，鹽酥雞嘅雞肉係幾嫩滑，點埋個沙律醬係幾好食，食食下就成晒成碟🤣🤣泰式魷魚田園沙律配泰式辣汁呢個沙律好開胃，首先佢嘅泰式辣汁係酸酸辣辣，配埋落沙律菜同魷魚食真係好夾，沙律菜又好新鮮，爽口清甜，魷魚肉質彈牙，岩晒夏天食👍🏻👍🏻白酒香草忌廉煮蜆配酸種包蜆肉大大粒脹卜卜，白酒忌廉汁有淡淡嘅酒香同香濃嘅忌廉味，每隻蜆都掛到唔少忌廉汁，酸種包配埋忌廉味又係好好味鹽燒白鱔煲仔飯白鱔煲仔飯真係好足料! 好足料! 好足料! 重要既野再講三次🤣白鱔有六舊，每一件都係大大舊，啖啖肉，肉質爽彈，絕對係新鮮貨，調味唔算濃，可以食到白鱔嘅鮮味，而且煲仔飯嘅米飯都做到粒粒分明，個煲底仲有飯焦黎明來到味道酸酸甜甜，偏向橙汁味道，幾清新四大才子- 祝枝山其實係菠蘿長島冰茶，有幾種酒溝埋一齊，有淡淡嘅菠蘿香味，感覺上酒都比得足料，鍾意飲酒嘅朋友可以試試…Read More

呢間即燒既和牛漢堡扒餐廳擺左係我既餐廳名單好耐下，平時食飯時間經過都有唔少人排隊，今日早左收工，六點幾黎到等左一陣就入得👍🏻😀餐廳既設計好有氣氛，可以清楚見到師傅即燒漢堡扒，確保漢堡扒都係新鮮製作今日試左C 同 D餐，五個口味都試晒，真係款款都好好味😋跟餐仲有前菜同麵豉湯，麵豉湯都好足料，又唔會過咸飲完湯就上漢堡扒，師傅會將整好嘅漢堡扒擺喺你面前嘅暖版，漢堡扒既五款口味分別係原味，微辣蕃茄，三重芝士，甜洋蔥燒汁，同埋黑松露忌廉汁，呢到既牛肉都係來自佢地日本自家農場既和牛，真係贏在起跑線，食原味都已經好正，漢堡扒既外面燒到有焦香既感覺，中間就勁多肉汁，又香牛肉味，而且各個醬汁都唔會搶左漢堡扒本身既味道，真係個個味道都鍾意😋😋呢個餐仲包一隻日本生雞蛋同任食既珍珠米另外仲叫左三個小食，分別係炸雞軟骨，烤鱈魚乾同明太子雞翼，呢三個小食都好香口，我最鍾意既係雞軟骨，炸得香口之餘仲帶有少少咖哩既香味…Read More

今日黎到九龍城竟然唔係食泰國嘢，係食川菜因為朋友介紹呢間川菜抵食又好食，所以過黎試下，餐廳裝修都好中國風，座位都幾闊，完全唔會有逼夾嘅感覺，係幾好坐既，餐廳係用二維碼自助落單，有部份嘅菜式可以自選麻辣度，配菜等等，食物價錢大部分係一百蚊內有交易炸饅頭叫咗個炸饅頭做餐前小食，呢個係一口饅頭，啱啱炸起，外脆內軟，點煉奶黎食真係一絕椒鹽魷魚鬚呢個要左小辣，加蒜，多蔥，所以味道好香口，好岩餸酒，魷魚鬚岩岩炸起，食落熱辣辣又酥脆，配上少少辣同蔥蒜嘅味道，有少少避風塘嘅風味😋😋酸湯肥牛食物上枱時都嚇一跳，份量多賣相好，$128蚊真係抵食，肥牛仲要有少少肉香，肥瘦比例大概八成瘦兩成肥，湯底係似金湯酸菜魚既味道，個底仲有唔少粉絲同萵筍，索晒湯底味好好食手撕包菜呢個暫時係我喺香港食過最好味嘅手撕包菜，用左少少辣椒同花椒去炒，個菜又炒得好有鑊氣，真係可以媲美大排檔嘅風味，可以食到少少麻辣味既同時又食到包菜嘅甜味川辣牛肉炒米粉牛肉肉質唔錯，米粉炒得夠乾身，加上少少麻辣嘅風味，令人食唔停口桂花冰粉食完咁重口味嘅晚餐，食一個冰粉去中和下係一個唔錯嘅選擇，而且冰粉都好香黑糖味道，但又唔會太甜，有好清新嘅感覺👍🏻…Read More

之前去韓國旅行都有食過呢間餐廳，今日咁岩係旺角行街又想食韓國野，就去睇下呢間過江龍好冇食先，星期六lunch time 唔算多人，有6-7檯客，晚餐我諗book 位會穩陣啲，餐廳既裝修好有feel，而且地方乾淨又好坐芝士王國食物上檯時都嚇一嚇，都幾大盤，職員會幫手整芝士炒雞，係凍天食呢個都幾好，會暖笠笠，芝士份量都幾多，可以做到拉絲效果之餘，都會食到好香既芝士味，韓式年糕同炒雞都好入味，加上濃濃既芝士，味道真係好夾！旁邊仲有雞蛋，小香腸，泡菜，紫菜飯，味道都唔錯烤牛肉紫菜飯卷紫菜飯卷既料真係多過飯，有牛肉，蛋，青瓜，黃蘿蔔，紅蘿蔔等等，烤牛肉係幾香牛肉味道，加上青瓜同黃蘿蔔嘅爽口同酸味，令飯卷既口感同味道都好豐富莫希扥梳打&菠蘿汽水莫希扥梳打好青新，有青檸同薄荷嘅香味，仲有蘆薈嘅果肉，係幾好味，而菠蘿汽水既菠蘿味香濃亦唔會太甜…Read More

開始要轉季，就去左東涌東薈城睇下有冇平衫買，大戰一輪後就到左晚飯時間，東薈城新果邊有唔少餐廳，天氣凍左都想食啲熱野，見到有錦麗就直接入左去🤓🤓餐廳裝修都好有越南特色，座坐都幾好坐，呢到有晚市套餐，仲有新出既一人鍋，平均主食加飲品都唔洗一百蚊，都幾抵食，最後我地兩個人叫左兩個主食加兩個小食，一個甜品，食到超飽🤪🤪小食拼盤拼盤有春卷，蔗蝦，牛油雞翼同炸豬扒，呢個拼盤嘅份量都幾多，而我最鍾意嘅就係炸豬扒同蔗蝦，炸豬扒肉嫩，加上蔥油，令豬扒更香口，蔗蝦嘅蝦膠彈牙又有蝦味大蝦扎肉米紙卷米紙皮夠煙靭，蔬菜新鮮，配埋酸酸地嘅汁好開胃火車頭粉呢個係越南既雜錦，乜餸都有，有生牛肉，牛腩，牛筋，牛丸同扎肉，最岩我呢啲揸唔定主意，又想試多啲野既人🤣🤣呢幾個餸入面，我最鍾意牛腩，牛丸同牛筋，牛腩同牛筋已經炆到夠晒淋，又有牛肉味，而牛丸一咬係有濃濃既牛肉湯汁，越南河另一賣點就係個湯底，同係越南食到既質素差唔多，真係越食越愛😋😋牛腩蘿蔔鍋（另加油炸鬼同生菜）牛腩同蘿蔔各有四大嚿，而湯底就係越南河嘅湯底，牛腩同蘿蔔同樣炆得夠入味，鍋下有一個小火，足夠將河粉，生菜同芽菜等加熱，另外將油炸鬼放入熱湯入面，索晒啲湯汁，係幾正，今次真係第一食越南風味嘅邊爐，唔錯唔錯椰青&斑斕椰汁糕椰青糕係類似大菜糕嘅質地，清甜嘅椰子水味，花蘭椰汁糕就香斑斕同椰汁味，食一個甜品真係晚餐嘅一個完美句號凍薏米水&三色冰薏米水有淡淡嘅薑味，甜度適中，而三色冰就好香椰汁味，唔會太甜，料嘅份量好足…Read More

睇演唱會前去咗尖東食晚飯，見到呢間冰室個裝修幾靚就入咗去試吓，喺尖沙咀地區嚟講，價錢唔算貴，$168就有一個小菜雙人餐，包咗兩杯飲品兩個湯兩個小菜同白飯，小菜嘅份量同大排檔嘅都差唔多，所以係幾抵食，今日我哋叫咗一個雙人餐再加一個小菜，結果食到超飽🤣🤣紅湯&中湯紅湯係正常嘅西餐紅湯，幾重蕃茄味又有少少辣味，飲完係幾開胃，而中湯就係豬骨西洋菜湯，感覺上紅湯比較好飲紅燒雙腩煲小菜上枱時個煲熱辣辣，仲有渣渣聲，雙腩係指燒肉同魚腩，燒肉同炸魚腩嘅皮仲有少許脆口，而煲底亦都有小白菜墊底菠蘿咕嚕肉咕嚕肉嘅炸衣都幾薄，而且每舊肉都有酸酸甜甜嘅汁，上枱嘅時候咕嚕肉嘅外皮仲係脆口嘅，絕對係新鮮製作，而且酸汁嘅味道亦調校得啱啱好脆蠔餅脆蠔餅即係平時食開嘅煎蠔餅，蠔餅兩邊半煎炸得好香脆，蠔肉亦新鮮，而且份量都多，基本上每夾一啖仔都會有蠔肉嘅存在，再配埋魚露，令蠔餅嘅嘅味道更豐富飲品（凍檸樂&紅豆冰&熱杏霜）凍檸樂同熱杏霜都係正常野，而紅豆冰嘅味道係幾好，有大半杯都係紅豆，紅豆都煮到軟腍，但仲係粒粒分明嘅狀態，甜度亦適中，係一杯幾好味嘅紅豆冰…Read More

去台灣旅行果陣都有食過呢間火鍋店，聽講佢一年賣到900萬個火鍋，而香港係第一間海外分店，所以趁今日假期過嚟試吓佢係咪同台灣一樣咁好食呢到係一個套餐，會跟湯底，主食，100分鐘任食自助吧，一杯飲品同甜品，最平$165，如果平日黎食午lunch仲抵，主餐加任食自助吧最平$88有交易，另外餐廳嘅座位都幾闊落，坐得幾舒服👍🏻醬料區同自助吧大部份嘅火鍋醬料都有，自助吧就有30幾款嘢食，蔬菜都好新鮮，又有唔少台式嘅丸同蛋餃，另外仲有新鮮蝦丸同牛丸特別出色，淨係食呢兩個都值回票價😋😋今日我哋叫咗一個霜降牛肉同手切松阪豬鍋，兩個都係要左120g 既份量，湯底分別要咗招牌石頭湯同特濃蕃茄湯，石頭湯聞落幾香蒜味，入面有啲小魷魚，個蕃茄湯就有好濃郁嘅蕃茄味，霜降牛肉嘅紋理好靚，識落有油脂嘅香味同牛肉嘅肉香，而松阪豬嘅油脂分布平均，食落有豬香味雙拼雞（鹽酥雞&三角軟骨）鹽酥雞炸得香口，食落有肉汁，三角軟骨有咬口，兩款都好好味冬瓜檸檬&鳳梨冰茶兩款飲品同一般市面30-40蚊既台式飲品味道差唔多，食住台式邊爐，飲住台式飲品，係有一番風味😗😗焦糖布甸&提拉米蘇焦糖布甸嘅表面燒得香脆，布甸甜度適中，又有雲呢拿香味，提拉米蘇外表特別，食落香滑…Read More

好耐都冇去過有feel 既西餐廳，朋友介紹呢餐廳星期五六日會有live band ，雖然今日係星期一冇live band ，但餐廳播既音樂都好有feel，食物嘅種類唔算好多，但今日食到嘅都好有質素，今日叫咗一個set dinner，一個意粉同小食，一杯 whiskey highball，最後仲叫咗個甜品，食得好滿足好開心👍🏻👍🏻Set dinnerSet dinner包咗一杯紅酒，餐湯同一塊8安士肉眼扒，餐湯係大蒜忌廉湯，忌廉湯香滑又有大蒜嘅香味，肉眼扒叫左5成熟，切開牛扒見到好對版，牛扒肉味都幾濃，呢個價錢黎講係好抵食，最後杯紅酒都幾易入口，唔會有酸澀味日本刺身帶子雙色麵帶子有兩面煎香，中間仲保留刺身嘅質地，係幾好味，意粉係有正常同黑色（墨汁？）兩款意粉，意粉既汁係充滿明太子既咸香味同忌廉既奶香味，加上脆卜卜既蟹子，色香味口感都有黑松露薯條薯條既份量好多，成座山咁，味道都好好，薯條炸得好乾身同脆口，有少少既黑松露會混係薯條入面，加上個芝士黑松露醬，令成件事變得完美巴斯克焦香芝土蛋糕芝士蛋糕香滑得黎又有淡淡既芝士味，兩個人share 一件岩岩好，食完都唔會有負擔…Read More

之前有食過荃灣分店，感覺幾好，今日喺旺角收工，發現佢旺角都有分店，直接入去開餐，佢個二人pizza餐都幾抵食，有pizza 又有意粉，今日叫左個二人餐再加個小食，味道依然係幾好味，不得不提呢度嘅侍應都好好服務，又好笑容，絕對有下次餐湯配蒜蓉包餐湯要咗一個忌廉蘑菇湯一個龍蝦湯，忌廉湯都幾香忌廉味同蘑菇味，龍蝦湯就好香蝦膏味，仲有兩粒龍蝦肉，蒜蓉包就好香脆，浸落個餐湯食會加分煙三文魚凱撒沙律沙律都幾足料，有唔少芝士碎同煙三文魚鋪面，沙律菜亦好新鮮，口感爽脆卡邦尼意粉意粉擺碟有心思，幾啱打卡，而意粉做到少少al dente嘅口感，香濃嘅忌廉汁配上鹹香嘅煙肉同蘑菇，味道層次更豐富明太子海鮮薄餅Pizza係用較薄嘅餅底，餅邊會有少少煙靭嘅感覺，Pizza用料豐富，有唔少煙三文魚，加上芝士，明太子醬同木魚紫菜碎等，令味道更豐富德國腸拼盤德個腸嘅份量都幾多，有三個口味，香腸嘅外皮都煎到香口，加上香腸嘅脆皮，令到味道同口感更好，另外墊底嘅薯蓉都做得好好，薯蓉有少少牛油香，中間仲會有啲薯仔粒，令口感更佳😋😋海鹽抹茶芝士奶蓋&榛子朱古力海鹽抹茶芝士奶蓋嘅味道同Green latte嘅味道都幾相似，好香抹茶味，仲有芝士嘅奶香味同少少鹹味，係幾好飲既，而榛子朱古力嘅朱古力味都幾香濃，仲有唔少榛子果仁碎，增加口感…Read More

今日收工喺屯門市廣場搵野食，見到霸嗎拉麵新出咗蕃茄慢煮雞胸肉冷沾麵，啱晒最近咁熱嘅天氣，我就直接入去搵位等另一半黎，餐廳嘅裝修係好有日本feel，呢度除咗有拉麵之外，仲有石鍋飯食今日想試期間限定嘅蕃茄雞胸冷沾麵，所以就冇叫二人餐，如果唔係個二人餐都幾抵食辛口煎餃子餃子底部嘅薄脆煎得好香口，加埋蔥花同辣油，口感同味道層次豐富唐揚炸雞（沙律&辛辣）炸雞都係新鮮炸起，所以都做到外脆內嫩滑，仲有唔少肉汁，加上炸雞上嘅醬料，令到炸雞嘅味道更豐富，我就比較鍾意食沙律口味蕃茄慢煮雞胸冷沾麵沾麵嘅賣相好好，有六片慢煮雞胸肉，同一隻去左皮嘅蕃茄，蕃茄係凍凍地又有鹹鹹甜甜既味道，幾清新，而雞胸肉都幾嫩滑，又有少少嘅雞味，沾麵同沾麵湯係冰冰涼涼既，沾麵湯唔會好鹹，反而有少少蕃茄嘅酸甜味，幾岩夏天食，同埋個湯都幾杰身，掛麵一流辛辣炙燒豚肉味玉拉麵湯底除咗有辛辣味外，仲食到有濃濃嘅豬骨味，而且湯底有少少厚身，掛面一流，炙燒豚肉好厚身，有燒過嘅香味，豚肉帶有少少油脂，有少少入口即化既口感，另外糖心蛋嘅生熟程度控制得好好，又有醬油味…Read More

前排同事講開寶石餐廳裝修後環境好左，而且食物都好味左，今日係元朗探完親戚後就去左食晚飯，餐廳外邊係幾靚，好岩打卡用，餐廳入面既座位都好舒服，唔會好逼夾，食物方面有二人餐，同散叫餐單，今日唔係太肚餓，就叫咗兩個主食再加錢轉套餐餐湯餐包今日叫咗忌廉湯同一個羅宋湯，忌廉係加咗甘筍，所以睇落去有少少橙橙地色，飲落去係幾creamy同有蔬菜嘅甜味，而羅宋湯就幾香牛肉味亦唔少有牛肉碎，餐包都幾高質，上枱嗰陣係有少少微溫，餐包嘅外皮有少少脆口，內裏鬆軟，配上少少鹹嘅牛油，食完係幾開胃😋😋香辣蒜片蜆肉意粉食物上枱嗰陣都嚇一嚇，擺碟幾靚好啱打卡，而意粉軟硬度相當唔錯，有少少al dente口感，蒜味同辣味十分香口，蜆肉亦大大粒唔會有沙，呢個真係又睇得又食得嘅意粉紅酒汁燉牛面肉配薯蓉牛面肉大概有四五件，每件都大大件，牛面肉炆得夠腍，又香紅酒汁嘅味道，中間嘅根已經炆到同啫喱冇分別，薯蓉打得幼滑，同紅酒汁幾夾意大利奶凍奶凍上面有少少士多啤梨醬汁，奶凍滑身得嚟又香雲呢拿同牛奶味，唔會太甜，幾好食佛手柑鐵觀音檸檬茶跟餐包咗呢杯嘢飲，味道都幾好，有少少佛手柑嘅味道同檸檬既香味，茶味唔算重，食晚飯時飲都幾好…Read More

今日終於試到呢間嘅燒肉邊爐放題，之前星期六日經過都唔少人喺門口等位，今日平日早咗收工，所以就同另一半一齊去試吓，門口好似冇乜人，入到去原來坐滿大半間餐廳🙈🤣餐廳裝修新淨，抽風系統好，食完個身唔會有油煙味，今日試咗樂放題果個餐，大部份食物都係QR code落單，食物都好快送上枱，亦冇漏單嘅情況，有少部份食物係自助既，例如打邊爐嘅蔬菜，餐前小食，部分炸物，關東煮，蛋糕，雪糕雪條，同埋飲品等等飲品嘅款式都好多，一般嘅汽水同韓式汽水，無糖茶都會有，呢度仲有百事生可樂由於本人好鬼肚餓，等唔切打邊爐同燒肉，即時叫咗三文魚刺身同炸魷魚鬚，榴槤波波嚟食，三文魚嘅油脂唔算豐富，但都幾香三文魚味，而魷魚鬚同榴槤波波都係啱啱炸起，所以食落口都熱辣辣脆卜卜好好味壽喜燒邊爐壽喜燒邊爐好快就上枱，仲配咗兩盤金標和牛，牛肉嘅油脂唔算好多，食落口都重肉味同幾軟腍，幾好味😋😋燒肉燒肉亦好快上枱，叫咗好多野食，例如有牛仔骨，牛舌，牛板腱，封門柳，牛油生蠔帶子，蜆，大蝦，豬腩肉，雞腎等等，首先要讚一讚呢度嘅爐，火力好猛，好快就燒熟啲食物燒肉嚟講，我最鍾意食牛仔骨，牛舌同封門柳，牛仔骨燒到好香，貼骨位嘅肉特別香口😍😍而牛舌就唔使講，食落爽口同香牛肉味，最後嘅係封門柳，油脂雖然唔多，但佢有好香好濃嘅牛肉味，啱晒我呢啲牛魔王…Read More

今日去咗圓方睇戲，睇完戲就順便食埋晚飯先返屋企，圓方商場餐廳價錢都比較貴，天天海南雞價錢比較貼地同味道唔錯嘅餐廳，所以毫無懸念咁去咗拎位今日兩個人叫左三碟野，食到飽飽都係五百蚊，以呢個地點黎計係幾抵食天天燒雞之前食其他分店食過兩次海南雞，今次試吓食燒雞，估唔到燒雞都好好味，外皮香脆，雞肉柔嫩滑，又有雞味，點埋嗰幾款醬汁，令味道更豐富同有變化海鮮炒貴刁海鮮材料新鮮同豐富，有帶子，魷魚同大蝦，貴刁上枱嗰陣熱辣辣，見到啲燈籠椒炒到有少少焦香，就知道鑊氣好足，而且每條貴刁嘅顏色都好均勻，師傅功力十足原條酸菜魚酸菜魚上枱時真係有少少嚇親，呢個價錢有原條魚真係幾抵食，酸菜魚嘅賣相好好，魚頭魚尾炸得乾身同香脆，魚塊啖啖肉又冇骨，仲有唔少配菜，例如炸枝竹同紅薯粉，調味方面比較溫和，啱晒一家大細食…Read More

之前食過呢間餐廳嘅lunch ，味道唔錯，知道佢晚餐嘅二人套餐幾抵食，今日就嚟咗試吓，叫咗個$498精選二人餐，有餐湯，前菜，兩個主食，飲品，仲有甜品，以市區黎講，呢個價錢係幾抵食👍🏻👍🏻餐湯無記錯職員介紹今日既餐湯係椰菜花忌廉湯，係幾香忌廉味，可能有椰菜花嘅關係，飲得出有蔬菜嘅甜味，但冇平時忌廉湯咁滑口冰果茶茶味有，唔會好濃好澀，飲落有少少桃香，甜度係平時叫少甜既水平，杯底仲有幾粒水果肉天婦羅魷魚鬚魷魚酥係新鮮炸，上枱嗰陣仲熱辣辣好香脆，炸衣唔算厚，亦揸得乾身，加上個有少少Wasabi味嘅沙律醬，食唔停口北海道帶子黑松露野菌意大利粉帶子兩面有煎香，生熟程度掌握得幾好，而意粉嘅硬度亦適中，意粉醬汁係忌廉黑松露口味，醬汁濃稠度啱啱好可以掛到意粉，所以每啖意粉都充滿忌廉黑松露嘅味道炭燒澳洲肉眼牛扒牛扒我叫咗五成熟，牛扒上枱切開都好對板，牛扒有肉既紋理，又香牛肉味同有肉汁，碟邊嘅配菜亦有質素，焗薯外表焗到乾身，中間濕潤，好香薯仔味甜品甜品我哋要咗一件蛋糕同朱古力雪糕，蛋糕係芝士蛋糕，都幾香芝士味，同平時餅舖食到嘅芝士蛋糕差唔多，而朱古力雪糕就係Movenpick…Read More

早前食過呢間餐廳既lunch都幾好味，今日喺附近行街特登去試吓佢個dinner set，餐廳有個二人pizza餐都幾抵食，有pizza 又有意粉，今日叫左個二人餐再加個小食拼盤同蛋糕餐湯配蒜蓉包餐湯係忌廉湯，都幾香忌廉味，個蒜蓉包就好香脆，浸落個餐湯食會加分泰式柚子墨魚仔沙律沙律都幾足料，有唔同類型又新鮮既沙律菜，墨魚仔都有四五粒，配上炸蔥碎同埋泰式酸辣汁，食完好開胃卡邦尼意粉意粉係用上較幼嘅意粉，有少少似天使麵，低都做到少少al dente嘅口感，香濃嘅忌廉汁配上鹹香嘅煙肉，味道層次更豐富😍😋明太子海鮮薄餅Pizza係用較薄嘅餅底，餅邊會有少少煙靭嘅感覺，Pizza用料豐富，有唔少煙三文魚同蝦肉，加上芝士，明太子醬同木魚紫菜碎等，令味道更豐富滋味小食拼盤拼盤有芝士薯條，柚子雞翼，炸魚柳條同炸生蠔，本人最鍾意係炸魚柳條同炸生蠔，兩樣炸物嘅外皮都香脆，而入面嘅海鮮又唔會過熟，火候控制得好好👍🏻棉花糖布朗尼蛋糕蛋糕外貌好吸引，棉花糖嘅表面有燒香過，食落口時會有煙靭嘅口感，而布朗尼蛋糕就好香濃既朱古力味😃😃香芋芝士奶蓋 & 活乳酸粒粒百香果梳打香芋奶蓋既香芋味有少少似雪糕既香芋味道，而百香果梳打就好清新同解渴…Read More