torres_arso's Profile

聽同事講裕民坊有間西餐不錯，天氣轉凍今晚同老公黎食下個set dinner老公唔係觀塘返工，早左小小入座等佢，叫左個青口（煙肉汁），等佢黎到可以食住叫菜！食落都知道係活青口，非常鮮甜，配埋白酒煙肉汁，加埋個法包好正，最後唔夠喉拎埋前菜麵包一齊dip汁食🤣最後決定叫左個晚市套餐跟住兩款前菜，分別係鯷魚茄子蓉多士同埋風乾火腿肉拼盤。第一次試鯷魚多士配茄子，食法特別，但其實唔算太食得出茄子味，不過採用既鯷魚似乎都好高質，入口充滿魚香，連同超脆法包，好好食！24個月既巴馬火腿，油脂豐富，都好唔錯！而今日精選餐湯係蔬菜蕃茄湯，又係誠意之作，剛好清一清味蕾迎接主菜餐湯係好多蔬菜既蕃茄湯，好飲！主菜部份叫咗蒜香蜆肉意粉同埋龍蝦意粉，呢度嘅手做意粉真係不錯，軟硬顏色，而且食材非常新鮮。蜆肉隻隻都食得出海水味，完全不用多加調味料，蜆肉汁完美咁同意粉融合埋一齊！龍蝦意粉亦都非常驚喜，超級多膏，龍蝦汁調校得非常出色，每啖都充滿着蝦嘅鮮味，龍蝦肉質非常彈牙，一試難忘！最後on top加咗百香果奶凍同提拉米蘇,估唔到呢度甜品都咁出色，甜品真係必點，百香果奶凍奶味極濃，配上百香果醬，簡直係天作之合！超級喜歡！有機會都會特登黎食！而提拉米蘇亦都非常好食，d cream打到好綿，不會死甜，配上咖啡黎完結呢一餐真係好滿足！…Read More

好內冇黎圓方🤓呢間文青韓式cafe野飲出乎意料地好好飲，炸雞同韓國食到既有得揮，而且勁多特色甜品伯爵茶牛角窩夫附上既伯爵茶奶醬好濃好rich, 一定要落落去個waffle到食，配埋雪糕一齊食，一冷一熱，好爽！而且仲有埋好好食既蕨餅同埋伯爵茶布甸，如果2、3個人食就good fit!半半炸雞試咗蜜糖味同芝士味，而且除餐附上蜜糖芥末醬，超級好食，個醬係唔夠我地點，因為實在太好味🤤炸雞水準極身就已經不錯，配埋粗身薯條無得輸🥰血染藍莓沙冰造型超級可愛而且仲好好飲🤣完全無人工藥水味，仲鋪左鮮藍莓，藍莓沙冰混入朱古力碎，配炸雞剛剛好🥰焦糖奶昔呢個係超級超級好飲，奶昔非常綿密，面頭既焦糖餅碎好脆，兩者夾埋一齊非常好飲！做左媽媽之後好怕d飲品太甜，但係呢到完全無呢個問題🥰tiramisu見到甜品咁得所意追加左個tiramisu, 用樽仔上好可愛，雖然食到最後係有小小飽，不過一路食一路傾都好快食哂！…Read More

除左為左打卡，「韓食隱」又發作，見到裝修靚靚，有個餐又幾抵食，所以簡左banchan and cook🤭兩個人叫左個「嚐吃套餐」，包兩款主食，一個小食，甜品同兩杯飲品。橡果黑毛豬卡邦尼意粉，黑毛豬煙肉超級好食，厚切長型既豬肉每舊味道都好濃，配埋唔太濃味既卡邦尼醬同磨菇，完美既配搭🥹五花肉玫瑰燉飯，原橡以為「玫瑰」係真係指玫瑰味🤣但原來只係個名，實程係蕃茄忌廉醬燉飯，再係面落左青醬，配搭起黎都好好食，第一次咁樣兩溝，原來又夾既。五花肉燉得好軟冧，幾乎不用用力咀嚼，肉質層層分明，醬香十足，果然係呢到signature。呢個炸雞食到我地完全停唔到口，拼盤分別可以揀三種味道，我哋揀咗柑橘、甜辣、洋蔥醬。每種味道都有過人之處，柑橘味不會過甜，而且本身雞肉醃得好，相輔相成，成件事banlance哂，完全停唔到口。洋蔥醬亦出乎預期之外既好食，係韓國食到既味道🥹🥹🥹甜辣前面三道菜已經食到勁飽，幾乎唔記得仲有甜品要食⋯抖左一抖先請侍應上埋甜品。見到上面既焦糖碎片分量幾乎淹蓋下層，中間配上芝士蛋糕，下層係牛角包窩夫。咸咸甜甜咁，好配我地既咖啡🥰呢個套餐咁鬼多野食，真係夠3人食。一直覺得韓系cafe好利害，無論咸食、甜點，飲品都比港式cafe做得好好多。至少同朋友食飯吹水打個卡，基本上求其影點都靚⋯今時今日如果唔想再去旺角d樓上cafe試又貴又難食既伏，banchan and cook真係幾好既選擇！…Read More

放工心思思想食韓式炸雞，原來駿業街就已經有CHIMAC分店。叫左無骨炸雞套餐，炸雞都係即叫即炸，上枱熱辣辣。因為今日想享受炸雞脆卜卜既外皮，所以簡左半半口味（閃亮芝士粉同蜂蜜牛油粉），包唔會比d醬整濕個皮。芝士粉係落得極重手，滿滿咁覆蓋哂成個雞塊，雞肉調味齊剛好，不會死咸。如果你喜歡韓式甜甜地既芝士粉味，嗯個味道就岩你。而蜂蜜牛油味相對就輕手d，無咁濃味，能夠同時食得出雞味泡菜炒飯幾好食，面層鋪滿紫菜！輕輕鬆鬆送下炸雞可樂就食哂。炸薯條呢個無得事，有我最愛既粗薯條炸香腸，又係非常韓式，可能食慣左港式或者外國腸，所以未必咁岩口味。送既醃蘿蔔都幾清新，食咁多炸野，可以清一清口腔！埋單$191，咁多野食，真係好鬼抵！…Read More

襯aeon bb展同老公黎屯門shopping, 行到攰見到有PANCAKE食即刻心心眼, 一心想食甜食, 不過比格離台既意粉香氣攻陷,忍唔住叫埋野食當晚餐燒牛肉向日葵三文治本來想輕食,叫左個三文治,誰知原來都好飽肚睇得出外層多士經過牛油香煎,非常非常香口酥軟之餘,又不會令麵包硬哂呔,夾埋燒牛肉同芝士,再貪心D連流心蛋同附贈既牛油果沙律一齊食,味道一流! 值得一讚既牛油果沙律調味非常出色,用左檸檬汁撈牛油果之後,令到成件事FRESH哂!慢煮牛面肉闊條麵就係見到格離台食呢碟意粉,忍唔住跟機. 牛面肉覺慢煮再煎過,肉質非常軟但又帶牛油脂香,撈埋個底既蕃茄醬汁,整體都唔錯幾好食士多啤梨梳乎里食完岩岩好就上甜品, 蛋香味好濃, 空氣感十足, 配埋雲尼拿雪糕一凍一熱, 甜甜地又帶小小酸既士多啤梨醬,真係絕了, 連唔多食甜食既老公都食哂成件, 平時出面成日遇到唔熟(即係入面仲係帶醬狀),今日呢到就無遇到呢個問題! 潮州單叢(青茶) & TIRAMISU COFFEE食甜野最岩飲茶,老公簡左單叢, 事源我地有次飲過之後就念念不忘, 好飲既單叢味記帶回甘, 今日呢杯都算合格有餘, 而且配甜野飲真係超級合適TIRAMISU COFFEE出乎意料地好飲, 上面層CREAM夠實淨, 一啖CREAM一啖COFFEE,又真係好似TIRAMISU今日呢餐質素都唔錯，而且賣相出色，食完一路飲下野傾下計，又冇比人催走，成個環境都舒適。下次泥會再試埋其他口味既梳乎厘同FRENCH TOSAST!…Read More

放工即使黎拎位食飯，好好彩7點到可以順利入座。入座後好快送上小菜同茶, 暖暖既滷水花生粟子好入味，係睇緊菜單既時候已經比我地食哂。京味炸醬拉麵呢個係我地既all time favorite，醬夠濃，肉碎豆乾等配料都好慷慨，不過唯獨無青瓜絲，食到最後係有小小漏，但整體都已經好好味！揚州糟溜滑魚片朋友表示魚片真係好滑，有酒香味濃，味道好特別，有家鄉風味。不過我忘記左自己唔飲得酒，所以我食唔到呢味菜。揚州炒飯樂天既炒飯真係唔會令人失望，炒得夠鑊氣，調味亦適中，當而家茶記七、八十蚊都係比隔夜叉燒炒飯，樂天顯然材料新鮮，整體性價比更高。蒜茸清炒菠菜正正常常既一道家庭小菜，仲加左一點炸蒜點啜，蒜味亦夠，健康之選。香煎豆沙鍋餅食到咁上下提侍應可以起甜品，即叫即煎，大概十分鐘內就上到台。豆沙鍋餅真係無得輸，而且豆沙分量夠多，好岩我呢D甜魔!…Read More

呢排經常黎駱駝漆買野，放工時間既駱駝漆相對無咁多人黎食野，靜靜地幾適合約朋友黎食飯傾下計！經過見到呢間日本野幾企理，兩個人都可以坐大梳化位，幾舒服。鰻魚炒飯呢到鰻魚炒飯加左洋蔥同翠玉瓜粒，整體口感食落好有咬口，而且加埋鰻魚汁炒，食落好香口。燒芝士雞肉棒食落啖啖芝士，雞肉同雞軟骨混合後即刻提升口感，不過食既時候好掛住日式生雞蛋，如果有得加錢簡就更加好芝士燒帆立貝原隻帆立貝連外殼燒起黎更加風味，芝士好足好CREAMY，唔錯！牛肉壽喜燒 味道正常，甜甜既日式壽喜燒風醬汁，而且係個超級多牛肉既火鍋，不過配料相對無咁多，食完可以加個烏冬放入鍋煮！…Read More

今日星期六，海港城充斥住勁多遊客，好難搵位之下，上網見到呢間居酒屋評價唔錯。前菜鱈魚干鱈場蟹肉玉子燒鱈魚干超好食，燒得勁香脆，卜卜脆，送酒一流。玉子燒亦都係食得出即叫即燒，蛋味香濃，又不會過分死甜，配上蟹膏醬，幾特別！燒物蘆筍豚肉極力推介，蘆筍超嫩，配上鹿兒島豬肉，好食到要encore燒鰻魚要測試一間居酒屋既燒物合唔合格，睇下燒鰻魚既水準就知。呢度嘅燒鰻魚值得一讚，外皮香脆，純粹鹽燒，食材夠新鮮，控制火候亦都好好，外脆內軟外皮香脆，無得彈西班牙黑毛豬呢個又係好驚豔，豬肉完全冇騷味，反而係好濃既肉味，燒得剛剛熟，好鬼好食。免治雞肉配溫泉蛋呢度嘅免治雞肉係即場人手製作，配上醬汁，烤到微微焦香。其實只要用心製作，免治雞肉就一定會好食🤤最後忍唔住呢個溫泉蛋都食晒南蠻炸雞炸物正常水平，都可以作飽肚之用日本炸絹豆腐飲品叫左whiskey highball同埋青蘋果梳打，兩款飲品都係正常居酒屋必備，食串燒同迦密真係不可缺少！…Read More

朋友介紹西環呢間居酒屋，本身入場時覺得舖面較細，不過坐左入BAR台位之後，呢種窄窄地既感覺，加上全場FULL HOUSE，充滿住大大小小既笑聲，真係好似返左日本食居酒屋咁。坐底叫左杯SUNTORY EXTRA WISKY HIGH BALL，夠濃度但亦順口，岩哂想飲酒精濃度高但怕苦既女仔。酒盜芝士8塊脆餅乾配魚內臟漬物及芝士，咸咸香香，作為熱身菜式十分唔錯！雞心、雞肝作為內贜狂熱分子，呢兩串亞合我心，雞心應該係新鮮貨，燒得十分JUICE，入口非常Q彈，係好食既雞心。而雞肝就係粉肝，配埋燒汁好惹味，同樣係內臟狂人必點！燒厚切牛舌本來在ZZ叫炒牛舌定係燒牛舌，不過見到「厚切」兩字即刻跪低，上台十分靚仔，燒到卜卜脆之如，內裏爆汁同仲好有彈性，完全不會後悔！可惜今餐食到太飽，下轉再試呢到既炒牛舌。大蔥雞肉、雞翼、雞腳筋、雞掌心大蔥雞肉燒得非常好，燒功真係一流，每一口都充滿雞汁，熟度剛好，配上微焦既大蔥，忍唔到再飲返杯。呢到雞翼SIZE十分對版，鹽燒做法，外層燒得乾身夠脆皮，內裏仍然JUICE滑嫩。雞腳筋同雞掌心係今餐玩野之作，重來對呢兩樣野既概念只係台灣夜市既X味。燒雞腳筋張雞皮燒到脆口乾身，入面再帶有軼冧冧但有咬口既筋部，搭起來好鬼趣致。而雞掌心更加搞笑，食得出係掌心再連指頭既位置，兩個部位都係雞腳最好食既野，抽出黎做串燒又掂啵，起碼唔使係朋友面前「損雞腳」。兩個部位烤脆左之後，其實都幾似食緊燒雞皮既特別版！瀨戶內海生蠔蠔係稍為加左醋作調味，新鮮爽口又夠甜，一人一隻中和一下串燒油膩感😛牛油果蟹肉沙律所有材料都好新鮮，伴上日式沙律汁，配串燒食一流白鱔串燒地道菜係我今日最愛，外層燒到十級香脆，仍然保留鰻魚應有嘅油脂，會咬一口都基本上爆汁，冇特別加其他醬汁做調味，簡簡單單鹽燒已經好鬼正！簡單啲講材料好，識得燒，就夠！唐揚池魚仔第一次試食迷你池魚仔，用油炸後可以完條食，係一道完美送酒菜呢到埋單8百零蚊，真係好抵食，係港島少見有質素又抵食既居酒屋！…Read More

今日同男友兩個人來韓燒，呢度有個半自助嘅前菜區，好適合二人韓燒，否則平時去出邊嘅燒肉店，經常都只有一兩碟，無辦法試到咁多。呢度有兩款泡菜、蘿蔔、醃青瓜、新鮮生菜、蔥絲蒜頭等等，而且全部自家醃製品都好好食！如果喜歡韓式前菜不可錯過！我哋坐低後侍應立即送上蛋漿，都幾貼心周度，叫完嘢食再燒一陣肉，個蛋就已經食得。今次叫咗牛護心肉、豬護心肉，喜來烤肉，另加蟹籽紫菜飯團，估唔到豬護心肉係咁好食，肉質非常q彈！而兩份牛都非常靚仔好食，喜來烤肉預先已有醬汁，肉質嫩滑，燒30秒左右食，剛剛好！呢個飯團要自己用手撈，有幾好玩，各自搓完可以自己食返，紫菜飯果然係絕對冇得輸嘅！埋單五百幾蚊，喺銅鑼灣呢個地段，真係算好抵食！…Read More

復常後星期五晚happy hour諾士佛台周圍都滿晒，一位難求，朋友搵到樓上有間唔錯既bar。入到嚟仲見到有個桌球枱可以玩。呢到都算幾多特色Cocktail，有d係香港名物（可惜今日紅豆冰賣哂）雞尾酒，又有四大美人為主題嘅雞尾酒，打卡一流。不過兩個人想靜靜地吹下水，飲左杯earl grey remix 同埋玩味重既楊枝甘露cocktail，估唔到楊枝甘露係真係咁出乎意外，原來拎黎溝酒又幾得意同特別！食物方便，我地叫左餐湯加前菜，南瓜湯幾濃郁，冷盤都相當好食，特別係火腿油分充足細軟，有質素既hams and salmon!另外仲叫咗蔥爆牛柳粒及香辣白酒羅勒大蜆扁意粉，估唔到西餐廳都咁夠鑊氣，而家大蜆扁意粉勁好食，蜆肉每粒都脹卜卜，好新鮮，意粉索晒蜆肉嘅鮮甜味道！估唔到又發掘咗個好地方，收工吹吓水，飲返杯，地點又方便！…Read More

三田製麵所旗下開既tonkotsu 8係Apita food court 開左，引左我黎開餐。apita裝修後第一次黎，成個food court闊落好咗，好多位置亦都多咗，仲引入咗好多新餐廳。雖然成日食三田製麵所，但佢旗下嘅tonkotsu 8真係一次都未試過，估唔到food court都咁有水準，同本店有得揮。今日試咗兩個主食。-經典黑芝麻醬油拉麵，湯底味道非常非常濃郁，好岩我夠重口味，麵條幼滑，軟硬程度剛好，亦係我好鍾意嘅麵質。-牛肉咖喱飯配吉列豬扒，估唔到三田嘅咖喱係咁好食，充滿蔬菜高湯嘅甜味，係裝修前試過同場其他店舖嘅日式咖喱，三田係絕對完勝！而且跟你豬扒仲炸得好鬆軟，牛肉亦非常入味，絕對不馬虎！…Read More

平時成日黎加餸，今日懶得煮叫左外賣二人餐，包半隻海南雞、一個餸（簡左煎魚香肉餅）、一份小食（泰式鳳爪）、兩個湯，同埋生菜連飯。呢個份量足足夠我家三個人食，雞肉保持到水準，非常非常滑嫩，配埋3色醬汁，好好食！另外第一次試呢到既魚香肉餅，啖啖肉之餘帶有咸香，征服左我屋企既男士，好岩佢地口味，送飯亦一流。湯亦一如既往，都好好飲，就地取材落足料同雞骨去煲，非常濃厚，$188黎講既外賣餐真係油塘既性價比之皇！…Read More

喺鑽石山行過隨意行入呢間CAFÉ，外面睇落裝修好有質感,入到去仲可以安排坐喺室內樹下，感覺非常cozy。晚市百幾蚊一位包飲品, 係商場內性價比都算抵食。今日叫左一個龍蝦ALL DAY BREAKFAST 同埋帶子龍蝦汁海鮮意粉，外加一份水牛城雞翼小食。ALL DAY DREAKFAST係驚喜，每款配菜都煮得好食。可能有人覺得有幾難?但作為中伏多次既人，深深體會到餐廳有心思準備食材真係好重要。不論炒蛋、大啡菇、WAFFLE、沙津菜都係靚料，而且有水準地煮得夠好食。牛油果夠熟，龍蝦啖啖肉，仲拆埋蟹鉗，鋪滿芝士汁，食落LUM LUM利。個waffle仲好有心思，配既糖漿帶有茉莉花香，好清新好好食！刺生級珍寶帶子龍蝦汁海鮮意粉又係配菜真係好值得稱讚，配料充足，炒出香味，唔會求其撈兩撈就上台。而且帶子煎得剛剛好，外層煎得香脆，入面則軟滑彈牙，不會過熟。水牛城雞鎚唔會太辣，5件大大件連薯條，兩個人要夠大食先食得哂😝都算係唔錯體驗，食飽慢慢坐傾下計，仲見到小薯茄麗英係到食飯，引黎唔少人目光😍…Read More

呢排去開西區搵食，同行朋友話有間好抵食既陀地扒房，約好放工黎chill下。坐低望左好內，發現open kitchen 附近亦有好幾款是日精選既扒類。主餐牌主菜既價錢都好affordable,全部都連薯條及沙律，不過辛苦左成個星期想對自己好d,所以叫左我情有獨鍾既rib eyes雖然都等左一陣，但呢個肉眼真係不得了，外層燒到相當脆口，入面仍然保留到5成熟，廚房切好上台，食完碟底一滴血水都無，相當好功夫！呢份係最細portion 12.5oz，我一個女子都可以輕鬆清碟，燒得真係好食！推爆至於薯條同沙律就係正常side dish味道,我個口對住個牛都無停過咁滯，所以印象就係好正常既味道🤭 薯條係扁長形，都係比較少見，但同樣美味！餐前小上試左黑松露蝦肉多士，呢個又係拍手之作，外層佈滿芝麻，底層薄薄嘅多士配上中間蝦肉同黑松露醬，呢個配搭真係一流！另外朋友叫左bbq醬燒豬寸骨（即係豬仔髀），焗得剛剛好，肉質夠嫩，烤焗功夫同調味都唔錯，不過最力推都係呢到既牛扒😍另外見到出面啤酒櫃咁多款式，唔係好好酒都忍唔住簡返兩支，簡左法國既apple cider同比利時既果酒，又幾好飲，同somersby 完全唔一樣，好特別既味道，係香港好少機會飲到！埋單6百幾，性價比極高！今餐真係大滿足！…Read More