carinaw's Profile

將軍澳開咗一個新嘅商場入邊有好多新嘅餐廳所以就今日同朋友一齊去試吓。一去到見到一間幾靚幾新嘅日本餐廳就一於試吓。食日本餐廳就一定要試吓佢個蟹子青瓜沙律。呢度嗰啲好Fresh好好味。之後依間餐廳啲串燒好似幾出名，所以就叫左煙肉車厘茄，雞軟骨同埋雞翼。全部肉都好Juicy，燒到啱啱好，唔會好老。叫咗啲肉就叫下啲菜嘅串燒。叫咗個秋葵同埋個翠玉瓜。兩個都好新鮮。叫完d串燒我哋就再叫咗個雞泡魚乾同埋吉列炸蝦。兩個都真係好好味。出邊係食唔到嘅。差啲唔記得咗我哋仲叫咗一個免治雞肉串。嘩！真係冇得頂。最後驚唔夠飽所以就叫咗一個鰻魚炒飯。炒得非常之好味。…Read More

好耐冇食蒸氣火鍋所以今日同朋友一齊去試吓依間喺九龍城好似幾出名嘅蒸氣火鍋。一開始就咁睇價錢好似有少少貴，但係望真啲入邊啲嘢其實超級抵食完全唔貴。今次叫咗依個至尊海鮮套餐，入邊有好多都唔係平時會特登食嘅海鮮，今次用蒸氣火鍋食更加可以帶出佢哋嘅鮮味。店員好有心機咁幫我哋整埋，唔使我哋擔心真係坐低就有得食。一開始就食咗個蝦同埋啲貝殼類。鮮甜新鮮就唔使再多講，但係咁大隻青口同埋蚌我就真係喺呢一度先第一次食，啲汁水一食落去出晒嚟真係好好味。之後就食咗蟹同埋啲龍蝦。佢唔同平時喺出面食嘅蟹，呢隻蟹好多肉，都好多膏，咬落去啲肉好有質感之餘仲非常之甜。最後就食埋蠔同埋個鮑魚。平時一係食生蠔，一係食焗蠔，就咁樣新鮮蒸嘅蠔真係第一次食。同個鮑魚一樣非常之好味。估唔到食完之後仲有一個椰汁燕窩西米露，完美咁為依個海鮮之旅收尾。…Read More

今日準備去旺角行街，又想試吓啲高級野，所以就去咗呢一間sky726。佢喺座大廈嘅最高嗰一層，入面嘅裝修好有特色好靚，好好彩咁坐咗喺窗口位可以喺最高嘅位望晒成個旺角嘅景，完全感覺唔到旺角嗰一種擠迫感，坐低就好舒服。我哋叫咗一個黑松露薯蓉，係非常之creamy，口感好好，黑松露味亦都好夾，一啲都唔夠得滯。仲嗌左一個香煎蟹餅，佢同越南嗰隻蟹餅好唔同，外表好脆，入面啲料都好多好好味，好值得一試。見到有一個炸雞窩夫三文治，好特別出邊都冇得食，所以就一於試吓。你都之後冇人到我失望，首先個窩夫好脆，然後個炸雞炸到啱啱好，好滑好多汁，非常抵食食西餐梗係唔少得嗌甜品，好耐冇食流心芝士撻所以就帶咗一個嚟食，完全feel到係佢哋自家製嘅，係我食過咁多個芝士撻最好味嘅一個，真心要試下…Read More

今日好開心同朋友食慶功宴一於食好啲去咗旺角呢間西餐廳食因為天氣太熱去到即刻叫咗兩杯嘢飲先, 見到佢有個gimic, 係將兩杯Cocktail放埋一齊, 然後用啲泡整咗一條橋加上兩杯Cocktail鮮艷嘅顏色,簡直係我哋呢啲鍾意打卡嘅人最鍾意嘅嘢我哋叫咗個海鮮拼盤, 入邊啲海鮮全部都好新鮮, 最意想不到係佢有一隻非常juicy, creamy嘅生蠔, 除此之外佢仲有個龍蝦, 都好鮮甜,肉質好好,超級抵我哋之後仲叫咗一個火腿配蜜瓜呢兩樣嘢真係絕配我都唔使多講你去咗試就知去到主食方面我哋叫咗個黑松露燴意大利飯, 佢好creamy, 啲意大利飯煮得非常非常之好, 好少食到一啲係有口感, 仲要係由生煮到熟嘅意大利飯我哋仲叫咗個羊架佢擺盤擺得好好, 加上煎到啱啱好嘅羊架真係非常吸引, 油脂分布非常好, 配埋佢俾嘅醬汁, 我未食過咁好味嘅羊架最後仲叫咗一個果仁凍批做最後嘅收尾，佢個甜味啱啱好，又食到啲果仁味食完之後好滿足…Read More

今日同幾個朋友出左旺角果頭行街發現呢間餐廳有好多board game玩，見咁耐無玩就走左上去食住玩。佢嘅dinner set有牛柳粒啦，煙肉三文魚，韓式牛肋條啦，白汁雞髀扒同埋龍脷柳。全部你都可以揀配意粉同螺絲粉。😋咁我地揀左韓式牛肋條同白汁雞髀扒意粉。韓式牛肋條睇上去已經好唔錯，整出嚟個樣好有高級餐廳feel,佢個牛肋條好多肉，食落都好多汁，佢自家製左個韓式肉汁令到個意粉唔會好乾，個意粉本身質感好好，唔會偏硬或軟，剛剛好，好啱我嘅口味。今次無加大份量，女仔嚟食啱啱好，男仔記得要加大份量啊！白汁雞髀扒意粉，個醬汁唔會太濃稠，啱啱好，無令到個意粉變左一餅野，仲超級有味，真係好好食。另外，個雞髀扒令我地估唔到嘅竟然係炸出嚟，酥脆得嚟，雞髀肉仲保持到嫩滑。我地仲叫左個小食，佢就係瑞士雞翼（另外兩隻味係焦糖同蜜糖），佢份糧好足夠，有成六隻咁多，唔同平時果啲得小貓三四隻，加上我都好鐘意食瑞士雞翼，佢係整得超級入味，值得大家一試。聽講個芝士薯條都好出色，但太飽無食到，下次一定要試下佢！水蜜益力多沙冰，跟餐只係加12$，超級抵，第一啖飲落去好fresh，兩樣野都好夾，無搶大家嘅味，食完咸野飲就prefext啦，鐘意食益力多沙冰嘅記得試下。蘋果玫瑰花加18$就可以任加三次，本身以為佢玫瑰味會好重，因為我唔喜歡好似飲緊啲花落肚咁，點知個蘋果味好出眾，完全平衡哂成個口感，啱哂女仔飲。養生又美顏。最後仲有紐約芝士蛋糕同埋伯爵茶蛋糕🍰😋我發現女仔去到邊都會想睇吓個廁所😂飲咗咁多野，就會想去廁所，仲以為要出去出邊去，但係原來間餐廳係有埋廁所，而且都幾乾淨！真係幾好👍🏻一去到見到好多board game，個老闆好好人，係咁介紹唔同嘅遊戲俾我哋玩，又係咁同我哋傾偈，very nice!😆見到有一個喺香港人出嘅嘢board game，好得意叫做「花式自爆」係啱晒情侶玩嘅，或者係好多對朋友一齊玩都得！女仔問問題，抽張卡，男仔就要揀返手頭上嘅卡去答問題，睇吓個答案會唔會好岩，有啲答案都幾搞笑㗎！跟住仲有最為人熟悉嘅「傳情畫意」，適合晒四個人以上嘅朋友仔玩，可以一齊睇吓大家嘅畫功，好搞笑😂有啲似畫畫版嘅以訛傳訛！臨走之前梗係要玩下「層層疊」啦，呢個啲積木超大舊，就算跌咗落地下都好快就可以執得返晒，最後都係我整跌咗🤣又可以食又可以玩遊戲真係好滿足呀！下次想玩board game一定會再嚟🥳仲有兩部測謊機可以同朋友玩，好搞笑🤣講大話就會比電🤭…Read More

係油麻地無意中發現依間四川嘅串燒鋪頭，原來都好多人排隊食喎雖然間鋪唔算好大，不過有得擺個袋喺個籃入邊，都坐得幾舒服！我哋係9:30pm 後食所以每人都係$128，堂食放題就任食另收加一。佢有勁多串燒嘅款可以揀，不過每一輪都要揀辣度，小辣嘅話就成碟都係小辣。首先第一輪梗係要試吓佢個泡椒肥牛、麻辣牛肉、豬皮、雞翼尖、花枝丸、鴨舌、魚片頭勁多四川地道嘅嘢食，我嗰個泡椒肥牛整得好好食，不過唔識得辣嘅朋友就要嗌定杯嘢飲先啦第二輪就梗係要叫啲菜同埋瓜食下，冇咁油膩呀嘛！我不嬲都係鍾意食菜嘅人所以我覺得好好食呀，啲素嘅串燒，好入味啊！最好食嘅我覺得就係魷魚🦑冬菇、娃娃菜、蓮藕，蓮藕整得好出色薄薄地一片咁樣但係又好爽口另外，冬瓜、薯仔🥔同萵筍都好好味最唔少得嘅就係魔芋！仲有好多風味小食都係任食，我哋就食咗香辣無骨鳳爪、滷水雞翼尖、同埋棒棒雞（即係青瓜伴雞絲）全部都係涼拌，辣辣地好過癮好開胃嘢飲我哋就叫咗菊花茶、好耐冇飲過嘅椰汁🥥，同埋無糖可口可樂。咁梗係每人至少飲兩杯先得啦，椰汁用嚟解辣係一流呀！…Read More

之前聽個朋友講依間嘅養生茶好好飲，於是果次經過依邊就同朋友塊試下，最近天氣有啲乾燥，所以叫咗一杯凍冬瓜茶馬蹄爽$36，仲有清熱解暑、生津止渴、去除水腫嘅效用🤩甜都仲可以自己揀添，唔會太甜☺️好好飲呀，而且有啲馬蹄爽咬下，勁有口感😋仲有叫咗熱嘅桂圓紅棗茶，$36，補血補氣，安神養心，熱度都剛剛好，食完個甜品飲就更好，紅棗沖茶真係無得輸，甜得黎又令到個感覺無咁油膩😙甜品方面就試咗依個好靚、色彩繽紛嘅果樣啫喱蛋糕$42，睇落好好味咁，又有唔同嘅水果，岩哂女仔食🍓😌最後就係野莓忌廉朱古力泡芙$42，呢個價錢都幾抵食，入面嘅朱古力好特別，入口即溶嘅感覺😋 泡芙最緊要夠凍！佢就真係做到💕…Read More

呢間泰國菜可以話係我食過最好食嘅一間，呢間係新開嘅，喺灣仔都幾近地鐵站，環境好靚，餐廳好大，有兩層，啲座位仲好闊落添，而且waitress服務好好，好有禮貌首先必叫嘅豬肉碎生菜包，辣辣地。好過癮又唔會辣到你食唔到其他嘢，好好食～啲菜都好新鮮好大嚿。另一個招牌菜想試吓就係泰式蝦炒金邊粉Pad Thai，果然冇令我失望，有舊青檸可以擠啲汁落去，又大份，兩個人都差啲食唔切！入面啲蝦好新鮮！又大隻馬沙拉咖喱，再加薄餅好好食雞好大舊。而且個薄餅唔會油，好煙靭有好多塊，唔怕食哂啲薄餅都未食哂啲咖喱之後仲叫咗蝦餅，沾依個醬真係個精粹，有啲似泰式辣醬但係甜甜啲嘅，完全係最好嘅小食最後兩個人都食得哂全部，每人四舊！野飲方面緊係要叫新鮮原隻椰青同埋芒果冰沙啦係最新甜又"come"飲嘅drink🍹依杯芒果沙冰真係必叫，飲一啖就知個芒果好新鮮好fresh，個甜味好天然最後緊係要叫返個甜品，芒果糯米飯先至係完美結局😋有紫糯米同埋平時食開果隻白色糯米，個飯暖暖地之餘，啲芒果又大舊真係超抵食！…Read More

依間台灣麵餐廳其實之前都食過，幾高質， 啲麵好大碗，價錢又唔貴，所以銅鑼灣開咗一間要即刻去試吓，餐廳嘅位坐得好舒服今日同朋友去 叫咗 每人一個一人套餐一個， 小食有滷水雞翼兩隻， 整得好入味，兩隻啱啱好三隻又太多之後香辣養生湯農場雞米線，啲雞又大舊又嫩滑， 仲要有雞髀肉個湯好有雞味，又清清地咁。好好味！另外一個套餐就有香辣養生湯台灣直送澎湖A級花枝丸米粉拼白菜豬肉餃。叫咗小辣其實小辣都已經幾辣，建議唔食得辣嘅下次唔好嗌咁辣啦！啲花枝丸超級有墨魚味，咬開仲見到細細舊墨魚肉 上湯濃汁手作牛丸有三粒，好juicy呀！勁有牛味，好耐冇食過啲咁這個高質嘅牛丸最後嘢飲叫咗兩杯，凍愛民芒果茉莉花茶同埋凍柑桔檸檬特飲，酸酸甜甜好開胃呀…Read More

依間日本料理餐廳可以話係我食過最正宗嘅，平時其他鋪頭嘅頭盤都係好普通好平凡，但係，依間個頭盤竟然係令我最念念原忘嘅！依個係蟹膏加蔬菜冷盤，個蟹膏仲有爐仔一路坐熱佢，個食法就係將啲西芹、紅蘿蔔、白蘿蔔、青瓜點一啲暖暖地嘅蟹膏，然後擺入口。哇，真係好食到飛起然後有4串雞肉串燒，雞腿肉好嫩、唔會太鹹，一咬落去好多汁，而雞肝亦燒得剛剛好，好香然後其中一樣超好食嘅就係依個燒鹿兒島番薯🍠唔會燒到佢乾哂之餘仲好甜好軟我就係中意食「淋」嘅蕃薯，佢依隻個蕃薯品種本身就好好味！之後就係兩串日本韭菜芝士豚肉卷，有四舊，其實都好大舊，半融嘅芝士鋪咗係面頭，放入口果時啲芝士就同啲豚肉一齊咬，原來都幾夾！有蟹膏相伴嘅揚蝦串，兩種海鮮嘅味道放埋一齊，依個品覺嘅享受真係第一次試亦可以點日式醬汁😚另一個必食菜式非醬油燒魷魚莫屬啲魷魚完成唔會難咬或者太過煙un，一咬就斷開，加埋啲紫菜粉同埋個魷魚汁，真係完美！一定會再食宮崎南蠻炸雞，有沙律🥗做伴菜，炸雞上面有沙律醬，可以自己決定點沾幾多。咗炸雞炸得好香脆，而且好多汁，唔會炸到啲皮硬骨骨，咬得去好爽口燒麻薯雞肉丸飯團🍙，個形狀好可愛，係橢圓形，好似係雞翼嘅形狀咁，突破咗我對一般飯團嘅印象，而且啲雞肉係飯團入面熱辣辣，令到個飯團唔會凍得咁快。…Read More

成日經過呢間拉麵鋪都見到大排長龍，今日唔趕時間就終於試到佢最出名既極上芝士海膽沾麵啦！依碗係$158，食完就會知道其實都好抵食一上枱果陣以為只係海膽沾麵醬汁，原來佢仲有一大板海膽俾埋你一齊食，一冷一熱俾到兩種完全唔同既感受你另外，果日同朋友仲嗌左個濃厚豚骨叉燒拉麵，佢個湯底唔係大家所想果種超濃郁帶點油膩，而係比較清新不油膩又有豬骨味。十分啱我自己兩個麵睇落好似細細碗，但因為沾麵係芝士，而且啲麵都幾多，兩個人都食唔哂！鋪頭咁多人排隊真係有佢嘅原因，睇下佢啲食物質素同埋鋪頭嘅文宣就知道了！最好嘅地方係佢會每人送一包佢自己嘅紙巾比我地，好貼心喔！☺️…Read More

4個人去食 叫咗個土豪份酸菜魚，$580，再另加酸菜$22，雖然最後覺得真係超多酸菜，不過4個人真係差唔多！同埋無估到原來真係超級🤩大碟三隻手掌都唔夠佢大，酸菜魚嘅配料加咗金針菇，蓮藕片，每樣都係加$28！其實個酸菜魚都唔辣，唔好睇佢好似好多辣椒！啲菜式嘅名好特別，忍唔住要打返出黎，我食酸菜魚必叫嘅係青椒土豆絲$60同埋碧綠脆筍$70😋好正！中意食，必叫！之後仲叫咗泡椒鳳爪$60，凍冰冰咁樣配個酸菜魚就好完美！再黎係老虎椒愛鬆花蛋$60，不過同普通皮蛋又有啲唔同，好淋嘅皮蛋，感覺好新鮮，唔係擺咗好耐果啲😌最特別又令人食過返尋味嘅就係避風塘魚柳$100，個魚柳用依種煮法真係好正，炸得外層鬆脆，入面啲肉又多汁，無得彈！😋…Read More

聽講呢間嘅吉列牛好好食，於是就同朋友嚟食，首先叫咗個咖喱忌廉烏冬$78，可以揀雞或者牛，好貼心👍🏼我哋就揀咗雞，雞肉幾嫩，唔錯！依個烏冬出邊好得意，有白色一層cream咁樣，之前都冇食過，原來啲烏冬入面係咖喱，將佢同埋啲忌廉一齊食都幾特別！啲烏冬整得唔錯🤩唔會太軟～然後唔少得嘅就係美式頂級牛里脊套餐$178，有我最中意食嘅芝士大啡菇同埋頂級牛里脊，佢會比個鐵板我地擺塊牛上去燒，燒到自己想要嘅熟度👍🏼然後再叫咗鹹蛋薯條配黑松露醬，$38，鹹蛋薯條揸得幾脆，唔會太粉，配黑松露醬更加係好味！…Read More

依間串燒成日同係中環返工嘅朋友食，食過幾次，我覺得超好味，想食串燒果時一定係食依間👍🏼😋依個餐係必叫，好抵食！泰式串燒配炒飯和雜菜$70，啲炒飯炒得好正宗好香，唔會太咸😗包咗3串串燒，分別係豬、牛、雞，最出色係個雞，雞肉好嫩，啲雜菜都夠熱度，唔會凍冰冰咁。Yummy!🤩最出色嘅係白鱔$60同埋燒菠蘿$22，白鱔唔會太過軟又燒得好香，燒菠蘿好甜又大嚿，必叫！之後仲有大花蝦$70，超大隻！😗燒雞翼兩隻$22好抵食，雞翼皮燒得好靚，剛剛好，雞翼啲肉好多汁。仲有有機蘆筍$22，平時蘆筍都賣得好貴，咁樣即一串真係好抵食呀！魷魚$25個汁好特別出邊冇食過，牛仔骨$43，好多肉，唔係成排骨咁😝野飲方面就叫咗杯龍眼冰，$25，啲龍眼好大粒，又唔會太多冰👍🏼配啲鹹嘅燒嘢食飲啱晒！😎…Read More

最近都比較多人開始出街食返野, 我都約咗好耐無見嘅朋友去食下飯係銅鑼灣誠品睇完書就行咗去呢間餐廳，佢個設計好特別，好有西式餐廳嘅感覺，同埋open嘅feel，見到餐牌都幾吸引就入咗去啦。首先叫咗個香煎三文魚意大利飯，$148，價錢適中，條魚好大條同埋個飯唔會太"林"，蕃茄都好入味，三文魚又煎得好香。然後 叫咗個燒春雞勁大份兩個人都食唔晒，佢比咗好大粒蒜，好得意，燒得一啲都唔會乾，依然食到雞汁同埋好嫩嘅肉燒春雞係屬於dinner set，配菜就加咗蕃薯🍠條，無薯條咁熱氣之餘又好特別，整得幾好食！頭盤就揀咗mushroom cream soup🥣 細細碗，唔會好膩，唔會太飽，可以留肚食之後嘅正餐😋洛神花茶☕️，好得意，啲花係擺係隻杯度，啲茶倒落隻杯果時就會出味，洛神花有助入眠，飲多啲花茶，皮膚都會變好啲，係女孩子嘅恩物，而且食完咁多有油嘅野，可以消「滯」吖嘛☺️…Read More