EDmanChung's Profile

新開小店，鮮魚骨湯餃子，魚湯清甜鮮味，無味精，食完唔會口渴，餃子有傳統同特式餃子，可以單點或雙點，芝士粟米豬肉餃子，味道唔錯，鮮茄勝瓜鱸魚片米線亦好食，另外小食，炸豬扒同炸魚腩都新鮮熱辣，鬆脆好味道。…Read More

態度差到一個點！！！打電話叫外賣，叫咗一個餸嘅餐。接線生：就問你係咪食得一個？ （個語氣好似同你講，你一個人食得一個餸咋😯）。之後就同你講，飲湯呀嘛？我問：係咪有糖水呀？（平時都會揀糖水）佢就好晦氣咁講話（有.....）乜唔係有得揀嘅咩...😵‍💫🧐之後就問你攞電話，佢自己聽得唔清楚，問咗兩次，就好炆憎咁。講完個電話啱左，就發脾氣cut線。態度極為惡劣，好似爭佢錢咁樣，我係街坊幫襯咗咁耐，都真係頂唔順🤢🤢🤢🤢。如果鍾意受氣嘅朋友歡迎幫襯。…Read More

同事極力推薦盛記粥品十分出色，便來試一試，叫了一碗豬膶粥、蔥花蝦米炸両和一杯熱的薏米水。豬膶粥既粥底入口綿綿又滑，豬膶熟到剛好，又大件，真的暖胃又好食，腸粉炸両新鮮熱辣同樣出色，薏米水加左少少果皮同蜜棗，唔會太甜又好飲，同事真係好介紹👍🏻。聽聞盛記雲吞麵都出色，下次有機會再試😋…Read More

落雨天，濕笠笠，☔️周身唔舒服，下午茶時間就去食好啲，之前經過彌敦道，見到有間咖啡店，就一於來試試食物吧。叫了一個玉子燒全日早餐配了一杯凍latte ，大份早餐，有沙律菜、炒雜菇、酸包、南瓜薯餅、香腸同玉子燒，南瓜薯餅很香脆但個人覺得有少許偏甜，其餘食物味道不錯；值得一讚既係店員服務態度十分好，因為酸包都比較偏硬身，食淨一塊酸包在碟中，店員會主動同客人傾談，問酸包是否偏硬；並指出因酸包為店家自家製配方，並嘗試改良中；簡短既閒談感到呢間小店有用心製造食物並與客人交談。如有機會 下次會試其他食品。…Read More

又興起來北京樓食北京填鴨，因友人有信用卡折扣，便來到北京樓食隻北京填鴨；我們叫了一食北京填鴨(兩食)、小籠包、咕嚕肉、生煎包、酸辣湯、擔擔麵、蛋白杏仁茶和酒釀小丸子；咕嚕肉味道很差，份量小，甜酸汁味道唔特出，肉有雪味之餘亦炸得唔香口脆身；酸辣湯偏酸味較重，酸味蓋過辣味，不是太岩我們的口味；生煎包既包皮較為軟濕，唔夠乾身，小籠包尚可，北京填鴨不過不失，而最為驚喜是擔擔面，花生味重亦香，還帶點辣辣味道，十分惹味好食😋；因為友人有信用卡折扣優惠，所以尚算抵食，座位亦坐得闊落。…Read More

今日到尖沙咀上堂，便到附近來個午餐，到了這間店，叫了兩個套餐，一個冰梅小排骨，一個咕嚕肉，可惜的是咕嚕肉暫時未能供應，於是轉叫了酸菜魚，另外跟餐叫小籠包同薏米水，豆漿；冰梅小排骨酸酸甜甜，十分惹味，很好食；不過酸菜魚就略為遜色，無平時食開湯中酸中帶辣又麻麻脾脾既感覺，而湯又略為咸了點；小籠包就一般。因為午餐快閃快食關係，試不到太多食品；下次有機會再試其他食品。…Read More

一直都很喜愛食北京填鴨，便來到這間店試一試，而生日在open rice 訂座確認更會有腰果露同壽包贈送；叫了半隻北京填鴨、醉雞、酸辣湯、小籠包、葱爆牛肉及瑤柱蛋白炒飯。北京填鴨既皮好香脆、廚房師傅片既皮唔會太簿身，每塊皮都會有鴨肉，鐘意食啖啖肉既人，會鐘意呢種片的方式，而呢度既鴨肉都幾好食，連鴨食既配菜有葱、青瓜、哈密瓜、砂糖、甜酸醬，好依個人喜好而配搭；醉雞既酒味都較濃，都不錯；酸辣湯方面酸和辣都調得很好，很適合我的口味，而且湯料也十分多；小籠包就普通，包皮過厚，包身內既餡料亦只是一般；瑤柱蛋白炒飯就略嫌飯炒得唔夠趕身。最後送既腰果露就一般，無咩腰果味之餘，太甜了。而店員服務都很好，會主動加水，落單，收拾桌上的東西。…Read More

聽說呢間老字號的荳品很出色，本身都很喜愛荳品種類的食物，便和友人到此食一食，叫了煎釀豆腐、魚腐、豆朴、熱豆漿和熱豆腐花；特別是豆漿和豆腐花，豆味十分濃，真的很好味；而其他小食，煎釀豆腐、魚腐和豆扑，也好味，價錢都只是十多元左右，抵食性價比真的很高，所以小店一直都人流不息；所以經過深水埗時，一定要來食一食😋…Read More

友人特然提起深水埗有間懷舊點心店，便興致勃勃來到這間中央飯店飲杯茶，食下點心；一入到這間店，見到樓面姐姐推着一架架點心車，經過便向茶客推介點心，令我想起小時候跟嫲嫲到茶樓時的歲月，呢類型既懷舊點心店，真的越來越少了。我們叫了牛肉，燒賣、叉燒腸；牛肉比坊間大部分牛肉都實肉，好味。不過今次想試的點心，如排骨、蝦餃和排骨飯都賣晒了😅；唯有下次再來試食其他點心。…Read More

與友人預訂食自助餐，聽聞萬麗酒店近期既自助餐有芝士焗龍蝦🦞，便到此試一試；海鮮類有麵包蟹、長腳蟹、熟蝦等，另外有生蠔提供，生蠔不是特別肥美，比較細隻同薄身；此外有芝士焗龍蝦🦞，可以任食，芝士香濃，不過當天龍蝦焗得過了火少少，所以肉身比較韌；甜品就以芝士蛋糕為好味。…Read More

與友人在尖沙咀逛商場，見到Lady M，友人心血來潮想食原味千層蛋糕，因平日時間，無人排隊，便入去Lady M來個tea time ，兩個小小的胃，竟叫了三個蛋糕加兩球雪糕，仲有兩杯飲品😆。叫了一個原味千層蛋糕、伯爵茶千層蛋糕、粟子千層蛋糕，而雪糕就係伯爵口味同彩虹牛奶口味；吃了三個千層蛋糕，原味依舊好味，相比之下，粟子千層蛋糕內有粒粒粟子，十分有口感，所以粟子千層蛋糕比伯爵茶千層蛋糕更好味😋。…Read More

友人話呢間點心質素高，我們便來試一試，一口氣叫了灌湯餃、小籠包、鳳尾魚、蝦餃、燒賣、脆皮雲吞、脆炸南瓜粿、牛肉、素菜包、野箘餃，後來再追加了紫薯包同腰果露。蝦餃、野箘餃皮薄，蝦餃內既蝦多肉好味，野箘餃亦十分好味；脆皮雲吞及脆炸南瓜粿熱辣辣即叫即炸，十分脆口；灌湯餃清清地，加埋醋就好食；小籠包屬中上水準；腰果露腰果味好濃，很好食。這間餐廳點心屬高質素，值得一試😋。…Read More

今次就試呢間越南菜，叫了一個豬扒撈檬、一個綜合牛肉湯河及椰菜雞絲沙津。豬扒撈檬既豬扒都幾香口脆口，撈檬屬正常越南野水平；綜合牛肉湯河，裏面既牛肉片、牛腩片同牛丸都幾好味，但湯就略為咸左些少；值得一讚既係佢個「牙車快」，即係椰菜雞絲沙律，個沙律汁係酸酸甜甜既汁，類似係平時食撈檬時會落既酸甜汁，十分開胃，呢個沙律真的很好食。…Read More

相約幾位友人一聚，其中一位友人介紹到九龍城食泰菜，依家去九龍城可到宋皇臺站出，交通方便了很多。我們叫了一個泰式炒通菜、冬蔭公湯明爐魚、特式拼盤、串燒（雞牛豬）。冬蔭公湯明爐魚很好味，魚肉吸收了酸酸辣辣的冬蔭公湯，十分開胃，而且有越食越辣的感覺😂；炒通菜就很惹味；特式拼盤有春卷、蝦餅同炸皮蛋既小食，春卷蝦餅味道都尚可，熱辣辣，但蝦餅就炸得過火左少少，有點太乾，而皮蛋外層有一層炸粉既物體，第一次食這樣的皮蛋，都幾特別。另外串燒都較為乾咗少少，雞肉就比較韌口。總括來說，呢間泰菜味道都幾好，而且價錢較為經濟，如果下次再經過就試下其他款式既菜。…Read More

經過見到呢間店舖，試一試味道如何先，叫了一個生牛肉河、一個特式金牛河、一個越式酸辣鳳爪、越南炸蝦餅。生牛肉河同特式金牛河都偏咸，牛肉就普普通通，尤其是特式金牛河既牛腩、牛丸同湯底都過咸。而酸辣鳳爪既酸辣味道似平時係某大超級市場購買一包包即食既酸辣味道；而炸蝦餅係薄身既炸蝦餅，粉都比較多，無咩蝦味。總括來說，呢幾樣既食物味道一般，叫做試過下。…Read More