為食月巴肉's Profile

經過K11想吃下午茶, 上開飯網取經時發覺這店好評如潮, 於是決定去朝聖朝聖.其實因為係肚餓的關係, 一坐低先選擇吃的:Tropical Delight Toast Set賣相很精美, 只是看也令人心曠神怡. 但多士本身沾了太多牛油, 吃幾口還可以, 吃到最後只可以用"捱"黎形容, 奉勸各位點這個SET前要三思!前面曷Flat white, 後面是Latte.咖啡方面的確不俗, 本身很少飲咖啡的我也覺得香味濃郁.這裡實在是飲咖啡的好地方, 但如果自問不是嗜甜者, 就可能沒什麼食物適合了~…Read More

去年十月已經試過一次這家店的出品, 當時覺得味道不錯, 尤其其中一味蛋黃炒苦瓜, 甘甜苦瓜再加上鹹香蛋黃, 既開胃又清新, 水準相當不錯.昨天重臨紅磡區, 又想起這一味甘香清新之選, 再點一次, 但很可惜水準已經差了很多.1. 蛋黃炒苦瓜上菜時見到蛋黃集中埋在中間已經心知不妙, 一口咬下, 竟然發現...冇味道! 估計是苦瓜"出水"時間太長, 導致苦瓜應有的味道已經流失, 再加上蛋黃未能均勻地分佈在苦瓜表面, 全碟都淡而無味. 2. 油淋無骨雞這一道菜果然沒有改錯名字, 油淋淋的, 除了油外其實沒有其他調味道, 而"無骨雞"云云, 原來是指雞扒! 天呀, 如果是想吃炸雞扒, 我大可去快餐店吃, 而且還可跟黑椒汁, 起碼是有味道的~3. 小食拼盆 (鹽酥蚵仔/鴨舌/豆乾/滷蛋)想不到是這一道不需要煮的菜最好味道, 可見食材本身其實還不錯, 不過是煮功太差了.回憶總是美好的. 大概再也不需要光顧這家餐廳了.…Read More

食完辣野, 要搵D甜品食中和下, 在廟街行下行下就黎到呢間甜品舖喇~睇menu既相片, 好似樣樣都好好食咁, 結果四個人一人各叫一個甜品, 分別係法式燉蛋, 蜜瓜冰冰, 心太軟, 同一個芭菲, 但好可惜, 除左冰冰個樣最對辨外, 其實果幾樣野上檯既賣相都同menu既相去甚遠. 似乎真係用真既蜜瓜打成, 清甜得黎唔會太假, 仲有d好甜既果肉食添~本來呢個心太軟既朱古力醬都夠流心, 不過個蛋糕太乾, 而且雪糕唔夠滑, 基本上冇decoration可言, 賣相唔得.據說用上北海道3.6牛乳, 不過食唔出.同menu個樣爭好遠! 芝士餅都ok既, 不過又係球雪糕唔好食, 又少芒果.如果唔係想再個呢個蜜瓜冰冰, 應該唔會再黎~…Read More

上年年中時曾到四川旅行, 當地的水煮食物又辣又好味, 真係令人懷念~ 呢日就同左D團友去食水煮魚回味下喇~ 呢間舖頭唔係好大, 典型既街坊格局, 以涼伴小食, 水煮食物, 同酸辣粉為主.水煮魚既味道幾好, 魚夠滑又唔腥, 而且唔係得D辣油既辣, 不過配菜只係得大豆芽, 略為單調估唔到真係得粉皮既涼拌粉皮 , 好夠辣而且粉皮幾爽口呢個皮蛋就較為遜色, 個汁本來唔錯, 不過D皮蛋太硬, 又冇蛋味蒜泥白肉又係個汁幾好, 不過D肉鞋左D呢碗粉既質地同粉皮差不多, 有咩料就唔係太清楚, 因為係朋友叫既~老闆成日問客人對食物既意見, 似乎對其出品都相當有信心~ 總括黎講呢度既野食係平靚辣而地方算就腳, 辣癮起既時候止下癮就岩哂~而家天冷仲有麻辣雞煲, 可以剔紙仔加料打邊爐, 下次可以試下~…Read More

一提起去happy hour, 自自然然會諗起TJ's, 地點方便之餘, 價錢又實惠合理. Happy Hour由3pm - 9pm, 半litre既stella或者hoegaarden都只係$45, 超值! 呢次同朋友各叫左一杯, 唔知係唔係錯覺, 呢度既stella draft beer真係特別清特別順喉, 冇其他地方果d咁澀架 配埋免費既粟米片同埋salsa醬, 簡直係perfect match呀~另一樣抵食之作就係逢星期六先有既特價10oz steak, 平日賣$168, 星期六就$88. 成個set好豐富架, 除左塊扒之外仲有烤過既蓄茄同半支粟米, 同埋熱辣辣既炸薯條, 就算男士都應該夠食 而塊扒都好好味, 唔係好嫩滑果種, 但好好咬口好有肉味, 加少少黑椒已經好正~飲完啤酒再叫多杯cocktail mojito, $55一杯既價錢係離奇地大杯, 而且唔會話糖水多過酒果d乞人憎野. 同場見到隔離檯有杯超大既margarita, 杯口直徑起碼有20cm, 可以幾個朋友仔一齊share, 下次多人都可以試下~成間餐廳半開放式既設計其實幾好, 起碼空氣流通, 但係呢幾日咁涷既天氣就比較辛苦喇~ 而且電視機既位置唔係幾好, 要扭住條頸先睇得清楚, 睇波既人士要早d黎霸位先有靚位坐喇~…Read More

睇戲前先要來一個quick dinner, 不想吃快餐, 也不想吃得太飽, 忽然想起這間曾一度"走紅"的Noren.六點半的時間, 一個客人也沒有, 連日藉老闆也閒悠悠坐在一旁發呆, 大概想不到有人會在這個鐘數來吃晚餐吧 與朋友二人一人點一個set. 朋友吃"招牌貨"豚肉飯, 我就點了稻庭烏冬set.先說烏冬, 這是一個"齋"set, 只有清湯烏冬一碗及薯仔沙律. 本來想加點一個吉列豬扒, 但記得上次吃過有點太乾, 而且三十多塊錢只有三幾塊, 性價比低了點~ 其實這個烏冬都不錯, 湯底很清但卻有點點甜味, 但可惜烏冬本身太"淋", 而且很碎, 食落不是太過癮. 隨餐附送的薯仔沙律味道不過不失, 沙律醬比起平時吃的"奇妙醬"好, 但薯仔不夠粉, 比起上一次吃的失色.至於友人既豚肉飯聽說不錯, 是用珍珠米煲既飯, 最合各"飯桶"們的心意. 我嘗過一口豚肉, 覺得質素甚佳, 咬落新鮮有肉汁, 側邊的脂肪位尤甚爽脆, 配上醬汁味道很好很適合送飯, 難怪係招牌貨.作為一個晚餐定食, 豚肉飯是個好選擇; 但烏冬卻令人有點失望, 下次再來都只會為了豚肉飯了~…Read More

坐落在公司附近既橫綱, 每次經過都見到大排長龍, 上一次同同事兩人去食, 等了半小時才入座, 再等20分鐘先有得食, 一個鐘頭食晏時間就冇哂. 今日一個人, 又早左偷走出黎, 好好彩等左10分鐘就有得入喇~其實呢度真係幾唔好坐, 尤其係收銀後面既面壁位, 又窄又冇得"埃", 而且侍應姐姐又冇表情~ 不過話分兩頭, 呢度最貴都係$5X一碗麵, 而且又唔收加一, 其實都算係抵食架喇~因為早上已經吃過蛋既關係, 放棄了最愛既味玉拉麵, 而選擇了九州拉麵. 豬骨湯底既九州拉麵有三片叉燒, 粟米, 荷蘭豆, 筍, 海苔同幾條薑絲. 日式叉燒從來都唔係我果杯茶, 總係覺得同煲湯豬肉差不多, 不過呢度既叉燒都算幾鬆化又唔太肥, 但我最欣賞就係呢度既麵好有咬口, 好好o趙, 而且唔會因為浸得耐就淋左, 讚! 另外個豬骨湯底甜而不膩, o係呢個咁涷既天氣食完暖笠笠! …Read More

本身好鍾意食串燒, 尤其鍾意食四川式串燒, 貪佢價值錢唔貴, 食多幾串都唔怕嘛~ 幫襯過同區幾間同類型既串燒店, 暫時覺得呢間比較優勝. 一來地點近地鐵d, 又近食糖水, 食完串燒再食埋甜品岩岩好; 二來佢既火侯控制得比較好, 燒得香口又唔會燶.食過幾次, 覺得佢既燒肉或者燒瓜菜做得比較好, 雖然肉質一般, 但調味搭夠; 而且蔬菜又唔會燒到乾哂~ 強烈推介呢度既燒臘腸, 真係未o係第二度食過, 估唔到係皮脆脆, 肉咸咸咁真係幾好食, 叫碗白飯或者用黎送啤酒就岩哂喇~小食冷盤都幾唔錯, 尤其係麻辣皮蛋, d皮蛋本身既質素都幾溏心, 而且個汁又唔會十分之辣, 食完好開胃.不過今次掛住食唔記得左影, 剩係影左幾張:如果黎呢度食最好book定位先, 因為舖頭唔係好大, 唔計街邊位得廿個位左右架咋~…Read More

早在一年前已到過這裡吃shabu shabu, 當時對這間坐落在街角, 毫不起眼的店子感覺一般, 剛巧今日有友人提起這店, 氣溫又開始驟降, 正好再試一試它的真章.六點半左右已經到達, 在門外探頭一望, 咦? 一個人都沒有. 看過餐牌, 其實選擇不算多, 主要是選湯底及要哪重肉類. 上次經驗是吃淡淡的清湯湯底, 今次決定改吃濃味的sukiyaki, 再配上牛肉; 而朋友則繼續清淡, 選了清湯, 配豚肉+海鮮.先來一個"沙律"開開胃, 但其實是罐頭粟米菠蘿加幾片青瓜, 不吃也罷.開火燒熱了鍋, 侍應小姐先下一塊牛脂"起鑊", 不得了, 即時聞到陣陣濃濃的香味 脂肪這東西真令人又愛又恨! 之後再加上洋蔥同炒及醬汁, 一鍋油香四溢的sukiyaki湯底就完成了~牛肉與sukiyaki湯底相當配合, 雖然跟餐牛肉牛味不算濃, 但勝在嫩滑無渣, 加上湯底及生雞蛋的蛋香, 也令人吃得津津有味~ 蔬菜方面都算新鮮, 但可惜吃到最後的西洋菜很"韌", 有點美中不足.又試一下友人的清湯豚肉, 似乎就給sukiyaki比下去了, 如果不加醬料, 其實有點似吃湯渣的感覺~ 至於海鮮方面也有點"搵笨"之嫌, 只有兩隻蝦, 兩隻青口及一條蟹柳, 而肉質只是一般而已, 下次可專心吃肉了. 雖然清湯味道較淡, 但到尾聲時混和各種肉味, 再加飯煮成雜炊, 又有意想不到的清甜味道. 除了兩個火鍋set之外, 我們還點了熱sake和三文魚刺身, 合共$460左右. 其實整體質素令人滿意, 尤其是sukiyaki湯底濃郁, 吃完全身暖笠笠感覺很舒服. 但如果以每人二百多元的價值, 佐敦區其實還有很多選擇, 難怪在我們用餐的兩小時內, 都只有7個客人了.…Read More

聽講呢度既小菜唔錯, 咁岩有朋友生日, 又有港大校友同行, 就黎呢度試下啦~地點好就腳, 不過入面既裝修比較舊, 可能因為用上了黃色既光管啦. 侍應人手足夠, 唔會話叫極都冇人應, 不過就比較少笑容, 或許中式酒家既傳統就係咁樣.黎呢度梗係要試下其中一款"名物", 杏汁白肺湯. 飲落都幾真材實料, 但略嫌杏仁味太搶, 反而嚐不到其他味, 而且豬肺都"啤水"啤得唔乾淨, 食落有D腥.另一樣"名物"就係蝦多士, 呢度又做得幾好, 剛剛炸起就上桌, 而且夠乾身, 食落唔係太油, 唔錯~ 椒鹽鮮魷都幾好, 鮮魷幾新鮮, 熱辣辣再加上濃味椒鹽, 好難唔好食.咕嚕肉就一般, 炸粉厚左D, 而且好油, 食左少少就唔想食; 不過, 一齊炒既子薑就幾嫩幾好食~因為天氣涷, 揀左個"麻甩"煲食下~ 本來呢個煲既材料都幾好, 鱔球夠大, 又有蘿蔔冬菇一齊炆, 不過可惜太太太油! 食完個胃好辛苦~荷葉飯就不過不失啦, 幾多料既, 不過冇咩味~可能有期望d野會幾好食, 但整體表現不過不失而已, 或許再試埋其他名物, 會有驚喜吧?…Read More

呢間餐廳已經o係路德圍開左好多年, 不過o係附近住左咁耐都冇去食過, 主要因為間舖頭睇起上黎好殘舊, 黑媽媽, 睇見都唔會想入去. 今年年中見佢裝修, 以為轉做其他食店, 但重新營業之後見佢個字號都係一樣, 不過賣既野就唔同左, 主要係茶餐廳d兩餸客飯, 特餐之類既野.黎親呢度都係食B2特餐, $26包多士, 火腿奄列, 沙嗲牛肉湯意同一杯熱飲. 呢個價位呢講真係幾抵食, 多士都尚算脆口, 而且牛油塗得均勻, ; 前幾次食既火腿奄列仲有埋洋蔥同蘑菇, 不過唔知係唔係物價高脹, 而家冇左lu; 沙嗲牛肉湯意既牛肉都幾夠味, 正常鬆肉粉份量, 咬落都仲幾有o趙頭既~順帶一提, 原來呢度老闆即係隔離松記老闆, 下午2點前可以o係松記果邊坐叫呢邊既野食架~…Read More

在西九海濱長廊倒數完, 本來想行去佐敦佳佳甜品食甫腐竹白果糖水, 不過帶著沉重的攝影器材都係唔好行咁遠, 近近地諗起渡海角都有得食糖水, 不如就去試下啦~去到先知原來就係傳聞中堂記既隔離, 門外面開滿哂檯坐滿人, 仲有唔少人等位. 搵位阿姐問下個排隊等位機制係點, 佢指住有條人龍就叫我地排果度, 排左一陣, 咦, 有d唔對路! 原來果條係外賣人龍! 其實係冇排隊呢回事, 有人行開就自己坐低就得~ 好不容易安頓好坐低之後, 就叫左個蘿蔔糕同腐竹白果糖水, 見到位大叔o係門口煎到卜卜脆, 應該都唔會差得去邊掛~ 好快就拎到黎, 個樣都幾對路, 不過一食落口就知出事, 成口粉一D蘿蔔都冇, 仲要重味精! 雖然話$3件唔好要求咁多, 但係食完個口腔仲辛苦過唔食就唔係幾妥當啦~等左好耐, 碗腐竹白果糖水終於到. 見到D腐身都煲到溶左似乎幾好, 不過撈起D白果就知出事, 個心黑媽媽既, 咬落去仲衰, 苦既~! 完全同佳佳冇得比, 下次真係唔好貪近!雖然去得呢D地踎野都預左漏單混亂, 但係連D野食都係咁既質數, 應該都冇下次. …Read More