飯聚會's Profile

今日係荃灣做完野已2點多,於是係附近揾地方食午餐,一眼就見到食韓國菜餐廳,入到去就見到一位年輕韓國人,原來佢就係老闆,佢同太太經營這間餐廳。坐低就立即將餐具,泡菜,紙巾等放在枱上, 泡菜味道就係韓國旅行時的味道。我和朋友有選擇困難症,因太多選擇,所以就叫了個2人餐,唔使煩。個大醬湯到時熱氣騰騰,唔咸,材料都多,有豆腐,翠肉瓜和肉,好味。鐵板牛肉仔我最鍾意,非常入味,鬆軟,齋食正,再包埋生菜,蒜片和少許辣椒,清新到極。另外個冷麵非常Q彈,再配埋醋和wasabi ,夏天首選。最後仲有個韓式煎餅,飽到不得了。最重要係下午5：00後就要加一,所以食午餐感覺平咗D。牛仔骨真係我最愛。…Read More

餐廳由舊舖搬來銅鑼灣已有一段時間,到現在才有時間試一試,上了樓梯就見到一個放滿好似古玩的架子,有些特別。侍應姐姐見我們立即招呼坐下,開茶放餐牌,一見餐牌就有選擇困難症,姐姐一見就立刻過來介紹。首先是豉油皇大蝦,蝦肉鮮甜彈牙,惹味非常。跟住係西蘭花炒帶子,帶子都幾大粒,西蘭花翠綠爽口。再來一個海鮮豆腐煲,豆腐滑滑口感。食食吓突然見到個菜牌有酸菜魚,烤魚,立刻叫個酸菜魚,但姐姐話份量比較多,會食唔哂,要考慮一下,朋友話佢想試一試,個魚一上枱,真係厲害,足夠4-6人食,味道可口。食完枱面食物,飽到不得了,非常滿足。…Read More

觀塘工廠區除了樓上貨品批發,還有美食,今日就係shopping完順便食野。這間餐廳除了美食,還有貓咪陪伴。我們看了餐牌,居然有2人套餐,二話不說就order這個套餐。首先係沙律和湯,沙律菜非常新鮮爽口,忌廉湯濃厚綿密。繼而係小食拼盤,炸得香趣可口,份量十足。主菜叫了黑松露意大利飯和醬燒豬助骨,意大利飯柔輭,有少少咬口,黑松露係我喜歡的味道。豬肋骨非常軟滑和入味,用义一拮就骨肉分離,正。最後點少得女仕致愛甜品,4件心型鬆餅,加一個大雪糕球,鬆脆可口,甜度適中。…Read More

係尖沙咀行完街就去亞士厘道揾食,呢係街出名多餐廳。咁就上咗去一間有特別名字的餐廳。係門口店員問食麵或是烤魚,然後一坐下就給相應的點餐紙。我們決定食烤魚,有3種魚選擇,味道就有5種,我們選了招牌香辣味紅魚,由於朋友唔食得太辣,所以點了少辣。食烤魚點少得凍飲,叫了一杯玫瑰蜂蜜和茉莉蜂蜜,真係一絕。上菜時見係魚都幾大條,另外有3種配菜,萵苣,雲耳,芋絲。店員話魚已熟,待5分鐘熱番就食得。由於有少少辣,所以非常惹味開胃,魚肉札實,非常可口。最後叫了寬粉,吸收哂D汁,可口彈牙,一個字正。…Read More

在無得去旅行情況下,唯有去南洋餐廳食飯當去旅行。一坐下即刻叫了杯椰汁紅豆冰和椰青,椰青清甜,入口涼透,紅豆冰不太甜,紅豆軟淋,係我喜歡的口感。南洋一定要叫肉骨茶,上枱大約有4-5支金沙骨,茶色非常深和有葯材味,金沙骨軟淋而有咬口。跟住要了個龍蝦摻摻,湯底濃旭,原隻龍蝦,肉質結實又多膏,一個字正。因為驚唔夠食,所以叫多隻燒魷魚筒,燒得表面香脆,但內裡多汁軟綿,好味。食完這頓飯,希望可以解解無得去旅行之苦。…Read More

由於疫情關係，好多火鍋店都暫停營業，最近我鐘情的胡爐重新開番，就即刻揾個朋友陪我去。上次試完龍蝦湯底，今次我係想試佢個佛跳牆湯底，個湯底材料十足，價錢就不可以同普通清湯比較，材料十足，鲍魚，花膠，螺片，雞，好滿的一煲。靚女侍應話滾了先飲湯，個湯十分清甜，鮑魚爽口彈牙，花膠厚厚的，鷄肉嫩滑，食完D材料都飽咗一半。由於朋友唔食牛，所以叫了黑毛豬片,一上枱色澤鮮紅，乍看以為係牛，厚厚的一片，淥得耐咗都唔韌。出面好少有嘅梅菜豬肉丸，大大粒嘅貝帶子餃，最好的是冇半份叫，兩個人食唔數量咁多，可以試多D款。最後叫咗生菜烏冬，烏冬非常彈牙，索哂啲湯汁，好味。…Read More

無出街食飯一段時間，朋友突然相約去試一間懷舊食店，首先是由懷舊名字開始，一入到就見到七八十年代的霓虹招牌，大排檔枱椅，非常特別。首先叫一了個街邊小食, 臭豆腐, 豆腐一上枱就聞到臭味，而且炸得外脆內軟，非常美味。椒鹽魷魚鬚，粉漿不太厚，魷魚有咬口又不乾，椒鹽非常入味，口感豐富。咕嚕黑豚肉，甜酸味配合得很，清爽而不油。花甲蒸水蛋，花甲非常新鮮，還有少許海水味，蛋蒸得非常嫩滑，而豉油味道，師傅應該有調較過，配合得一輟。最後是甜品，菠蘿皮焗西米布甸，皮脆又不甜。現在好少有懷舊焗西米布甸食，正。…Read More

一到餐廳門口就見到個火車頭,而舖內更有一行行行李架,而牆上訂上火車齒輪做裝飾。因為不太肚餓,只叫了咸肉炒椰菜苗,海南雞飯,見有推介加98元可叫一個煲仔翅,咁點會唔叫。首先是椰菜苗先到,菜苗炒得非常翠綠,入口脆嫩,正。跟住海南雞飯到,開始以為係碟頭飯,點知原來為和飯係分開上,好似小菜咁,雞肉鮮嫩多汁,雖然是白飯,但非常香口嫩綿煲仔翅就正常,98元不可太要求。最後點可以食泰菜唔叫嘅芒果糯糯米飯,嘩,有一個芒果,好清甜,配上椰漿和糯米飯店,簡直一絕。…Read More

去完花墟逛街，朋友話帶我去住宅區食晚飯。最初我這為係街方小菜茶餐廳，去到原來係工業風的西餐廳。去到已有10多人等位，大約15～20分鐘就有位。由於逛街非常疲倦，一坐低朋友即刻叫了杯荔枝接筒木花特飲，名字非常特別。原來係荔枝味梳打，飲落非常清爽。跟住叫了個成蛋鷄腿，一邊飲一食，鷄肉非常嫩滑。另外有龍蝦汁大蝦意粉，意粉軟硬適中，香濃的龍汁分佈滿每一條意粉，口感豐富。食完一個濃味意粉，就配個菠蘿意式香腸pizza，餅底非常鬆脆，一個字正。食完已經好飽，但點得甜品呢，所以同朋友分享個綠茶紅豆窩卡，窩夫外脆內軟，好好食。…Read More

年近歲晚，好多老友都話要出來飯聚團年，諗食乜都諗到頭爆，最近常常都係打邊爐，所以老友話去食日本菜，由佢帶路。去到餐廳門口見都幾高級，以為價錢好貴，但睇餐牌，都像一般日本菜價位。老友發辦，首先叫了個三文魚子海藻沙律，食落非常清新，三文魚子不太感。吞拿魚腩薄脆，香脆可口，嗜酒就一流。壽司拼盤，有10貫不同壽司，牡丹蝦，拖羅，赤貝，油甘，池魚，帶子，鐵火卷，三文魚，海膽，所有海鮮郜非常新鮮，尤其是海膽，特別鮮甜。牛油燒元具，新鮮，清甜，肉質爽嫩，一個字，正。最後叫了一個燒明太子飯團，食完飯到甜品都食唔落。…Read More

公幹完坐火車回到紅磡，決定食埋飯才回家。係火車站行去黃埔，經過潮窩，見佢有餐牌係門口，就望下，見有鷄煲，就入去試下，因同事鍾意食辣。坐下先叫了個酥炸花生鷄軟骨，非常香口酥脆，送啤酒一流。跟住叫了同事喜愛的鷄煲，上枱香噴噴，靚女侍應話要煮一陣才可以食，煮熟後香味更利害，一食鷄肉好嫩滑。食完鷄就加湯打邊爐。打邊爐點少得肥牛，西洋菜，即包韭菜餃，靚女還介紹了紫菜嚮鈴，芥未墨魚丸，爆汁芝心魚卷，所有食物非常新鮮。…Read More

約老友吹水食飯最好係火鍋，可以慢慢一邊食，一邊傾。而再到這間食，係因為老友未食過，而且價錢唔貴，食物水準又高。首先，我選了佢個椰子鷄鍋，它用新鮮椰子水做湯底，非常鮮甜，配上半隻鷄，店員提醒我們鷄不要淥得太耐，太耐鷄肉唔嫩滑。淥完鷄即刻取出，跟住淥我們選的海鮮，有鮑魚，魚，扇貝，蠔，蝦，而具殼類係指定，所有海鮮非常鮮甜，肉質彈牙，最值得一讚係貝類完全無沙。食完海鮮，就食自選配料，花膠，牛肉，墨丸，豬肉丸，食咗咁多肉，梗係要有菜，食到現在已經好飽，還剩下烏冬，最後都係傾下講不食哂，因D烏冬一爽口彈牙。朋友都大讚，不次可以再來。…Read More

平時去開九龍城食飯，多數都係食泰菜，其實潮州菜都好好味，所以今天決定揾潮州菜館醫肚。行到鎔記門口，見佢非常光猛，而且是新開的，即管一試。坐下即刻招呼，夥記問你飲茶定水，計而介詔菜式，原來這位係老闆娘，話招牌菜係韮菜豬紅，就好，就要一份，另外唔少得梗係要鹵水鵝，元朗烏頭一條。本來還想叫，但老闆娘話唔好叫咁多住，怕D餸會凍，慢慢食完再叫。餸菜上得都好快，而且份量十足，好彩只叫了3樣，真係要慢慢食。首先韮菜非常嫩滑，完全無渣，直得一讚。條烏頭起碼一斤重，鹵水鵝例牌差不多有1/4只咁多，而墊底的豆腐都非常滑。差不多食完，老闆娘話不如清清地炒個菜，佢話我們食得太多肉，要食菜平衡下，咁佢揸主意幫我們炒咗碟荷豆，食落清甜爽口，直得一讚。最後我們還試了潮州出名的綠豆爽，多料唔甜，正。…Read More

好耐沒有到旺角逛街，今晚發現了一些新食肆。朋友話凍凍地不如食火鍋，係商場對面2樓一間名定特別的火鍋店，二鍋頭，好似飲酒咁。一上到去原來是任食的。首先可選鷄或鴨煲，辣度可隨意。鷄煲一上，香氣四溢，鷄肉非常入味，嫩滑。食完鷄煲，再選湯底，大約有7一8種，我們要了豬骨湯。奶白色，清甜可口。火鍋配料可以自已剔，蔬菜和所有丸就放在出面的櫃裡自取。最欣賞個櫃係有門，可以保持新鮮和整潔。而每樣食物有牌標明名稱，非常貼心。所有食物都非常新鮮，打邊爐最重要是汽水任飲，還有至愛啤酒。…Read More

放工去將軍澳站交收貨品後，決定去將軍澳中心睇下有咩食。行到餐廳前面被佢嘅宣傳牌吸引住，決定入去試下伏唔伏。坐低就叫了杯紅豆牛奶，一飲非常香奶味，原來係用3.6牛乳，正。主角上場，原隻波士頓龍蝦喇沙，龍蝦肉非常結實，咁嘅價錢，剩係食龍蝦已值回票價。食完喇沙，另外再叫了馬拉盞通菜肉骨茶，啲肉非常嫩滑，入口即溶。軟殼蟹米子卷，卷內除了蟹外，還有青，黃椒和芒果，口感十分清新。最後清哂所有食物，非常滿足。…Read More