gavintsui's Profile

食物無乜好食唔好食，都係普通甜品，芒果量算多而且都甜，價錢唔貴，只係咁嘅服務真係背脊骨落。.我好有禮貌咁指住餐牌入面有張相好似係一個 set 咁嘅物體「請問呢個係咪 set 嚟㗎？」肥佬紋身店員：『呢張只係一張相！』我心諗 JM9？我得罪咗你？.我懶睇字，決定有相篤相，點知店員極度不耐煩，我篤親都話個甜品生得大份，一個人食唔晒。其實如果你唔想賣大份嘅甜品，或者嫌客人食得慢阻住你做生意，你可以同客人講沽清，「甜品生得大份」呢個回覆作為客人我淨係覺得你好無家教同極無禮貌。.再講，客人叫乜你咪落乜囉，叫咗食唔晒都要埋單㗎啦，你有需要擺啲極其厭惡、極不耐煩嘅樣同態度出嚟？.如果唔係出面咁熱我 friend 唔想再行，隔離排晒隊得你呢度有位，我已經起身走咗了。.我自問個身唔似店員咁有陣汗臭味、亦自認為自己十分之有禮貌，但係由入鋪嗰一刻，到離開嗰一秒，都只係感受到店員嘅黑面同無禮貌。.我哋20零分鐘食完去埋個廁所就準備走，店員粒聲唔出走埋嚟清枱、fing 條毛巾落嚟抹枱，再劈個餐牌落枱面，你都係想趕客走啫，咁我咪走囉🤷🏻‍♂️.20分鐘食完嘅男客就趕，我哋後面嗰枱由我地入舖到食完起身都仲傾緊偈嘅兩個女仔就唔趕，有性格呀肥佬👍.我知你得一個人睇舖，你忙你做到炆憎，但係你唔應該咁樣對客，你要發脾氣應該對住你老闆發。.Anyway，希望你哋可以 keep 住呢個態度待客，然後每個月都輸少少，輸到個約完為止，咁嘅態度做生意包你長輸長有😉…Read More

雞肉雖然夠滑，但係入口除咗雪味，根本無其他味道，連咸味都無⋯⋯滷水有顏色，但都係一樣無味道，另外，滷水汁埋獻，真係令我大開眼界。豬手夠淋，但係食落感覺鞋口。白飯夠熱，只係叮得有點兒太乾。薄荷葉青檸梳打足料，但係越飲越甜，建議落單時加句小甜。女服務生殷勤有禮，男店員雖然都好有禮貌，但係就有點兒太過，老闆前、老闆後，其他人我唔清楚，但係就我個人嚟講，其實真係唔太鍾意咁樣。如果唔係海南雞嗰兩個汁校得好，應該半碗飯都食唔到。可以的話，轉過第二間米行或者轉過隻米，而家呢隻太乾太旱，食咗半碗個胃頂住。埋單 $111，值唔值得就見人見智，小弟真心唔識欣賞。…Read More

今日休息，老虎先陪我去維記食豬潤麵，之後再陪老虎食魚米。七點唔爆，客人疏疏落落，但係入到店內都係無人招呼，算，自己搵個位坐。老虎望餐牌，我就望枱紙，枱紙張相十分之吸引決定一試，原條黃花魚米線。叫完之後，老虎同個侍應講想加份蘿蔔，侍應好很有趣地表示 : 加唔係唔得，係煩啲唧，加 $8 啦。麻煩完個侍應之後，坐喺旁邊個哥哥仔好唔耐煩咁問佢點嘅嘢食到底得未？啱啱俾我煩完嘅姐姐就好施施然咁走去收銀望吓個電腦 : 你叫咗咩呀？哥哥仔聽到之後，無名火起拎袋起身，掉低咗句唔洗喇！就消失喺人海之中......上菜，現實與理想，唔好睇亦唔好食，有好嘅 idea 但係唔識點樣好好咁 present，浪費咗條橋、浪費咗食材。如果俾我，反正你跟隻骨碟，倒不如將條魚另上，總好過而家將一條煎香咗嘅魚放入去湯入面浸住出。侍應手快的話，都仲可以食到少少脆皮，客人多或者侍應上菜慢，就變成一碗貓糧。一夾成條魚散開，魚肉因為俾啲湯浸到一啲都唔香，魚骨散到成碗米線都係，叫人點食？講真，食平嘢都預咗零服務，但係無諗過要受氣，加多份餸都俾人話煩，呢間嘢真有意思，成間餐廳得收銀個姐姐有心做，其他待應唔係發夢就係發呆，對餐牌、食物無認知，十問九唔識，服務就更加唔洗提了。By the way，服務嗰 1 分係俾收銀個姐姐，完。…Read More

今日老虎有家人自遠方來，老虎不亦樂乎。同佢地去海馬公園玩完之後，就車咗佢地去附近嘅粗菜館醫肚，順便回味一下當年嘅味道。利申一下，我同老虎之前一直都係佐敦粗菜館嘅 fans，自從佢搬咗之後，佐敦得返麥文記叫做真正係好味道，其他嘅簡直不值一提......店入面裝修同以前佐敦差唔多，牆上面都係掛滿咗名星嘅簽名，仲有一大幅蔡 San 嘅推介字畫，店員見我周圍影相，提我仲有一幅金庸嘅喺入面，哈！有趣！今晚我地四大一細，點咗 : 梅菜扣肉、例湯、炒花甲、菜甫涼瓜煎蛋、鳯爪、炸大腸、鴨舌同埋豬油撈飯。見到個哥哥仔入緊薏米水本來都想叫嚟試吓，不過佢話啱啱煲起，雪唔切未夠凍，所以最後都係叫咗汽水，嘻。扣肉半肥瘦，鹹甜適中。例湯飲落 feel 到依然係無落味精，而且豬骨味濃，滾熱辣倒入喉嚨，舒服。花甲有少少辣不過可以接受，而且味道唔錯，雖然份量有啲啲少，不過 58 蚊份算係咁。白滷水雞腳，女人鍾意食，我自己就一般般。炸大腸同鴨舌都好正！無得彈！豬油撈飯我自己實在無 quota，只能夠食白飯，不過老虎就食得好很滋味，一啖接一啖...總體嚟講好滿意，遠方來嘅家人話好美味，我同老虎就好回味，感動嘅一餐！埋單前拎咗啲海馬公園嘅飛出嚟諗住掉咗佢，點知埋單個哥哥仔見到就話即日飛尾每張可以當 10 蚊用，total 減咗 40 蚊俾我，哈哈，慳返 40 蚊幫補吓啲隧道費，開心。By the way，香港仔好遠，佐敦幾時開返？…Read More

真可憐咁多喊面 食過一次食咗碟雞飯 , 炸蝦餅 , 百事可樂幾十蚊冇 service 就預咗地方細係個鋪嘅問題味道一般啦好過佢地嘅有好多埋單幾十蚊快餐 feel我除咗知道自助餐係一個價包食飽之外未聽過原來幾十蚊一碟飯係要包食飽…Read More