hungry_winga的個人專頁

喺太子嘅小店「COSY」食咗一餐越南風味嘅fusion餐，真係有啲驚喜！呢間餐廳以簡約溫馨為主，食物就像佢嘅名一樣，令人感到舒服又滿足。首先試咗雞翼拼盤，分別有牛油、香茅同孜然味，各兩件。牛油味雞翼帶有濃郁嘅奶香，入口滑嫩，係最易接受嘅味道；香茅味就充滿越南特色，香氣撲鼻，好清新；至於孜然味就比較重口味，帶有少少辛辣，非常惹味。三款雞翼各有特色，配搭埋啤酒或者龍眼冰，完美嘅小食選擇。之後上枱嘅係上等手切牛柳湯粉，湯底清甜，完全冇MSG嗰種人工味，牛柳片薄切但口感嫩滑，仲可以感受到啲牛肉嘅鮮味。配埋米粉，順滑又彈牙，係一碗簡單但絕對令人滿足嘅湯粉。另一道必試嘅係蕉葉五味燒雞肉撈檬，燒雞肉係用香蕉葉包住燒，燜得入味，雞肉外皮有少少焦香，內裡仍然保留嫩滑嘅口感。撈檬嘅酸甜汁調得非常平衡，清爽開胃，食完唔會覺得膩。飲品方面，就試咗越南滴漏咖啡同龍眼冰。滴漏咖啡嘅香氣十足，奶味濃郁，甜度啱啱好，係一杯非常適合慢慢享受嘅咖啡。而龍眼冰就係炎熱天氣嘅救星，龍眼味清甜，冰涼消暑，簡單但非常解渴。整體嚟講，「COSY」呢間小店真係名副其實，無論係味道、擺盤定係餐廳氣氛都令人感到舒適又滿足。如果你鐘意越南菜，又想喺繁忙嘅都市中搵間地方chill下，「COSY」一定係唔錯嘅選擇！評分：9 / 10…查看更多

早排👧🏻同個好耐無見既friend諗住搵間靚靚地既餐廳食餐好野chill下，就搵到今日要介紹既呢間餐廳，餐廳環境好舒服，食物選擇多又吸引，唔講咁多即刻介紹食左啲咩先🤣加左$38轉套餐有兩款湯可以揀，分別係精選餐湯同龍蝦濃湯，👧🏻就中意精選個款蔬菜湯，味道清爽開胃friend就覺得龍蝦湯鮮味濃郁，套餐仲有沙律同餐包，餐包有淡淡既乾果香味好特別👍🏻西班牙火腿芝士蘑菇薄餅啖啖都食到配料，上枱個陣香氣撲鼻，西班牙火腿既鹹香同香濃既芝士蘑菇好夾，薄餅係有厚度個款，唔會焗到好乾烤阿根廷21日熟成西冷牛扒配墨西哥青醬好厚身同有肉味，5成熟煎到表皮香脆但入面既肉質仍然保持易切淋身👧🏻同friend都俾個青醬驚喜到，估唔到會咁夾牛肉😋推介大家一定要試下個鮮果雪葩，👧🏻揀左椰子味，份量同朋友share食都好足夠，上枱既造型係用個椰子裝住已經好靚好吸睛，再加倒埋乾冰個下非常打卡able，唔好以為得個樣呀，味道都係好好食，香濃既椰子味入面仲食到少少果肉質感，呢個甜品👧🏻同friend都勁中意😍飲品就揀左Virgin Mojito同Baicolate，Virgin Mojito主要係薄荷葉、青檸加埋氣泡水，非常清新；Baicolate就係Bailey’s、朱古力加埋Cream，酒味唔會好突出，三樣材料勁夾👍🏻評分：8.5 / 10…查看更多

作為一個香港人，應該會間唔中想食下牛腩粉麵呢啲香港美食，而👦🏻當然唔例外，要瓹窿瓹罅搵更加好食嘅餐廳俾大家叫左牛三寶河、崩沙腩河、香辣脆脆雞翼牛三寶河有牛筋、牛腩、牛脷，特別鐘意食佢嘅牛脷，勁厚肉又嫩滑，牛筋同牛腩都一樣好食崩沙腩河係驚喜嘅，崩沙腩嘅牛肉香氣比牛腩更濃更軟腍，湯底都好好飲🙈最後鐘意食香口野嘅朋友仔一定要嗌香辣脆脆雞翼，剪左一半嘅雞翼炸到脆卜卜再加上少少辣粉，好好食🤤評分：8 / 10…查看更多

前排👧🏻去完東京番黎對日本食物仲念念不忘，👦🏻就介紹左今次間餐廳等👧🏻一解鄉愁。今次叫左4款小食，分別係酒盜炒山藥、蕃茄三杯酢、吞拿魚鱈魚餅同埋魷魚明太子卷日：酒盜炒山藥 - 酒盜帶有一種鹹香既味道，原來係一種鹽同內臟混合的醃漬，加埋爽口清新既山藥中和，係一個幾新穎既配搭。蕃茄三杯酢 - 原個大蕃茄加埋酸酸地既醬汁，食落爽甜開胃。吞拿魚鱈魚餅 - 新鮮既魚蓉加埋脆卜卜既餅乾，一啖食到雙重口感，層次分明同豐富。魷魚明太子卷 - 呢個係👧🏻最中意既小食，爽口既魷魚包住微辣既明太子同埋清新既紫蘇葉，又係一個未食過新奇既味道！串燒都係叫左4款，分別係雞肉丸、朝鮮醬雞翼、雞大動脈同燒白鱔：雞肉丸 - 鮮嫩既雞肉入面仲有少少雞軟骨，口感豐富配上特製燒汁，味道好夾。朝鮮醬雞翼 - 連皮燒雞翼外脆內軟，朝鮮醬甜辣惹味，味道好特別。雞大動脈 - 第一次食呢個部位，個口感都幾特別，完全唔會有任何騷味。燒白鱔 - 表皮燒到焦香，肉質彈牙厚實，油香十足加埋香甜既燒汁，非常惹味。最後仲嗌左個三文魚鵝肝卷，👧🏻第一次食到無腥味既鵝肝，同三文魚既味道亦都非常夾，一啖咬落入口即融，味道鮮甜美味😋評分：8.5 / 10…查看更多

花膠雞湯米真係好好食，一人一煲，有湯有肉有麵，份量岩岩好，呢間分店仲要有埋一人邊爐，黎緊秋冬係時候邊邊佢🤤招牌嘅癡花膠雞濃湯米線必叫、仲有金磚豆腐！另外仲叫左椰子雞米線轉薯粉同埋蜜糖雞翼 🫶🏻招牌癡花膠雞濃湯米線用住個煲仔上，加埋個爐仔助熱，keep住熱辣辣，想講個濃湯米線嘅雞湯味道真係好濃厚，花膠煮到岩岩好，好食到一啖接一啖另外金磚豆腐皮脆肉軟，鐘意食脆口野嘅朋友仔一定要嗌呀🤤椰子雞湯薯粉嘅雞湯就多左陣椰汁香，同雞湯味份外夾，雞肉好爽滑😍最後蜜糖雞翼係估佢唔到咁好食，一份四隻，炸到脆卜卜嘅外皮沾上蜜糖，真係好好味呀😋評分：9 / 10…查看更多

👧🏻特別鐘意食壽喜燒，所以👦🏻捐窿捐啦咁搵唔同嘅壽喜燒餐廳俾佢食，上網見到今日要介紹嘅呢間餐廳，即刻去！入到餐廳好有日本風情，牆紙、掛畫、擺設、座位都好日式，好有feel🇯🇵揀左人氣🈵🈵二人餐 ，包左365日全穀飼·黑安格斯小排150g、澳洲M9+全血和牛100g、野菜盤一份、日本雞蛋兩隻、吉列千層豬一份同埋果酒300ml，另外仲叫多左一份日本A5黑毛和牛100g試下😍套餐包括嘅365日全穀飼黑安格斯小排150g和澳洲M9+全血和牛100g，每一口都充滿牛肉香氣，柔嫩多汁比較之下，M9全血和牛肉香更濃郁。配上新鮮嘅野菜盤和日本雞蛋，令整體風味更加豐富。特別值得一提嘅係，加點嘅一份日本A5黑毛和牛100g，油花分佈完美，入口即化，絕對係牛肉愛好者嘅極致享受。特別推薦！吉列千層豬嘅酥脆外皮同嫩滑豬肉形成左美妙嘅對比，👦🏻👧🏻一致俾💯，成個用餐搭配埋柚子果酒，真係為成餐增添左日本風味同樂趣。評分：9 / 10…查看更多

近年好似興起左一種食物叫做花膠雞湯米，一人一煲，份量岩岩好，👦🏻係呢樣食物嘅fans，梗係要同咁多位朋友仔分享下好食嘅餐廳啦，今次介紹呢間餐廳位於太子，人氣都好高，去到都等左陣位必叫嘅一定係招牌癡花膠雞濃湯米線、金磚豆腐，呢兩樣人氣食物一定要嗌！另外仲叫左姬松茸竹笙花膠雞米線同埋黑松露醬薯條😍招牌癡花膠雞濃湯米線用煲仔上，加埋個爐助熱，雞味真係好濃厚，花膠又夠淋，好食金磚豆腐外脆內軟，一定要嗌呀🤤姬松茸竹笙花膠雞薯粉嘅雞湯就多左陣菇香，竹笙又係勁好食，好爽滑😍最後黑松露醬薯條係幼薯條，點埋黑松露醬係正嘅（有個隱藏食法，👦🏻沾左少少黑松露醬撈薯粉加雞湯一齊食，好好食😳）評分：9 / 10…查看更多

今次👧🏻又去到觀塘工廈捐窿捐罅搵野食啦，夏天咁熱有咩吸引得過大大杯消暑既沙冰呀😙今次呢間日式餐廳有便當同串燒，串燒都幾多選擇今次揀左燒翠玉瓜同燒雞皮，唔會燒到乾身，調味適中，唔會過鹹主食就試左秘製日式燒汁豚肉炒麵同日式咖喱吉列豬扒便當主食會配埋沙律同味增湯好抵食炒麵加左好多沙律醬好正；吉列豬扒炸得好脆，個脆皮唔會好厚，咬落去都仲係啖啖肉😋餐飲可以加錢升級做特飲，百香果檸檬梳打同菠蘿沙冰既份量都好大杯，飲落好爽好清新😝評分：7.5 / 10…查看更多

介紹下近期食過好好食嘅一間壽喜燒餐廳，呢間餐廳係尖沙咀，岩岩做緊一週年優惠，食特上或者極上套餐，就可以有88折。最後揀左特上•薩摩牛壽喜燒套餐，提供嘅係4%奇跡A5薩摩牛西冷/肉眼切片 70g及 霜降A5薩摩牛切片110g，都是係日本入口，油花勁靚！確保每一塊都達到完美嘅油花分佈同嫩滑口感。🎈前菜嘅設計都好精巧，明太子和牛卷入面包住水果，甜鹹中和左，亦都開左胃口；豆腐嘅細膩同菇嘅口咬又形成一個對比，最後鹹香十足嘅北寄貝沙律則帶黎清新嘅海味。配菜方面，京蔥、大白菜等蔬菜不但吸曬壽喜燒汁而提味，仲平衡左和牛嘅油膩。食到最後仲有柚子雪芭做甜品，酸酸甜甜，好完美🥰另外仲加左特飲「星紫流砂」同「夕燒け」係視覺同味覺上都俾人驚喜。前者嘅石榴、乳酸同蝶豆花茶混合出獨特嘅層次，勁好打卡😍；而後者嘅橙、蜜桃、百香果同四季春茶則帶黎清新同甜美嘅口感。評分：9 / 10…查看更多

//又黎到👧🏻最中意既餃子篇啦，今次介紹既呢間餐廳除左鹹既餃子仲有甜架，真係好有創意😲鹹既餃子👦🏻👧🏻都揀左8隻雙併，足足試左4款味道🤩湯餃就揀左鮮蝦帶子餃併大蔥牛肉餃，鮮蝦帶子餃嘅鮮味勁出眾，各有各出色，大蔥牛肉餃個蔥味好突出，牛肉味都幾濃；煎餃就揀左韭菜豬肉餃併黑松露豬肉餃，煎餃咬落脆卜卜，韮菜豬肉餃正常發揮，韮菜味濃郁，黑松露豬肉餃係👧🏻既心水推介，黑松露既香味同清甜既粟米好夾驚餃子唔夠食既朋友仔都可以加個胡麻醬拌麵，仲可以揀唔同麵，扁麵痴到勁多胡麻醬😋另外，食到辣既朋友仔一定要試埋個自家製辣菜圃，👧🏻唔算好食得辣但都食唔停口呀😆講完鹹既就講下甜先，煎紅豆麻糬餃食落有啲似豆沙窩餅，用餃子皮包住紅豆食落無咁甜，加埋煙韌既麻糬幾有咬口另外，仲有自家製既洛神花茶，酸甜適中，啱晒夏天消暑呀😊…查看更多

夏天熱辣辣，除左食雪糕消暑，最啱就係買杯手搖架啦，唔知各位朋友仔中唔中意係杯野飲入面加配料呢？👧🏻就好中意啦，特別係果凍個啲滑捋捋質地既，今次要介紹一間出面好少見用果凍做主題既茶飲店，啲果凍有好多種，有啲仲係好罕見既：黑芝麻凍、豆漿凍同杏仁凍今次👧🏻就試左熟成紅茶豆漿凍，熟成紅茶味道香純、甘香，豆漿凍豆味濃郁，兩樣一齊飲都好夾😋另外👦🏻就叫左個楊枝甘露椰奶沙冰，唔好諗住沙冰底就會比較淡唔夠味，呢杯楊枝甘露椰奶沙冰好真材實料，一杯有齊晒香甜既芒果、微酸既西柚再加上香滑既椰奶🤤聽店員講手搖啲材料係由台灣直接送黎香港架，難怪咁好飲啦😚評分：8 / 10…查看更多

今次想講一間成日經過都見到嘅拉麵店，佢位於油麻地同旺角中間，約左朋友係油麻地站行過去，一入到去彷彿去左日本咁，店內裝修充滿日式風情，燈籠同壁畫令人彷彿置身於日本街頭。🇯🇵我地叫左個二人餐，包括濃厚蝦湯拉麵、柚子鹽湯蜆肉拉麵、溏心蛋同日式炸餃子。😎濃厚蝦湯拉麵嘅湯底濃郁，蝦味十足，見到海量嘅櫻花蝦、配上彈牙的麵條，鮮味好出眾。😍柚子鹽湯蜆肉拉麵就好清新同爽口，柚子嘅香氣同蜆肉嘅鮮味結合得好好，中和左叉燒嘅肥膩。😋溏心蛋的蛋黃流心，鹹香適中，係拉麵嘅最佳柏檔。😳日式炸餃子外皮香脆，內餡多汁，每一口都充滿驚喜。🤤整體來說，呢間拉麵店係一個鬧市中嘅加油站，食飽又可以繼續行街啦💪🏻評分：7.5 / 10…查看更多

三文治係一樣好有趣嘅食物，因為甜食又得、鹹食又得，好似咩配料都可以放係兩片麵包之間然後成為一個個神奇嘅味道，唔知大家又鐘唔鐘意食三文治？呢間三文治真係每次都有驚喜，叫左遊日懶人鐵板三文治、咕嚕咕嚕脆雞三文治、脆脆芝士蝦球、脆炸魷魚圈、西瓜檸檬特飲🤤首先講吓兩款三文治先，勁厚，亦都好足料遊日懶人鐵板三文治入面有吉列和牛漢堡、照燒北海道帆立貝、熔岩芝士、脆生菜、他他醬、香蒜檸檬蛋黃醬，一啖咬曬有唔同嘅質感同味道，彷彿有日本料理嘅感覺咕嚕咕嚕脆雞三文治就有咕嚕脆雞、燒菠蘿、烤蕃茄、熔岩芝士、脆生菜、他他醬、特製奇妙醬，👦🏻比較鐘意呢個三文治，酸甜嘅脆雞配上生菜、菠蘿、蕃茄，真係好夾，真係可以自己一個人食晒；小食方面都好有特色，黎一場與別不同嘅三文治約會啦🥰評分：8 / 10…查看更多

番工攰到隻屐咁，有時真係想簡單咁食到一份溫暖又好食嘅食物就夠，或者今日要介紹嘅餐廳幫到大家，呢間外賣店位於中環街市嘅食街，鐘意拎番公司、屋企食又得，企/坐係中環街市食又得😋👦🏻叫左二人餐，揀左和牛羅宋湯、甜粟雞肉豆乳濃湯、牛肉野菌咖哩飯、番茄菠菜芝士雞肉卷、油揚豆腐薑汁豚肉燒、蜜桃紅茶，二人餐黎講無論價錢定份量都好足夠，而且賣相都好正，好日式簡約風☺️味道方面都好好食，啲湯好濃厚、羅宋湯嘅牛肉塊都俾得唔少豆乳湯呢，鐘意飲粟米濃湯嘅朋友仔一定會好鐘意牛肉咖哩飯係日式咖哩味，撈飯一流；兩個主食都好食；最後嘅蜜桃紅茶一定要試，微甜嘅味道再加蜜桃香，好好飲🤤評分：7 / 10…查看更多

終於開放台灣自由行啦🥺但係一定有好多朋友仔仲未咁快有計劃去旅行，咁就岩啦，今日介紹一間炸雞排店俾大家可以一解相思之苦😋叫左脆皮無骨雞排、甜薯地瓜條、脆皮百頁豆腐，呢間店好有趣嘅係每樣食物都可以混搭味道，最多兩種口味，所以每次都可以試到唔同嘅組合🤪脆皮無骨雞排用上250g醃製過嘅雞胸肉，出到黎真係好厚好大塊，而且外皮炸得好酥脆，好有台灣夜市會食到嘅感覺，海苔x芝士味嘅雞排好正😍地瓜條同百頁豆腐都係台灣直送地瓜條就揀左梅子味，梅子粉同蕃薯真係最夾嘅組合，蕃薯條每條都好厚，食到停唔到而百頁豆腐就揀左椒鹽x辣味，辣得黎好惹味，👦🏻鐘意食百頁豆腐🤤每次經過都想幫襯，但成日都見到好多人咁點算？其實可以打電話預先落單，咁行到咁上下再過去就最方便啦🙃…查看更多