OK KO's Profile

估唔到係眾多火鍋店林立嘅尖沙咀區都可以搵呢間任食又高質嘅台式火鍋。佢地嘅120分鐘晚市火鍋放題都只係$359至589一位（19：00至20：30），豐儉由人，有牛御品、壽喜燒、牛極品、牛尚品及牛殿品。而家仲有期間限定湯底：泡泡脆米龍蝦鍋或富婆鮑魚鍋。🌟無限時牛殿品吃到飽套餐 $589 19：00至20：30入座🌟要試就試最好，仲揀左最新推出嘅泡泡脆米龍蝦鍋。呢個龍蝦鍋鮮味十足，而且龍蝦大大隻，入面嘅龍蝦肉都幾彈牙同爽甜。最推薦係佢地個日本宮崎縣A5和牛，大大碟，脂肪比例岩岩好。其他嘅牛肉例如牛肩胛肉、牛板鍵及牛脷心托都值得一試，全部食得出都係好新鮮。而其他例如日本廣島蠔、手工蝦滑及牛三寶都好新鮮，又夠晒彈牙。QR落單到上枱都非常快速，自助區仲有多款台灣小食、蔬菜、醬料、一大堆飲品及雪糕等任飲任食。台式diy甜品配料亦好齊全，有芋圓、愛玉、寒天及桃膠等，任你自由配搭。…Read More

最近試左呢間位於銅鑼灣新開嘅日式串燒熟成店，主打乾式熟成燒鳥，串燒都係即叫即整，仲可以坐吧枱欣賞廚師燒物。串燒選擇眾多，最推薦以下幾款：熟成特上鴿皇胸腿肉，燒得外皮脆，油脂豐富，內裡肉質保持到鮮嫩；特濃花膠雞白湯烏冬，雞白湯湯底鮮甜，帶來濃郁嘅雞鮮味，質感綿滑，忍唔住飲完一啖再一啖，烏冬夠滑，索晒精華，推薦！其他串燒亦好有火候，即叫即燒。重點係食串燒一定要飲啤酒，佢地而家啤酒更加係買一送一，幾抵飲。鋪內裝修幾有格調，好啱一邊食串燒一邊傾計！真心推薦大家嚟試下！🌟特上厚切牛苦芯熟成黑安格斯封門柳日本產鰻白燒生燒熟成合鴨胸熟成特上鴿皇胸腿肉三黃雞尾三黃雞腿跟腱三黃雞中翼有機南瓜沙律本地新鮮雞心本地新鮮雞腎明太子紫蘇豚肉卷本地活豬玻璃肉特濃花膠雞白湯烏冬菠蘿酒海鹽柚子酒 Soda🌟…Read More

係黃埔已經試過泓一嘅雞白湯拉麵，真係好唔錯，今次有機會再試佢地太子分店，睇下質素連唔連貫。太子分店係全港首間加多水麵專門店，而且好多時嘅食飯時間都係要排隊，如果要食，可能要預早d時間呀！🌟地雞醬油拉麵 $108🌟湯底係好濃嘅醬油湯底味道，非常入味，先係醬油嘅味道作首衝，之後就由魚乾嘅鮮味及甜味再度滲透味蕾。因為用多加水熟成麵，所以麵嘅質感特別有彈性，容易掛汁。豚肉有用火槍燒過，似煙燻豚肉。🌟豚x雞白湯拉麵 $108🌟湯底係濃厚嘅雞湯味，鹹鹹地亦有雞味出返嚟。質感唔會覺得油膩，非常滑口，個人好推薦呢款拉麵，真係必試！…Read More

如果對於市面上嘅台式飲品及手打檸檬茶等覺得有點厭倦，想飲返d健康清新野飲的話，個人真心推薦位於中上環嘅呢間健康飲品店。輕時光主打優格同水果整成嘅奶昔或奶蓋茶，店鋪用嘅都係新鮮生果，味道一樣夠晒清新自然，用嘅都係優格，比較上會冇咁重罪惡感同健康d啦！市面上好少呢類優格飲品店，而且唔會落任何色素，夠晒美味又健康。個人推薦呢幾杯，同朋友試左真係好正：🌟芒果優格果昔 $40🌟🌟藍莓優格果昔 $40🌟🌟紅火龍優格蓋茶 $40🌟🌟蘋果優格蓋茶 $40🌟…Read More

🌟容記第一咀 $98🌟墨魚咀炸得酥脆，好脆口同香口，又夠彈牙，拎嚟送酒真係一流🌟揚名國際燒肉（大）$168🌟燒肉係燒腩仔位，外皮燒得非常香脆，肥瘦適中，值得推薦🌟薯角牛柳粒 $168🌟人氣小菜之一，薯角整得外皮非常香脆，表面亦淋左蜜糖做醬汁，薯角內裡好綿密，非常好食！牛柳粒亦炒得好軟腍，大推！🌟幹鍋肥腸 $138🌟非常有鑊氣，肥腸幾有咬口同煙韌，辣辣地幾過癮茶錢$30/位，花生$15/碟，如果想唔要花生記得同職員講。另外生力及藍妹啤酒都買一送一，飲住嚟送小菜是必需的！…Read More

位於中環歌賦街嘅呢間omakase，係嚟自日本奈良嘅和牛割料理專門店，係國內非常出名，而且係米芝蓮推薦餐廳，實力一定有咁上下！今次同朋友嚟試下佢地午市嘅12道菜套餐，坐係席前欣賞日本師傅精湛嘅烹調手法處理每道和牛料理，享受到一場藝術級嘅盛宴！開始前師傅介紹分別來自日本宮崎縣及鹿兒島嘅和牛，分別會用嚟整西冷及壽司，肉質睇落都知正！🌟和牛割烹料理 $1280 (另收加一服務費)🌟｜昆布漬和牛刺身伴菊花芡、海膽、山葵和牛刺身肉質軟腍，牛香滿滿，配上日本海膽、山葵及菊花芡汁，味道清新開胃｜炭燒和牛伴秋茄子、和風醋汁、茗荷、白蔥、紫蘇、莧菜日本師傅即場用炭燒和牛，和牛入口即化，牛味香濃，連埋清甜嘅茄子一齊食，中和返和牛嘅油脂香，提升鮮味｜藁燒和牛牛舌伴山葵、柚子胡椒日本師傅即場用禾稈草燒和牛牛舌，牛舌來自鹿兒島，色澤粉嫩，入口軟腍，扎實得嚟有彈性，加埋柚子胡椒食，提升味覺更中和油脂，好有層次｜和牛伴松茸、葛切、酢橘係一種湯，充滿日本酢橘嘅水果酸香，用日本天然水，加埋和牛及葛切粉飲落去，非常開胃。師傅上菜時更會係湯蓋上面用水壺噴水，原來係日本戰國時期嘅傳統，只會招待貴賓先會咁做，代表可以安全飲用｜吉列和牛菲力三文治伴自家製奈良漬他他醬、自家製醬汁和牛肉味香濃，而且幾有咬口。日本師傅即場用炭燒過麵包，配埋店家自製嘅醬汁食 ，麵包脆口之餘，再食到和牛嘅香濃肉汁衝擊，味道及口感皆為驚豔，不愧係奈良最出名嘅三文治｜和牛里脊肉他他伴醃黃蘿蔔、海苔壽司日本師傅即場手剁和牛，將和牛切成粒，紫菜更用炭火微微燒過，份量亦頗多，食落因為有醃黃蘿蔔嘅關係，更有咬口及多層口感｜奈良縣梨拌木綿豆腐、馬斯卡彭乳酪、紫蘇花穗用奈良梨、以芝士及豆腐做source，梨嘅清甜加埋芝士及豆腐嘅香滑，清一清味蕾真係一個好選擇｜炭燒熟成和牛西冷、炭燒紅椒、新鮮黑胡椒鹽漬、結晶鹽熟成兩個月嘅宮崎縣和牛西冷肉質非常有彈性，邊位係滿滿嘅炭燒香味，沾上黑胡椒及結晶鹽入口，味道更濃郁，肉味更出｜和牛里脊肉伴松茸壽喜燒和牛里脊肉油花豐厚，肉質細膩，松茸鮮甜，味道又甜又香，夠晒濃郁｜土鍋炊飯、漬物米飯粒粒分明，米香味十足，配埋壽喜燒汁及日本蛋黃食，非常滿足｜和牛咖喱飯 或 和牛肉醬意粉 或 和牛丼我選擇左和牛丼，和牛配埋醬汁及米飯食，口感順滑｜自家製Gelato雲呢拿Gelato口感綿滑，配埋鮮甜嘅日本青提，為呢場盛宴寫上完美句號…Read More

今次試嘅呢間泰國菜夠晒闊落，坐得舒服，而且仲係由泰國人親自主理，味道唔使講一定夠晒正宗！🌟泰式船麵和牛金邊粉 $118🌟湯底惹味香濃，同係泰國食過嘅味道似到十足，加埋牛味十足嘅和牛同香料，真係好惹味🌟泰式乾炒雞河粉 $98🌟雞肉炒得唔會過火，都幾嫩滑，河粉亦煮得乾爽唔會痴埋一舊，微辣而帶有鑊氣，再加流心蛋更滑溜🌟泰式雜錦海鮮蠔餅 $128🌟海鮮非常豐富，足料之餘亦夠晒大份🌟椰子雪糕吐司配斑斕醬 $68🌟雪糕軟滑，配埋新鮮嘅椰子肉，再加埋香脫嘅吐司食，一口軟綿一口鬆脆，非常豐富嘅口感，甜而不膩真係好推薦大家嚟試下呢間泰菜！坐得食坐吹水一流！…Read More

🌜Omakase Moon $1580🌛 先付前菜：有沙白、鮑魚、地夫子、紫蘇花、津菜及日本海哲，食落有咬口又清新開胃 泡泡深海池魚：最受歡迎及打卡嘅一道菜，完全係視覺上享受！深海池魚及碎砌嘅甜蝦肉，再加魚子醬食，一啖放晒入口，成件事好夠鮮味 兵庫縣室津生蠔：非常大隻，唔會有海水咸腥味，好易入口 北海道象拔蚌：鮮味及口感十足，頗為獨特 三文魚籽海膽杯：三文魚子非常地多，加埋柚皮更fresh，連埋海膽食更覺甘甜 壽司最推薦以下幾款：帆立貝、大拖羅、池魚及鯖魚。佢地每款壽司都好新鮮及特別，普遍都係入口易溶，脂香味豐富 最後甜品係赤肉蜜瓜及巨峰提子，甜度超高，講緊係新鮮生果嘅甜，唔係死甜，食完成件事好清新！ …Read More

九龍塘搵西餐廳大家應該都會即刻係又一城搵有咩選擇，不過如果想搵間靜靜地又價錢親民嘅西餐廳好似又冇咩選擇。今次讀浸大嘅同學介紹左呢間位於bu嘅餐廳俾我，一試又真係相當唔錯。大家可以係九龍塘站坐小巴25A、25B、25M，去到浸會大學道落車，一入正門就見到架啦！去開九龍塘又想搵個地方靜靜地傾下計呢度真係幾推薦大家！✨️熔岩南瓜蟹肉意大利飯配三文魚籽鹹蛋 $198✨️Risotto口感濃郁滑順，南瓜原隻上，店員話可以減輕油膩感，南瓜肉帶有微甜，蟹肉鮮嫩，三文魚籽爆裂清新，鹹蛋黃增添濃厚鹹香，米飯軟糯，每一口層次豐富。✨️雞白湯蝦膠雲吞雞 $308✨️首先想講相當大煲，雞白湯濃郁醇厚，飲落好暖身，係花膠雞湯個隻味。蝦膠都幾彈，雲吞外皮薄，內面嘅蝦肉都幾彈牙，雞肉嫩滑，整體口感清爽卻濃香，層次分明。…Read More

同朋友慶生，又想搵間靚燒肉又俾到驚喜，結果搵到呢間天后新燒肉店，見佢地拎話咁多獎應該有信心保證，就試下呢個18品櫻套餐，又食到高級燒肉又有驚喜做到，甜品仲可以事先請店舖留定名，到時俾驚喜對方！🌟精選前菜三品 紅酒蕎頭、准山沙律及蕃茄仔清新開胃，喚醒你味蕾🌟和牛他他牛肉香氣濃郁，搭配鮮甜醬料混合而成🌟A5櫻花牛 前腿肉肉質結實有嚼勁，油花細緻，口感豐富🌟A5櫻花牛三角腩油脂豐富，入口滑嫩，燒完後更覺濃郁🌟A5櫻花牛內後腿肉瘦肉比例高，口感彈嫩，肉香清新🌟磯煮鮑魚：鮮嫩Q彈，醬汁濃郁。個人更欣賞個蘿蔔，係浸左個磯燒醬汁，亦保留到蘿蔔嘅鮮甜🌟A5櫻花牛肩口肉油花均勻，嚼勁適中，軟嫩多汁🌟A5櫻花牛肩里肌柔嫩彈性兼具，油脂細滑，肉汁飽滿🌟A5櫻花牛和尚頭佔全牛身體1.2%，係稀有部位！油花豐富，入口嫩滑，肉香濃厚餘韻悠長🌟A5櫻花牛牛柳三文治牛柳細嫩多汁，麵包香脆，搭配蜜糖芥末醬汁，層次豐富🌟軟殼龍蝦天婦羅外酥內嫩，龍蝦夠鮮🌟大蜆清湯：湯清味鮮，蜆肉肥美，暖胃舒心🌟A5櫻花牛西冷伴海膽魚子醬西冷油脂非常豐富，好嫩，海膽及魚子醬增加唔少鮮味，口感奢華🌟白飯魚天婦羅冷蕎麥麵白飯魚酥脆，蕎麥麵爽滑，湯汁清香…Read More

大埔這呢間無限時任食火鍋性價比超高，唔使二百元就能享用豐富食材。平日晚上需稍等入座，但價錢實在划算。這次選了椰子雞湯底，湯清甜帶淡椰香，雞肉與湯底分開上，雞肉滑嫩份量足，店家還提供漏斗計時，增添趣味。火鍋配料自助任取，種類繁多，包括肥牛、牛肩胛、手切牛肉，以及新鮮虎蝦、蜆肉、生蠔和海螺等，全部爽口彈牙。特別推薦鵝腸，長而鮮甜，搭配椰子雞湯底，鮮味更突出！此外，還有即炒菜式任食，豉椒炒蜆鑊氣十足，極受歡迎，需快手搶食。甜品和水果亦無限供應，可惜吃到飽撐，無力再試。以這價錢享受如此豐富選擇，真是超值！…Read More

裝修以日式bar枱設計，雖然內裡地方唔算大，但裝修幾有日本風情feel，坐得都幾舒服🌟時令海鮮七品盛合 $398🌟呢個串揚拼盤盛合簡直係打卡及必叫之選，仲有幾樣醬汁俾你點，當中個人覺得以明太子豚肉及葡萄豚肉串最為出色，選用嘅都係日本國產豚肉，肉質鮮嫩多汁，炸得外皮香脆，明太子嘅咸香同豚肉互相平衡得好好。其他例如磯煮鮑魚、安康魚肝及鰻魚都幾出色，香脆內軟🌟三色刺身盛（三文魚、帆立貝、深海池魚）$138🌟三文魚厚切，肉質鮮甜；帆立貝大粒夠鮮；深海池魚肉質細緻，油脂豐富🌟紫蘇雞胸肉及芥末醬雞胸肉（德島雞使用）$48各款🌟兩者嘅日本雞肉都係炸出嚟，外脆唔油膩🌟沖繩阿古豬柳（日本國產豚肉使用）$78🌟炸嘅豬柳鎖得實個肉汁，唔錯嘅選擇🌟日本海膽配炸紫菜 $198🌟日本海膽食落係夠甘甜及順滑，海水味較少，配埋炸紫菜令成個口感更加平衡🌟七味魚翅 $88 及 蒜頭木魚漬 $48🌟送酒一流嘅餐前小食，食住邊飲酒邊吹水一流…Read More

平日夜晚去試都要等一陣先有位，重點係二百有找嘅價錢真係好抵。今次食嘅係椰子雞煲湯底，雞同煲係分開上，椰子雞試左個湯都幾清甜，係淡淡然嘅椰子香味。等到滾左之前就可以放雞入去，店家仲俾埋個漏斗俾你計時！雞都算大舊，同埋都幾滑身。所有火鍋配料包括肉類及海鮮類都係係出面任拎，而且種類仲好多。牛肉有肥牛、牛肩胛、手砌牛，海鮮有虎蝦、蜆肉、生蠔及海螺等，全部都夠新鮮，爽口彈牙。個人重點推薦要食鵝腸，鵝腸又長又鮮，食落勁鮮甜，配埋椰子雞呢個湯底真係鮮味爆燈！另外佢地都有d即炒嘅餸任食，最推薦佢地個豉椒炒蜆，炒得有鑊氣，好快俾人夾晒，要留意住呀！佢地仲有甜品及水果都係任食，但已經飽到食唔落，呢個價錢食到咁多野真係抵到一個點，有機會嚟荃灣不妨試下！…Read More

唔係朋友介紹，都唔知尖沙咀有呢間任食雞煲火鍋，有$230 $260 $388套餐，仲要免加一，真係幾誇張，所以要試下佢啦雞煲正常發揮，嚟到等佢滾熱就食得，醬汁好香濃，都算ok滑。之後店員仲推薦我地like 社交平台就有海鮮送，海鮮仲會用個計時器計住等唔會蒸得太老，幾細心。海鮮包括有生蠔、海蝦、鮑魚、扇貝、蟶子，每樣都幾新鮮，食得出個鮮甜味。肉類有幾款揀，有頂級牛肉、牛肩胛、澳洲m5和牛、牛白肉及豚肉。個人推薦主攻澳洲m5和牛，脂肪紋理靚，肉質細嫩，入口易化又多汁，非常高質！而且仲有丸類及蔬菜類等食材任夾，野飲任拎，呢個價錢真心抵。店內面積唔算好大，有d似私房菜feel，重點係唔限時又唔加一，真係值得試！推薦！…Read More

🌟Dinner set $388🌟是日餐湯係南瓜湯，南瓜味濃，唔會太過稀；佢地嘅自家製百里香蒜蓉牛油餐包都幾好食，好食在個包夠鬆軟，個皮都好香脆；凱撒沙律配以脆煙肉粒、沙律菜及芝士粉等，好開胃烤雞配阿根廷青醬烤雞都非常大份，雖然佢唔係可能大家諗嘅一隻或半隻烤雞，因為佢係雞扒，但都煮得好滑溜，雞皮幾香脆，仲食到有d雞油，加埋青醬食更有層次230g 美國平鐵牛扒叫左5成熟，肉質夠粉嫩，食落都重牛香味，脂肪分佈平均，係啖啖肉感及油潤口感。另外佢地嘅薯條都夠厚身最後老闆仲提我地可以係lift口位置拎雪糕食，款色好多。同老闆傾左幾句，好nice，老闆堅持想食物保持質素又大份，仲表示會繼續改良菜式，feel到都好有誠意，推介俾大家試下呀！…Read More